تجهيزي لفرحي ....مفيد لكل عروسة مصرية

Nada Zananiry

Address: 15 Tiba St.Shooting Club, Dokki, Cairo
Dokki
Tel: (02) 7488210
Fax: (02) 3358415
Contact: Mrs. Nada Zananiry
www: www.nadazananiry.com

دي كل عناوين المحلات اللي بتبيع فساتين افراح جاهزة
في مصر

وعلي فكرة غالبيتها فخمة وشيك واي خدمة تانية عيوني ليكي

وليكم كلكم


ادعوا لي بس ربنا يجعل يوم زفافي من احلي ايام حياتي يارب

دي كل عناوين المحلات اللي بتبيع فساتين افراح جاهزة
في مصر

وعلي فكرة غالبيتها فخمة وشيك واي خدمة تانية عيوني ليكي

وليكم كلكم


ادعوا لي بس ربنا يجعل يوم زفافي من احلي ايام حياتي يارب

حبيبتي مصراوية يا رب ربنا يوفقك وتلاقي اللي يساعدك زي ما بتساعدي البنات كلها وشكرا يا حبيبتي على الاجابات تعبتك معايا وربنا يوفقك مرة تانية

شكرا حبيبتى على المجهود
وربنا ييسر للجميع ان شاء الله

انا اسفة يا مصراوية جدا جدا جدا جدا جدا
الجهاز عطل واضطريت انزل الويندوز تانى وما ادراك ما تنزيل الويندوز .... المهم .... كانت وعكة جامدة ربنا ما يعيدها تانى
كان عيل من عيالى عيان ..... المهم يا ستى انا تحت امرك
اولا شغل مدام ريهام انا ما شفتوش بس غالبا هم الاتنين ستايل واحد ورايى انك ما تصمميش انه يعمل لك لحسن هى تزعل او هو يعملك وهو متضايق
بصى سلمى امرك لربنا وان شاء الله تطلعى زى القمر

بالنسبة للشوز .....الموديلين فعلا احلى من بعض ذوقك رائع.... بصى متهيالى مصر الجديدة ومدينة نصر مليانين ..... وعارفة متهايلى فى محلات بتفصل كمان .....جربى كدة المولات المحترمة

اتمنى اكون افدتك واى سؤال انا فى الخدمة

داليا

mozna

عيوني ليكي بس انتي تامري ولكل البنات والله مادمت اقدر عيوني ليهم

بسم الله الرحمن الرحيم
اولا الف مبروك وانشاء الله يبقى اجمل يوم فى حياتك وزى مبتتمنى بالظبط
بس يا ريت اتعبك معايا شويه وتعرفينى ايه احسن نوع للاطقم الصينىسمعت ان البولندى حلو ومش غالى قوى دا غير ايه رايك في الطقم الكاسات البوهيمى و الكرستال ايه الافضل وياريت كمان تعرفينى هوه المفروض يكونوا كام طقم صينى على الاقل لانى محتاسه ومش عارفه ارجوا المساعده:cry::cry::cry:

السلام عليكم ورحمة الله وبركاته
جزاكي الله خيرا حبيبتي مصراوية عالموضوع الرائع .. وبصراحة انا ماسدأت لئيتك

الحقيني انا بأة احسن خلاص هتجوز ومحتاحسة عالآخر

وان شاء الله نتواصل لما اشوف ردك

بس مستنية ردك اوعي تطنشيني

بصي يا مصراوية .. انا هتجوز بعد 4 شهور ان شاء الله

وبصراحة مجهزتش لسة اي حاجة لأني بشتغل في الكويت انا وخطيبي بس فرحي فمصر
انا كنت عيزة اسألك بأة كدة كام سؤال وبتمنى تقدري تفيديني بجد
أول حاجة انا عيزة أأجر فستاني لأن انا بصراحة من رأيي شايفة اني حرام اشتري فستان البسه ليلة وحدة وبعدين ارميه تحت السرير لحد ميصفر .. وكمان هتكلم معاكي بصراحة اكتر .. خطيبي محددلي ميزانية معينة لتأجير الفستان .. عشان كدة انا عيزة اعرف عنوان ورقم تلفون ولو فيه موقع ياريت محل لتأجير الفساتين .. أسعاره كويسة وفنفس الوقت فساتينه شيك .وحلوة . يعني انا عاملة تقريبا ميزانية للتأجير 500 جنيه ..
بلييييييييز مستنية ردك لأني مش هنزل إلا ابل الجواز تقريبا بــ15 يوم ومش هلحق هتبأة كل الفساتين متأجرة .. والمشكلة اني هتجوز في موسم الجواز الصيف .. فانتي لو ادتيني عنوان محل كويس هخلي ماما تروحلي وتجبلي كتالوج مثلا وتبعتهولي وانا انأي وهي تحجزلي

ثانيا .. انا ان شاء الله هعمل فرحي فقاعة او دار اونادي .. وكنت عيزة نادي كويس او قاعة او دار مستواه كويس .. مش لازم ممتاز .. وشكله شيك كدة من جوة ومن برة .. يعني انتي فهماني .. ويبأة فيه اوبن بوفيه وكل حاجة بالأسعار .. معلش لو تقدري بردو تفيديني في الموضوع دة .. وبردو هنحجز من دلوقت وهخلي ماما تتفرج عليه .. بصي احنا عملينله تقريبا ميزانية 8 آلاف بالكتير حوالي 250 فرد..

ثالثا : كوافير يكون الميك اب والشعر فيه كويس .. ويجيلي البيت او يكون في منطقة كويسة.. بس عيزاه بيعمل قصة شعر وصبغة وماكياج كويس .. لأن المشكلة اني كنت دلوعة اوي ادام الناس وبعمل ماكياج تحفة .. فعيزة واحد يعملي حاجة مختلفة خالص ويطلعني فنفس الوقت حلوة .. وانتي اكيد فهماني .. وبردو عملين ميزانية 500 جنيه ..

رابعا .. كنت عيزة بأة حاجة من كل العضوات يشاركوني فيها .. انا ناوية اعمل فرحي فمكان يعني مستواه كويس .. بس عيزة بأة اعمل افكار كتيييييييير مجنونة ومختلفة في القاعة وكدة .. وفنفس الوقت مش مكلفة وبسيطة .. بس تدي شياكة .. لو اي واحدة عندها فكرة وتقدر تساعدني ياريت تقولي

انا كان عندي فكرة حلوة موووت شفتها في فرح في الماريوت وان شاء الله هعملها ففرحي .. ان واحد يمسك مبخرة في القاعة والفرح شغال ويبخر بدهن العود .. مش أدرة اوصفلكو كانت حلو اد ايه ..
وانا عشان اكيد هتبأة مستواها متوسط حسب الميزانية فعيزة افكار تخليها احلا قاعة وانا الي اعملها ومش مكلفة
ياريت حد يقدر يساعدني
واعتذر للإطالة
مستنية الرد بأسرع وقت ممكن

مبروك يا رورة وربنا يتمم لك بخير

بصى من الافكار اللطيفة اللى عجبتنى ...... العروسة والعريس حطوا صورة كبيرة ليهم هم الاتنين مع بعض على باب القاعة ..... وحطوا كمان اوتوجراف على الباب علشان اللى داخل يكتب لهم فيه ...فكرة عجبتنى:yes:

وربنا يوفقك تلاقى اللى انتى عايزاه فى حدودو الميزانية

باى باى

فعلا حبيبتي فكرة جميلة .. :up: حلوة فكرة الاوتوجراف والصورة .. هفكر فيها ان شاء الله وربنا يسهل .. وبارك الله فيكي حبيبتي على الرد

ربنا معاكى يا رورة

كمان فى فكرة عجبتنى

ان القاهة كانت منورة بشموع على الترابيزات كلها والنور الاساسى فى القاعة ...... لمبات صغيرة ..... قد ايه كان الجو رومانسى

لو افتكرت حاجة تانى هقولك

يلا باى باى

قوليلي ياداليا انا عرفت انك ماكييرة .. واكيد عرفة حاجات كتير عن الكوافيرات والماكيير .. ممكن تفيديني وتقوليلي علا كوافير كويس .. ممكن من 500 لأف .. بس مش اكتر من كدة ابدا

شوفى مصر مليانة كوافيرات ..... بس طبعا اهم حاجة الجودة والسعر:think:

انا شخصيا عارفة واحد كويس .... فى ميدان الحجاز .... بس انا عارفة ان اسعارة غالية:eek2: .... وهو اللى انا دايما برشحة لزباينى لان شغلة بيعجبنى جدا .... وشفته اكتر من مرة ..... كمان الهايلايت بتاعة جميل والوانه راقيه ......

انا مش بحب ارشح اى حد والسلام لانه دة فى الاخر فى وشى .... ولازم اكون متاكدة من اللى برشحة لزباينى:up:.

كويس انك زودتى ميزانية الكوافير شوية .... لان دة اكيد هيفتح لك مجال اختيار اوسع:yes:.

وربنا يوفقك

داليا

طيب يا داليا معلش .. ممكن بس تقوليلي عنوانه واسمه بالظبط وتقوليلي اسعاره .. يعني مثلا كام للعروسة .. والصبغة وبيعمل ايه بالظبط للعروسة .. مثلا باديكير .. مانيكير .. سويت .. يعني حاول تفيديني اكتر
معلش ازعجتك معايا والله انا محرجة جدا منك

لا يا حبيبتى
مفيش احراج ولا حاجة

بعت لك المعلومات على الخاص

ميرسي جدا جدا ياداليا .. بجد كلك ذوق ..
وانا للأسف مقدرش استعمل خدمة الرسايل الخاصة الا لما يبأة لية 15 مشاركة
بس عموما يحبيبتي ما قصرتي وانا ان شاء الله هحاول اعمل اي مشاركة لحد ما اكمل الــ15
ههههههههههههه

بارك الله فيكي حبيبتي

هانت يا حبيبتى

كلهم 7 مشاركات بس :shy:

ايوة .. هانت .. انا عمالة بكتب في مشاركات وربنا يسهل ..