اللي موعد ولادتها شهر يوليو ..تدخل وخلنا نكون رابطة امهات يوليو

السلام عليكم::


يا ربي شو هالاخبار اللي تزعل ، شخبارج اليوم يا دفء الجليد ما تشوفين شر يالغالية، والحلوة البحرينية شخبارج بعد، انشاء الله ما تشوفون شر يالغاليات، والله يبعد عنكم كل شر....


عورتو قلبي...دفء الجليد لزمي فراشج لا تقومين منه، واذا عندج حد يساعدج على بنتج احسن لج تمي نايمة ومرتاحة...الحلوة البحرينية تجبني الحركة والارهاق.....


الله يبعد عنا جميعا الالم والتعب يا رب... ما تشوفون شر....
انا ما يحلى لي الاكل الا بالبهارات الحارة، واكلت بشراهة في ولدي ، بس شسوي احب البهارات ما اقدر ابتعد..



الف ســــــــــــلامة عليكم يالغاليات

[grade="00008B FF6347 008000 4B0082 FF1493"]صباح الخير يا الغاليات

شخباركم أن شاء الله بخير

حبيبتي عيون الأفعى ما تقصرين على سؤالك الله يخليك ويحفظ كل وحده على حملها يا رب ويتمم علينا بخير .......

حبيبتي جميلة مشكووورة على سؤالك عني أنا بخير والحمد لله على كل حال ..... بس أنا بعدي أتألم من ألم البطن والظهر ونزيف خفيف جداً ..... الي تاعبني هو الألم بعض الأحيان ما استطيع أني أقاومه ..... ولوعة الكبد بدت علي في كل وقت خصوصاً لم أشم ريحة طباخ .... بتلوع كبدي من ريحة أحس نفس تغيرت خلال هذي اليومين .... أظن أني حسدت نفسي .....

تسلمون يا الغاليات

والله يظمنه على الجميع وتمم على خير للكل يا رب العالمين .........[/grade]

صباح الخير عليكم جميعا:

شخباركم وشخبار الوحام والرقاااااااااااااااااااااد وحركات الحمل ههههههه انشاء الله جميعا تكونون بخير

حبيت امر واسلم واتطلع على اخباركم...

حلوووة البحرينية

ألف سلامه حبيبتي ما شوفين شر ...

ان شاء الله يثبت حملج يا رب ارتاحي حبيبتي ....

ان شاء الله ما عليج شر....

والله يحفظج... يارب

دف الجليد.....

ما تشوفين شر ... وابتعدي عن البهارات والفلفل ها سبب حرقان المعدة حبيبتي حافظي على عمرج ان شاء الله يوم بتربين بتأكلين كل شء لا تخلين اي شئ في خاطرج ...

الله يحفظنا يا رب من كل شر فتبارك الله احسن الخالقين
خبرينا شو اخبار دقات بيبي اوكي ان شاء الله

سلام حلوات عروس ...

شخباركم ؟؟؟

انا بخير ولو اني مازلت اعاني من الم المعده وعسر هضم وغازات وامساك .....والله يا بنات اني تعبانه غير اللوعه وبنتي مرضت ومسخنه ومزكمة ..تخيلوا انا بروحي تعبانه وابي اللي يساعدني وبنفس الوقت بنتي محتاجتني ..احس نفسي باستخف ..والله يا بنات بنتي مب من النوع اللي تتمسك فيني عادي يعني تحب الكل بس لما تمرض تتعلق فيني زيادة ..وهالشيء احسه وقته غلط خصوصا اني تعبانة ...بس ماحب افشلها واكسر خاطرها ...

جميلة وعيون وعلوجه مشكورين على السؤال ان شاء الله فترة وتعدي

حلوة بحرينية ..حبيبتي طمنيني عليج وان شاء الله خير ولا تحاتين

وطمنوني عن اخباركم يا حلوات

بناااااااااااات انا ذبحتني الغاازااااااات؟شنو علاجها؟

[grade="00008B FF6347 008000 4B0082 FF1493"]صباح الخير يا رابطة شهر يوليو

شخباركم وش احوالكم

أن شاء الله بخير

حبايبي يا الغاليات ما قصرتون في السؤال عني

حبايبي دفء الجليد وجميلة وعلوجة يابسة و ام رغوووودة تسلمون والله يخليكم

أنا اليوم أحسن بوااااايد حتى أنا نزيف وقف الحمد الله وعند ألم خفيف في بطن

أنا عارفة بفضل من الله ومن دعواتكم لي بصحة وسلامة

الله لا يروي أحد إلي شفت في هذي الثلاثة الأيام

أم رغوووودة سلامات حبيبيتي جربي تشربين حليب بارد أو لبن أو أكلي خيار لأن يساعد على أخراج الغازات

دفء الجليد ما عليك شر ولا على بنتك الله يحفظها لك ويسلمها من على شر ومرض ... تحملي وصبري .... الله يكون في العون ...

حبايبي طمنونة عليكم شنو أخباركم .....

سلامي وتحياتي[/grade]

هلا بالحلوات.....

الحمدلله اطمنا عليكن.....

كل هذا طبيعى من عوارض الحمل....
حتى انا صايرة اكره ريحة الطباخ.....
وكلة جبدي لايعة...
يمكن حامل:smile:

ما تشوفن شر ....

المهم بغيت اطمن عليكن لانى في الدوام....

وقلت بشوف اخبار الحلوات ....

الســلام عليكم ياحوامل ياحلوات من قدكم دلوعات الحين :shy:

ابشركم اني بنضم لكم انا الأن حامل وهذا ثالث حمل لي وعمره خمس اسابيع واليوم بدايه السادس طبعا حاسه بخمول والم خفيف مع مغص بس لمن اسوي نفسي شاطر وابي اشتغل في البيت واول ما ارتاح يروح يعني يبغى امه مرتاحه والحين بقدم على شغاله وافك عمري ..
:dd:
ممكن سؤال ؟؟

انا عندي التهاب في الجيوب الأنفيه كيف اسوي معاه وانا حامل ماأقدر آخذ دواء وكمان اللوز التهبت فجأه وجننتني مع اني ماشرب بارد ؟ :cry:


راح اتابعكم ولو فيه جديد بكتب ...

يوووه نسيت اجاوب على الأسئله .............. كسلانه احب اطالع وامشي

بقول باختصار : تأخرت الدوره اربع ايام والله حسيت من اول يوم تأخرت اني حامل لاني بعد ما طلعت الأربعين رحت وتمرخت عند حرمه علشان ارتاح ويرجع الرحم لوضعة وقالت لي انتبهي ترى بتحملين لو ما أخذتي حذرك .. (( عاد عندي غباء مستعصي التزمت لحد رمضان وصار شويه اهمال و حملت وبنتي عمرها 6 شهور )) المهم جبت الجهاز وسويته في البيت وطلعت النتيجه خطين واضحه .. طبعا بكيت ودعيت انه ينزل وبعدها بكم يوم سويت تحليل دم وقالت الدكتورة مبروك انتي شهر ويوم استغفرت ربي وقلت ان شاء الله ربي يهونها وانا عندي ولد عمره خمس سنوات واول ماأولد بيكون عمره 5 سنوات واربع شهور وبنتي بتصير سنه وشهرين ..

زوجي طار من الفرحه وجالس يدلعني بس المزاج متقلب شوي رايقه وشوي زعلانه وشوي ابغى آكل من طبخي ومرات من برى

احس دائما بصداع وجوع قالت الدكتورة يمكن نقص بالدم بعد اسبوعين سوي التحاليل والفحوصات الشامله
وغثيان فقط لمن تلتهب المعده من العصبيه .. تعرفون بعيده عن اهلي وصاحباتي هنا قليل ..

طبعا ماقلت لحد اني حامل غير امي واخواتي بصراحه احسها فشله بالمره توني والده وحامل .. اول مره اسويها بس بعد كذا بأخذ احتياطي حبوب ولولب وكل شئ لين يصير البيبي عمره اقل شئ خمس سنوات ..

هاذي اخباري باختصار (( اجل بالتفصيل كيف بتكون .....هههههههههههه تنكت فاضيه من جد !!


بنات تاريخ ولادتي يوافق 27/6/1427هـ يعني بعز الصيف وانا في جده كيف نقدر نتحمل تغذيه النفاس ؟؟ صعبه وخاصه اني افكر اولد المره هاذي في بيتي عند زوجي خلاص عيب كل مره عند امي صرت حرمه وعندي عيال ..

