اللي موعد ولادتها شهر يوليو ..تدخل وخلنا نكون رابطة امهات يوليو

شلون عرفتي انج حامل ؟؟

لما صار موعد الدوره الشهريه وماجاتني قلت بتجيني بكره ولا كنت حاطه فبالي اني ممكن اكون حامل عقب تأخرت الدوره خمس ايام وانا عندي امل انها بتجيني عقب شكيت قلت ليكون حامل قلت خلي اجرب بالتحليل المنزلي ومتوقعه اني اكون مب حامل (طلع الخط وردي فاااااااااااااتح مايبين الا بالغصب عاد انا كانت معاي بنت عمي فراويتها قالتلي لا يبين انتي حامل ) وانا مب مصدقه.قلت خلي اسويه الصبح لأن مثل ماتدروم كرمكم الله البول يكون فيه هرمون الحمل اكثر شي الصبح ...جربت وبين الخط اوضح من امس
عقب سويت تحليل دم عشان اتأكد اكثر .



وباي طريقة ؟؟؟

بالتحليل المنزلي وتحليل الدم




وشلون كانت حالتج .؟؟

اول شي ماكنت مصدقه لأني كنت مأجله الحمل بس عقب استانست الحمدلله



ومن كان معاج ؟؟

في تحليل المنزلي بنت عمي وتحليل الدم زوجي


وخبرتي من ؟؟؟

اول وحده هي جدة زوجي لأنها دايما تدعي لي اني احمل وانا مأجله خبرج حريم لول كله يبون المره تحمل!!!!
وعقب امي وهلي




هل بدى الترجيع والوعه ولا تو ؟؟

اففف اسكتي تعبانه كله لايعه جبدي
يوعانه ابي اكل بس اخاف تلوع جبدي
مااعرف شآكل
يصيدني حارج ولوعه
ماحب الخضره اي خضره لونها اخضر مااحبها كرهت الخيار وكل شي اخضر
ماحب اشم عطور زوجي
حتى العلوج مااحب ريحته



موعد الولاده 7/7/2006موعد حلو صح؟؟؟!!!



عندي احساس اني بجيب بنت ثانيه

شلونكم بناااااات

انا معاي صخونة وانفلونزاااا وخشمي مسكر حدة عندكم شيء للانفلونزا؟؟ بحرب الليمون والبرتقاال الله يعيننا ما اقدر اخذ ادوية وانا وحدة خواااافة

دفئ الجليد"تو الناااس على التجهيز على الاقل في الشهر السادس الوحدة تشتري وانا حاسة انة فيني بنت ما ادري يمكن علشااااان اتمنااااهااااااااا بس الاهم عندي الصحة والعااافية والبيبي يكوون سليم وطبيعي وانة عندي ولد الله يخلية لي , وزوجي شكلة يبي ولد بس يقول مو فارقة عندي ياااااااااااااا الله اللي يجي من الله حياااة الله.........

وانا امس شلت كل عطووري ومكياجي لانى اكرههم في الوحم

مثل ما قلت لكم: انا صراحة بعدني ما توحمت على شئ والحمد لله...................ما ابي اكره العطور لأني احبها موت وكل عطر يديد نازل ركضت شريته، بس اوحم بخبركم باذن الله

مرحبا .... انا بعد وياكم ..... انا ادكتوره عطتني موهد الولاده 30_6 وقالت احتمال كبير باول 7 يعني وياكم ,,,,,,

اختي كتكوته نايمه صدفه تاريخ ولادتج مثل تاريخ ميلادي يعني انا وولدج ان شاء الله بنكبر بنفس اليوم خخخخخخخخخخخخخخخخ بالنسبة للاسئله :

شلون عرفتي انج حامل ؟
تاخرت الدوره وسويت الفحص بالبيت وعرفت
وشلون كانت حالتج ؟
استغربت وكما صدقت لانه كل شهر اسوي وما يطلع شي ... بس فرحت لفرحت زوجي
منو كان وياج ؟
زوجي حبيبي لا انحرمت من فرحته .
وخبرت من ؟
بنت عمي واهلي ومرت عمي
هل بدا الترجيع واللوعه .
اللوعه واصله حدها الصبح بس الترجيع على خفييف الصبح بعد
موعد الولاده :
اخر سته واول سبعه بالتحديد الله اعلم ..............___________<<<>>>>>> يعني حزب شهر يونيو وحزب شهر يوليو ما ادري منو بيفوز بولادتي الكريمه ...خخخخخخخخخخخ
والمشاري تو الناااااااااااااااااااااااااااااس واصلا ما عندي وقت للمشاري حاليا مسوووووولياتي لراسي
والله يتمم لنا وللكل على خير
ولاتنسون تدعولي بالياهل السنع المكتمل والسليم يا رب وانتو وياي

