سوالف تجهيزات بنات قطر..عرايس2006

عهود نصيحتي لج منى ماشالله فنااااااااااااااااااااااااااااانه وايد فالقص معاملتها حلوه وحبوبه وقصاتها على الكيف لاتطول ولاتقصر وتصبغ وتسوي حمام زيت ويدها مبروكه تسمي على شعرج قبل لاتقص يحليلها برسلج رقمها على الخاص الحين :)

كريشما شوي شوي حبيبتي فيه وقت ونص ......... شوفي روحي ماسيس واحجزي على حسب ميزانيتج ......... والبطاقات بعد فيه وقت بس اي وقت تفضين كتبي اسامي المعازيم لان هالشي بياخذ وقت منج فاكتبيهم من الحين عشان ماتتعب نفسيتج عقب كل شوي تتذكرين احد .........

كلاسيك ماشالله عليج وانا اقول وينها البنت تراج مطيحه فالستي.............عيل انا ولاشي ولاشطلعت وقايله بروح افصل ولارحت افصل فستان الخطوبه الحجاج ماشالله ماخذين وقتي >> عاد اني راعية واجب :)

شكثر خذتي تقريبا اطقم داخليه يعني كم يكفي تقريبا ؟؟

مرحبا مره ثانيه خطيبه الغالي موضوع مفيد للعرايس الجدد والقدام مثلي....هههههه


المهم حبيبتي بغيت رقم منى ماعليج امر

من عيوني القطوه الحين ارسله دقيقتين وشيكي الخاص

خطيبة الغالي

شدسوي فديتج ما باقي شي وارجع الدوام فقلت اقضي اموري بهل كمن يوم

الاطقم بصراحة يمكن حول ال 15 - 20 طقم فخم
وفي اشياء عادية بانتي ماخذتهم ال 5 ب 99 من نعومي
وbra عاديين يعني مب ماركات بس حلوين وعمليين :)
وعندج هلbra اللي من ماركس اللي يجونج بعلب خذتلي تقريبا 5

حلو والله زين تسوين صح لين بدا الدوام بتوهقين........... :clap: .......... انا بعد ناويه اخذ 20 تقريبا ...... زين وقمصان النوم ؟؟

امممممممم شوفي انا حاطة مبلغ لهم بحيث اني ما اعدي المبلغ
اوغير ان اختي تجيب لي وياها من برع فما احاتي هل السالفة

كم احط تقريبا :eek2: سندرتج ادري سؤال ورا سؤال

خطيبة الغالي
رجعت ومعاي الاخبار امممم مو اخبار بس بقولكم على شي


اول شي بقولج بالنسبه لقمصان النوم اخذي اقل من العدد اللي تبينه ليش؟
لانج بتسافرين شهر العسل وبتلقين اشيا احلى من الموجوده هني صح؟ ويمكن يصادف وقت السيل دام عرسج بالصيف
فخلي جزء من المبلغ المحدد لقمصان النوم عشان تشترينهم من برا مو احلى؟


وانا اليوم استلمت طلبيتي من فيكتوريا سيكرت كل شي خذته عجبني والحين بطلب مره ثانيه
بس في شغله لاتاخذون اكبر من قياسكم انا خذت اكبر من قياسي وطلع صج كبير
عبالي بيطلع لي مثل العارضات اطلب لارج ويطلع جنه السمول مالنا خخخخخخ

واي مساعده تبونها انا حاضره



وووووووو كلاسيييييييييييييييك
وين لقيتي الديرما كووووووووووووووول
بااااااااجر بركض اشتريه وصيت عليه من برا وبعد مالقوه بولا مكان ينيت وانا ادوره
بليييييييييز ردي علي ابيييه
اي صج وبكم خذتيه عشان مايقصون علي

خطيبة الغالي

انا اقصد ليلة العرس وباتم حوالي 3 ليالي او ثنتين
بليز يعني قوليلي شنو احط من طقطق لين سلامو عليكو خخخ
ميغسي

هلا بنات ..

خطيبة الغالي فديتج بغيت رقم منى .. ماعليج امر

اي ومابي اخرعج بس لازم الحين تروحين المصمم لان رفيجتي عندهم عرس بشهر 3 ومحد رضى يخيط لهم بالغصب لقو مصصمين بس .. فضي عمرج هاليومين وروحي ..

