اللي موعد ولادتها شهر يوليو ..تدخل وخلنا نكون رابطة امهات يوليو

السلام عليكم

انا عاطيني موعد تاريخ 15

ادعوا لي الله يسهل عليه

والف مبروك للي ربن

وعقبالنا ان شاء الله

اختكم

أم هزاع

انا اقووووووووووول خرزه زرقه وينها مختفيه امس
حسيت انها ربت!!!
:clap: :clap: :clap: :clap: :clap: :clap: :clap: :clap:
الف الف مبروك لج ياخرزه زرقه ويتربي(تتربى)فعزكم انشالله..

[grade="B22222 FF6347 008000 4B0082[/grade]

[grade="8B0000 FF6347 008000 4B0082"]أم هزااااااااااااع مرحبا بج بالرابطة، وحياج الله معانا بس للأسف متأخرة واااااااااااايد..هل تعانين مثلنا ملانة/ وبطنج يعورج وأرق وأرف وووووو كل شئ.............. خبرينا معاناتج ننتظر[/grade]

مبروووووووووووووووك خرزه زرقه والله فرحت من قلبي كانت نفسيتي زفته اول مابطلت رابطه استانست وااااااااااااايد يلله يترببببببباه فعزكم انشاء الله وعقبالنا يحليلها البارحه مول مادخلت اكيد كانت تعبانه فديتها والله

ام هزاع هلا والله انتي وينج توه الناس الحين انظميتي لنا هاااااااا قوليلنا هذا البجر وله خبرينا عنج

انا لازم اليوم اربي بس مااحس باي شي اهئ اهئ


يارب يسهل ولادتنااااااااااااا

الف الف مبرووووووووك يا خرزة زرقه

ويتربى بعزكم ان شاء الله

بصراحه فرحت من كل قلبي يحليلها خرزة زرقه

هي كانت على وشك الولادة لما كتبت انها تشوف دم وتعبانه حيل قلت خلاص هاي اولنا



عقبالنا يا رب
:)

عقبالكم يا بنات ..ما تولدون بالسلامة وتبشرونا وحده ورى الثانية ....

جميلة مشكورة ياعمري على الالعاب النارية ونسويها بولادتج ان شاء الله

انا عن نفسي الالعاب النارية والمونديال والعروس والحفلات بتصير بغرفة الولادة ..((من كثر ما تصرخ ))

ام هزاع الله يهون عليج علينا ونولد بالاسمة ان شاء الله وننتظر اخبارج اول باول

واعتقد ان لم يخب ظني ان حلوة بحرينية ولدت ...لانها غايبة عنى وايد الصراحة

عقبال البقية يارب ..ونسمع اخبار الغايبين ...

الف مبروك خرزه زرقه ويتربى بعز والديه والله يخليه لكم ان شاء الله

ابشركن اني ولدت يوم الاثنين في 10 \7 و جبت صبي ما شاء الله عليه ..

كانت ولادتي صعبة ان شاء الله الي الاجر وعقبالكن جميعا تقوموا بالسلامة.

و الحمد لله .

الف مبروك للاخت خرزة زرقاء

بورك لكم في الموهوب و شكرتم الواهب .

وعقبال باقي العروسات

مبروك يا ام العصافير ويتربى بعزج ان شاء الله

وعقبالنا ان شاء الله قولوا امين

تصدقون اليوم رحت بيبي شوب وتشريت للبيبي مرة ثانية الظاهر اذا طولت زيادة بترس الدنيا اغراض والله من كثر ما انا متملله قمت اتشرى ...

افكر بكرة اروح الصالون اسوي حواجبي وشنبي وشعري ..واحف جسمي واستعد للولادة اللي مب راضية تجي


سؤال يا حلوات

((( هل حركة البيبي عندكم خفت ولا لا مثل ماهي قبل )))

لان بيبي اللي في بطني حركته قلت عن قبل ومب عارفةهل هالشيء طبيعي ولا لا

طمنوني

حركة البيبي عندي ماخفت احسها مثل قبل اخاف اطول بعد اكثر من جذيه!!!!!!!!!!!


اليوم العصر رحت الطوارئ لأن صارلي 3 ايام ينزل علي دم مع مخاط غليظ ومب افراز طبيعي شكلها السداده المخاطيه
المهم كشف علي دكتور مع ان ماكنت ابي دكتور ابي دكتوره بس كنت مضطره
كشف علي بدون مايشوف وقال اني مفتوحه 3 سم وسوا لي توسعه للمره الثانيه وقال قريب قريب اولد يا اليوم يا بكره عاد انا استانست لأن رفع من معنوياتي
وقال انه قاعد يصيدج تقلصات بس شكلج صبوره وتستحملين...انا التقلصات اللي فيني احس فيها بس مب قويه خفيفه تروح وترجع...



