السكن مع أهل الزوج بين القبول والرفض

السكن في نفس البيت طبعا لا.... لكن ممكن في نفس العمارة نفس الحي ...إلا في حالة وحدة وهي اذا كان وحيد امه وابوه وهم في وضع محتاجين لولدهم

انا ساكنه مع اهل زوجي في بدايه زواجي كانو من افضل ما يكون بس عقب سنه طلع كل شئ عاى حقيقته وانا افضل السكن المستقل لأنه يجنبك المشاكل بس الساعات الظروف تحكم

ماعندي اي مشكله في السكن مع اهل الزوج اذا هو حاب يسكن مع اهله
لكن يكون لي باب مغلق بيني وبينهم حتى اخذ راحتي في لبسي
خاصه اذا وجد شباب في البيت
واهل الزوج بشر وليس ذئاب .

السلام عليكم ورحمة الله وبركاته
انا اشوف انه يعتمد الامر فان كان الابوين لحالهم فالزوج في هذه الحالة مسئول عنهم وبالتالي ليس من المعقول ان يتخلى عنهم ولكن ان كان هناك ابناء اخرون في البيت فان الزوجة لن تتحمل غير انه بدها تتحجب طول اليوم فانه سيصادف ذلك مواقف غير محبذة كان تبقى في البيت لوحدها واخوة زوجها موجودين فان خرجت الام وعاد احد ابنائها باكرا فان ذلك وضع غير مرغوب فيه وقد يحدث مصادفة وبالتالي فان الافضل في حال وجود اخوة للزوج ان يكون السكن منفصلا.

لوكان الولد اكبر واحد
وماعنده اخوان كبار غيره ابد
فالازم يسكن معاهم
لكن لو كان عنده اخوان
فايكون بعيد احسن
واسكن بعيد وكون حبيب
والله اعرف وحده موساكنه مع اهل زوجها مع ان حريم الاخوان الباقي ساكنين مع الام والله تقول انا استغرب منكم لما تقولون انها تأذيكم احيانا لاني اشوف معاملتها لي تختلف عنكم حيل

يعتمد على وضع العائلة

اذا كان ام واب الزوج الحمد لله بصحة ويقدرون ان يتحملون في روحهم ومعاهم احد

في هذه الحالة افضل ان يكون السكن مستقل

ولكن لا تجعلوا من ازواجكم ابدا ان يكونوا عاقيين بوالديهم

تحياتي للجميع

هذه المشاركه الأولى لي وارجوا الله ان تكون بفائده
ذكرت احد الأخوات ان هذا حديث: مروا أهل القرابة أن يتزاوروا ولا يتجاوروا
وهو ليس بحديث عن الرسول صلى الله عليه وسلم أنما مقوله قالها عمر بن الخطاب رضي الله عنه((روي أن عمر بن الخطاب رضي الله عنه كتب إلى عمَّاله : " مروا الأقارب أن يتزاوروا ولا يتجاوروا " .

قال الغزالي - معلقا على كلام عمر - :

" وإنما قال ذلك لأن التجاور يورث التزاحم على الحقوق ، وربما يورث الوحشة وقطيعة الرحم ".

" إحياء علوم الدين " ( 2 / 216 ) .

أهلين .................أنا اول سنة سكنت عند أهل زوجي وكنت مرتاحه يعني مافيه مشاكل وبعدين طلعت الله لايوريك من كثر المشاكل مع أهل زوجي منقهرين لاني طلعت بيت بروحي واسوي الي ابي لكن ما أقول
حسبي الله ونعم الوكيل

انا سكنت مع اهل زوجي في بداية زواجي .. هم صح ناس طيبين و النعم فيهم .. بس حسيتها صعبة ابصراحه اتمين متغطيه طول الوقت .. ولا تقدرين تآخذين راحتج فاللبس حتى تنوره ما تقدرين تلبسين ..

و عقب ما طلعت في بيت بروحي وايد خذت راحتي بناطلين ودلع وقصير ... الاستقلاليه احسن .. في بيت اهله حتى المكياج حرام ولا اقدر احطه ..

