أم زوجي كيف اتصرف معاها؟؟؟

بصـــــــــــــــــــــــــراحــــــــــــــــــــــــــــــــــــــه الله يكون في عونج !!!!!!

ياريت كنت اعرف اساعدج بس انا ماعندي خبره في هاي النوع من الشخصيات ,,

وانشاءالله البنات ماراح يقصروون وياج ,,,

عزيزتي رياح الامل لازم توضحين الصورة لزوجك بطريقة حلوة وبدون ما يحس انك ماتبين امة تروح معك مثلا

قولي ودي نطلع وحدنااااااا علشان مجهزة لك مفاجئة واخترعي اي سالفة او ودي اروح الفندق وياك ونعيد ذكرى اول يوم
زواج او خاطري اقعد معك قعدة رومنسية وصعب وامك موجدة ويعني من ها الكلام وشوي شوي يتعود يطلع بدون امة وحاولي
كل ماطلعتي بدون تسوين جو حلوووو علشان يحس بالفرق ويصير يتعمد ماياخذهاااااااااااااا



ويارب اكون ساعتدك

الله يعينك

الصراحه ما اعرف الحل في هالمشكله

بس جا على بالي انكم مثلا بتسافرون

ما تقولون لها و اذا خلاص بتروحون المطار

تروحون تسلمون عليها و تودعونها

و لو قالت ليش ما قلتوا لي قولي ان زوجك

مسويها لك مفاجأه و انك ما عرفتي فيها الا الحين

طبعا ما يمديها تحجز و لا تسافر معكم ... ان شاء الله ههههه

وش رايك؟؟

عزيزتي katkooota
تسلمين على مرورج الطيب

نظر عيني
تدرين انا كنت مفكرة اني اقوله مثل ماقلتلي...لكن جربتها قبل السفر كنت اقولها راح يكون شهر عسل ثاني وراح نستانس ومن هالكلام...
لاني وقتها مب عارفة شو اسوي وانا بنفجر فقلت له هالكلام وكتمت على عمري......بس امه لو قررت انها تسير كان بيوديها
فقلت هالحركة مب حلوة يعني اذا قالت بتروح طبعا ريلي في هالموقف احسه مابيعرف شو يرد عليها وبيوديها معانا...
انا ادري انه في خاطره انه نروح بس انا وهو...بس لما امه ترز بعمرها عاد هني هو شو بيرد عليها....

عزيزتي ام القوقو
حبيبتي مشكلتي اني ساكنه معاها في البيت
وانا كنت ابي اقول لريلي اني ماابي حد يعرف لين مانحجز...بس طبعا بيسألني ليش؟؟
وكون ان نحن عايشين معاهم فلازم يعطيهم خبر

طيب تتوقعين ايش بيكون موقف زوجك لو صارحتيه باللي في خاطرك

لكن بطريقه مؤدبه يعني ما تقولين ما ابغا امك لا تقولين انك تبغين تسافرين معاه

لحالكم عشان يكون شهر عسل ثاني..

اذا عجبته الفكره ليش ما تقولين له يسوي اللي قلت لك (يعني يقول لامه انها مفاجأه لك)

عشان ما تزعل ليش ما قال لها

لانها مفاجأه و المفروض المفاجأه محد يعرف فيها من قبل..

هاه الحين وش رايك؟

عني لج حل ....قولي لزوجك و احجزوا من غير ما يعرف احد ... و اليوم الي قبل الروحه ...اطلعوا طلعه عائليه يعني انتي و امه و خواته ..روحوا اي مكان جريب في منطقتكم و و تعشوا ...اكيد بترجع تعبانه ... و ثاني يوم ما بتقول بي وياكم

بس الله يعينك

الله يعينج على هالبلوه ،، آ،ا اعيش نفس الحاله مع عمتي وخصوصا اني معاهم في البيت ،، حتى لو بنروح كوفي شوب ترز الويه معانا ،، عاد آنا قلت لريلي بس بطريقه حلوه ،، قلت له ان امي ما تحب تطلع مع اخواني وزوجاتهم عشان ياخذون راحتهم وما تضايقهم .. عاد اهو فهم السالفه وقال لي خلاص ما راح تشوفين امي تطلع معانا غير اليوم ،، بس عاد تعرفين الحريم ونكدهم لازم بين شهرين او شهر ونص ترز الويه معانا ..

عاد انتي ابتكري طرق حلوه بحيث انج ما تبينين له

صح قوليله امك على عيني و راسي.. و هي مثل امي بالضبط.. بس احب شوي تكون لي خصوصية معاك..

بس بعد لو راح و قال لها.. بتحط في خاطرها..

ممكن مثلا.. تطلعون طلعة بحرية.. و تسوون فيها وايد نشاطات شبابية.. و الكبار ما يحبون وايد هالسوالف.. يتعبون منها بسرعة

او مثلا تروحون عالبحر و تشوون و هالسوالف.. خلوها مع الشوي.. تمشوا شوي بروحكم.. عادي ما بتقول شي..

و الا مثلا...قوليلهم باروح الحمام تعال وصلني.. اخاف اروح بروحي.. و انتهزي الفرصة و اتمشوا شوي بروحكم..

و الا للطلعات العادية.. قولي خالتي عازمتني المكان الفلاني.. و الا عيد ميلاد بنت اخوي( أو اي حد) .. من هذا القبيل.. و هم عادة ما

يحبون الحشرة..

الغاليه ،،، اذا امه تروح معاكم لازم امج بعد تروح ،،،، و هنيه شوفيه شو بيقول،،،،،،

والله الريياييل لو يشوفونها بالمقلوب بيفهمونا ،،، يعني يا زوجي العزيز لو امي ورانا ورانا في كل مكان بيعجبك و بترتاح !!!!!؟؟؟؟؟

و السموحه ،،،

الله يكون في عونك والله مشكلة لكن ماعليك إلا الصبر عشان خاطر زوجك

النجم الساطع:
الله يكون في عونك والله مشكلة لكن ماعليك إلا الصبر عشان خاطر زوجك

صح كلامك

يا الله اثر في نااس مثلي



انا مثلك ياوخيتي ناشبه لي في كل مكان


حتى مره بنسافر بنرووح الخبر يعني اخذنا اسبوعين من زواجنا تونا وطلعنا من البيت الا هي توها واصله البيت هي وبناتها الاربع مع ولدها الثاني لانها كانت طاالعه

تصدقوون انها حوولت من سيارة ولدها وركبت معنا طوالي هي وبناتها قالت بنروح معكم حتى شكلهم مش مرتب بس عنااد



وياكثر الكلاام في هالمجاال يطوووول


بس والله حلات السعاده الزوجيه انك تعيشينها بكل لحظاتها ..

يعني فترة الخطوبه ماراح تتكرر ولا فترة بداية الزواج وشهر العسل ماراح يتكرر يعني لاتقولين انك راح تعوضين نفسك بعدين

لان ماراح يصير لها طعم الا في وقتها ..


بس شالحل لصار في نااس مايحسوووون ؟؟؟



اسفه اختي لاني ماقدرت اساعدكي لان الحاال من بعضه ...... بس فضفضت شووي ههههههه

.Thank god that your husband loves you and takes you any place you wish to go
at the end she will get bored and leave you alone
do not make a problem out of nothing

تسلمون عزيزاتي على الرد والحل
والله انكم فرحتوني بردكم وخاصة الي عايشين حالتي...

الي نويت اني اسويه....اني اكلمه بكل هدوء واقول له اني ابي تكون لي خصوصيه معاه وانه ماابي حد يطلع معانا

بس احيانا اخاف اني اجرحه ومهما كان هذي امه...

بس لمتى انا بسكت على هالحال لازم بتكلم معاه في هالنقطة ..

كنت نفس الحال ....بس انا ما

كنت ساكتة من اولها كنت اخبر ريلي واقوله مالها حق تروح معانا وخلنا نعيش حياتنا بروحنا

ووووووووو..لدرجة ان احنا طلعنا من البيت وطبعا حلت علينا اللعنة وقامت تدعي علي وعلى

ولدها..ومصايب كثيرة سوتها لنا ..لين في النهاية اقتنعت بالامر الواقع وكلمتنا..بس انا كملت 3

سنوات في بيت بروحي ولا مرة فكرت تزورني ولا بناتها ..فكــــــــــــــة انا مرتاحة انهاما تزورني

