اللي موعد ولادتها شهر يوليو ..تدخل وخلنا نكون رابطة امهات يوليو

اي واللة حبيبتي بالمرة زهقنا
مشكورة ضحكات وبسمات صراحة تواصلك معانا كثير مفرحني ان فيكي الخير واللة واللة هونها عليكي واللة
خرزة زرقة
حبيبتي اذا ارجولك منتفخة عليكي لازم اتروحين الدكتور لايصيدك مثل اللي صادني كان فيني تسمم حمل وانا خبر خير ماتدرين معناتة الزلال مرتفع في البول وهذا شي جدا خطير وعلي فكرة كلنا في الهوا سوا كلامنا الفترة هذي كلة علي الولادة وتعب الحمل احس الكل صار ينحاش من سوالفي ماعندي الا هلسالفة من جد تبين احد يعطيج وجة مافي اتحسين نفسك مملة
سكتي ميتة ابي اولد الحين الحين بس في نفس الوقت اقول خلها تربي في بطني لأن عيالي الي اجيبهم كلهم صغار علي كيلوين بس
انا باجر باروح حق الدكتورة بحاول معاها اتصوراي البيبي عل اللة ترضي

سلام يا حوامل

شخباركم وشمسوييين ..

اذا على الطفش خلوها على الله انا الناس اللي حولي اطفشوا من عقب ما ربت اخت ريلي ...قاموا يقولون لي البجر اولدت وانتي اللي ثاني واحد ما ولدتي....يصيدني احباط

بنات انا مديري متعب نفسيتي... يوم الخميس تهاوشت وياه تخيلوا يبي يمسكني شغل قسمين ...القسم الاول شغله يبتدي من اول ساعات الدوام لين نهاية ساعه الدوام والقسم الثاني يبتدي عقب ساعات الدوام ...ما يراعي اني كرة موبنتي بعد مريضة ...صب رجال واي حامل وبشهري الاخير....تهاوشت معاه ولما رجعت البيت قعدت اصيح من قهري عليه ..ويوم الاحد بروح الفرع الرئيسي وبشتكي للمدير العود ..ماعاد فيني ..

وبنتي بعد مريضة صايدها ميكروب في المعده ..وكله اسهال وترجيع وسخونة تخيلوا ما انام الليل وكله اقوم اوديها الحمام ترجع وابدل ثيابها وفراشها ...واقيس حرارتها واعطيها دواء خافض للحرارة ...واسهر لين تنزل حرارتها وانام ...عطوها ساعتين الا ترجع مرة ثانية ويصير لي نفس الشيء ...تخيلوا احساسي وشكلي شلون ...نفسيتي اندمرت ...وظهري اندمر ..وبطني كله الالام ...بس ياليتها الالام ولادة والمشكلة اني ابي اولد علشان ارتاح من الدوام ومابي اولد لان بنتي تعبانة ...شاسوي ...حلولي المشكلة ...

يوم اشرب اي شيء من الاعشاب يا بنات يجيني الم ويروح ..وتدرون كله احس البيبي يتحرك ويدعس راسه تحت ويجيني الم من هالشيء ولما استانس اقول الولادة بدت معاي ...يروح الالم كان شيء لم يكن ...

بسمات وضحكات ....نورتي صفحتنا يالغلا وعقبال ما نسمع بحملج يارب

ام طيف ورهف ,,,اشوفج ما تسالين عني ...؟؟؟ انا زعلت خلاص ,,,,امزح يالغاليه ..ماقول غير الله يهونها علينا يارب ويابنات ترى مافي وحده تولد الا بالوقت اللي الله كاتبه ...بس احنا تمللنا لان الجو يملل والثقل يذبح الله يساعدنا ان شاء الله ويحتسبها لنا اجر

كتكوتة نايمة :.,,,ما ربيتي ؟؟؟ الله يساعدج ..وتولدين طبيعي ابرك من القيصري

خرزة زرقة ...انتي تشتغلين ولا تدرسين ولا قاعده في البيت ....والله لو قاعده في البيت ابرك لج ..يا زين قعده البيت

بنات من فيكم تتخيل شكل بيبيها وتتخيل وضعها في الولادة ...

