تجهيزي لفرحي ....مفيد لكل عروسة مصرية

مساء الخير على الجميع
ملاحظه ان محدش رد عليا مع انى اعتقد انه مش سؤال صعب للدرجه دى ياريت حد يعبرنى يا ناااااااااااااااااااس

ما تزعليش يا nonaelsh3nona اكيد البنات هيردوا عليكى ....... بس ممكن يكونوا مشغولين ..... لا تقلقى :yes:

داليا

ليه ماردتيش علي سوالي عن اماكن الاقي فيها شوز زي اللي عرضت صورتها

انا زعلانة منك

لا يا حبيبتى رديت

راجعى كدة هتلاقينى رديت عليكى :yes:

يومك سعيد يا جميلة

نونا


اولا الف مبروك وانشاء الله يبقى اجمل يوم فى حياتك وزى مبتتمنى بالظبط

تسلمي لي يارب ياقمر


ل الاسف مش بفهم في انواع الصيني دي خالص معلش انا اسفة



ايه رايك في الطقم الكاسات البوهيمى و الكرستال

والله ولا الكاسات الكريستال

المفروض يكون هو طقم صينى واحد وطقم اكروبال بس كده واطباق للمطبخ في بنات بتشتري نص طقم صيني وفي بنات بتشتريها بالطبق وكده احسن هتلاقيهم كتير في كارفور والتوحيد والنور وجميع فروع ابو النيل وكل محلات الاداوات المنزلية


ولو عايزا تعرفي اماكن لبيع الكاسات الكرستال انا اعرف كتير عيوني ليكي ياقمر

وانا شايفا ان الاتنين كتير والله حرام

بصي يا مصراوية .. انا هتجوز بعد 4 شهور ان شاء الله

ربنا يارب يوفقك ويسهلها لك يارب


عيوني ليكي ياقمر

فعلا رايك مضبوط بجد انا برضو رايك زي حرام يتلبس يوم ويتركن بعد كده


بصي ياستي

بالنسبة لموضوع مامتك تشوف لك ده صعب جدا جدا لان الفساتين وهي معروضة غير وهي ملبوسا تمامااااااااا لازم انتي اللي تقيسي
وكمان محلات التاجير مش بيكون عندهم كتالوج كمان

بصي بالنسبة لميزانيتك دي في محلين اتنين اعرفهم

الفرحة في صلاح سالم

وسنتر حبيبة في مدينة نصر شارع الطيران وراء مجلس الحي بتاع مدينة نصر وده تاجيره اخره600 جنيه وموديلاته رقيقة وحلوة ولذيذة
وده احلي من الفرحة


بصي انا باقي لي محلين للتاجير هشوفهم ولو لقيت حاجة تناسب ميزانيتك دي حلوة هقولك عيوني ليكي
ياقمر



ثانيا .. انا ان شاء الله هعمل فرحي فقاعة او دار اونادي .. وكنت عيزة نادي كويس او قاعة او دار مستواه كويس .. مش لازم ممتاز .. وشكله شيك كدة من جوة ومن برة .. يعني انتي فهماني .. ويبأة فيه اوبن بوفيه وكل حاجة بالأسعار .. معلش لو تقدري بردو تفيديني في الموضوع دة .. وبردو هنحجز من دلوقت وهخلي ماما تتفرج عليه .. بصي احنا عملينله تقريبا ميزانية 8 آلاف بالكتير حوالي 250 فرد..


لا بصراحة ما اعرفش اي نادي او دار في الحدود دي بس ممكن تسالي عن دار البنك الاهلي واحدة اعرفها عملت فيها وبتقول كلفتها 8 الاف جنيه وكانت حلوة


وهجيب لك لينك يمكن يفيدك
ان شاء الله


ثالثا : كوافير يكون الميك اب والشعر فيه كويس .. ويجيلي البيت او يكون في منطقة كويسة.. بس عيزاه بيعمل قصة شعر وصبغة وماكياج كويس .. لأن المشكلة اني كنت دلوعة اوي ادام الناس وبعمل ماكياج تحفة .. فعيزة واحد يعملي حاجة مختلفة خالص ويطلعني فنفس الوقت حلوة .. وانتي اكيد فهماني .. وبردو عملين ميزانية 500 جنيه ..