كتكوته نايمه

هلا فيج برابطه امهات يوليو...تاريخ.موعد ولاده حلو
الله يتمم عليج ان شاء الله حملج...ويثبته


::ام رغوووده::

الله يعافيج ان شا ء الله ما تشوفين شر


ماروكووو

هلا فيج اختي الله يتمم عليج ان شا ءالله ويرزقنا وياج بالولد المعافاة

هلا بخواتي الحوامل
أنا للحين مادري مرة أحس بنية مرة ولد
و ريلي يبي ولد
ان شاء الله خير اللي من الله حياه الله

حياتي جافا: قولي يا رب ولد علشان يرفع راس ريلج وبعدين لاحقة على البنت.............الحمد لله يارب واشكرك على النعمة، ان انا اول مولود لي ولد، وريلي فرحااااااااااااااااااااااااااااااان وعمتي وعمي ..علشان انا من 3سنوات ونص ما حملت ! ولما حملت الحمد لله يبت له الولد...
مع اني انا كان خااااااااااااااااااطري في بنت ما اهتميت براي ريلي بس لما سفت الفرح في عيون ريلي واهله فرحت من فرحهم....


والواحد يقول الحمد لله على الولد والبنت لأنهم كلهم من رب العاليمن....

تصدقون عااد ....انا شهر سبعه احبه بس ما كنت اتمنى ان اولد في هالشهر لانه عز الحررررررررر.....

وتخيلوا نفاس ....وتعبانه وحرررر....انا بنتي شهر خمسه وبغيت اموت شلون شهر سبعه .....

بس اختي مستانسة تقول اجازة علشان كل يوم اكون عندج ....

وتصدقون عاد اخت زوجي حامل ومن رابطة يوليو بعد ...

الله يعينها ام زوجي ..بتتوهق بيني وبين بنتها ....ذاك يصيح وهاي يصيح ..خخخخخخخخخ

احنا اتفقنا ..اذا جابت ولد وانا جبت بنت نزوجهم لبعض ...وتمينا نضحك ومستانسين لان صرنا نتكلم عن الحمل مع بعض ...

ام رغووود ....الله يعينج على الانفلونزا .....والله ماعرف شاقولج ..انا في بنتي صار لي جذي وتعبت بغيت اموووت ....بس ماخذيت ادوية علشان البيبي ......وانتي لا تاخذين والله يعينج على التعب والمرض ..تحملي بس اهم شيء ما تضرين البيبي ...

مارووكووو .....سواء كنتي رابطة يونيو ولا يوليو ....حياج الله اختي هنيه وهناك اهم شيء انج تستفيدين من يوليو ومن يونيو ..هههههه

هلا بحبايبي الحوامل:
توني ييت من عند الدكتورة...لحد الان انا موعارفة باي شهر الدكتورة توها معصبة واصلة حدها وماعطتني شئ مفيد...........عطتني تحاليل وما سويتها لأن الوقت متأخر...
الحينه بس ابي اعرف انا باي شهر..لآن الشريط حاطني الثاني وانا مو متأكدة..وابي اعرف باي تاريخ ادش شهري...


انا بنتظر لين موعدي الثاني للدكتورة

..الدكتورة ليش معصبة ؟؟؟

تصدقين عاد ..انا اذا الدكتورة معصبة تلاقيني اعصب بعد ....

وهالكم يوم بنتي مطلعه عيني ومادري شباسوي مع بنتي لما اولد ...اخاف تذبح البيبي هههههههههه

وانا اعاني من تعسر هضم ياناس اي شيء اكله ما ينهضم وبطني ينتفخ ويستوي لي امساك والم ...وغازات والله حوسة مادري شنو العلاج ...

وتصدقون اليوم جاتني لوعه ....وتعبت وايد منها بس ما رجعت تناسيتها ...وصرت اكره اي شي حلو واحب الموالح والحامض ...

اهل زوجي يقولون ان الحامض والمالح ....يعني بنت والسكر والحلو ولد ....

والله مادري شهالخرافات اللي كل شوي تطلع ...