هلا بخواتي الغاليات.....................الله يعينا جميعا انا اليوم السبت رحت موعدي واخيراااااااااااااااااااااااااااااااااااااااا باركولي طلعت دكتورة فلسطينية مب الباكستانية المطفرة فيني والحمدلله لما قلتت لها ابي اسوي صورة عشان اشوف وزن البيبي ماقصرت وشيكتت وشفته وارتحت بس تحطمت زيادة اقول متى بولد وبشوفه جدام عيني...........واللله عيني تدمع عليه من كثر التفكير.........فيه

ودف الجليد سلامات عشان بنتج الامورة وصراحة ماقول غير ربي يصبرج الظاهر انتي ماشالهه هم شاله همووووووووووووووووووووووووم صراحة ربي يصبرج ويعينج

وبخصوص القعدة انا قاعدة فالبيت خلصت جامعه تخصص اعلام.....علاقات عامة وماتوظفت عفست الدنيا في ابوظبي عشان الوظايف ومحد يبيني...............والمهم احمدربي اني حامل وقاعدة فالبيت

بس زين يوم بتروحين تشتكين على المدير ........يستاهل صراحة فيه نذالة

هلا


دفء الجليد الله يعينج على شغلج انا الحمدلله لا اشتغل ولا شي قاعده مرتاحه فبيتي والكل يقوللي اريح لج من قومة الصبح..
اما عن بنتج وديها عند دكتور مهند وايد زين انادايما اودي بنتي عنده لما تمرض بسرعه تتحسن..


امس واول امس كان ظهري ذابحني من الالم بس مب اعراض طلق امشي كأني عيوز محندبه
لا اقدر اقعد عدل ولا اقدر انام عدل وحالتي حااااااااااااله
ففكرت فيها قلت خلي اروح عند المدلكه الفلبينيه اللي قلت لكم عنها من قبل مالت بن داوود منها تدلك ظهري ومنها تدلك بطني عشان اولد بسرعه
طبعا ريلي وامي خافوا وماخلوني اروح خايفين علي وعلى البيبي وريلي ما وافق الا يوم شافني اصيح من الضيقه ((محد حاس فيني وفي اللي يجيني من آلام الا المجربه مثلي)) ولا الرياييل شعرفهم !!!وامي بعد كانت خايفه علي وايد تقول هي مب دكتوره شفهمها في هالسوالف...!!!

المهم
رحت لها قالت لي مثل قبل راس البيبي مفتر على جنب مب في النص بالضبط وهاي اللي مخلي ظهرج يعورج فقامت تسويلي مساج خفييييييييف ودائري صوب بطني بس مالمست البيبي بس حولينه عشان تخليه يتحرك شوي ويروح في النص.وهمزت ريولي ويدي وراسي وعقبها مسكت اصابعي كأنها تشوف نبضي ويوم خلصت قالت قومي خلاص ((انتي الحين مفتوحه 3 سانتي)) عاد انا بققت عيني شلون تعرفين بدون ماتكشفين من تحت قالت احنا نعرف بطريقه ثانيه غير عن الدكاتره؟؟!!!!!!!!
وقالت انتي اذا مشيتي شوي زياده بينفتح 5 سانتي واذا نزل عليج دم او ماي لاااازم تروحين المستشفى على طول.. قالتلي يمكن بكره فليل او عقب بكره ولاده هاي الكلام كان امس يعني يا اليوم فليل يا بكره...انشالله

والحين ظهري تمااااااااام ومايعورني مثل قبل بس احس بضغط من تحت كل شوي بس مب الم
بعد شوي بروح الستي عشان اتحرك شوي وبنشوف..

خرزة زرقة ...مشكورة يالغاليه واذا على الهموم خليها على الله محد حاس فيني ولا فالضيقة اللي فيني ..احس ان بنتي مرضت جنها حاسه ان بيجي بيبي ثاني بياخذ اهتمامي ...تصدقين انها تتعمد ترفس في بطني او ترقد عليه ...وغير جذي تحب تحركني وايد ونحيسة مكرهتني بنفسي ...

وبالنسبة للمدير ..الله عليه ان شاء الله ويوريني فيه يوم ...

كتكوتة نايمة ...قولي لي من هاذي الفلبينية ...؟؟ شكلي بروح عندها لاني طفشت من حملي واللي يقهرني قلت لحد ابي اولد يفتكروني غيرانه من اخت زوجي ...

احس اني ودي اصيح واني متضايقة وبنفجر ...

طبعا الحمل والولادة والثقل ما تحس فيه الا اللي حامل او اللي توها ولدت مب وحده والده من زمان ...

تصدقون لو اقولكم اني ساعات افكر اقوول باكل سكريات وايد وبروح المستشفى واهليهم يسوون لي فحص سكر وبيطلع مرتفع عقب بيولدوني طلق صناعي ,,,

عقب اخاف من هالشي واسكت واقول الله يعين

كتكوتة ..انا اللي باقي اسبوعين على موعد الولادة طفشت شلون انتي اللي موعدج طاف ....اكيد تمللتي ...

وين الباقي ....ليل المجاريح وحلوة بحرينية وجميلة وام طيف وام سيف وام الحلوة وام شووق ...


اتمنى انهم ولدوا بالسلامة وارتاحوا يارب ...

[grade="008000 B22222 008000 B22222"]هلااااااا حوامل شحالكم

كتكوتكه انشاء الله تولدين بسهااااااااله والله انج فرحتيني

انا خاطري اربي والله ملييييييييييييييييت وتعبت من المشي

كل يوم اقول باجر اكيد بربي وانا شكلي بدخل العاشر ومب مربيه اهئ اهئ

وانا بعد يالسه فالبيت لا شغل ولا مشغله

اللهم لا سهل ال ا مجعلته سهلا وانت تجعل الحزن انشئت سهلا[/grade]

[grade="4169E1 FF6347 4169E1 FF4500"]حوامل ابي اسالكم يوم ينزل الماي بدون الم على طول اسير المستشفى وله اتريااااا لاني اسمع البنات يقولون انهم يتريون وااااايد لين يحسون بالم طلق بعدين يسيرون اترياااااااااا وله شوووووووو؟؟؟؟؟؟؟؟

انا صراحه احس عمري مااقدر اتريا

صح انتوووووووو وينكم ؟![/grade]

ام شووق ..اللي اعرفة انه لازم تروحين لان يمكن يسبب جفاف للجنين ...

روحي اختي واذا مطولة بيقولون لج روحي البيت

[grade="A0522D 008000 A0522D 008000"]مشكوووووره دف الجلييييد [/grade]

تصدقين عاد يا دفء الجليد اني طفشت واطفش زياده لين اشوفكم انتو اللي باقي لكم اسبوعين وثلاثه متضايقين من اعماركم وتبون تولدون عيل انا شاقول اللي خلصت التاسع وامشي في العاشر ...يلا ننتظر كم يوم زياده...
الكل يتصل لي يسألني ها ماولدتي..متى بتولدين................تضربني ضيقه من هالسؤال...
مرات احس لأن الكل ينتظرني اولد ويحسبونلي بالايام والساعات يمكن عشان جذيه تأخرت ولادتي...


سألتيني عن المدلكه ...هي فلبينيه اسمها موندا ينادونها ماما موندا لأنها مره عوده عيوز..,وايد فاهمه...
بس ترا اذا باقيلج اسبوعين ماترضا تسويلج شي تقول مب زين ...كملي شهرج واذا ماربيتي روحيلها..انا امس كملت شهري ورحت لها...

هلا واللة بالغالين
شخباركم اليوم عساكم علي القوة انشاء اللة
دفء الجليد
يامختفية يا كاسحة الساحة شخبارك ياعمري عساكي بخير واللة سامحيني بس الحمل ايفر الراس المخ مخلبط والحالة حالة كني دبة بنزين امشي مأساة وابي اولد الحين الحين مستعجلة

كتكوتة نايمة
حبيبتي مادري احس ان هذي شلاخة معقولة انفتحتي 3 ياريت واللة وين هذي في قطر شكلي باجيلها واي كتكوتة انا في ولادتي الثانية خذيت اسبوعين من العاشر بس كنت كلش عادي وموزهقانة اما الحين يمكن من الحر الواحد موطايق روحة اتصدقين بس صدقيني ان خلصت ال39 اسبوع وماولدت بانتحر تمللت
واللة اتصدقون بنات كنت احاول الفترة اللي فاتت اعطيكم دعم معنوي بس الحين خلااااااااااااااااااااااااااااااااااااااااااااااااااااااااااااااااااااااااااااااااااااااااااااااص طفرت

خرزة زرقة
شخبارج ياعمري الا مالج حس اليوم موحلو المنتدي من غيرك

ام شووووق
ها ياعمري لا انشاء اللة اول ماينزل دم او ماي لا زم اتروحين تطمنين انا ضد اللي يستنون بالبيت لأن الوحدة موضامنة اشقاعد ايصير داخل وشلوضع مع ان يبطحونج علي ظهرك مع هلأجهزة انا بالنسبة لي لويخلوني واقفة اهون من اني انبطح علي السرير مرض بعينة

فلور ورلد
ها ها ها ها ها
مختفية

ليل المجاريح

مختفية
ام الحلوة

مختفية

ام العصافير
مختفية

اليوم رحت المستشفي قاسولي الضغط الحمداللة طبيعي ويوم الثلاثاء انشاء اللة مراجعة

الصمود يارابطة يوليو بس محد سوا اسواتك ياكتكوتة نايمة شلتأخير علية اكليلك عسل ودارسين وتدخني بالمرمية واخذيلك خروع ياحرمة
بس باقولك نزل عليج شي حسيتي بعولر دخلي المنتدي قولي بنات رحت اسويها وحنا نفهمها موتسوينها باسكات هذاني قلت لك

