$ القريـــــه العالمــــيه $

ام هدى

الله يزيدتج بالحشمه والتقوى وبناتنا وبنات المسلمين

ملاحظه كريمه تدل على حسن الادب والتربيه........في زمن قل فيه الادب والحياء

هلا والله
القريه اللبنانيه فيها الدلاقااات الوحش اللي فيها اصابع مالت الريول وفيها ماكينه الرسم عالاضافر وايد حلوه اول

القريه المغربيه فيها الليف والصابون والعكه امغربيه والجلابيات شريت جلابيات من واحد ايبيعهن كت ومطرزات ومفتوحات من الصوبين حق البيت حلوااات وقطنهم روعه روعه ب 90وفيها شاي اخضر لذيد بنات دوامي اتخبلن عليه

القريه اليمنيه اتقولكم الواده هههه تشارركنا الموضوع يعني يبيع زعتر بري واااايد حلو وفيه خلطه للجسم اسمها خلطة العرايس وايد حلوه فيها حناوزعفران انصكم فيها عجيبه

القريه السعوديه ففيها عطور ودخون

القريه البحرينيه فها دخون عجيب اسمه زهور الربيع

وكل يوم اروح اللي تبا شي تااامر بس والله

انشاءلله اكون عطيتكم معلومات ولو شوي

اختتكم بالله ام عذوبه

هلا والله
القريه اللبنانيه فيها الدلاقااات الوحش اللي فيها اصابع مالت الريول وفيها ماكينه الرسم عالاضافر وايد حلوه اول

القريه المغربيه فيها الليف والصابون والعكه امغربيه والجلابيات شريت جلابيات من واحد ايبيعهن كت ومطرزات ومفتوحات من الصوبين حق البيت حلوااات وقطنهم روعه روعه ب 90وفيها شاي اخضر لذيد بنات دوامي اتخبلن عليه

القريه اليمنيه اتقولكم الواده هههه تشارركنا الموضوع يعني يبيع زعتر بري واااايد حلو وفيه خلطه للجسم اسمها خلطة العرايس وايد حلوه فيها حناوزعفران انصكم فيها عجيبه

القريه السعوديه ففيها عطور ودخون

القريه البحرينيه فها دخون عجيب اسمه زهور الربيع

وكل يوم اروح اللي تبا شي تااامر بس والله

انشاءلله اكون عطيتكم معلومات ولو شوي

اختتكم بالله ام عذوبه

بسم الله الرحمن الرحيم

انا رحتها اول ما فتحت للحين تقريبا أربع مرات

واكثر زياراتي للقرى الاروبيه لانهم ما يغلون بالاسعار مثل الدول العربيه

دخلت الالمانيه وخذيتها منها نعل وجواتي طبيه مسويين عليها تخفيضات ، وعندهم ميدالايات اشكالها حلوه ، ودباديب حلوه بس ما خذيت منها بصراحه

طلعت بعدها على طول دخلت القريه السنغافوريه الي هي احلى وارخض قريه مرت علي ، خذيت منها نعل وشنط اسعارها تتفاوت بين 30 و 40 درهم ، وخذيت حق عيال اختي نعل البوت الواحد ب 30 درهم بس جلدهم ما عليه كلام ، وخذيت بعد جاكيتات مال البرد صوف حق عيال اختي حلوه ، عطاني اياها ب 25 درهم
وخذيت حق بنت اختي الصغيره لبس من الصوف ملون بالوان حلوه ، وفيه منه للكبار بس على تنوره قصيره مع قميص ب 30 درهم ، وبعد عندهم لبس صيني للاطفال وايد حلو الواحد ب 20 درهم
واخواني الاولاد كلهم خذوا جواتي رياضه حلوه من نفس المكان للصغار الواحد ب 20 درهم والكبار 40 درهم
وقبل لا اطلع عندهم كوايه ع البخار ، فيها قمع مال الويه يطلع بخار وتكوي والثياب معلقه وصناعتها يابانيه خذيتها لو كانت صناعه صينيه ما بخذها ب 100



ورحنا القريه الصينينه اختي خذت من عندهم طقم داخلي للتخسيس ، تلبسينه ويشد الجسم ويبينه اضعف بصراحه كان وايد حلو عليها
يقولون انه بالاشعه الحمراء ويضعف ، منه نوعين صيني وياباني ، اختي طلبت الياباني كان ب 200 درهم والصيني طبعا ارخص بوايد بس ما اذكر بكم
وبعدين اكتشفت انهم قصوا عليها وعطوها صيني لانه بعد شهر ونص بدا يتوسع عليها
وانا خذيت لبس صيني من عندهم

القريه السوريه اول ما تدخلون على ايدكم اليمين جلابيات روعه كان طالب فيها فوق 200 درهم بس انا خذيتها الوحده ب 110 والمحل الي بعده اسمه مايا بصراحه جلابياتهم روعه روعه بعد كاان يباها فوق 200 ردهم وانا خذيتهم بحدود 140 و 150 ، ويوم رحت لهم مره ثانيه ما رضى يعطيني بنفس السعر وقال مستحيل انه يكون بايعنها بها السعر ، لاني كنت ماخذتها في اول اسبوعين من الافتتاح

قريه ساوث افريقيا الاغاني فيها حشره وايد وما تنفهم بس عندهم اكسسوارات حلوه وبعد لبس اطفال صوف حلو وايد

قريه ايطاليا جنطهم روعه روعه بس غاليه ، طبعا بالنسبالي اسعارهم كانت 250 ، بس حلوه وعندهم نعل باشوتي مال الشباب وعندهم بدلات اطفال اعمارهم شهور غاليه بس حلوه

القريبه الفلبينه شرت منهم شامبوا الحصان وكريم حمام زيت مال الحصان

اممممممممممممم وبس حاليا ما في بالي شي

انا رحت مره وحده...مثل ما قالوا البنات بالضبط..بس ازيد اني اشتريت من القريه اللبنانيه..من عنده حرمه تبيع ماسكات وكريم اساس وصابون مثل صابون البابايا والخيار وهالسوالف ...اشتريت كريم اساس رووووووووووووعه يخلي الويه طبيعي بشكل فضيع ومن حطيته قمت احط البودره بالفرشاه...والاحلى فيه فايتمين سي ومنه درجه وحده وتناسب الكل...وسعره اوكيه...ومقشر من نفس الماركه...وماسك خيار للويه ..استخدمته مرتين واايد مفيد للبشره الدهنيه...