حبيبتي دفء الجليد: هيه والله مثل ما قلت لكم الدكتورة كانت معصبة مرة...دفء الجليد حياتي انتي سابقتني بثلاث ايام فقط..انا على شريط ا لحمل اللي عندي كاتب لي 5 اسابيع انتي 5 اسابيع و3 ايام,, زين والله


انا الشي الحقيقي اللي بالفعل اعاني منه هو ا لجوع.............انا من قبل ما احمل ما آكل وايد والحينه لازالت هالعادة الخايسة فيني غيرنا ياكلون اكل اليهد وانا ولا على بالي...اتعرفين انا الحينه ميتة يوم بروح اسوي لي شئ....

قاعدة اتكلم مع بنت عمي( أخت ريلي) بالمسنجر:( تقولي تعالي اسوي لج اكل انتي حامل ومو دارية بحالج ههههههههههههههه) والله شسوي الوقت متأخر مو وقت طباخ...بروح ارقد علشان يختفي اليوع....
ودمتم سالمين

مشكوورة اختي الجميلة
ان شاء الله ولد و أشوف فرحة زوجي به
وانتي لازم تعتنين بغذائج عالأقل وجبات خفيفة
ما يصير نبي بيبي حلو و سليم شدي حيلج

أنا بعد أحب شهر سبعة مثل اختي دفء الجليد ( لأني تزوجت في هالشهر ) (r)بس ما تمنيت اولد فيه حر موت الله يعيينا

السلام عليكم ... انا عضوه يديده .. وانا وايد فرحانه اني شاركت وياكم... انا عندي ولد اسمه سيف وعمره الحين سنه وشهرين.. والحين انا حامل.. كانت آخر دوره عندي 11-10-2005..
اولا انتظرت يومين ومايتني الدوره بعدين استخدمت اختبار الحمل بالبيت وطلعلي خطين.. فرحت.. لاني كنت انتظر الحمل... طبعا انا كنت عند اهلي.. زوجي في دوره بس اشوفه كل اسبوع يعني الاربعا والخميس بس والجمعه يروح.. طبعا يوم رجع بشرته وهو وااايد فرح.. بس ما سرت للطبيب بعدني.. قلت انتظر شوي...

انا بس حسيت بألم بظهري ومره بس تقيأت وحصلي اسهال شديد بس الحمدلله الحين احسن وكله طبيعي .. يعني كل شي عادي.. انا في حملي الاول كنت احس باللوعه بس تقريبا لمده 3شهور.. بس ها الحمل .. الله يعلم...

هلابج ام سيف ....حياج الله في رابطة امهات يوليو ....وان شاء الله تستفيدين منا مثل ما نستفيد منج ...

بس اللي ما فهمته منج ...ان الدورة جاتج يومين ووقفت عقبها ؟؟ولا شنو بالضبط ؟؟؟

جميلة ....لو كنا بديرة وحده كان شفتينا بغرفة ولادة وحده .....ههههههههههههه

جفا ...وانا بعد تزوجت بشهر سبعه ....خخخخخخ..والله وطلع بينا تشابه ....بس والله قاعده احاتي ...الناس اجازة ومهرجانات وتنزيلات ...وانا في نفاس ....ههههههههههه

يالله احلى اجازة لاحلى بيبي ..اللي بيحرمني النوم وبيحرمني الراحة .....هاذي هي الامومة قله نوم وراحة ....

هلا هلاهلا بام سيف...ترحيب كبير للعضوة اليدية نورتي الحومل يا حامل....خلاص بننتظر سوالفج مع الوحامو اللوعة ومغامراتج معا الحمل......
حياتي دفء الجليييييييييييييييييييييد: تخيلي انا وانتي بغرفة ولادة وحدة...صدقيني اللي بيصير بننسى الم الولادة وبنقعد نتناقش بسوالف ممنتدى عروس..هههههههههههههههههههههه


انا المشكلة اللي عندي بوقت الولادة راح يكون عرس اخوي فديته.:cry:..والكل من الحينه يتنافسون على الفساتين ومنو المصمم والصوالين وووووووووو................واكثر ثنتين قاهريني مرت اخوي واختي اللي قدها..لأن العروس رفيجتهم ويغايضوني يقولون يحليلها الكاشخة ما بتكشخ مثلنا...:D2.هههههههههههه