هاهاهاهاهاهاي
افا عليج يا ام طيف ورهف واول مااحس باي عارض للطلق بكتب لكم واحركم
خخخخخخ

مايندره يمكن المره صاجه يمكن انا صج مفتوحه 3 سانتي لأن احس بدفع خفيف تحت كل شوي
ويمكن شلاخه وانا يتهيئلي ...بشوف بكره العصر عندي موعد في عند الدكتوره بخليها تكشف علي...

والله اني ماخليت شي ماسويته ...كل كم يوم شي
مشيت لين ماانكسر ظهري
شربت خروع يمكن اربع مرات ...ولا سوى لي شي بس مشى بطني...
شربت دارسين لين ماكرهته ماقدر اشم ريحته
كلت عسل...اصلي جايبينه من ايران طلبيه
وشربت ماي ورد منقوع فيه زعفران (غرشه كامله)
وتدخنت بعود اصلي مال القرشي (التوله ب350)
والحين كوب الزعتر عندي ..بشربه بعد شوي

هاهاهاهاها
حبيبتي انا في ولادتي الثانية تدرين جبت فحم وحطيت فوقة كومة مرمية اذا تعرفينة من فلسطين والاردن ايقولون لج اهل الشام في المستشفي يستخدمونة عشان ايسرع يفتح الرحم متخيلة انة الدايات اللي بالمستشفي ايسونة للوالد
والدارسين حبيبتي صارلي اسنين اشربة بماي مغلي وسكر لأن اتجيلي الا م الدورة تذبحني وصرت من اشمة جبدي تقلب وعلي طول استفرغ بس من شم ريحتة بس بعد ماتزوجت ام زوجي صارت تخلطلي اياة بحليب ذوقي طعمة صراحة روعة مالة شغل باللي كنت اشربة اول
من تجربة شخصية الخروع لوع جبدي بس اما المرمية علي طول بعد كم ساعة جالي الطلق
انتوا لواتعرفون قصتي مادري اشبتكون ردة فعلكم بس انا عن نفسي كشيت وخفت انا حطيت لي مرمية العصر وبعد المغرب رحت انا وزوجي وبنتي علي الملاهي اول مادخلنا الملاهي علي طول رحت اللة ايعزكم الحمام علشان البول اول ماخلصت والا علي جنب اشوفلك حرمة شكلها غريب يخوف بدوية يمنية مو عارفة بس اللي كان شكلها ضعيفة وعجوزة ومليانة وشم في وجهه الا تسئلني حامل اقولها اي تسئل بأي شهر اقولها في شهري مادري اشخربطت مادري اشقالت مافهمت قالت كلام غريب اللة وكيلكم علي طول عند زوجي ارتعد وانتفض اقولة صار كذا وكذا قالي لاتحطين في بالك قعدنا حول الساعة وماراحت من بالي صراحة بعدين رحنا البيت اول مادخلت البيت انبط الماي

فمادري بعدين اول ماولدت الا صار ايذكرني فيها ايقول شكلها دعتلك اقول اي شكلها مسكينة

ياحريم سؤال انا الحين خلصت 37 اسبوع اشرب هلخرابيط والا لأ ارشدوني تمر ودارسين بس ردوا علي بسرعة مستعجلة ابي اعرف

سلام

1- بنت الكويت 84 في 9 يونيو 2006

2- ماروكووو في 1 يوليو 2006

3- مس نوار في 1 يوليو 2006

4- نور ينور قمر في 3 يوليو 2006 - ولد ( بشرتنا بخليفة 19/3 ولادة مبكرة )

