اللي موعد ولادتها شهر يوليو ..تدخل وخلنا نكون رابطة امهات يوليو

عيون الافعى... دفء الجليد...انا موجوده بس المشكله.. اني يوم الخميس والجمعه اكون مش موجوده لاني اكون في بيت ريلي.. والايام الباقيه اكون عند اهلي والنت ماشي في بيت ريلي.. وانا ايلس عند اهلي لانه ريلي في دوره وما اشوفه الا يوم الاربعا والخميس واليمعه.....

انا من يومين مريضه.. زكام وكحه.. والله متعبتني... الصراحه الحمل القبلي ما استوا فيني جي.. بس ها الحمل واايد متعبني من كثر الامراض اللي اتيني.. الله يكون في العون...

السلام عليــــــــــــــكم :
شخباركم يا حلوات

الحلوة البحرينية: الله يبارك فيج وعقبال عيد زواجج يالغالية، وانشاء الله تكونين بخير وسهالة
عيون الافعى: هيه والله طلعنا في الهوا سوا، الله يصبر قلوبنا...
دفء الجليد: حبيبتي شخبارج، انشاء الله تكونين بخير يالغالية..خلينا نسمع أخبارج!!
فلور وورد: شخبارج؟؟ وشو أحوالج؟؟ الحمل مو نفس الشئ ،انا حملي اللي فات كان غير والحينه غير..كنت على طول أقارن بس لأني الحينه مشغولة باشياء ثانية فقمت أعدي الايام عادي ما اهتم
بالنسبة للكشف, انا اذكر كشفت عن ولدي لما كنت بداية الرابع نهاية الثالث..وقالولي ولد ..بس كل ما انتظرتي كل ما بين اكثر..بس اللي تبي تروح المستشفى اللي في الشارجة حق الاجنة نسيت الحينه اسمه بيكشفون وبيقولون نوع الجنين من الثالث ويكون واضح بعد..
ليل المجاريح: حبيبتي احناما نسيناج وانتي موجودة في قلوبنا على طول ولا تزعلين..سلامتج الف سلامة وانشاء الله ما تشوفين شر
أم سيف: سلامتج يالغالية وما تشوفين شر

انا الحمد لله بخير،...وانشاء الله نسمع أخبار الباقيات

الجميله..... مشكوره الغاليه وما قصرتي :smile:

شلون عرفتي انج حامل ؟؟

أول شي كنت أحس بألم قوي في صدري
كنت أصيح منه يوم خبرت مرت حميي قالت أنها نفس الشي يوم حملت
قلت لها أني كل شهر تعطيني أمل أني حامل وأخر شي ما طلع حامل

واترييت لين موعد الدورة مايت
وكان قبل العيد بيومين
وكنت سايرة الصالون أتحنى
وتحت الصالون فيه صيدليه
سرت وخذت لي الجهاز من الصيدلية

وباي طريقة ؟؟؟

بتحليل المنزلي

وشلون كانت حالتج .؟؟

كنت فرحانة ويلست انط في الحمام واقول أنا حامل أنا حامل

ومن كان معاج ؟؟
ماحد طبعا

وخبرتي من ؟؟؟
خبرت زوجي أول شي بس بطريقة ملتوية
يا الحجرة وقالي ها سويتي التحليل
قلت له شو توني واصله من الصالون تباني اسوي التحليل ليش مو شايفة خير
ههههههههههههههههههههههههههههههه
وانا كنت مسويه التحليل واحاول ما ابين له ابتسامتي لأني كنت اتعدل
بعدين قالي انزين تعالي شوي
سرت يلست حذاله على الكنبه وقالي غمضي عيونج
وغمضت ولبسني عقد ذهب كانت هديت العيد (بس هومستعيل كالعادة)
هههههههههههههههههههههههههه
بعدين جان أيلس اسولف عن اليهال وأقوله وين بنحط منزل البيبي
وين بنحط الكبت وين بينام وجيه
وقلت واللي بيقول لك أنك بعد كم شهر بتصير أبو
قال قولي ووالله أحلفي ماصدق
وقالي راويني الجهاز وراويته
تم يقول الحمدلله وقمنا صلينا ركعتين شكر
وخبرنا أهلنا

هل بدى الترجيع والوعه ولا تو ؟؟
هيه من الشهر الثاني
بس الحين اخذ حبوب عن اللوعه

وهل كرهتي شيء معين ولا تو ؟؟.....اكره ريحت السجاير والعطورات القوية والرجاليه
وريحت الطباخ والبصل

واتوحمت على....