لا ما اعرفش كوافير في الميزانية دي ما اعرفش غير اتنين وشغلهم مش مضمون سااعات ساعات

داليا

تقصدي مسيو عبده؟؟؟

رورة

عندي فكرة تانية حلوة اوي بس مكلفة شوية شوية وهقولها لك

مصراوية:
داليا

تقصدي مسيو عبده؟؟؟

يا ستى دة كان ردى

انا اسفة يا مصراوية جدا جدا جدا جدا جدا
الجهاز عطل واضطريت انزل الويندوز تانى وما ادراك ما تنزيل الويندوز .... المهم .... كانت وعكة جامدة ربنا ما يعيدها تانى
كان عيل من عيالى عيان ..... المهم يا ستى انا تحت امرك
اولا شغل مدام ريهام انا ما شفتوش بس غالبا هم الاتنين ستايل واحد ورايى انك ما تصمميش انه يعمل لك لحسن هى تزعل او هو يعملك وهو متضايق
بصى سلمى امرك لربنا وان شاء الله تطلعى زى القمر

بالنسبة للشوز .....الموديلين فعلا احلى من بعض ذوقك رائع.... بصى متهيالى مصر الجديدة ومدينة نصر مليانين ..... وعارفة متهايلى فى محلات بتفصل كمان .....جربى كدة المولات المحترمة

اتمنى اكون افدتك واى سؤال انا فى الخدمة

داليا

انا عارفه ان اسعارها رهيبه وحرام بس فيه حجات بتبدء من 200 و طالع و بتطحت في النيش بس ولا تستعمل بس فخمه جدا طيب سؤال تانى كم عدد الميلايات الى المفروض اشتريها وشكرا للرد

الملايات بصراحة مش عارفا

في بنات بتجيب 12 وفي 8

بس انا من راي 6 كفاية اوي اوي

بصى انا جبت طقم روعه ب 250 و الباقي بين 90 و 100 همه 6 ساده مع شغل سيرما و عادى و4 منقوش ايه رايك كفايه و لا اكمل

السلام عليكم ورحمة الله وبركاته
حبيبتي مصراوية
اولا احب اشكرك على اسماء المحلات اللي ادتهالي .. هخلي ماما تروح وتقولي ايه النظام وربنا يسهل ان شاء الله
ثانيا بالنسبة لدار ضيافة البنك الأهلي .. انا بردو دة كان اختياري .. بس حسة انه هيطلع اي كلام .. لو تعرفي نظامه ايه بالظبط شامل مثلا اوبن بوفيه عشاء مش هاي تي مع كل حاجة الزفة والتورتة والحاجات دي .. والاسعار بالظبط .. ولو فيه ليلتين مجانا
لو تعرفي بس تسألي صحبتك ممكن تقوليلي .. بجد تبئي خدمتيني اوي

وهجيب لك لينك يمكن يفيدك
ان شاء الله


مصراوية انا فانتظار اللينك ..

لا ما اعرفش كوافير في الميزانية دي ما اعرفش غير اتنين وشغلهم مش مضمون سااعات ساعات

بالنسبة للكوافير الاخت داليا ساعدتني شوية .. وانا عندي فكرة كويسة
انا فرأيي المفروض العروسة في ليلة فرحها تتعامل مع الكوافير اللي كانت بتتعامل معاه علاطول من اول ماكبرت وبتستريحله ومتغيروش ابدا .. هيبقو فهمين بعض اكتر وهتعرف تتعامل معاه .. دة غير انه هيبأة حافظ شكلها
وانا بصراحة فكرت فحاجة بس لسة مخدتش فيها قرار .. بصي هو الكوافير بتاعي فاهم ذوقي كويس .. بس المشكلة ان محله فمنطقة مش كويسة بالمرة .. دة غير ان ماكياجهم مبيعجبنيش لأنه ماركات عادية .. بس طريقة ماكياجهم هي اللي حلوة .. لأنه بصراحة الرجل دة بتاع حركات ومجنون اوي
بس المشكلتين دول انا لأتلهم حل ..
انا ناوية بإذن الله اجيبه عندي البيت يعملي كل حاجة .. دة بالنسبة لمشكلة المنطقة
وبالنسبة للماكياج انا ناوية اجيب معايا من الكويت ماكياج نضيف ومستورد وهجيب كل حاجة خاصة بالجسم والبشرة والبرونزات والحركات والحاجات دي وجميع الالوان .. لأني كدة كدة هحتاج حاجات جديدة بعد الجواز .. دة غير انه مبحبش احب ماكياج مطرح حد .. واكيد في الكوافيرات بيحطو مطرح بعض
فهفكر بإذن الله كويس في الموضوع دة .. وهخليه هو يحطلي الماكياج ويعملي الفورمة .. وانا هجيبله الماكياج والوان المانيكيرات وبفكر اجيب اظافر تركيب من اللي طالعة موضة .. اللي هي بيبأة متركب فيها حلق وكدة .. لأني بصراحة بمموووووووووت في الحركات..
وعلا فكرة علا كدة هو ممكن يعملي كل حاجة وحتة لو الماكياج من عنده بـــ 400 ج بالكتير اوي .. وخصوصا لأني ذبونته
ايه رأيكم في الفكرة دي


مصراوية للكلام بقية ان شاء الله لأني عيزة اخد رأيك في الهدوم للي جبتها لية وعيزاكي تساعديني .. بس هستنا الاول ردك علا كلامي

فانتظارك :(

نونا

الملايات دي كفاية جدا وكتير كمان دي وجهة نظري بس ما تجيبيش تاني بقا



رورة

هحاول ياستي اسالها لك المشكلة بس انها بقت بعيدة عني بعد ما تجوزت وما اعرفش تليفونها
بس هحاول عشان خا طرك




فكرتك حلوة اوي

مادام هو شغله حلو دي اهم حاجة مش مشكلة الخامات انتي هتشتريها خلاص
وفي البيت احسن عشان يعمل لك علي روقان

لا كده ممتاز

شطوررررة يا رورة

ولو عايزا تسالي علي اي حاجة في المكياج انا عندي خبرة علي ادي بس كويسة يعني عيوني ليكي

والركن هنا وفي عالم حواء للمكياج ممتازين الاتنين


وعيوني ليكي علي اي استفسار تاني
تامري يا جميل

مصراوية اذيك .. ان شالة تكوني بخير

بصي ياستي ..
انا جبت من جويا اللي فوسط البلد 20 قميص .. تقريبا اخر كتالوجين ليها جبتهم كلهم
بس المشكلة ان الالوان مكررة ..
وناقصني الموف والبنفسجي الغامق والاحمر والدهبيات والبنيات والفضيات..
ولما جيت الكويت جبت 6 قمصان تانيين .. بس لية بردو ناقصني الألوان اللي قلتلك عليها .. فهجيب حوالي 10 قمصان كمان الالوان اللي نقصاني وييأة كدة مجموع قمصان النوم حوالي 40 قميص منوع وملون وطويل وقصير

بالنسبة للبيجامات ..
انا عندي اتنين ساتان بكم (استقبال).. وواحدة ساتان من غير كم ..
مش عرفة بأة دول المفروض اجيب منهم كام وحدة كمان؟؟؟؟

البيجامات + الجلبيات القطن(الكات + العادي):- ولا حاجة
البيجامات الشتوي القطيفة :- ولا حاجة
الترنجات الشتوي :_ ولا حاجة
الجلبيات + العبايات الشتوي (استقبال):- ولا حاجة
الجلبيات + العبايات الصيفي (استقبال) ولا حاجة
طقم بورلس الحمام (مفيش)
الارواب الصيفي والشتوي (مفيش)
شباشب واكسسوارات قمصان النوم (مفيش)
الباديهات والبرامودات والشورتات والفساتين القصيرة (مفيش)
لبس الخروج (مفيش)
غيارات داخلية (مفيش)
القمصان الساتان والشيفون الكات والنص كم (مفيش)

دة بالنسبة للهدوم .. لو تقدري تقوليلي عدد الحاجات اللي المفروض اجيبها من كل بند عندك

بالنسبة للبرفانات
مجموعة فاراوي كاملة
مجموعة برسيف (البرفان + كريم الجسم)
مجموعة الفراولة للجسم + برفان (من البادي شوب) كاملة
برفان من إيفون بس مش فاكرة اسمه
برفان تاني كدة ماركة حلوة بس مش فاكرة اسمه
زيت باتشوللي من البادي شوب

لسة عيزة اجيب مجموعة جونسون للأطفال ..لأنها تحفة للجسم
برفان كروزر + سبراي الجسم
رول أون (أون ديوتي من إيفون) دة هجيب منه كتير اوي لأنه بصراحة تحفففففففففففة
مجموعة كلين اند كلير المنظفة للبشرة + المرطبة
مجموعة نيفيا
وهجيب بأة شوية صابون للوجه زي نيروجينا وجونسون وديتول مع شوية زيوت وكريمات للوش والشعر وشامبوهات استحمام للجسم

الماكياج (مفيش)

عيزة كمان اجيب مجموعة العناية بالأظافر ومجموعة كريمات عناية بالقدمين ومجموعة الحمام المغربي


بصي ..
قوليلي لو في حاجة ناقصة .. وانصحيني لو في حاجة حلوة لازم اجبها

وقوليلي العدد من كل حاجة عشان مجبش بس حاجات زيادة

ومعلش تعبتك معايا

هاى يا مصراوية ربنا يوفئك يا قمراية و يكون يوم فرحك اجمل يوم فى حياتك



حبيبتي كنت عايزة اسألك عن مها ادوارد


عندها فساتين سواريه حلوة ولا لأ و هيا فيين بالظبط


عشان انا اليوميين دول عماله ادور على فساتين حلوة عشان خطوبتى


بس هيا مش خطوبة كبيرة يعنى تلبيس دبل و هنسهر سهرة حلوة فى حتة جامدة


لسة بشوف المكان و الفستان و كل حاجة

و لو تعرفى مكان فى فساتين سواريه حلوة تانى غيرها بس تكون اخر موديلات على الموضة


مش عارفة ممكن اعمل اية هدعيلك من هنا للسنة اللى جاية هههههههههه


بصى يا قمراية انا رحت ليكويد اللى فى شارع الحرية جمب 69 مش كل الحاجات عجبتنى بس الاتنين اللى عجبونى لونهم مكانش مناسب هيخلينى باهتانة كدة مشكلتهم عشان مستوردين كلهم كل حاجة قطعة واحدة بس بلون واحد و رحت لاتيلة ناهلة الجيبيلى مقتنعتش اوى بية يعنى ممكن اروحلة لو اتزنقت فى الوقت و شفت عند مستيك اللى فى سيتى ستارز بس عايزة اروح فرعة اللى فى الكربة عشان بيكون فى تشكيلة سواريهات اكتر بكتير بس يوم الخميس ان شاء الله عشان بيغيروا الموديلات الى فى المحل و شفت ندى معجبنيش حاجة عندة عشان انا مش عايزة حاجة منفوشة وكدة عايزة حاجة رقيقة بس مميزة و سمعت عن واحدة اسمها مدام ناى فى المهندسين لسة عايزة اروحلها و عايزة اروح لمحل كليو اللى فى شارع النزهة و ان شاء الله يوم ما هروح المهندسين هعدى على ماى لادى عارفة حاجتة حلوة اوى اوى


و دة اللى عاندى لو تعرفى انت ماكن تانية قوليلى


يا سلام لو رديتى عليا النهاردة لو انت موجودة عشان انا كدة كدة نازلة كمان شوية اشوف حبة محلات و كدة


ربنا يوفئكم كلكم يا بنات

رورة يا قمراية بصى انا عاندى فكرة تانية غير النادى او الدار حلوة موت و شيك جدا و اسعارها اقل و متهيائلى هتعجبك لان واضح انك بتحبى الحاجات الجديدة انا ناوية اعملها ان شاء الله فى فرحى انك تأجرى فيلا و توضبى الجنينة اللى فيها عشان الاحتفال وتكونى متفقة مع مكان يكون محضرلك البوفية و تجيبى دي جى بيكون تقريبا فى الحدود اللى انت حطاها للحفلة بتاعتك و لو افتكرت اى حاجة تانية هقولك يا قمراية

السلام عليكم ورحمة الله وبركاته


ألف مبروك .. لقد سعدت بهذا الخبر


وعقبال البكارى



:clap::flower::clap:

شوق ودمعة

الله يبارك فيكي ياحبيبتي وعقبالك لو لسا بنوتة وعقبال ما تشوفي بنوتاتك لو انتي مدام

وياريت دايما تشاركينا