انزين بنات وشو هاي الديرماكول ؟؟ شنو هو وشيسوي ؟؟

روح قطر الديرما كول اساس فظييييييييييع وبسام فتوح يستخدمه
وهو رخيص وايد في سوريا ولبنان بس هني ينصبون علينا
يعني لو تجيبينه من سوريا او لبنان عادي تحصلينه ب 20 ريال
اما في الامارات وصل 170 تخيلي


ام شيوخ
افا عليج انا اللي بقولج شبتحتاجين بس نطري علي بفكر بكل شي وعقب بعطيج كل التفاصيل

ام شيوخ
نيجي للموووووهيم
طبعا بكتب اللي يجي ببالي وخطيبة الغالي والبنات مابيقصرون
حطي لج 5 او 6 قمصان نوم
لاتقولين وايد لانج بتحتاجين
وحطي لج بيجامات حرير او ساتان ومن هالبيجامات الكشخه 3 لكل يوم وحده
ولكل يوم بدله للطلعه
واذا حابه تحطين بديات وتنانير قصيره تلبسينهم العصر او وانتوا قاعدين
غير فستان الصباحيه لاتنسينه
ولو بتسافرين على طول بدلة السفر
ومع كل بدله لاتنسين الاكسسوار والمكياج المناسب والجوتي والشنطه
ويبيلج عبايتين كشخه وحده ديزاينها ثقيل وايد حق الصباحيه والثانيه كشخه بس انعم للطلعه
والاطقم او الساعات اللي بتلبسينهم مع كل بدله
وطبعا مع قمصان النوم تحطين لج نعل كشخه من اللي في نعومي او فيكتوريا سيكرت
وعطورج ودهن العود والبخور والمبخر وفحم وولاعة الفحم
شامبو وبلسم وسشوار وادوات العنايه الشخصيه مزيل عرق لوشنات وكريمات ومخمريه للشعر
فوط +ارواب + صابون
جرج حق الجواااااااال اهم شي لاتنسينه
مزيل للمناكير (اسيتون)
مزيل للمكياج
كريم مرطب
مزيل مكياج العيون
قطن
مناديل ازالة المكياج
سجادة صلاه
لبس الصلاة
واكسسوارات الشعر
مشط
شباصات (مشابيص) ماعرف شتسمونهم
هذا تقريبا كل شي جى على بالي واهم شي يا بنات



تصلون ركعتين السنه وتدعون دعاء الزواج اسئلوا عنه

وااو شكله اوكي الفاونديشن .. انزين بنات لين عرفتو وين نلقاه ف المعرض قولو لي ابي اجربه بليز ..

تسلمين دلوعه فديتج =)

شخبااااااااااركم بناااااااات ....
بذكركم بشي اذا في وحده منكم تلبس عدسات او نظاره تاخذهم معاها ...
تخيلوا في صباحيتي نسيت عدسااااتي لاني استخدم اليوميه والي كانت فعيني يوم العرس قطيتها .... شنوووو توهقت ههههههههههههههه خليت المعرس يرووح يشتري لي عدساااات ....

وفي وحده يمدحووونها تسوووي مخمريه روووووعه شغل بيت نفس اول تدفنها بالارض .... رفيجتي من كم يووم فرررت مخي الريحه الي فـــ شعرها ...

وعندي استفسااااااااااار بعد ...
ماتعرفووووون وين يبيعوون بخاااااااااخ السيقان واليد ؟؟؟؟
يمدحووونه واااااايد ...
ياريت الي تعرف وين يبيعونه في قطر تقول لي ... او في السعوديه او في الامارااااات

روح قطر
العفو يالغلا


يور انجل
تلقينها في زهور الريف بس ماعرف وينه بقطر جنه باللاند
وتلقينه في بينيفت في فيسس في اللاند وفيه منه درجات

كلاسيك حبي وين لقيتي الديرما كول

عيزت وانا ادوره ..

مشكوووره فديتج دلوعة قطر بس كأنه وايد 5 قمصان نوم وبجامتين حق ليلتين او ثلاثه!!!!! احس انا جي
مره ثانيه مشكووووره على المساعده والله نبهتيني على اشيا صج من قلب ناسيتها خخ