5- سوااااري في 4 يوليو 2006

6- أم العصافير في 5 يوليو 2006

7- كتكوتة نايمة في 7 يوليو 2006 - بنت

8- حبيبة ريلها في 7 يوليو 2006

9- شوق العين في 8 يوليو 2006 - ولد

10- أم الحلوووة 11 يوليو 2006 - ولد

11- حلوووة البحرينية 11 يوليو 2006 - ولد

12- عيون الافعى في 12 يوليو 2006 - بنت

13- أم رغووودة في 12 يوليو 2006

14- flower_world في 12 يوليو 2006 - ولد

15- أم شوووق في 12 يوليو 2006 - ولد

16- أم أسيد في 12 يوليو 2006 - بنت

17- طفلة غلا في 13 يوليو 2006

18- asmaa_kh في 14 يوليو 2006

19- سوسكا في 15 يوليو 2006

20- FLoOoOoOoNA في 15 يوليو 2006

21- jafa في 17 يوليو 2006

22- أم سيف 2006 في 18 يوليو 2006 - بنت

23- راضية بقدرها في 19 يوليو 2006 - بنت

24- دفء الجليد في 20 يوليو 2006 - ولد

25- توتة في المريخ في 20 يوليو 2006 - ولد

دودة في بطنها نونوفي 20يوليو2006 ولد

26- أم أحمد 25 بدش التاسع ان شاء الله تاريخ 20يوليو 2006

27- بسمات و ضحكات في 22 يوليو 2006 - ولد - وولادة في 6/6 بس توفاة البيبي الله يعوضها خيررررر أن شاء الله ....

28- شذى في 23 يوليو 2006

29- ليل المجاريح في 23 يوليو 2006 - ولد

30- الجميلة 78 في 24 يوليو 2006 - ولد

31- الأمل الجديد في 24 يوليو 2006

32- الحالمة بالحب في 24 يوليو 2006

33- دمعة شتاء في 25 يوليو 2006

34- قطر في 26 يوليو 2006

35- عبق الريحان في 28 يوليو 2006

دودة 81 في 28 يوليو 2006 ولد
36- ام حسام في 29 يوليو 2006

37- أم طيف ورهف في 29 يوليو 2006 - بنت

38- ayyat في آخر شهر يوليو

[grade="00008B 008080 4169E1 00008B"]هلااااااا حوامل الكسالا اللي ولا وحده ماربت هههههه

انا بعد ياكتكوته احس بشد مثل دفع خفيف ويختفي و بعدين يرد علي يارب اربييي

ام طيف ورهف وين الحرمه خل اسير عندهاااااااا يمكن تدعيلي ههههههههه

وين الباقين [/grade]

بنفجر يا بنات احس الببي يدعس راسه تحت ذبحني وايد

وغير جذي الم مثل الدورة يجيني ويروح وعقب ساعه يجيني ويروح ..مادري ...هل هاذي علامات ولادة

المشكلة اني ابي اولد\ باسرع وقت علشان افتك من الدوام ومن وجه مديري الخايس ....بنات لما يجين الم في بطني يجيني الم يا بنات ورى ...يعني كاني ابي اروح الحمام

ولما اروح الحمام يروح الالم ..شيء غريب الصراحة ماصادني في بنتي ...

اففففف والله اني تمللت وايد ..تمللت حدي ....

وزوجي يقولي شفيج صايرة قليلة صبر ..اصبري الصبر زين ...

ونفسيتي تعبانة موووووت ....مادري شاسوي ..

خلوها على الله

ماروكووووووووووو
طحت عليكي اتدخلين حتي تعليق ماتعلقين قوليلنا قصيتي الشريط والا ليما الحين وقوليلنا قصة ولادتك اللة ايعافيكي حبيبتي

هااااي بناااااااااااااااااااااات
ام طيف ورهف مشكوره حبيبتي ع السوال .
انا مختفيه لان النت ملعوزني وقالولي لازم اروووح اصلح الابتوب .....


المهم انا اليوم رحت عند الدكتوره وقالت لي لازم ارد المستشفى بعد 4 اياااام عندي ع موعد الولاده
وسألتها قلت لها شو بتسووون فيني ........قالت يوم حزتها بقووولج يمكن طلق صناعي او ابره اوتحمييييييله ....وانشاء الله تربين قبل...........والله رديت البيت اصيييييييييييييييييييييييييييييح
انا وايد خايفه كان خاطري اني اربي بروحي من دون ما اروح المستشفى ويعطوني محرض للولاده

ما ادري يابناااااااااات شووو رايكم اروووح يوم الاربعاء ولا لا ......................؟؟؟؟؟؟؟؟؟؟؟؟

نسيت اقوولكم انا الحين بالاسبوع 39 وثلاث اياااااااام ..........


باجر ريلي بيرد من الدوااام من اسبووووع ما شفته ...بس الصراحه مالي خاطر ابدا اروووح
البيت معاااااااااااااااااااااه .......ما ادري شو اقوووله وشوو اتصرف ....خصوصا ان نفسيتي تعباااانه
بعد ما رحت عند الدكتوره اليوووووم ...يارب اربي الييييييييييييييوم وافتك عشااان ما اروح معااه باجر ............مالي خلق لاعليه ولا ع اهله ........................


نصحوووني شو اسوي

:sad: :sad:






محد رد علي




:sad: :sad: