عيادة عروس لطب الأسنان ..

السلام عليكم ورحمة الله وبركاته

أختي الغالية بنوتة اماراتية

أشكرك على إهتمامك بالرد على أسئلة الأخوات

وأنا سعدت جداً بهذا الموضوع

جزاك الله كل خير وبارك الله فيك وربي يكتب لك التوفيق في كل حياتك

لك مني أحلى تحية

عليكم السلام و رحمة الله و بركاته
:smile:

تسلمين اختي الينا ..

هذا واجبي الغالية ...

و لا شكر على واجب ..

:flower:

الله يوفقج اختي بنوته اماراتيه وعساج عالقوه ..

آآآآآآآآآمـــــــــــيــــن
الله يسمع منج اختي عيون الحر
<<<< وايد متحمسة تراني ههههه :dd:

السلام عليكم ورحمة الله وبركاته

جزاك الله خير اختي وبارك الله فيك

تحيتي لك

السلام عليكم
يا هلا و مرحبا فيج اختي و الله يوفقج في مجال عملج و ان شاءالله نلقى الفائدة منج و تستفيدين منا يالغالية

اختي انا عندي استفسار بخصوص جراحة تجميل الفك
المشكلة اللي عندي اعتقد بسيطة و هي ان الفك العلوي شوي بارز يعني اللثة تبان و ابي اصحح هالعيب بعملية جراحية ما ابي تقويم لان اسناني اوكيه ب اللثة
هل هالنوع من الجراحات متوافر عندنا بالخليج؟؟؟و هل هي عمليات ناجحة؟؟؟و مالها اضرار جانبية على المدى البعيد؟؟؟

أشكرج اختي لونا على مرورج
شرفتي عيادتي المتواضعه :shy:

عليكم السلام و رحمة الله و بركاته
يا هلا اختي وردة ربيع .. أمين الغاليه الله يسمع منج ..
بالنسبة لسؤالج
بروز الفك العلوي .. كل ما كان العمر اصغر كل ما كانت الفرصه لتصليح هالبروز أكبر .. بس انا انصحج تزورين طبيب مختص في تقويم الأسنان .. و هوه راح يقرر العلاج الأنسب .. لنه المشكله يمكن ما تكون في الفك نفسه يمكن في الأسنان .. صح انتي تشوفينهم سيده .. بس يمكن على برع و انتي مو ملاحظه هالشي .. لها السبب الطبيب لازم يفحص أول شي بعينه و بعد ياخذ أشعه و لو طلعت المشكله من الفك مب الأسنان .. جربي العلاج الأسهل .. لو الطبيب قرر انه التقويم احسن .. ليش لا !!.. و هوه بنفسه لو شاف الحاله تلزم جراحه .. بيخبرج ..
بالنسبة للجراحات في الخليج .. هيه نعم متوفره .. أما النجاح .. اكيد كل حاله تختلف عن الثانية مافي نسبة محدده لين الحين ..و أصلا هالعمليات ما تعتبر خطيره مجرد عمليات تجميلية .. لا مالها اضرار على المدى البعيد إن شاء الله
و طمنيني عليج حبوبه أول بأول و أي استفسار ثاني من عيوني :smile:

مشكوورة اختي ما قصرتي والله و ان شاءالله اول ما ازور الطبيب بخبرج:up:

انا حامل وضرسي يبا له خلع فهل بيخدروني لو رحت؟؟؟

مرحبا اختي العزيزة .. بنوتة اماراتيه

سؤالي لج

سمعت عن البيكنج صودا لتبييض الاسنان ؟ فهل هذا صحيح

علما اني جربته مرة وسبب لي التهاب باللثة عندي وجفاف بالفم؟؟!! وطريقتي اني وضعت القليل منه مع المعجون وغسلت اسناني فيه ..

اذا طريقتي خطأ يا ريت تخبريني بالطريقة الصحيحة؟؟

ولج جزيل الشكر واتمنى لك كل التووووووفيق

مرحبا اختي الجميلة78
هيه الغالية .. بيعطيج مخدر قبل الخلع و ما منه اي مشكله ان شاء الله .. إطمني :)

هلا اختي الحياة الوردية
الغالية لا تعيدين هالتجربة مره ثانية .. خصوصا انها سببت الجفاف و التهاب اللثة ..هالطريقة ما تنفع بالعكس احتمال كبير تسبب مشاكل ثانيه ..
انا افضل عملية تبييض الأسنان في عيادة الأسنان بجهاز التبييض .. لأنها تعطي أفضل و أسرع و أأمن النتائج بإذن الله ..
أما لو بتسأليني عن المعاجين المبيضة .. هاذي شركات تجارية فيها نوع من الخدعه .. الناس يشترون بس تكون درجة التبييض خفيفه و ثابته .. الشخص يلاحظها بعد اسبوعين تقريبا .. لكن ما تكون الدرجه المطلوبة و الي بيحصلها من التبييض في العياده .. و لو استخدم هالمعجون على فترات طويلة نفس الشي .. جربي و شوفي الفرق :) و خبرينا عن النتيجة

