سوالف تجهيزات بنات قطر..عرايس2006

خطيبة الغالي...يحليلج والله فيج الخير ذكرتيني :)..والله انا غاطسه بالعيد وزياراته والحين بعد مع الحجاج...ولا طلعت السوق كلشششش محد معيطيني ويه ولا معبريني :( وكلن يقولي التنزيلات حتره ولا بتلاقين شىء يعجبج

انا مفكره اشتري بس الاشياء الاساسيه واخلي الباقي لشهر العسل لان بيكون فيه مجال للتسوقفي اكثر من مكان ..فمال داعي استعجل واطير المبلغ هنيه...الاسواق مب طايره :)
الا قولي لي انتي جربتي منى مالت الشعر؟ عطيني رقمها بالخاص ولا عليج امر يمكن افكر اقص شعري ! ورقم ام راتب بعد حق التسريحات

كلاسيك...طقم الروب بكم خذتيه...وينشريتي الدريماكول من وين بالضبط؟!

كلاسيك ابي اعرف بالتفصيل الممل عن (العكر الفاسي والغسول اللي للشعر وفي غسول ابيض للوجه) بكم ومن وين بالضبط وشلون تستخدمينهم وشنهي النتيجه من تجربتج الخاصة
وش اسم الخياط اللي بالعسيري؟ وكم خذ عليج..وهل موديلات جلابياتج ثقيله والا خفيفه...يبه عطينا التفاصيل قطعتي قلبي بسوالفج كلها ناقصه (وحده محتره قاعده في البيت ولا طلعت) خخخخخخخخ
يور انجل...عطيني رقم راعية المخمرية اللي تسويها هنيه؟ خاطري فيه
على فكره يابنات..ترى بعض منتجات فيكتوريا سيكرتس من عطور ولوشنات موجوده في قسم العطور في دينهامز..ومن ضمنها فيري سكسي اللي قالت عنه "يور انجل" :)

مشكورة،،،،،،يور انجل

خطيبة الغالي
لا مب لازم فيزا تقدرين تطلبين من البنك بطاقه تعبينها بالمبلغ اللي تبينه
واليديد بتعرفينه من الصفحه الرئيسيه حاطين سكسي فالانتاين ومادري شنو
اما القديم عليه سيل
وصج في رياييل مشاللللللللللله عليهم ينتبهون لكللللللللل شي ولأدق التفاصيل
عاد اذا تبين تعرفين ريلج من اي نوع جربيه شوفيه ينتبه للملابس العاديه ولالا
وسالفة قمصان النوم انا حذرتكم لان عددهم هاي تكلمت عنه وحده من الخوات وهي اللي قالت بتحتاجوووووووون
لان ماتعرفون كم مره بتلبسونه افهمما عاد خخخخخ
وحتى الظهر اذا بتنامون لازم قميص نوم
فانتوا احسبوها ويبيلكم واحد احتياط


المهاجره
استوديو احلام وذكريات تصويرهم حلو وايد
رفيجتي خذتهم لملجتها وبما انه بس ملجه خلت الصور عاديه يعني مازينوا الالبوم بس خذت التصوير والالبوم شرته بروحها
بس حركاتهم حلوووووووووه بالتصوير

ابي اودي بنتي اصورها... يعني اروح احلام وذكريات؟!!

هلا بنات

اول شي بالنسبة للديرماكول بتلاقونه في السيتي سنتر الطابق الرابع
اول ما تدشون روحوا يسار وبعدين سيده لين توصلون عند واحد سوري عنده مكياج وخواتم
بتلاقونه عنده .. اممممممممم بكم خذته ما اتذكر بصراحة يا 30 او 35


كلاسيك...طقم الروب بكم خذتيه...وينشريتي الدريماكول من وين بالضبط؟!

كلاسيك ابي اعرف بالتفصيل الممل عن (العكر الفاسي والغسول اللي للشعر وفي غسول ابيض للوجه) بكم ومن وين بالضبط وشلون تستخدمينهم وشنهي النتيجه من تجربتج الخاصة
وش اسم الخياط اللي بالعسيري؟ وكم خذ عليج..وهل موديلات جلابياتج ثقيله والا خفيفه...يبه عطينا التفاصيل قطعتي قلبي بسوالفج كلها ناقصه (وحده محتره قاعده في البيت ولا طلعت) خخخخخخخخ

طقم الروب خذته من المعرض ب 300 ريال

اممممممم شوفي العكر الفاسي تخلطينه مع ماي ورد وتحطينه على ويهج يخلي ويهج مورد طبيعي ... جنج حاطة بلشر خفيف
اذا خلطتيه مع الغاسول الابيض يصفي الويه وينشف الدهن
الغسول اللي للشعر تخلطينه مع ماي وتحطينه على شعرج وانتي تتسبحين عقب تغسلينه بالشامبو يعطيج ريحة حلوة وتحسين الشعر صار طري
كنت اوصي وحدة مغربية عليهم وكانت تجيبلي اشياء وايد من هناك
بس اللحين ما بقى عندي الا شوي والبنت مب موجودة بالمغرب

اممممم والخياط .. اسمه الجود .. اللي فصلتهم على 400 ريال بدون الخلق الخلق اخترت شانتون هندي من عنده وطلع ب 260 "" وفر علي روحة لحرير بومباي ""
وفيهم تطريز لورد من عند الرقبة لين الحاشية هاي ثقيلة شوي
والثانية في فولك على شكل ورد هاي بسيطة
(( توني الاحظ ان ثنيانتهم نفس الفكرة :) ))
بعد وشو وانا موديه له القياس اليوم شفت خياييط مغربين عجبتني حركاتهم فابشتري خلق وباوديلهم اياه


اي ومريت على الرونق وشريت لي تور واشرطه حق توزيعات الحناء بس لحد اللحين ما لقيت سلال او شغلة ما تدرون وين ممكن الاقي ؟؟

هلا بنات ............

خلاص بسوي بطاقة البنك وبطلب من فكتوريا سكرت لان عجبتني قمصان النوم بالموقع..........

والديرما كول بكره باخذه مشكوووره كلاسيك :)


بالنسبه للسلال مادري شوفي الشاهين ولا اكسبو سنتر سالي امج اكيد تعرف هالخرابيط.........بس قوليلي شنهي توزيعات الحنا ؟؟ شبتسوين

هلا كلاسيك..مشاء الله عليج شادة الحيل :) امسكو الخشب يابنات خخخخخخ ...انزين هالسوالف المغربية وين الاقيها هنيه؟

الجلابيات اللي فصلتيهم..الوحده ب 400 ؟؟ والا الثنتين؟ ...تتهنين فيهم يارب ..وانشاء الله يطلعون حلوين وكشخه عليج :) بشوف بمر عليه في يوما ما !! ان الله اراد

بنات.من تعرف وين الاقي منتجات نكتار؟؟؟ اللي تعرف تقولي بليييييييييييز


على فكره بنات.........تراني جربت مكياج "سعاد القطرية" من كمن يوم.......صراحه روووووووووووووعه ناعم وسموكي المره تهبل حبوبه وبالها طويل وبتحط لج اللي تبينه ..تستخم بودرة نيباي وكنبو ..ومن النوع اللي لو سالتيها عن اي شىء بتسولف وياج عادي وبتعلمج عن كل شىء بخصوص المكياج من واقع خبرتها يعني ...انا شخصيا وايد عجبني مكياجها راقي وناعم ومرتب وتستخدم ماركات زينه :) مب اي شى ء يعني

وانشاء الله عندي عرس يوم الاحد وبجرب مكياج صالون سما...يمدحونه...يقولون مكياج المذيعات عندهم (شيماء الحمادي) وطختها...عاد قلت اجرب وبقولكم اذا رحت اشاء الله

لحد اللحين ما قررت شاسوي بس اليوم فالليل باقعد وباسوي كذا سمبل واللي يعجبني باعتمده
اممممممممم الشاهين ممكن باروح له اشوف ...
thanks
:)


بنات محد يعرف دوحانية يطمنا عليها والله وايد احاتيها

خطيبة الغالي...توكلي على الله...انا بعد حاطه ببالي مجموعة قمصان نوم من الموقع وناوية اطلب...بس بطاقة النت خلص ولازم اشحنها مره ثانيه من البنك...على فكره..اول شىءحطي في بالج شكثر بتاخذين من الموقع وحسبي قيمتهم مع الشحن...وعقب حددي المبلغ اللي تسوين به البطاقة عشان تاخذين بطاقة على قد مشترياتج احسن واضمن لج.

وترى البطاقة تاخذلها 3 يام على ماتطلع...من تاريخ ايداع المبلغ...وسهلة الاستخدام

الف شكر على الموضوع

هلا الحلم الهادي ..

انا شادة اللحيل احين لاني ادري بعمري لي بدى الدوام باكسل كسل مب طبيعي :)

الجلابيات الوحدة ب 400
ان شاء الله يطلعون حلوين .. لاني اللحين بس اجرب اذا اوكي بافصل كل جلابياتي عنده وافتك


شوقتيني حق مكياج سعاد القطرية خاطري احجزها لخواتي والاهل
بس المشكلة انها ما تجي البيت ..

كلاسيك :) كنت باقولج الشاهين بعد......ورامز اكيد فيه ! واتوقع ارخص بوايد من الشاهين واكسبو

على فكره اهم شىء توزعين الحنا...فيه ناس يخسرون على التوزيعات ويهملون يوزعون الحنا وعاد شوفي المعازيم شلون يتحلطمون :)

روحي الشاهين وبتلاقين افكار وايد ..يعني تشكيلات ممكن تعبينها حنا

شبتلبسين احمر والا اخضر؟ لان حلو بعد التوزيعات تكون متناسقة مع اللون اللي بتختارينه...ِشرايج؟

مره وده من ربعي سوت بطاقة دعوه حق ليلة الحنه..عبارةعن صورة يد عيوز متحنيه رووووووووووعه..بطاقة بسيطة جدا وعادية وبس صورة..ومن داخل دعوه باسم ام العروس :) وايد وايد روعه حركات العيايز...لا وكم دراعتها فيه دقه بعد خخخخخخخخ بللون الذهبي

الله يتمم لج على خير :)

كلاسيك...انا سالتها اذا ابيها حق خطوبتي بتجيني البيت والا لا؟ قالت لي اذا معاي بنات بتجي :) تاكدي لان هذا اللي قالته لي بنفسها

الحلم الهادي
عجبتني الفكرة شكلي بابوقها خخخخخ

رامز رحت له وما عجبني شي بس انا رحت اللي عند تقاطع رمادا بامر اللي في طريق المطار

التوزيعات انا ماكدة على الحنا وهاي اللي باجهزهم اللحين الحلويات بخليهم عقب

اممممممممم تصدقيني لو قلت لج لين اللحين ماحاطة اي لون في بالي التور خذتهم ذهبي و اخضر وشكلي باخلي اللبس اخضر
بس لين اللحين ما لقيت لبس حناء يعجبني وما لقيت الا في حرير بومباي وحسيته وايد غالي على يوم واحد
شفت موديل في الجريدة وعجبني بس نسيت اقصة بس كان وااااااااااااااااايد حلو
وفي موديل بعد عاجبني من تصميم اديبة المحجوب احتمال اسوي لي واحد منهم اذا ما لقيت الساري اللي في بالي

لا زال البحث جاريا :)

تسلميييييييين كلاسيك عالمعلومات
وخطيبة الغالي تذكرت
سئلتيني عن القياس وما جاوبت
خذي نفس قياسج من المحلات العاديه
مثلا الحين انتي دايما تلبسين سمول؟خلاص طلبي سمول وجذي
وانصحج اول مره تجربين
خذي مثلا طقم اندر وير وقميص نوم واحد
والباقي مكياج مثلا عشان اذا القياس ماضبط ماتتوهقين وتكونين عارفه المره الجايه شتطلبين


وبنوتات عندي افكار لتوزيعات الحنا
بدل ماتخسرون اشتروا الحنا الاكياس واعجنوه
وبعدين وزعوه بملال بلاستيك او شي جذي وغلفوه بالتور الاخضر ولفوه بشريطه خضرا وورده خضرا صغيره بتلقون هالسوالف في الرونق ورخيصه
منها يكون شي تراثي وحلو ومنها توفرون

كلاسيك :) احس الاخضر احلى من الاحمر...اختيار موفق :)

دلوعه..حلوووووووووووه افكارج :)

مشكوره دلوعه وباسوي نصيحتج..........


انا بالنسبه لي ناويه اسوي احمر لان كل بنات العيله سووا اخضر وخاطري اغير..........بشوف اذا لقيت فالامارات جلابيه باخذ

تسلمين خطيبة الغالي ع الرقم =)

ومشكوووره كلاسيك ع المعلومات .. عاد مادري متى بروح لان توني رايحه الستي وماكنت ادري عن المعرض .. ان شاء الله الحق عليه =)

انا عندي لكم افكااااااار حق الجلابياااات طبقوووها ترى تطلع رووعه
روحوا حرير بومباي او المحل الي يمه دنهيل ... اشتروا ساااااري بس سوه جلابيه
بعطيكم مثااااال ....

مثلا هالصوره سااااري بس انتوا تخيلوهم مشبوووكين ( القميص والتنوره ) يعني على شكل جلابيه والكم طووووويل
او تسووونه جلابية الفرااااااشه ..... وتخلونه يسوووي لكم جزء من القطعه ربطه حق الرقبه ... اتمنى المعلومه اوصلت ....
شفتهم على بنت خالتي يهبلووووون ورحت سويت لي 2 بشووف شلوون بيطلعون علي لاني دبدووبه شوي هههههههههههه ....

جبت لكم اصور عشاان تاخذون افكااار والواااااان ...






تخيلووهم جلابيات ابذمتكم مب روووعه

شخباركم ينااااااات وايد سوالف فاتتني الكمبيوتر كان مخترب وماقدرت ادخل
اشوف وايد اشيه صارت من وراااااااااااااي
بس الحمدلله عاد لكم النشاط

دوحااااانيه وينج مكانج مبين وطمنينا عليج
خطيبة الغالي الموضوع اللي انتي حاطته كنت ابي احطه بس ملقيته كنت ناسيه شسمه (صج القلوب عند بعضها)
دلوعه سألت عن العافيه ولايهمج كلشي وم اخذ رايج انتي واختج والبنات