وسمعت انه القريه التايلنديه تحاميل تضيق المنطقه الي بالي بالكم...رحت سالت عنها قالتلي خلصت اشتراها ريال خخخخخخخخخخ :dd: بس قالت بتيب زياده ...وعلى فكره التحميله الوحده ب 15 درهم ...ووايد بنات رفيجاتي استخدموها اقولون روووعه...وانشالله بشتريها وبقولكم شو صار خخخخ

اووووووووه تذكرت...خواتي دشوا القريه الهنديه عندهم جلابيات روعه...الي هي حركة الفراشه ..الي اتيي وسيعه عند الايد...واايد حلوه وعلى ما اظن انهن ب 50 درهم....والا 100 ما اذكر بس وايد رووعه وراقيات للبيت... :up:

حسافه انا ما رحت بس بروح ان شاءالله قريب لاني بديت اجهز لعرسي ادعولي احصل اشياء حلوه....

مشكووووووووووووووووورات ع المرور ..

انا بعد يوم بسير بقولكن :)

ريم حمودي


انشاللله تروحين وتاخذيلش اشياء حلوه وانصحش تروحين يوم الاثنين يوم النساء

الاخت طربيزه اشكرش على كلامش الحلو


الله يهدي ابناء الامه الاسلاميه ويقوي ايمانهم ويعينهم على اتباع تعاليم ديننا الحنيف

يا بنات تحملو من تحاميل التضيق او اي شي

لانه ربيعتي كانت تستخدم هالسوالف وياها الاتهاب ويوم شيكت الدكتورة عليها شافت حبوب سود داخل قالتلها الدكتورة شو حاطة جان اتقولها ربيعتي حبوب تضيق لونهم سود قالتها الدكتورة هذا رصاص ززين ما سوالج شي داخل

انا موووووووووووول ما اهتم لهل سوالف .. ومستحيل افكر اشتري منهم ..

ومشكوره ع النصيحه :)

وجان اشوف الموضوع وقلت بشارك فيه ^_^<<احلفي انتي بس

اممممممممممممم سرت القرية كم من مرة .. وبطبعي ما احب اتشرى وامل من الحواطة

مرات اشرب كرك وبس :D

المهم ما بطول عليكن قصة حياتي

أنصح كل وحدة بخلطة قشر البن في القرية اليمنية

قشر البن طروه البنات في المنتدى .. لكن هالخلطة جاهزة ومخلوطة بس تحطينها بماي مفور

من أول مرة بتحسين بالفرق وفعلا ضعفت لي منطقة البطن ووايدين لاحظو هالشي

وبعد اممممممم

في القرية اللبنانية بتحصلن خواتم تقليد لديزاينات الألماس حلوة واسعارها بـ 150 .. 200 وشي

في القرية الإيرانية خذيت لي شاي الزعفران وايد حلو .. وأكياس الورد بالزعفران مثل أكياس ليبتون

أَضيفها مع الشاي والحليب تعطي نكهة روعة وكل من شرب سألني عن نكهة الشاي بالحليب الاسبشل :cool:

ومن الكينية خذيت لي لعبتين قطنيات خالات مسويات عقوص :D لأني أحب اللون الشوكليت

وفي الهندية حصلت مفرش للسرير عنابي طقم كامل حتى مع غطا الكلينكس وايد حلو بـ 280 .. مع انه ادري قاص علي

بشكل عام البضاعة مكررة ومملة لكن من تدورين بتحصلين أشياء غريبة ويديدة


الله يوفقكن ^_^

أنا رحت القرية العالمية مرتين في المرة الأولى أشتريت من القرية القطرية أكسسوار تقليد مثل المجوهرات اللي تيي على شكل أحجار وسرت محل في القرية اليونانية فاين فير اللي في عجمان وأشتريت لولدي ملابس روووعة
بعد سرت القرية الإيرانية شووووه أكسسوارات رووووعة عبارة عن أحجار كريمة في فضة تبي فيروز وتبين كهرمان وكل الأحجار الكريمة اللي يحطونها في المجوهرات
وفي المرة الثانية رحت القرية التايلدنية واشتريت أكسسوارات وااااايد حلوة وسرت القرية الفلسطينية واشتريت زعتر واااايد حلو

ماشالله عليكن يا بنات

في تفاعل في الموضوع

يا خساره لغوا يوم الاثنين اللي كان خاص للنساء وخلوه للعائلات

لا يفوتكم اخر اسبوع

كل شي نص سعره خخخ

البدل بالقريه الكويته اللي كانت ب 400 ب 170 الحين

شكلي تحمست للقرية مرة ثانية بس بغيت اعرف على كم صاروا يبيعو نالمغريبات في القرية المغربية لان خاطري في وحدة ومادري هل الاسعار تنزل وايد عندهم في اخر اسبوع.. اللي عندها فكرة ياليت تخبرني ...

ان شاءالله انروح يوم الخميس وانشوف

الغاليييييييييات متى اخر يوم للقريه العالميه ..؟؟؟؟..