مراحب ليل المجاريح ...حياج بالرابطة ...والله يخليلج عيالج وترى عادي ,,,وايد تصير اخطاء بس الحمدلله في اخطاء خطيرة وفي اخطاء حلوة والخطأ الحلو عندي هو الحمل ...لانه نعمه من رب العالمين وغيرنا يتمناه ولا يلاقيه ...الله يرزق كل محرومة

حلوة بحرينيه الحمدلله على سلامتج وما تشوفين شر ان شاء الله

ام رغوده اول ما تلاقين حل للغازات قولي لي

جميلة ...شلونج يالغاليه وشخبارج

والباقي وينكم ووين همتكم ....ابي اشوف سوالفكم واخباركم

انا عن نفسي مثل كل مرة ....احب المالح والحامض ذبحتي ....والمشكلة اني خايفة من ضغط الحمل ومن المعده لا تلتهب من الحامض ..

واللوعه مثل ما هي ...وبنتي راحت السخونة بس الزكام لين الحين ...

ان شاء الله خير

المهم مابي اطول عليكم

بس ابي اسمع سوالفكم

متى يرجعون التواقيع ابي اعرف الاسبوع اللي انا فيه

[grade="00008B FF6347 008000 4B0082 FF1493"]صباح الخير يا رابطة شهر يوليو

شخباركم و احوالكم

أن شاء الله بخير

حبيت أصبح عليكم وأعرف أخباركم


أنا اليوم أحسن من أمس الحمد الله وحتى ألم بطن راح عني وصرت أحسن بوااااايد

حبايبي طمنونة عليكم شنو أخباركم .....

سلامي وتحياتي[/grade]

بنات اليوم انا زعلانه

تدرون ليش ؟؟

علشان زواج ولد عم زوجي تحدد وكان نفسي يكون قبل ولادتي بس للأسف صار بعد ولادتي باسبوعين وعروسته تعز علي بالمره ونفسي اشوفها يوم زوجها والحين اترقب المفاجأة الثانيه وهو تحديد موعد زواج أختي ..

بنات ياحوامل ياحلوات الله يسهل عليكم ولادتكم ويرزقكم الذريه الصالحه المعافاة..وبعد
عندي سؤال لكم وبتمنى ماتكسفوني وتجاوبوني من خلال خبرتكم طيب..السؤال هو:
انا باذن الله ناويه اوقف المانع واحمل ان شاء الله ولكن صادف موعد رغبتي بالحمل مع سفري فهل اؤجل الحمل لحين العوده من السفر وانا مافيني صبر >والانبدا اجراءات الحمل <فهمتو عليي>واتوكل على الله وانشالله مايصير شي مع العلم انو الدكتوره قالت لي عادي مافي مشكله بس انا خايفه؟

هلالالالالالالالالالالالا وغلالالالالالالالالالالالالا بالرابطة الحلوة وحشتويني وايد وايد وايد...
اسمحولي اني ما ادخل علشان ريلي معاي وقلت اشيك عليكم وعلىاخباركم الحينه
حبيت أشكركم كلـــــــــــــكم على السؤال عني..وأقولكم سألت عليكم العافية، وانا بخير الحمد لله وعافية ، ودايما الحمد لله مرتاحة دام مرت اخوي وبنت عمي(أخت ريلي) معاي على طول واخواتي فاانا بوجودهم بخير
أم رغودة حبيبتي: أعتقد الغازات شئ عادي لا تخافين، لأني مريت بها الشئ في حملي اللي فات..
الحلوة البحيرينية: الحمد لله على سلامتج والله يبعد عنج كل مكروه
ليل المجاريح: الف مبروووووووووووك للحمل والف مبروك لأنضمامج لنا بيت خواتج
دفء الجلــــــــــــــــيد:
حبيبتي مشكورة على سؤالج يالغالية، وانا بخير...
اتمنى انج تكونين بخير وعافية،بخبرج ان انا اجوع بطريقة خيالية، وقررت اي شئ ابيه اروح على طول اطبخه( الحمد لله طباخة ماهرة) يعني مرة قريت بالمنتدى في قسم الطبخ: محشي بالعنب: بغيت انجن وكانت معاي بنت عمي ع الخط واقولها تعالي بنسوي محشي عنب، وسويت اكلنا لييييييييين شبعنا والحمد لله، بعدين قعدنا نسولف عن البسبوسة ومرررررررررة كنت ابي آكل باي طريقة ورحت سويت واكلنا هذاك اليوم لين شبعنا ههههههههههههه
ما في احد قادر يقول اسم طبخة على طول رحنا طبخنا انا وبنت عمي..هذا الشئ اللي يدل على حملي والا الحمد لله الحمد لله..ما مريت بفترة ضيق واكتئاب ولا رجعت ولا عوارض الحمل اللي فاتتني..( الله يبعد عنكم الشر)