الآش وهي أكله ايرانيه مثل الشوربة فيها أنواع بقوليات وايد
لذيذة يسونها في الشارجه عند البحيرة
ومره كشري
والليمون ما أستغنى عنه على كل وجبة

امممم
أخر دورة يتني في 26\9
وموعد ولادتي 3\7
والحين انا في الاسبوع 12 من الحمل
الشهر الثالث
أخذ فوليك أسيد من اول ماعرفت أني حامل
والاسبوع اللي فات بس خذ دوا عن اللوعه
وميلوكس عن الحرقة والحموضة في المعدة

وشفت البيبي اينن فديته كنت بصيح يوم شفته مومصدقة انه جيه شكله
والحين كل شي اوكي

الغالية نور ينور قمر:
اول شئ اقولج مرحبا بج في رابطتنا ويا هلا سهلا....
ما خبرتينا انتي باي اسبوع الحينه...واذا عندج يهال قبل والا هذا اول واحد...سولفلنا اكثر يالغالية اذا ما عليج كلافة

يالله يالحلوة البحرينية شوفي شغلج يالغالية...ورتبي القائمة...

الجميلة
انا هذا اول حمل لي

والحمدلله حملت بعد 9 شهور إنتظار
وخذت علاج عن هرمون الحليب كان مرتفع وبعد شهرين حملت
وأنا بالأسبوع ال 12 ويوم الاثنين بكون في الاسبوع 13

[grade="00008B FF6347 008000 4B0082"]ام سيف ...انا بعد ريلي ف دوووره ..واشوووفه بس الاربعا والخميس والجمعه يروح ....
واقعد عند اهلي لما يرووح الدوااام ..
هههههههه زين حصلت لي ربيعه مثلي [/grade]

نور ينور قمر .......هلا فيج معانا والله يتمم لج ع خير ...............

صباح الخير ياالحوامل الحلوييييييييين
شخباركم؟؟؟؟
اليوم انا عندي تلفزيون عند د.أحلام حق الفحص المنغولي ومره وحده اطمن عالبيبي
جاااااااااان زين يبين عندها اذا بنت ولا ولد
احساسي يقوللي اني بجيب بنت ثانيه بس هلي متوقعين لي اجيب ولد يقولون
((((( بنتج شيطانه وحركيه جنها ولد هذي على راسها ولد بتشوفين!!!)))))
ولد ولا بنت مافيه فرق عندنا اهم شي تمام الخلقه
....الله كريم....


لين رجعت بقولكم شقالتلي الدكتوره
انتظروني

شو هو الفحص المنغولي
سوررررررررررررري بس
هل عندكم في العايلة حالة حد منغولي عسب تسوين فحص منغولي؟؟

أنا متزوجة ولد عمي ومرت حميي قالت لي سوي فحص وراثة لانكم أهل

نور ينور قمر هلا بك معانا نورتي

مبروك الحمل والله يتممه على خير ..

بنات كيفكم ان شاء الله طيبين اما أنا ولدي تعبان جاته جرثومه في الدم والحين يعاني سخونه وتعب وقله نوم وصاير ه انا ممرضه له ولأخته اللي كل ما أخرج ترجع تتعب ليش مدري مع ان جو جده حلو وانا لبسهم تمام بس وش تقولون حظي ..شكلي بوديهم عند شيخ يقرأ عليهم أحسن من المضادات اللي اربع شهور ولا فايده بالعكس صرت مرابطه كل يوم عند الدكاتره .


ادعوا لعيالي يارب تخفف عنهم وتعافيهم بصراحه قمه الإرهاق والتعب ..
بالنسبه لحملي من كم يوم صار يجيني الم في ظهري واحس معدتي ملتهبه وجننتني وانا نفسي في الحوامض وانا ممنوعه منها ؟؟؟

كتكوته عادي ولد ولا بنت المهم سلامتك وصحه البيبي اذا جاء معافى احسن من الدنيا وما فيها والرزق عند ربك

ام سيف والجميله ودفء الجليد وش اخبار الصغار والوحم معاكم

[CENTER]السلام عليكم ورحمة الله وبركاته"
كتكوتة نايمة: انشاء الله تروحين وتسوين الفحص ويقولون لج الجنين عال العال باذن الله تعالى وبشرينا يالغالية
نور ينور قمر: باذن الله الجنين معافى لا تفكرين وايد، انا بعد متزوجة ولد عمي، وفي ولدي قالو لي عنده وعنده وحالة..من الشهر الثالث وهم يخوفوني,,بس اتعرفين طلع عنده فتاق بالسرة وولدت طبيعي في نهاية السابع واول ما ولدته سوو له عملية وقعد في الحضانة 3 اسابيع بالضبط...وهذا الفتاق بس يصير للاطفال الخدج بس..فانت لا تخافين واتوكلي على الله..اهالينا وجداتنا تزاوجو عن قرابة الحينه بس طلعت الامراض !!!!!( اللهم عافنا يا رب)
سلامة ولدج يا ليل المجاريح: ما يشوف شر وانشاء الله يتعافى ،وانشاء الله تتعافى بنتج بعد، ادعي ربج بس ,,انتي تعبانة اكثر لأنج حامل بعد,,الله يهون عليج يا رب ..
انا بعد عندي مشكلة في بطني,,قسم بالله اجوع بطريقة جنونية ومليت من الطبخ تعبت وايد والله،واذا أكلت خلاص يصير فيني هبوط مرررة اتعب ما اقدر امشي لازم انسدح وابي ارجع وما اقدر( الله يعينا يا رب) وولدي ماشاء الله هوه ويكبر يتعلق فيني زيادة ويجنني بالليل والله فوق الخمس مرات اقوم علشان ارضعه تعبت خلاص..!!! هل في حد يعاني نفسي انا بنجن يا ناس نفسي انا ليلة بطولها مستحــــــــــــــيل[/

مساء الخير يا غاليات يا حوامل رابطة شهر يوليو

هذي القائمة بعد التصحيح :-

1- ماروكووو في 1 يوليو 2006

2- نور ينور قمر في 3 يوليو 2006 وأهلا وسهلا بك معانا يا الغالية

3- سوااااري في 4 يوليو 2006

4- كتكوتة نايمة في 7 يوليو 2006

5- أم الحلوووة 11 يوليو 2006

6- حلوووة البحرينية 11 يوليو 2006

7- victim في 11 يوليو 2006

8- عيون الافعى في 12 يوليو 2006

9- أم رغووودة في 12 يوليو 2006

10- flower_world في 12 يوليو 2006

11- طفلة غلا في 13 يوليو 2006

12- asmaa_kh في 14 يوليو 2006

13- سوسكا في 15 يوليو 2006

14- jafa في 17 يوليو 2006

15- أم سيف 2006 في 18 يوليو 2006

16- دفء الجليد في 20 يوليو 2006

17- علوجة يابسة في 20 يوليو 2006

18- بسمات و ضحكات في 22 يوليو 2006

19- شذى في 23 يوليو 2006

20- ليل المجاريح في 23 يوليو 2006

21- الجميلة78 في 24 يوليو 2006

22- الأمل الجديد في 24 يوليو 2006

23- الحالمة بالحب في 24 يوليو 2006

24- قطر في 26 يوليو 2006

25- عبق الريحان في 28 يوليو 2006

26- ام حسام في 29 يوليو 2006

27- ayyat في آخر شهر يوليو

وأن شاء
الله يسهل على كل حامل يا رب
ويتمم علينا بخير يا رب

السلام عليكم ورحمة الله وبركاته ....

اشحالكم يا حوااااااامل و شخباركم مع الحمل....الله يقوم الكل بالسلامة انشالله...ماصدق اني و أخيرا بكتب تجربتي مع الحمل...

بدخل التاسع انشالله تاريخ 15 يوليو.....فحطيت عمري افهالرابطة....

بسم الله نبدا....

شلون عرفتي انج حامل ؟؟

اتأخرت الدورة علي تقريباً يومين...ووايد كنت خايفة أحلل فالبيت لاني كل شهر احلل ما مايطلع شي...المهم....صديقة الطفولة حلمت اني حامل و خبرتني....فسرت الجمعية و خذت التستر و قلت مابراويه حق ريلي عشان لو مافي حمل ما ينحبط...أول ما رديت من الدوام دخلت أسبح و سويت الفحص و علطول طلع موجب...طبعاً الأخت أونها بتسبح...طلعت من الحمام ركض وسيدا عند ريلي و عطيته التستر و شفت الفرحة بعيونه...

الحمدالله...

بناااااااات عقب ما خبرتكم قصتي أبا وحدة اتعلمني كيف أنزل شريط الحمل فالتوقيع بليييييييييييز...ويزاكم الله خيييييييييييير....

تسلمين يالحلوة البحرينية على القائمة....بس ما سمعتينا أخبارج يالغالية!!!!!


هلا وألف هلا بفلووووووووووونة ..نورتي حوامل شهر 7 بوجودج يالغالية..وألف مبروك على الحمل.. وانا ارسلت لج شريط الحمل على الخاص انشاء الله عرفتي تحطينه توقيع..
واذا احتجتي شئ من كل وحدة تراهن ما بيقصرون معاج...
ما خبرتينا هل بدأت اللوعة والترجيع ...يعني سولفي لنا أكثر ننتظر جديدج
أنا توني ييت من رحلة الى البحر انا وريلي وولدي ولعبنا لعب مع انه الجو بااااااااااارد برة والجو وايد وايد حلو واتصورنا ( علشان ولدي باجر يشوف نفسه لما كان صغير)والباقيات وينــــــــــــــــــــــــكم؟؟؟؟ يالله لا تنامون

عالم الزهره... انا اتحريييت نفسي الوحيده بس اللي ما اشوف ريلها الا يومين في الاسبوع...

[grade="00008B FF6347 008000 4B0082"]انا وااايد تعبانه هااا اليومييين... الصرحه الكحه ذابحتني يا طيبات.. ما ادري شو اسوي.. ارجوووكم خبروني... والله متعبني.. امي اتقول يمكن الكحه من الحمل .. انتوا شو رااايكم يستوي ها الشي.. انا ما اتوقع انه الحمل يسبب الكحه .. لانه الكحه كانت عندي من اسبوعييين.. وخفت وردت مره ثانيه ... خبروني شو اسوي يا غاليات....[/grade]