شنو يقرب لج زوجج ؟؟

أما أنا...فزوجي يقربلي (أمه تصير بنت عم أبوي) سهلة صح؟؟

يا حليل سوالفكم وياريت اتفصلون شوي يعني احب هذي الأحاديث والمواقف
وآنا لما يرزقني بولد الحلال بخبركم من وين جا
ادعوا لي بالزوج الصالح
تحياتي
ليااال
(قلـ طيب ـب)

اما انا فقصة زواجي غريبة شوي

هو صديق اخويه ولا اعرف عنه شي من قبل لا يخطبني لكنه هو يعرفني من سنه قبل ما يتقدم لي

اول شي كلمه ربيعه اللي كان ولد جيرانا ونحن صغار وقال له ليش ما تخطب فلانه وزوجي وقتها ما كان يفكر في الزواج خير شر فقال ما افكر بعدني
وبعدها بفتره يت امه وقالت له يا فلان ترى فلانه اخت ربيعك وايد زينه ليش ما تاخذها وقال لها نفس الكلام
وبعدين حصل ان عنده ربيع ثاني اكبر منه اتفق معاه انهم يتزوجون في نفس الوقت خلاص واتفقوا ان واحد منهم ياخذني والثاني ياخذ وحده ثانيه تصير بعد اخت ربيع لهم
ومن باب الاحترام على قولة زوجي يقول انا كان خاطري فيج انتي بس قلت لانه الاكبر بخليه هو يختار وفعلا ربيعه اختارني انا وتخيلوا انا ما كان عندي خبر ولا ادري ان هالانسان خطبني الا من زوجي بعدين لاني عرفت بعدين ان ربيعه لما خطبني ما صار نصيب وانا يا غافل لكم الله محد حتى ياني وسألني مدري ليش

المهم بعدها ربيعه هذا قال الظاهر مالي نصيب بها سير انته واخطبها وفعلا تحمس ريلي وعلى طول كلم اخويه وتقدم ومشت الامور بسرعه رغم اني كنت معارضه في البدايه بس الحمدلله الاستخاره ما كانت بتضيعني

انا بعد زوجي ما يقرب لي أي شي
هو من منطقة وانا من منطقه ثانية..
بحكم ان امي وابوي كانوا اثنينهم وحيدين اهاليهم...تصدقون....
يعني انا ما عندي اخوال ولا اعمام أبد
بس ام زوجي كانت تعرف امي من زمن كانت تدرس اختي الكبيرة
وهي اللي خطبتني لولدها مع انهم يسكنوون بمكان يبعد عن منطقتنا بحوالي ساعه بالسيارة
بس النصيب جاء كذه..
والحمد لله توافقنا مع بعض والله يكتب لنا السعادة
قولو آآآآآآآآآآآآآمين.......

انا يقربلي ولد عمت ابويه:sad:

انا مايقرب لي زوجي ابدا

بس احمـــــــــــــــد ربي انه نصيبي


وخطبتنا كانت جدا عاديه

كلموا اهله وجوني شافوني


وبعدها جا اهو شافني واعجبته

والحمدلله اموووووووت فيه ويموت فيني

فديت قلبه

الله يخليه لي ويجمعنا بأقرب وقت

ويرده لي بالسلااااااامه

وعقبال اللي ماتزوجوا الله يعجل بنصيبهم ياكريم:shy:

مشكورة وايد عالموضوع الحلو،،
اما انا مالكة من فترة،،،
قبل مايخطبني او يصير بينا اي شي،،
كانوا كل اهل فريجنا اقولون اني انا لولد عمي وهو لي،،
وعن جد هو كان يحبني من يوم كنت صغيرونة وماكنت ادري باي شي حتى لما كبرت،،
كنت عادي وياه،، بعدين لما خطبني،، الحمدلله وافقت عليه لان اخلاقه وايد حلوة وحبوب،،
واعترفلي بكل شي،، واستانست عليه،،
سوالف بعد الرياييل،،
والحمدلله عرسنا جريب انشالله اذا حابين تحضرون حياكم:shy:
دعواتكم لنا بالسعادة والذرية الصالحة انشالله

أنا يقربلية .........
ولد خالية.......

زوجي مايقرب لي شئ بس أهله وأهلي أصدقاء واااااايد وأخته كانت ويايي أيام الدراسه وخواته الباجيات كانوا ربع خواتي... ومره في عرس أختي شافتني أمه واخطبتني له .... والحمدلله كل شئ تم ع خير والله يديم المحبه بينا ويخليلنا ولدنا قولوا آآآمين .....

انا زوجي يسير ولد عمي وكان ساكن معانا بنفس البيت ويوم من الايام جاءت امي وقالتلي فلان<<الي هو ولد عمي
يبغاكي وهاذاك اليوم كان فلم هندي من اوله لاخره لاني ماكنت مستوعبه الموضوع
انه معاي مثل اخوي وفجاه يصير يكون زوجي معا اني ماكنت مصغوطه كان لي حريه الموفقه
والحمد الله تزوجنا والان لي4 سنوات من احلى سنوت عمري والحمد الله

مشكوره حبيبتي على الموضوع الحلووو

انا وزوجي ما نقرب حق بعض بس زملاء عمل وكان بينا اعجاب وبس بعدين طلبني

انا متزوجة من ست شهور و زوجي مو من اهلي من عايلة ثانية
و عايلة زوجي دايما ياخذون من بعض و الكل مستغرب ليش خذاني و مصر عليي
ومنقهرين ليش ما خذا من بناتهم لوووول
الحمدلله تزوجت بعد ما كنت بفقد الامل بالزواج مع ان عمري 23 سنة لان كل من يتقدملي ما يعجبني او مايصير نصيب

الله يرزق الجميع بالزوج الصالح و الذرية الصالحة يا رب امين

ولد عمتي.. الله يحفظنا لبعض

زوجي يصير ولد خال امي
وانا ما اعرفه ولا عمري شفته بس يوم
بغى يخطب خواته اختاروني له

مرحباااااا
اما بالنسبه لي...
يكون ولد خالتي بس تخيلوا خالتي ... بس مانشوفها كثير وماتحبنا
وماكانت راضيه فيني كزوجه لولدها وحتى بناتها معارضين وبقوه
وانا الحمدلله ماينقصني شي
لكن هم مقهورين لانه يحبني ومتعلق فيني علشان كذا رافضين
بس الحمدلله تم الزواج وكملنا نصف ديننا..
:shy: :shy: :shy:

انا للحين مالجه
بس زوجي يطلع اخو رفيجتي اياااااام الدراسة

أنا زوجي يقربلنا من بعييييييييييييد أنا لما قالولي اتلخبطت المسائل عندي
بس إلي أعرفه أن أمه إلي هي حمالتي حبيبتي كانت تينا البيت لما كنت صغيره لكثر العزايم بينا و انقطعت فترة طويييييييييييييييله سبع سنوات و سبحان الله كنت في بالها كل هذي الفترة و لما حصلت رقم تليفون بيتنا اتصلت و عزمتنا على ملكة بنتها عشان تشوفني و تخطبني رسمي