ادعو لي يا بنات اولد الليله او مايجي بكره الصبح الا وانا والده
الصراحه زهقت

يا حبايبي شخباركم اليوم
مبروك لأم العصافير الوليد الحلو ياللة الحمداللة في يو واحد نسمع خبرين حلوين
ياحريم انا شابة فيني سخونة حتي واللة موقادرة اكتب بس ماقدر لازم اطمن عليكم مو وقتها من البارحة وانا جسمي ذابحني اعضامي جالسة تاكل ابعض وجالسة اصيح وبنتي ام 3 سنوات ماما انتي ليش اصيحين اقولها مريضة اتقولي فيكي واوا وجات اتهمزلي ضهري وقتها ماتيت من الصياح علي بنتي قلبها علي ياعمري
واللة انا احاتي يوم الولادة كيف باترك اعيالي واللة احاتيهم تخيلوا ايجيلي الطلق وانا مسخنة احس روحي باموت
اللي عندها فكرة اتقولي الحرارة موزينة علي الطفل واللة هذي اول مرة اسخن وانا حامل بس ارشح اما اسخونة ماعندي فكرة
كتكوتة بكرة قبل ماتروحين المستشفي دخلي قولي علششان نتوقع انك جالسة تولدين مانحاتيج
ياللة بالسلامة للجميع

ألف مبروك خرزة زرقه و أم العصافير ويتربون في عزكم أن شاء الله
وعقبال الباقين

أم طيف ورهف حبيبتي ماتشوفين شر والله زعلت عليكي

بس يله تحملي والفرج قريب أن شاء الله

[grade="008000 FF6347 008000 4B0082"]شخباركم وشو آخر علومكم...........انشاء الله الجميع على طول بخير
دفء الجليد: بالنسبة لحركة البيبي اشوفها ما قلت عندي بالعكس عادي ولما يتحرك اموت من الالم يعورني صدق ، وانا خلاص مشتريه للبيبي وتعبت من اعدل الكبت وارتب ، ما باقي شئ غير انه يطلع بس [/grade]



[grade="32CD32 FF6347 008000 4B0082"]كتكوتة نايمة: الله يعينج على الالم اللي يروح ويرجع، دام هذا كلامج معناته فعلا هذا طلق خفيف!!!! وانشاء الله باذن الله تولدين يا رب[/grade]
[grade="00008B FF6347 4B0082 4B0082"]أم طيف ورهف: سلامات يالغالية وما تشوفين شر, وانشاء الله ما في شر على البيبي , وانا مثلج والله افكر وين اودي ولدي علشان كل اخواتي مسافرات سوريا وانا قاعدة هني مع امي ومرت اخوي بس/ وامي بروحها حالتها حالة, ما عندي حد يمسك ولدي غير بيت اهل ريلي وما ابي اكثر عليهم وطول الوقت افكر بها الشئ..الله يحلها يا رب لهذاك اليوم[/grade][grade="008080 FF6347 008000 4B0082"]بالنسبة لي طبعا مليت من الانتظار وبروح موعدي الاحد الياي علشان تشوف ماي الجنين قليل والا لأ ، واذا ظل على نفس حاله معناته بيسوو لي طلق صناعي والله يستر[/grade]

الجميله 78

أم شوق

و دفء الخليج

مرحبا بكن خواتي ويسعدني الانضمام

وهي والله انا وايد متأخره

حملت من قبل وعقيت وكان ولد 3 شهور

وهذا ثاني حمل لي يعني اول بيبي البجر

وعاطيني تاريخ 15 يعني ورا باجر

بس هب حاسه بشي بالمره

بس البيبي ما شاء الله حركتها وايد زايده

وأتـألم وايد لما تتحرك

احس الحركه تحت وايد تحت ويعورني

وصدق والله زهقت ابا اربي

بس الزيغه ولاني متروعه وايد

الخوف شويه مسوي عليه

يعني اقول اذا طولت ماعليه

خخخخخخ

من الزيغه والله

ألف مبروك لخواتي اللي ربن

وعقبالنا والله يهون علينا ان شاءالله

وتسلمن الغاليات ع الترحيب الغاوي

اختكن

أم هزاع

مراحب حوامل
شخباركم بغيت اطمن كم ياعمري الحمد اللة انا صرت زينة اليوم احسن بس تكسر السخونة مازال بس الحمد اللة علي كل حال
ماقصرتي ضحكات وبسمات ياعمري اللة ياعطيكي العافية ياربي اتهنيني بالمولودة انشاء اللة لا تقاطعينا

الجميلة
اي واللة كلنا في الهوا سوا انا مشكلتي عيالي ماينامون الي الساعة 4 الفجر معاي واخاف اخليهم الحالهم بالبيت مع الشغالة وفي نفس الوقت اخاف اوديهم بيت اهل زوجي مابيستحملون حنتهم وغير كذا يبون مكانهم والعابهم بس انشاء اللة طبيعي كلها يوم واخلص انشاء اللة

ام هزاع
توا الناس وينك ياعمري جايتنا علي الأخير ياللة بالمبارك عليكي انشاء اللة والحمداللة واللة انشاء اللة ايعوضك خير تعالي البنات بعد حركاتهم قوية انا متفائلة ان ولد معنهم قالولي بنت بس من كثر الحركة شكيت ان ولد لأن في بنتيني الي قبل ماكنت احس بحركتهم

كتكوتة نا يمة
اللة ايهون عليكي يارب ويسهل عليكي ولادتك ياميسر لا تعسر يا أرحم الراحمين
انشاء اللة قمتي بالسلامة حبيبتي

ام شووووووووق
ها حبيبتي ولادة انشاء اللة
اليوم مافي حس بالمنتدي شكلكم كلكم قاعدين اتولدون يارب سترك ياربي كلكم تستانسون بأطفال اصحاء وانتوا اتقومون بالسلامة

1- بنت الكويت 84 في 9 يونيو 2006

2- ماروكووو في 1 يوليو 2006

3- مس نوار في 1 يوليو 2006

4- نور ينور قمر في 3 يوليو 2006 - ولد ( بشرتنا بخليفة 19/3 ولادة مبكرة )

5- سوااااري في 4 يوليو 2006

6- أم العصافير في 5 يوليو 2006

7- كتكوتة نايمة في 7 يوليو 2006 - بنت

8- حبيبة ريلها في 7 يوليو 2006

9- شوق العين في 8 يوليو 2006 - ولد

10- أم الحلوووة 11 يوليو 2006 - ولد

11- حلوووة البحرينية 11 يوليو 2006 - ولد

12- عيون الافعى في 12 يوليو 2006 - بنت

13- أم رغووودة في 12 يوليو 2006

14- flower_world في 12 يوليو 2006 - ولد

15- أم شوووق في 12 يوليو 2006 - ولد

16- أم أسيد في 12 يوليو 2006 - بنت

17- طفلة غلا في 13 يوليو 2006

18- asmaa_kh في 14 يوليو 2006

19- سوسكا في 15 يوليو 2006

20- FLoOoOoOoNA في 15 يوليو 2006

21- jafa في 17 يوليو 2006

22- أم سيف 2006 في 18 يوليو 2006 - بنت

23- راضية بقدرها في 19 يوليو 2006 - بنت

24- دفء الجليد في 20 يوليو 2006 - ولد

25- توتة في المريخ في 20 يوليو 2006 - ولد

دودة في بطنها نونوفي 20يوليو2006 ولد

26- أم أحمد 25 بدش التاسع ان شاء الله تاريخ 20يوليو 2006

27- بسمات و ضحكات في 22 يوليو 2006 - ولد - وولادة في 6/6 بس توفاة البيبي الله يعوضها خيررررر أن شاء الله ....

28- شذى في 23 يوليو 2006

29- ليل المجاريح في 23 يوليو 2006 - ولد

30- الجميلة 78 في 24 يوليو 2006 - ولد

31- الأمل الجديد في 24 يوليو 2006

32- الحالمة بالحب في 24 يوليو 2006

33- دمعة شتاء في 25 يوليو 2006

34- قطر في 26 يوليو 2006

35- عبق الريحان في 28 يوليو 2006

دودة 81 في 28 يوليو 2006 ولد
36- ام حسام في 29 يوليو 2006

37- أم طيف ورهف في 29 يوليو 2006 - بنت

38- ayyat في آخر شهر يوليو

ام الحلوة
شنهو الأخبار عساكي ولدتي بس موعدك طاف صارلة يومين انشاء اللة ولدتي كمنينا عليكي