مشكورة يالغالية على الرد

الف شكر لج الغالية على ردج

وهل تنصحيني بتبييض اسناني بالعيادة افضل؟؟

وممكن تعطيني بعض المعلومات عن التبييض بالعيادة اذا ممكن؟
يعني احتاج ابيضهم مرة ثانية او شوو؟
ما له تاثيرات سلبية على الاسنان واللثة ؟
ولما بسوي لازم اشياء معينة اتبعها والا شو؟

كثرت بالاسئلة عارفة .. والله يعطيج العافية ويحقق امانيج يا رب

مرحبتين اختي الحياة الوردية .. افا عليج سألي قد ما تبين و لا تستحين :)
هيه الغالية انا انصحج تسوين تبييض في العيادة .. عشان اطمنج .. انا عن نفسي بسوي تبييض ان شاء الله قبل عرسي ..عملية التبييض وايد سهله .. بس قبلها لازم تسوين عملية تنظيف عشان الطبيب يشيل الجير و الترسبات الموجوده على الأسنان .. عشان تحصلين على اكبر قدر من الفائده من عملية التبييض .. يعني كل الي تحتاجين تقوليله .. دكتور اريد اسوي تبييض لأسناني .. و هوه بيتكفل بكل شي .. الجلسه تاخذ اقل عن ساعه ..
و بعد اختي لو انتي بطبيعتج اسنانج حساسة في احتمال عملية التبييض تزيد هالشي .. لانه جزئ بسيط من سطح الأسنان بيذوب خلال هالعملية .. لكن ها شي مؤقت مش دايم .. يعني ما منه ضرر بيخوز بسرعه خلال ايام .. و لو انتي حاليا تعانين من اسنان حساسة .. استخدمي معجون سنسوداين .. و لو اسنانج مش حساس ما بتكون هناك اي مشكله بإذن الله ..
و هالتبييض لو انتي مب من النوع الي يشرب قهوه و كولا او عصائر ملونه بكثره.. بيستمر لمدة سنه تقريبا ..
على فكره عملية التبييض وايد حلوه و امنه .. شوفي المذيعين في القنوات الأجنبية و الممثلين كلهم يسوون تبييض للأسنان .. بس للأسف نحن في الدول العربية ما عندنا وعي و اهتمام في هالأشياء .. ربي يقدرني و اغير هالشي فينا .. تحياتي الغالية و خبريني يوم بتسوين :)

مشكووووووووورة يا عمري على الاجابة الوافية والكافية

وان شاء الله بخبرج يوم بسوي

يعطيج الف عافية ويحقق امانيج

دعواتكم

د.بنوتة..جزاك الله خيرا على خدماتك
انا بصيت في المراية على اسناني وحسيت ان فيه كام ضرس بدأوا يسوسو..بصراحة خفت اوي ..عايزة اعرف هل ممكن انظف التسوس ده..وهل ممكن يسبب لي اي مشاكل كبيرة في اسناني..ارجوكي طمنيني احسن بدأت اقلق اوي

غاليتي paradise2
لا داعي للقلق
المشكله بسيطه .. جميع الناس معرضون لتسوس الأسنان .. الكبار و الصغار .. و أنا و أنتي منهم
و لكن الفرق في السرعه في علاج المشكله حتى لا يزداد حجم التسوس أو يمتد لأسنان أخرى .. و الحمدلله في انواع حشوات كثيره و متنوعه و مختصه و الأسماء المعروفه بين الناس .. حشوة الرصاص و الحشوه البيضاء .. لكل منها استخدامه و يعتمد على عوامل كثيره .. منها موقع السن في الفم ( هل هوه من الأسنان الأمامية او الخلفية ) و موقع التسوس على السن نفسه و التكلفه .. و اطمني الحشوه البيضاء لها درجات بياض مختلفه .. فالطبيب سيختار الدرجه المناسبة للون اسنانك الطبيعي ..
نصيحتي لكي اختي :
((هل ممكن انظف التسوس ده )) : بالطبع نعم
1. زيارة طبيب الأسنان ( لعمل الحشوات ) ارجوكي لا تتجاهلي هذه النقطة ..
2. بعد الحشوات استخدمي الفرشاة و المعجون ثلاث مرات في اليوم ( بعد الإفطار و بعد الغداء و بعد العشاء ) في حالة عدم القدره على تفريش الأسنان وقت الغداء لوجودك في العمل او خارج البيت ( علكة اكسترا ) تكون البديل
3. استخدمي غسول الفم ( انصح بسنسوداين ) مره او مرتين في اليوم
4.التنظيف بالخيط قبل النوم
وهل ممكن يسبب لي اي مشاكل كبيرة في اسناني ؟
في حالة إهمال الحشوه .. و في حالة عدم الإلتزام الصحيح في تنظيف الأسنان .. قد يزداد حجم التسوس .. و في حالات متأخره قد يصل التسوس الى العصب.. في هذا الحاله سيكون العلاج مختلف و مؤلم نوع ما ..
فلتجنب هذا المضاعفات .. المحافظه على الأسنان سليمة و عدم اهمال الزيارات الدوريه للتنظيف .. و الحشوات ان وجد التسوس .. سيجنب كل هذا المشاكل .. و إلا شو رأيك اختي :smile:
:up:
لا تقلقي فالحل سهل ان شاء الله .. طمنيني عليج :)