$ القريـــــه العالمــــيه $

يوم الجمعة 3/3

ما قالوا اخر3

مرحبا الغاليات ومشكوورة اختي الامارات على الموضوع ولو اني يايه متـأخر بس حبيت اقول البارحة كنت سايرة القرية وكانو مغلين بس يوم تكاسرينهم ينزلولج المهم اشترييت من الكويتية عطر اسمه عطر الشيوخ وحاطينه في مندوس صغير بس ريحته تجنن والله ولين اليوم ثابته الريحه في الثياب ،،،جربو وماراح تخسروون على فكره كان 220 اعتقد وعطاني اياه ب 150 وعنده عطوور بعد حلوة

اليمنية يمدحون الشاي مالهم اسمه شاي الكبووس انا اشتريته بس بعدني ما جربته الصراحه، المغربية ما عيبني المغربيات

والحلق في اللبنانية واايد حلوة بس كبييرة وبس...

والسموووحة منكم كنت حابه اقولكم عن عطر الشيووخ

اختي اناريتا الصراحه ما سمعت وكل اللي يبيعون هناك كانو يقولون يومين وراح نسكر ومعظم القريات وخاصة الفرنسية وغيره محلاتهم مسكرة

انا كل اسبوعين مره اسيرلها وباذن الله اليوم ناوويه اسير ...

بالنسبه لمشترياتي ...ببتدي بقريه قريه :)

القريه السوريه
خذيت بجامات قطنيه لبنتي يمكن 6 وبصراحه خامه ممتازه والوحده على 20 وشي ب 15 بعد ...وخذيت هليهوبات لبنتي الوان مختلفه ..وخذت الوالده فواتيل لعيال خواتي بذرزن طبعا وكل 4 حبات ب 10 درهم بس ...وخذنا نعالين كرمتوا للبيت حق البشاكير الواحد ب 10 درهم وشكله زين بصراحه:up:


القريه اللبنانيه
خذيت من محل اكسسوارات الي اول مادشين القريه في الواجهه يكون ..خذيت شغاب مع القلب ماله وبصراحه روووعه رووووعه ولما لبسته الكل سالني عنه ...وخذيت لخواتي رادات من الحج طقم شغاب وقلب ..واختي الثانيه شغاب وقلب وطلع عليه الطقم الواحدح ب 300 درهم بس مالي انا ارخص ب 270 درهم :flower::flower:
وخذت صابوون طبيعي بعد من عندهم انا والوالده


القريه الهنديه
خذيت شال لوونه وردي غاكج مع بنفسجي مع الوان مختلفه بس يجنن يجنن وخذت كرمتو نعال مال الهنود وخذت حيول لبنتي مال الهنود بس بصوورها فيهم وبلبسها لبس هندي ذكره لها :cool2:


القريه القطريه
اول مادشون على ايديكم اليسار بنات يبيعن عطور خذيت عطر اسمه احلا زعل ب 50 درهم وريحته تجنن ..وخذيت من ام عوض القبيسي مرش مال الفراش ب 50 درهم بس للامانه ماثبت في فراشي ابدا ..وخذت من وحده مصريه بعد عطر اسمه العزيزه عندها كانت الريحه حلووه بس جابتلي واحد من المخزن ويوم استخدمته والله مافي ريحه تقولوون ماي ...


القريه اليمنيه
خذيت قشور القهوه للتنحيف وخذيت بهارات المندي عشان ريلي يحبه وخذيت عسل مقوي للرجال وخذيت عسل لتنظم الدوره والريال الي هناك هوه الي سوالي الخلطه وخذ عني 150 درهم ..

القريه السنغفوريه
خذيت كرمتوا ملابس داخليه وخذيت بجامات الوحده ب 15 درهم والله خذيت يمكن 6 وبصراحه رووعه لاني شاريه العام منهم ولا اختربوا ..وخذتيت بعد شنطه ب 25 درهم بس رووعه احط فيها ثياب بنتي اذا رايحين رحله البر عشان ماخذ شي غالي وتخترب بالبر ..وخذيت من عندهم كفرات مال الفراش :cool2:

القريه المصريه
خذيت من منتجات حراز مضوق نسائي ب 25 درهم بس استخدمته كان زين بصراحه

هذا الي اذكرررررره وطبعا فيه اشيا وايد اخذتها غير لانه كل مره اشتري شي يديد والقريه ماتنمل يا بنات :flower::flower::flower:

بنااات انا باجر رايحه اقولكم الحقوا عالقريه الباكستانيه فيها كفرااات شين ون 100درهم

هلا اختيه امووووووووووره
انا سرت البارحه وعيبني الجلابات الكشميريه مال القريه الهنديه فري سابز وانيقه وااااااااايد
وطبعا اكسسوارات القلايه اللبنانيه ووفي محل هناك عنده السلاسل الي تنحط على سير الساعه اليلد حلوييييييييييييييين واااااااااايد
والخواتم تقليد ماركات الماس بس فظه بس تقليد محكم على قولتهم جنه اصلي (*.*)

اليوم اخر يووم للقريه العالميه وناووويه اسير باذن الله ...ويا الوالده وخواتي وبنشرا لين نقوووووووووول بس ههههههههه

اختي فاطمه

انا انصحك انك تطلعيين من البيت الساعه 3 وشوي

يعني 4 انتي هناك

لانه انا امس رحت القريه

وزحمه بشكل موطبيعي

يعني يوم طلعنا الساعه 11 .. الشارع اللي رايح للقريه واقف من الزحمه

حتى الشرطه سكروا الشارع اللي يودي للقريه

يعني امس شي مو طبيعي .. ومن كثر الناس ماتعرفين تطالعيين او تشترين شي ابد

وساعه ونص يالله وصلنا القريه

الله يعينك