الصراحه الوحده في بيت لحالها راحه نفسيه لامثيل لها لاني جربت السكن بروحي ومع اهله بس بروحي اصرف

اكيد سكن خاص فيني

ايه افضل شي بيت مستقل ويعتمد المراه الموظفه افضلها تعيش مع اهل زوجها ينفعوهااا

في عيالها وفي اكلهاااااويعتمد على ام الزوج واهله طيبين يعذرون مو بعضهم يبون مراة الولد كانها خدامه عندهم


وحلوا التعاون في الحياه دي بس افضل شي الشخص يبعد لانه الاحتكاك الكتير يولد شرارر زضغط


نفسي انا ساكنه في شقه مع اهل زوجي وهما طيبين بس تحسين في مضايقه

يعني ماتقرين تنادين احد من صحباتش وتجلسين بروحك لازم العائله الكريمه تكون حاضره

ولا مااخرج مكان الا اقلهااااا واخذ الاذن هذا استعباد صراحه

انا متزوجة من اربع سنوات وساكنة في شقة في بيت اهل زوجي

وبصراحة مو مرتاحة وايد واتمنى يكون عندي بيت بروحي وبعيد عنهم

رغم انهم ناس طيبين وايد بس انا كل في شقتي وما احتك فيهم وايد بس تصير مواقف اتحسس منها ساعات

او اشياء تضايقني يعني مهما كانو اهل الزوج طيبين لابد من ان الواحد ما يحس براحةوبصراحة انا وية اهلي كنت اتضايق منهم اشلون ادش على عائلة جديدة واكون مرتاحة يعني مستحيل احصل ناس وارتاح معاهم 100% عشان جذي اتمنى بيت بروحي وبعيد عن الكل احسن لي

وانا من اشد المؤيدين لسكن المستقل

بصراحه

انا ضد السكن معهم

والله انا بالنسبه لي افضل اني اسكن ببيت اهل زوجي (باللي بيجي بالمستقبل لول)
لاني اهو اكيد بيطلع بيروح الدوام وانا اقعد بروحي اخاف :tears:
وبالعكس يصير حلو هالشي
يكونون خواته اهم خواتي وامه اكيد راح اعدها حسبة امي
بالعكس وناسه
اتكون لي اسره ثانيه
واكيد اللي اتحب زوجها راح اتحب اهله
وبالمقابل الام اللي اتحب ولدها وتحرص على راحته راح اتحب زوجته
واذا عم الحب بين جميع الاطراف راح اتكون الحياة هانئه وهادئه وسعيده :888345:

الله
انا قمت اتخيل :21_186:
ادعولي الله يكتبلي اللي ببالي ان شاء الله :21_195:

ومشكووره حبيبتي على طرح هالموضوع الجميل اللي اخذني بوادي ثاني وسرحت فيه لوول
:21_207:

واللة انا صراحة نفسي يكون لي بيت لحالي يعني مملكة لي لحالي أما اذا كان وحيد اهلة مايمنع أسكن معهم لأن مهما كان اذا مارعى امة وبوة مين يرعاهم ونا اكيد ماراح اقصر راح اخليهم اكثر من امي وبوي وهذ الواجب وهم الي ربو وتعبو اللهم احفظ كل امهات وابهات المسلمين في كل مكان ااااااااامين
وأسفة ع التفصيل ومشكورة حبيبتي

سكن الزوجة مع اهل زوجها يعتمد اولا واخيرا على اهله وامه بالذات>>>

انا الصراحه
اقول احسن شي الوحده تسكن بيت بروووووووووووووحها و تفتك من عوار الراس
انا ساكنه ويا اهل زوجي و السبب انه وحيد امه و ابوه ... بالبدايه كنت مرتاحه لكن الحين مب طايقه
خلاص ابا اطلع .. صدقوني بس في البدايه عسل و بعدين كل شي يتغير .. الوحده ما تعرف تاخذ راحتها
ما ترقد على راحتها
ما تاكل على راحتها
ما تيلس على راحتها
ما تلبس على راحتها ...... احسن شي بيت برووووووووحها و ببس ,, ها راي انا
و مشكورين طولت عليكم

عن نفسي ساكنة مع اهل زوجي والحمدلله مافي احسن عنهم مرتاحة من ناحية كل شي

وعمتي مثل امي فديتها والله هي وبناتها وياربي تطول بعمرها ان شاء الله مب مقصرين علي في شي

الحمدلله ع كل شي

مرحبا ......انا عن نفسي ساكنه في بيت عمي ابو زوجي ....بس اتمنى اليوم الا نطلع فيه وانشاء الله قريب لانه مهما قدمت من تنازلات .....بعد تصير مشاكل ونغزات فليش احط بيني وبينهم فجوه اطلع من عندهم واصير العزيزة الغاليه احسن..........من اني اكرهم ويكرهوني.........دعواتكم لي