والا بصير النقد ع كيف كيفج

بصراحة ان راح انفجر و لاز م اقول كل الي بخاطري.....
(والكلام مب للتخصيص ولكن هو عام وليس رد على صاحبة المشكلة بذات لكن نصيحة تحمل لهجه شديدة )
و الحين واسمحولي ان اعرف ان في منتدانا ناس همها نفسها وبس وما تصدق تعرس علشان تخطف الريال من اهله وتقول زوجي وعلى كيفي وانا حره معة وهذي حياتنا ......اختي صح هي حياتج بس منو تكون انت عشان تسرقي ريلج من احضان امه الي ربته عيب عليكن وترى الدنيا دوارة اذا انت اليوم زوجت الولد باجر بتصيرين العمة والرزة مثل ما تقولون وبعدين بقول كلمه تراج الا زوجه وبدالج يقدر ايب ثلاث فوقج واذا ما يريدج ايروم يطلقج لكن هذول اهلة الي من لحمه ودمه الي ما راح ابد يستغنون عنه شو ما سويتي فيهم وبعدين اشفيها اذا صبرت تراج تاخذين اجر والدنيا بتدور وبعدين ما يسرج يوم تكبرين ان ولدج المتزوج بعده يهتم فيج ويطلعج
الصراحة هزلت ان ريال يسمع شور حرمته ويفضلها علىامه ترى مب ريال هذا لعبة وانسان يباله اعادة تربيه لانه سمح لنفسه انه تي حرمه تقص عليه وتخربه على اهله وتقول ابي حرية وابي اطلع وابي استمتع كأن الحبيبة طالعة من سجن وهذي خهدية يتها من السماء على طبق من ذهب وما تريد حد يشاركها الإستمتاع فيه.
اختي اصحي من نومج ترى هالمميزات والحقوق الي تبي تستمتعي بها وتطالبي فيها ما كنت راح تاخذيه الي من بعد موافقة امة انه تمنحج هالقطعة من حشاشة جوفها علشان ايهنيج فكيف انت تكونين جاحدة وترفسين صاحبة الفضل وتقولين زوجي وابي استمتع معاه واعيش حياتي .
اختي الغالية تراه هذي امه واحق منج فيه وبعدين الجنه تحت اقدام الأمهات مب تحت اقدام الزوجات الي يكشر عن انيابهن ويغارن من الأم والخوات ويريدن يستولن على الريال والسمحولي ، لي عودة ان شاء الله

سحابة طيف انا معاج في الكلام بس مو الام اضيق على ولدها
وكل مكان يروح مع زوجته تحشر روحها معاهم الناس تبين تأخذ
راحتها وخصوصا انهم توهم متزوجين الصحيح الجنة تحت أقدام امهات
بس مو لدرجة انها تستغل هذا الشيء وتخلي ولدها خاتم في صبعها
اذا كان الحال كل الامهات جذي ماتشوفين ولد متهني مع زوجته ليش
لانه يحاول قد ما يقدر يرضي امه ويزعل زوجته سمحيلي على المشاركة
والناس أراء وهذا رايي انا ...

اختي نوف عادي كلامج صح بس يمكن بعض الخوات يبالغون في وصف مضايقة ام الزوج لهم ويتحسسون من اي كلمة واي تعليق
وتقوم تقلب الدنيا على راس الزوج وامه وبما انه يدور الراحة راح يختار وحدة منهن علشان يصدقها والصراحة مرات الحرمة هي الي ما تعرف تكسب ام الزوج وتريد تستولي على الريال بس لان المرة بطبعها ما تحب حد يشاركها في شي وتنسى ان هاي امه وبعدين الوناسة ما يت الا في الطلعة والكلام الحلو ما راح يطلع والغزل إلى في هالسيره الي الأم المسكينة ما تعرف انهم يريدون يغيرون جو لان اغلب امهاتنا ما يتغزلون ويدلعون على الريالهم في الطلعات و لو كانت الأم مثل ما تقولن تبي تخرب الجو كانت راح تعسكر في غرفة ولدها ولا تخليه يتهنى لا هو ولا حرمته !!!!! بس لان المسكينه مب هذي نيتها بس هي بشر وتبي تطلع حالها حال زوجة الولد وإذا هي ما تباها تسير وياهم تخلي ولدها يطلع امه بروحهم قبلها بفترة علشان ما تشل في خاطرها ترى الأم هي الأولى وبتظل الأولى دايما ولو طال الزمان او قصر ترى الدنيا بتدور وبتنرد للزوجة اذا ظلمت الأم والسموحة

الله يكون في عونج :eek2: