عيادة عروس لطب الأسنان ..

ربنا يبارك فيكي اختي..والله طمنتيني اصل انا قلوقة شوية وان شاء الله بكرة هاعمل زيارة لدكتورة الاسنان..جزاك الله خيرا

مرحــبا

ممكن تشرحيلي شوهي الجيوب وهل تتعالج بالليزر؟؟

أختي بنوته إماراتيه

أنا من كم من يوم قمت استعمل الخيط

بس لثتي ورمة بسبته ما أعرف ليش وتمت اتعورني ؟؟؟:qaq: شو السبب بنظرج؟؟؟

سؤال ثاني...

أختي اتقوول إن استعمال الخيط يسوي فراع من بين كل ضرس ؟؟؟ هل هذا صحيح ... وإلا غير صحيح ...؟؟


وأتمنى ما أكووون ثقلت عليج بأسإلتي....

تسلمين عزيزتي بنوته أقصد الدكتورة

بصراحة استفدت كثير من اجاباتك

بس عندي سؤال وهو عن التركيبات الثابته كيف تتم ؟

مرحبتين اختي
Bent aLBaDoW
الله يسلمج الجيوب اسمها بالإنجليزي pockets
و هي نوع من أمراض اللثة .. ممكن تحصل على كل الأسنان .. أو على سن واحد .. على حسب المسبب لها
في الفم من الطبيعي جدا لدى كل الناس وجود بكتريا و هيه بكتريا غير مؤذية متعايشه معانا .. بس الي يصير انه هاذي البكتريا مع الأكل الي ناكله و اللعاب .. هالثلاث عوامل ..يكونون مادة شفافه او بيضا .. اسمها بلاك .. لين هنيه كل شي طبيعي و هالعملية في فم كل الناس .. الحين طبعا لازم ايي وقت تفريش الأسنان بالفرشاة و المعجون و الخيط .. عشان يزيلون هالطبقة ( البلاك ).. لكن بعض الناس ما ينظفون اسنانهم عدل من كل الجوانب و الأسطح ( لفترات طويله طبعا تقريبا اسابيع و شهور ) شو بيصير ؟ طبقة البلاك هاذي لو اتم بتسبب التهاب اللثة و اسهل اعراضه خروج دم من اللثة عند تفريش الأسنان او الخيط ( مب شرط يكون هناك الم وقت النزيف )
و شي ثانيه البلاك بيسويه .. انه بيتيبس في مكانه و بيتحول إلى ( جير ) و طبعا الجير ما ينشال بالفرشاة و المعجون .. لازم تنظيف عند طبيب الأسنان .. بعدين بيصير انحسار للثلة عن موقعها الأصلي الي موقع أقل أو بتكون في نفس المستوى لكن في مسافه بسيطه بين اللثه و سطه السن ( من الجهه الداخلية غير مرئية ) هاذي المسافه بيزيد عمقها و سموها جيب او pocket
و من الأسباب الثانية( تعتبر عوامل ثانويه في الأساس مش اسباب رئيسية ) : التدخين .. بعض الأدويه .. بعض الأمرا .. مثل السكر .. التوتر ..تغيرات الهرمونات
أما السؤال الثاني الغاليه هيه نعم الليزر يستخدم في علاج هاذي المشكله و التقنية اسمها (PDL therapy)
واسمحيلي الغاليه يا ريت كنت عند حسن ظنج و جاوبت على اللإستفسار .. و لو عندج سؤال ثاني تفضلي :)

هلا والله فراشة دبي
وينها اختج خليها تي تقرا وياج
:cry:
لا لا لا لا لا الخيط ابدا ما يباعد بين الأسنان .. المسافات بين الاسنان شي طبيعي .. بس عقب الخيط تخوز طبقة البلاك الي لونها ابيض مثل لون السن تقريبا و وايد ناس ما يلاحظونها و يطلع حجم المسافه الطبيعي .. الحين الواحد بيدا يفكر و يقول هالخيط سوا فراغات ..
السؤال الثانيه حبوبه الخيط ما يضر .. إلا لو انتي ما استخدمتيه صح .. و جرحتي اللثة ..الحين تعرفين شو الحل .. صبري يومين لا تسوين خيط في الأماكن الي ورمت و تعورج .. اتفقنا ؟ عشان ترد مثل قبل و تبرا .. و بعد يومين ردي استخدمي الخيط .. ان شاء الله بحاول أنزل صور بالطريقة الصحيحة للتنظيف بالخيط مع الشرح .. و تابعيني
:up:

غاليتي سما المحبة
هلا فيج حبوبه أشكرج على المتابعة و الحمدلله انه في ناس استفادت من كلامي و الله اني فرحت بهالشي :shy:
و الحين خليني اجاوب عن سؤالج بحاول اختصر عشان ما تملي هههه
((عندي سؤال وهو عن التركيبات الثابته كيف تتم ؟ ))
التركيبات الثابتة نوعين :
1. التاج ( crown )
2. الجسر ( Bridge)
بالنسبة للتاج عملية جدا سهله .. و الفكره هيه .. أنه الطبيب يصغر حجم السن و بعدين يستبدل الجزء المفقود بجزء صناعي و يكون نسخه من السن الأصلي .. و الفرق بين التاج و الجسر .. التاج لسن واحد فقط .. أما الجسر في حالة وجود سن مفقود .. يقوم الطبيب بتصغير السن الذي قبله و بعده ( قبل و بعد فراغ السن المفقود ) و بعدين يركب الجسر .. و براويج الحين الصور
طبعا الطبيب يلصق الجزء الصناعي بأسمنت دائم و قوي ..و هذا لا يعني عدم امكانية استبداله في حالة الكسر ..
لو تحبين شرح مفصل عن الطريقة من اول ما يدخل المريض لين يطلع أنا حاضرة .. بس بصراحه بيدوخ راسج .. ههههه :dd:

اسمحيلي اختي سما المحبة الصور مش راضية تنزل ماعرف ليش :eek2::down:

انا متابعتج الغالية واستفدت كثير والله من تجاوبك مع البنات

وبانتظار طريقة استعمال الخيط ... لاني كنت بسال عنه هههههه

الف شكر لك .. يعطيك الف عافية .. ويووووووووووفقج دووووووووم

اي دولة مشهورة بطب الاسنان
للعلاج وليس الدراسة؟؟

غاليتي انا ابي اسوي تقويم بس 000 عندي مشكله000 وهي اني لمن اخلع ضرس انسى الدنيا كله من كثر الالم

واخدمضادات حيويه للمدة شهر وفمي ماقدر افتحه000 واخد ابرفي العظل ومسكنات000 واجلس فتره000وانا الحين باقي

لي ضرسين واخلعه000 متخوفه جدااااااا وهل الي عنده اعوج في الفك يسوي تقويم0000

الحياة الوردية
مشكورة حبيبتي على المتابعة :shy::smile: يسعدني تواصلك الغالية ..
و ان شاء الله قريب بنزل التنظيف بالخيط ... و العفو اختي انا افرح يوم اوصل لكم معلومات و لو تكون بسيطه من الأشياء الي درستها و تعلمتها و افرح أكثر إني أطمنكم .. لني بصراحه قبل ما ادرس طب .. كنت اخاف وايد هههههههههههههههه .. و ما أبي الناس تعاني مثلي .. عاد هذا سر لا تخبرون حد ( سر الطفولة ) :dd:
الله يحفظج حبوبه ..

_emanee
مرحبا اختي
على الرغم من انه لا وجود لإحصائية تبين أفضل دولة في العلاج .. بس أنا من تداخلي مع الأطباء عرفت أنه من أفضل الدول .. السويد و ألمانيا..

مشكورة على الرد والله يوفقج

بغيت معلومات عن الحشوات التجميلية
صديقتي حاطة في اسنانها الاماميين
بس كل بين كم شهر يطيح واترد اتسوية
اتعبت من الالم والتكلفة

حبيبتي دمعة يتيمة
:think:
الله يعينج على الألم .. تراه يختلف من شخص لأخر .. و إن شاء الله كل شي بأجره حبوبه .. كل ما تألمتي فكري في الأجر الي بتلقينه من ورا هالشي و تذركي
قال عليه الصلاة و السلام " ما يصيب المؤمن من وصب ولا نصب و لا سقم و لا حزن حتى الهم يهمه الا كفر به من سيئاته "

بس الغاليه دام بقى ضرسين تشجعي و اخلعيهم ..
و بالنسبة لإعوجاج الفك يا ريت توضحيلي أكثر .. انا بنتظر ردج

مرحبتين مره ثانية اختي emanee
بصراحه المفروض انه الحشوة الأمامية ما اطيح بسرعه .. إلا لو تركبت بطريقة خاطئة .. بس ابيج تسألني صديقتج .. هيه مركبة حشوات و إلا جسر و إلا تاج ؟ لأنه هالخيارات المتوفرة
بالنسبة للحشوه البيضاء مثل ما قلت قبل لها درجات متنوعه حسب الوان الأسنان و الي تختلف بين الناس
اسمها composit
بس أنا مستغربة كيف يطيحن كل كم شهر .. أسأليها شو مركبة و ردي عليه .. و بعد يا ليت تسألينها على أي اسنان ؟ الفك العلوي و إلا السفلي ..و بعد أي منطقة على السن نفسه .. و انا بإنتظار الرد ..

هية امسوية عشوات للضرسين الامامين من الفك العلوي
يوم طاح راحت لعيادة ثانية وقالت لهه الدكتوره الحشوة
اتطيح لان وايد شيلين من الاسنان!!

وصار واحد من اسنانهه الاماميين حساس قالت لهه الدكتورة لازم لج علاج عصب
بس الاهل ما نصحوهه

اها الحين فهمت المشكلة
انزين لو ما تقدر تتحمل حساسية السن لازم تشيل العصب .. لنه الي راح من السن سبحان الله ما يتعوض ..
خلها تتوكل على الله و تشيل العصب .. أما لو تقدر تتحمل الحساسية ما له داعي .. بس انا اعرف ناس وايدين شلو العصب .. ليش أهلها ما نصحوها !
و بعد قوليلها .. بالنسبة للحشوات الي اطيح .. خلها تطلب استشارة الطبيبة الي تتعالج عندها بخصوص تركيب التاج .. و خلها تشرحلها أكثر عنه قبل ما توافق او ترفض .. اوكي !
و طمنيني عليها ... :)

يعطيج العافية

اش هو تركيب التاج؟؟