&&__ زوجك_زوجتك...... والرقم السري __&&

لاتخافين آنا مو زعلانة بس قاعدة أبين لكم وجهة نظري لآأكثر :dd::dd::dd::dd::dd:

منال الكويت

حياك الله عيوني

هلا حبيبتي عاشقة الجوري

اذا انا آمنته على حياتي و مستقبلي ،، شلون ما آمن له على فلوسي !!

و ماعتقد ينزل لمستوى انه ياخذ بدون اذن ،، و خصوصاً لو عطيته الرقم او تركت البطاقه عندي ..

رجل قايم ببيته و هو اللي فاتحه ابخل عليه بمعاش او مصروف ..

اهم شي الثقه ،، بس على فكره مو بكل الحالات يكون الغلط على البنت ..

بس البنت اكثر وحده تكون عارفه زوجها ومنها تقدر تحكم اذ تأمن عليه او لا

في نوع من الرجال ما يستحون ياخذون فلوس حريمهم وبعين قويه ..

اذكر لكم سالفة صارت ،، مع انها اسرار عملاء وما لازم تنذكر :dd:

بس مثل ما قلتي ان احنا نناقش ونتعض ..

في قسم الـ visa كل يوم تجي محاولات الزبائن للسحب والتفاصيل ،، لو في شي مشبوه عشان يتم التصرف ..

من احدى الحسابات ،، ان حساب visa تقريباً نقول المبلغ اللي فيه ما يذكر ..

واللي يحاول يسحب قاعد يحط مبالغ كبيره ،، و عملية المحاولة تكررت وايد ..

تم الأتصال بصاحبة البطاقة و التأكد منها ان البطاقه مو مسروقه ..

صوتها كان حزين و تقول زوجي اخذ مني البطاقه بالغصب ،، اقول له مافيها فلوس

يقول لي كذابه !!!!

تخيلتوا لأي درجه ؟؟

أكيد ائتمنه بس افضل ان الرقم السري يكون سري وماحد يعرفه غيري وحتى رقمه السري ما اريد اعرفه ماحد يعرف بكرة شو بيصير

RoOoOmy_M:
موضوع رائع ويستحق النقاش مشرفتنا الحلوة

انا موظفة وزوجي يعرف الرقم السري لبطاقتي ويعرف كل شي عن راتبي وكم عندي وكم يعطوني اهلي وغيره ... وانا نفس الشي لان فيه ثقة متبادلة بينا .. احيانا ما اقدر اطلع اقول له اسحب لي من البطاقة مبلغ معين وهو لو انا فلست ( وهذا اللي دائما يصير ) بطاقته تكون عندي ويوم اروح السوق واصرف منها

اذا الوحدة واثقة من زوجها وحياتهم مع بعض مبنية على التفاهم والثقة والتعاون اكيد هالشي عندها عادي ... وفي نفس الوقت ما انصح وحدة علاقتها بزوجها مهزوزة وعندهم مشاكل كثيرة وفيه مشاكل في التعامل المادي بينهم ومين اللي يصرف ومين اللي يجيب اغراض البيت ... انصحها انها تحتفظ برقمها السري وحسابها البنكي لنفسها

لان احيانا تصير مشاكل ويستغل طيبة زوجته او ضعفها ويسرقها .. طبعا تسمى سرقة اذا بياخذ شقاها وتعبها وهو مو مريحها مثل القصة اللي قالت عنها بنت قمر

الحمدلله تربينا في بيت تحكمه الثقة بين الام والاب وانتقل هالشي لنا والله لايغير علينا

كلام كله منطقيه وعقل

واإلي متربي في بيت تحكمه الثقه بيعيش في بيت تحكمه الثقه

أنا للحين مب متزوجه لــــــــكن الوالد يعرف الرقم السري ... وأخوي ... وحتى ربيعتي (أكثر من أختي) ولاني خايفه منهم ولا شي

بالعكس الحمدلله أنا تربيت على إني لما بعطي ثقتي أعطيها للي يستاهلها وماأظن أهلي بيزوجوني شخص مب واثقين فيه ... وماعندي مانع إنه ريلي تكون بطاقتي عنده ويعرف الرقم السري

إذا الواحد بيقعد يشك بكل شي حوله بتصير حياته جحيم ... وأنا مابعيش مع إنسان أشك فيه

:)

السهر

:think:غريب

بصراحة أنا قبل لا اتزوج الكل خوفني من ها الموضوع

بس بصراحة اشوف ها الموضوع يعتمد على الزوج

شفت حالات قريبة ومن الاهل الزوج اكل حلال الزوجة كله وبالاخير رماها هي وعيالها عشان زوجة ثانية

بس الحمد لله رب العالمين والله لا يغير زوجي علي

بطاقتي دوم بدرج التسريحة وما عمره مد ايده عليها مع انه يعرف الرقم السري وانا سامحتله يسحب لو تورط او احتاج وهو ما عنده

والواحد الي يخاف ربه مستحيل يمد ايده على فلوس زوجته من غير رضاها

Marshmallows


شمس ابوظبي


السهر


شمبوعه


malaak


حياكم الله