ما علي منهم حتى الحمد الله الحوامل يكشخون :shy: شو يتحسبون
تحياتي لكم

[frame="2 80"]السلام عليكم ورحمة الله وبركاته ،،،

شخباركم أمهات المستقبل أنا رايح أكون ثاني مرة أم عند ولد الله يحفظه من الشر عمر سنتين وسبعة اشهر ومتزوجة شهر يوليو 31/7 وبتكون أن شاء الله تعالى في 11/7 /2006 أي أنا الحين في أسبوع الخامس من الحمل ،،،

تسألون شلون عرفتي انج حامل ؟؟

كنت مريض فيني انفلونزه وكنت راجعه من العمرة ((بيت الله)) وكنت أخذ حبوب توقيف الدورة الشهرية وقلت لدكتورة أن الدورة تأخرت وشك أني حامل فعملت لي التحاليل وطلع أني حامل ،،،


وباي طريقة ؟؟؟

بأخذ عينة من تحاليل البول وأنتم بكرامه ،،،

وشلون كانت حالتج .؟؟

اول تفاجات ونصدمت لأن ولدي بعده صغير بس الحمدالله

ومن كان معاج ؟؟
زوجي

وخبرتي من ؟؟؟
أهلي


اما عن اسئالتج الثانيه

هل بدى الترجيع والوعه ولا تو ؟؟

ولا شيء بعدي ما حسيت بشي ((حمد لله )):smile::up:

وهل كرهتي شيء معين ولا تو ؟؟.....

ولا شيء بعدي ما حسيت بشي ((حمد لله )):smile::up:



وبكون ان شاء الله من المتواصلين معاكم [/frame]

مراااااااا :clap::clap: اااااااااااحب بحلوة البحرين...انتي نفسي انا ودفءالجليد..بس انا نفسج تقريبا بالاسبوع الخامس ويوم واحد......:shy:........
يا حيج يا حيج.............
نورتي الموضوع يالحلوة البحرينية وننتظر سوالفج الحلوة

مشكوريييين يا الغااالين...

دفء الجليد... قصدي انها اتأخرت عني يومييين .. يعني انا المفروض اتيني في تاريخ 11-10 بس لين 13-10 مايتني ... وبعدين سويت اختبار الحمل...

الجميله.. مشكوره يا الغاليه... الله يكون في عوناا ان شا الله...

مراحب الحوامل الحلوات .....

جميلة ,.ماعليج منهم في موديلات تجنن للحوامل والله ارتحتي من الكشخة الزايدة بعد ....ومن عورا راس المصممين ....خخخخخخخخ


وحلوة بحرينية ....حياج الله اختي في الرابطة والله يثبت لج حمالج ان شاء الله ,,,,ويخليلج ولدج ....بس بسالج اختي ولو انه يمكن يكون في فضول ولقافة شوي ..انتي ما قالت لج الدكتورة ان ادوية اللي توقف الدورة مافيها مانع ...؟؟؟

انا مرة استعملتها وقالت لي الدكتورة انها مب مانع واني لازم اخذ حذري .....وغير جذي اسئلي الدكتورة اذا كان مضر للبيبي ولالا وطمنينا عليج وعلى النونو اوكى

ام سيف .....اسمحي لي فهمتج غلط ..بس يالله حوامل ويصيدهم لحظة خمول عقلي .....خخخخخخخخخخ


تصدقون انا دش بخاطري مطعم تشيليز وزوجي فديته الله لا يحرمني منه وداني له ....وطلبت بونلس بفلو وينجز ....اكله لذيذة وحارة وكلها شطة ...لذييييييييييذة بس عقبها شربت لبن لين انفجرت عن الحارج ..(( الحموضة )) ....وطلبت بعد تكساس فرايز ..بعد اكله لذيذة ..

استانست ....دش بعد في خاطري كرز .....يم يم ..لذيذ خاطري فيه عاد من قلب ....كرز ويكون بااااااااارد ....الله شيء حلو ....

ومثل ما قلت لكم كرهت السكر ..اكل اشياء حلوة بس ما تكون واااايد حلوة بس اهم شيء ما اشوف السكر جدامي ,,,,

اممممم وتصدقون اذا سمعت اغاني احس تصيدني لوعه لما قلت لام زوجي ضحكت عبالها اني اتطنز ماتدري انه صج ..الظاهر ان اللي في بطني مطوع ,,,,,هههههههههههههههه

عموما ...صرت احس شوي شيو باللوعه بس اتناساها علشان ماتعب ,,,,

ادري طولتها بالحجي عليكم بس قلت كل اللي في قلبي

وانتوا شنو في قلبكم .؟؟؟