السكن مع أهل الزوج بين القبول والرفض

افضل السكن منفصل مع اني مع اهل زوجي ولكن كنت ساكنه لوحدي في بلد ثاني عنهم ولكن لما نقل زوجي لنفس المنطقه اللي هم فيها سكنا معهم يعني جربت الحالتين عشان كذا اقول السكن لحالي افضل بكثير ومن كل ناحيه تصوروها

عن نفسي ساكنة مع اهل زوجي والحمدلله مافي احسن عنهم مرتاحة بس بنفصل قريب ان شاء الله
لان استوي ضيق بالبيت بس بنعبش بنفس البيت بنبني ملحق

انا ساكنةخارج المنطقة اللي فيهااهل زوجي بحكم العمل بس في الاجازات والخميس والجمعة نجلس عندهم والامرعادي جدا بالعكس والله اني احبهم بالحيل وبعدين مافيه حياة من دون مشاكل حتى لو كنت عند اهلك بس الوحدة تطنش شوي وتجامل شوي علشان تقدر تعيش

أنا عاااايشه في شقه لحااالي
بس نزل لهل زوجي واحينا اكون الخميس والجمعه معاااهم في البيت
وأفضل اني استقل في حياااتي في شقتي بعيده عن المشاااكل

واذاااا كان وحيد هله وكبيرهم عادي اعيش مع أمه وأبوووه وأخدمهم مااافيها شي

مشكورة على الموضوع : انا عن نفسى ارفض السكن لو ليوم واحد والسبب " مند طفولتي وانا اعيش في بيت العايلة مع اهلى وزوجات اعمامي .
واعرف سلبيات واجابيات الموضوع وخصوصا ان امي هي الي تخدم في البيت ككل ولا احد محترمها ابدا بس قدمها يقلون ماتقصرين من وراها حش و الله محد يصبر " عشان كذا مستحيل للبيت العيالة .

يعتمد على حالة الزوج المادية ...

لو زوجي يقدر يطلعني .. اطلع .. لان مهما يكون بيكون بيتي وحرة فيه .. اشيل واحط فيه اللي ابي... بيكون مملكتي الخاااصة

الصرااحه لو اجارات عندنا مش ضووووووووووووو كان طلعت اليوم قبل بكره

وارتحت واستقليت بروووحي

مهما الوحده تقدم من تنازلات مافي فااايدة لازم مشاكل ورا مشاكل

وتكون تااافهه لكن تحررق القلب

ادا بنسكن معاهم لكن بملحق بالحوش خاص لنا ايوووه يكون احسن

لكن ادا جناح ببيتهم معاهم لا والف لا لا لا لا لا لا لا لا لا لا لا لا لا

وان شاءالله ادا اخواتي بيتزوجون اول شرط ملحق خارجي بالحوش لهم لازم لازم

انا ساكنة مع اهل زوجي والحمدالله هم زينين

بس اعتبر منفصلة عنهم بما اني لي بيت خاص في الحوووش

ولي باب خارجي وحووش مستقل

انا عن نفسى أفضل الاستقلال فى بيت منفصل بيتى مملكتى اشعر فيها بحريتى من ناحية اللبس والأكل وترتيب البيت أحس ان انا صاحبة البيت الآمرة الناهية فيه ومحدش تانى يتحكم فيه غيرى الواحدة اصلا ما بتصدق تخرج من بيت اهلها عشان تحس بكيانها مابالك لما تعيش مع اهل زوجها أكيد مش حتبقى مرتاحة ولذلك أنا أفضل انى اعيش فى شقة منفصلة فى عمارة وحى بعيد تماما عن اهله واهلى كمان عشان احس بالحرية والاستقلال

انا مستحيل مو لانهم مش كويسين لا بالعكس احسن من اهلي فيي بس انا بحب الاستقلالية وبعدين ما بوخذ راحتي هناك

الاستقلال افضل

انا عن نفسي الان اسكن مع ام زوجي

وزوجات اخوته الثلاث

لكن ماتحسين ان القلوب مع بعض

وعند الخروج من البيت تستحين تروحين وتجين

وحالك مكشوف للناس

متى رحتي للسوق ومتى جيتي

ولو صار مشاكل بينك وبين زوجك الكل عرفها

مافيه حريه

لكن الشكوى لله

وان شاء الله نستقر قريب

مرحب أنا كملت بكمل سنتين مع أهل زوجي بس مو مرتاحه كثير لانه الغرفه ضيقه وفي بعض المقارنات والتفرقات بين السلفات من قبل حماتي وأفضل اكون بروحي في بيت عشان في أكثر خصوصيه بين الزوجين والاستقلاليه ......

أنا طلبت إني أسكن فبيت أهل زوجي
كنت حابة أتقرب منهم وأندمج معاهم وعقب أستقل بروحي، والحمد لله اندمجت معاهم ومرتاحه والحمد لله بس ما أدري يا بخاطري أستقل فبيت بروحي عسب أحس بالاستقلالية ^_^

الله يسهل لي وأسكن فبيت بروحي

الافضل والاحسن ان الزوجيين يعيشون في بيت بروحهم ياخذون راحتهم اكثر
بس ساعات الظروف تحكم على الوحده تعيش ويه اهل زوجها والله يعينهم لانه الحياه صعب مع اهل الزوج حتى لو كانو طيبيين وكل الصفات الزينه فيهم (( مافي احلى من الاستقرار الزوجيين))
الحمدلله زوجي باني لي شقه فوق بيت اهل زوجي وعايشه مرتاحه لاحد اضايقني ولا شي وكل شي عندي فشقتي
تحيااتي

مرحبا الغاليه موضوع حلو حبيت اشارك براي فيه عن تجربه ..

من اتزوجت طلبت من زوجي ان اسكن مع اهله بكل رضى و قناعه تامه يمكن لاني تزوجت صغيره وما حبيت اشيل مسؤوليه بيت من البدايه .. و فعلا تم العيش مع اهل زوجي الحمد لله وايد ناس طيبين و محترمين و يعتبروني بنت لهم مش مرت ولد .. و كان لي قسم خاص ولي الحريه التامه .. و الحمد لله الحياه حلوه بتكون لو نحن بغيناها حلوه .. مع تفادي و تطنيش القيل والقال ..

يمكن الشي الوحيد اللي مب حلو في الموضوع اذا كان في اولاد كبار في البيت .. فبتكونين مقيده من ناحيه اللبس و المكياج .. لكن الاشياء الثانيه الحمد لله ..

والحين بعد سنتين زواج انتقلت لبيتي الخاص الاستقلاليه حلوه .. و الاعتماد على النفس في اشياء وايده شي صعب في البدايه لكن الله يسهل الامور ..

السموحه على الاطاله ..

تقبلي تحياتي ..

انا افضل السكن بعيد عن اهل الزوج تجنباً للمشاكل

واذا كان لابد فأفضل ملحق خاص فيني داخل المنزل