والحينه نروح انا وبيت عمي نصيد، ونسهر في بيتهم، وسوالف ونتغدى برا...يعني الوقت يطير بالسوالف اتمنى اسمع اخباركم الحلوة وانا كل شوي انشاء الله بدش اشيك واسلم
سلامي للجميع

مرحباااااااااااااااا يا بنااااااااااااااااااات شو الاخبار ؟؟وحشتووووووووووووووووني ..... للاسف انا الاسبوع اللي طاف كله ما دخلت لاني ماكنت في البيت ... كنت مع ريلي الله يحفظه في مكان شغله .... وانتووووو ااااااااا شو اخباركم ؟؟؟؟؟؟
انا ماعندي جديد غير اني ماسرت موعدي والله يستر وفات عليه اسبوع بعد ... تقولون عااااادي والا فيه مشاكل تفويت المواعيد ؟؟؟؟
وسلامتكم

صباح الخير ...
ياحوامل المنتدى ..
شخباركم...
وشو اخبار الوحااااام معاكم.....

احد فيكم اتوحم والابعد .. ما جا الوقت....

لاحظت يابنات انى فعلا اجوع بطريقة مش طبيعية ...

واتعرفون شو اكل من فترة ... زلابيا
لا والمشكلة كل اللى احب اكلة شوكلاتة وحلويات بأنواعها ما تفرق معاي....
اكل بشراهه مو طبيعية وادري انها مظرة ومافيها فايدة بس والله اتخبل لازم اكل شوكلاتة ...

والحين من يومين خاطري في حلوى عمان ...
قالى ريلي ... مول لا تفكرين فالج طيب ... العصر الطلب بيكون جاهز.....

طمنونا عليكم يا حلوات ....

مرحبااااااااااااا بنااااااااااااااااااااااااااااااات
المووووضووووع حلو
بخبركم سالفتي ..اخر دوره كانت لي بتاريخ 5/10/2005...وابدا ما كنت متوقعه لاني كنت اخذ مانع لاني بنتي عمرها
سنه بس ...المهم تاريخ 5/11 كان ريلي يطالع المبااره المغرب وكنا تونا فاطرين قلت له الدوره تاخرت شوو رايك ترووح
اتييب لي اختبار ..(انا كنت امزح ...وابغيي افتك من حشرره المباراه .........) المهم ياب الاختبار وكانت المفاجاه الكبري
الاختبااااااااااااااااااااااااااااااااااااااااااااااااااااااااااااار موووووووووووووووووووووووووووووووووووووووووووجب:eek2:
المهم رحنا وديينا بنتنا عند اهلي ورحت المستشفى وكانت لي الدكتوره ان فيه حمل بس مومبين الكيس .....ما خبرت حد اول اسبوعين
وبعديين خبرت اهلي واهله بس ..............وللحين الحمدالله رب العالمين ما احس بلوووووعه ........................................
بس هذي \قصتي ..................................

والله فكرتوني بأيام حملي فالحقيقة كانت أيام حلوة وخاصة عندما يكون أول خمل أنا والدة من فترة قصيرة يعي بنتي عمرها شهرين أهشاء الله العمر كله

فحبيت فقط أشارك فرحتكم و أخبار حملكم


أى أستفسار أى شىء أنا هنا للأحابة عليكن

أختكم سلمى

ماشاء الله اشوف اعضاء جدد معانا في الرابطة وزوار بعد...
المهم مرحبــــــــــــــا بالجميع...
تونا الحينه رجعنا من الرحلة، بس عن جد رحلة روعة روعة روعة..والله غيرنا جو وسولفنا وأكلنا واستانسنا،( الله يونس الجميع)

عيون الافعى:
انتي مثلي اقولج انا اجوع بطريقة خيالية وكل شوي يطرى على بالي نوع معين بس الحمد لله اللي ابيه متوفر( بيت اهلي وبيت عمي ومرت اخوي)...بس الجوع ذابحني وايد هل انتي نفس الشئ بعد ...والا جوع عادي!!!

فلور وورد: يا مرحبا بج في رابطتنا والففففففففففف مبروووووووووووووك ع الحمل .وانشاء الله يتمم لنا كلنا على خير يا رب..
سولفي معانا بمواضيعج ترا سوالفنا حلوة