شنو يقرب لج زوجج ؟؟

مرحبا
اما عن خطيبي .. فـــ .. امه تقرب لابوي من بعيد .. مشتركين في الاجداد
كنت اشوفه يوم احنا صغار .. لان في نفس الفريج
وكبرنا ومــــــــا جا في بالي ان يكون .. زوجي (( الغالي))
فجأة وبدون مقدمات .. قرر ان ياخذني لمجرد انه كان يسمع عني .. وعن اخلاقي (( الحمدلله .. )) وعلى ما يتذكر من شكلي وانا صغيرونه:shy:

بس اخوه اللي اكبر منه .. ماخطب ولاتزوج.. وكان الكل يقوله انتظر لين يخطب اخوك العود .. احنا ندور له بنت الحلال الحين وعقب ما يملج .. يجي دورك

ومرت شهور على هالسالفه .. وجاوني ناس غرب مش من اهلنا .. وسبحان الله كنت من اصلي الاستخاره ما ارتاح .. طبعا رفضنا.. بس قبل لا اقرر اني ما ابغي هالريال .. انتشر الخبر في الفريج .. جان يحترق بو الشباب .. ويحلف .. انه لو ما تزوجني مش متزوج كلش:eek: :eek:
وفي اليوم اللي قررنا نكلم الناس عن رفضنا لهم ونقول لهم ما صار نصيب ..

اتصلت حماتي :eek: تطلب يدي لولدهم (( الغالي))(r) (r)

فتم الرفض من هنا والموافقه من هناك ..
هذي قصتي الحلوه عن خطبتي:bigsmile:

الحمد لله.. اللهم لك الحمد ولك الشكر كما يليق بجلال وجهك وعظيم سلطانك
الله لايغير علينا .. ويتمم فرحتنا على خير.. والفال حق البنات الباقي .. ياربي يسعدكم ويوفق لكم بالريال اللي يستاهلكم

تسلمين ياقلبي أنا زووجي يصير ولد عمي ملجين يوم عمري كان

15 سنه والحين يوم كملت الــ17 تزوجت وحامل يعني توني متزوجه


عروس الشووق

زوجى يداوم معاى بنفس المكان .....

وشافنى واعجب بى ...كان يبه يتعرف أونه ؟؟؟

بس أنا ماا رضيت وحاول يتحرش بى أكثر من مره ويدقلى على دوامى ...عقب صار نصيب وكلمته بعد 2 مكالمه طلب أيدى مسكين ما رام يقاوم جمالى هههههههههههههههه

هلا وغلا

موضوع حلو

انا زوجي ما يقرب لي
يعني ولـــــــــــد عمي
وبيتهم تحت بيتنا لان المنطقه فوق وتحت
بس ما كان بشوفني الا في السنه مره واذا شفته صدفه ما اسلم عليه حركــــــــــــــــــــــــات

موضوع وايد حلو
انا زوجي يصير ولد عمي قبل الزواج كان عادي ابد ما في عاقه بينا بس لما تزوجنا صرت اموت فيه

تسلمين اختي على هالموضوع الحلو

ابوي وام ريلي عيال عمومه

انا قصتي قصة ويه زوجي العزيز،، فديته ياا وخطبني عقب ما انا فصخت خطوبتي من ولد عمي بس طبعا الوالده كانت رافضه لانها كانت تباني ارد لولد عمي وانا طبعا ما كنت راضيه واما ابوي ويدتي كانوا موافقين بس تمين معلقين تقريبا سنتين اللين ما خلص ريلي دراسة بس الحمد الله عقب الوالده وافقت عقب ما شافت ما شايفه فايده مني :shy: وعلى قولت ريلي انتي كنتي من معجبات يوم انا كنت صغير بس انتي ما كنتي تعطيني ويه

والحمد الله ،،الله تمم لنا على خير عقب صعوبات والحين نحن مزوجين تقريبا 4 اشهر

:shy: :shy:

تسلمي على الموضوع
زوجي ابن عمتي
كانو اهله معجبين بي بدون مااعرف
رغم اننا قليله الزياره لهم بس في وقت المناسبات الكبيره
ولا اعرفه ولا شئ
ولم اشوفه الا ليلة الدخله
لانه عيب عند قبيلتنا شوف الزوج الا ليلة الدخله
بس الحين الحمدلله عسل وانا قشطه
وصار لنا سنه وشهريين
حملت مرتين واجهضت بسبب الحاله النفسيه التي اعيشه
والمشاكل التى لاحقتني من اهلي
الحمد لله على كل حال
ربكم روؤف رحيم
انا سعيده الحين لاني معاه

تسلمين أختي ماما حسون على الموضوع..
وبالنسبة لزوجي فهووو من معارفنا بس شو بالضبط يصير لي ماأعرف..

ويوم كنت في العمرة ابووه كان معانا وخطبني لولده والطرف الثاني كانت زوجة أخوي اللي هي بنت خالتي نفس الوقت...
وماشفته الا يوم الخطبة...

أختكم
~عروسة دلوعة~

ولد عمي

الله لايحرمني منه

:shy: انا زوجي كان استاذي بالمدرسة لمدة ثلاث سنين
ولما خلصت المدرسة جا وخطبني مع اني ما كنت اعرف انو يحبني
ولا انا كنت احبو لان علاماتي كانت مو عالية وياه
وكنت اكرهوا كثير ودايما اغلط عليه
بس لما عرفت انو بدو يخطبني حسيت كاني احبو من زمان وما رفضت
ولكن اهلي رفضوا بس بعدين وافقوا كانو يفكرون انو احنا كنا نحب بعض من زمان ...........................................:clap:

زوجي كان معاي بالجامعة,,

الله يحفظه لي ياااااااااارب ويديم المحبة اللي بينا,,,

ادام الله الحب و الود والوئام بين كل الازواج ورزقهم الدرية الصالحة.اااااااااااااااااامين

.:clap: :clap: :clap:

:shy:

[frame="2 80"]انا زوجي الله يحفظه ولد عمي .... يموت فيني من لما كان بالروضه <<<<< شكله كان يحب العابي
المهم ظل يحبني لحد ما كبرنا وانخطبناوتزوجنا ولليوم الحمد لله الحب ما بينا يموت فيني وانا اموت فيه والله يخلينا لبعض ويخليلنا اولادنا يا رب قولو ااااامين [/frame]

وانا زوجي ما يقرب لي ابدا

وحتى مو من نفس القبيلة

هو مدير خالتي بالعمل :)

شافني واعجب فيني

زوجي ما يقرب لي شيء...

اخواته شافوني وعجبتهم... بمناسبة عامة..
وبعدين اتضح انه فيه معرفة بيني وبين خواته..
وحدة منهم كانت تعلمني الدروس الدينية لما كنت صغيرة..
والثانية شاركت معاها في انشطة اجتماعية..

واكثر من هذا طلع انه صديق اخوي ...
فالحمدلله الامور تيسرت وانخطبنا بارتياح من الطرفين للمعرفة السابقة... :)

زوجى يقرب لي ولد عمتى والحمد لله متزوجين عن حب وتفااهم الله يخلينا لبعض ويخلى بناتي قوولو امين ويخلينا لبعض ياااااااااااااااااااااااااااااااااااااااااااااااااااااااارب"

مشكورين على ردودكم وتفاعلكم

الله يخليكم لبعض ويسعدكم ان شا الله

انا زوجي مايقرب لي
على قولته هو ولد قبايل وانا طرش بحر

انا زوجي ما يقربي لي شىء.....
هو من منطقه وانا من منطقه....
الله يخليه لي ان شاء الله