عارفه مشكلتي غريبه بس عن جد محتاجه مساعدتكم

آآآآآآآآميييييييييييييييييييين

والله يوفقك ان شاء الله ويسهل امرك

Ameen ya rab .. allaha yhadeeh lek enshalla w alah ykteblik elly feeh 5eer lek

الله يحل مشكلتك

فيه شي مهم بسسسسسسسسسسسسس

لازم تلتزمين فيه اعتبريه دواء او مضاد يعني تلتزمين فيه بالضبط

و هو انك:


بعد كل صلاه تصلين صلاه استخاره ترا كلها ركعتين و تدعين ربي

يختار لك الخيره المباركه ان كان في جلوسك معه خير او انفصالك عنه خير

كل صلاه لا تنسين

و انا اؤيد كلام الاخوات اللي قالوا لا ترمين نفسك عليه بالعكسسسس

سوي اللي عليك و بسسسس من دون لا تناظرينه مباشره

و اذا كلمك ردي على قد السؤال

فيه ناس ما ينفع فيهم الا هالاسلوب

يمكن ربي يكتب لك انه يصحى من غفلته و يحس باللي يسويه فيك اذا كان فيه خير

او يسهل لك الخلاص منه اذا فيه شر لك

و دااااايما لا تنسين ::::: و قولي يا مغيث اغثني و

كثثثثثرررررري من حسبي الله و نعم الوكيل و انتي جالسه و واقفه

و استغفري ربك 24 ساعه

داومي على هالوصفه و شوفي وش بيصير

اختي شنو تنطرين .......ليش قاعده معاه......وليش تسمعين كلام امج فالموضوع هذا بالذات .....انتي الي عايشه معاه مو هو .. والله لو انا مكانج اقص تذكرتي ورجع ديرتي والطقاق يطقه ..... ريايل اخر زمن ......... والله كسرتي خاطري

تحياتي لج

مو بيدي يانور أمي وأبوي كاسرين ظهري خايفه يصير فيهم شي وبنفس الوقت مو قادره أتحمل هالتصرفات منه والله تخيلوا يابنات من غير مستحى وانا بالفراش يمه أشوفه يكتب مسجات والله يعني حسسني إني انا ولا شي في حياته:cry:

فعلا انو رجل عديم الاحساس,
الله يصبرك ويعينك , انت اللي بالمشكلة وانت ادرى اذا ممكن تستحملي هيك انسان, احمدي ربك انو ما عندك اطفال منو, وانصحك انك ما تحملي , لان الرجل (النسوانجي )ما بنعاش معاه.

وانت الك كرامة , ولا تزعلي اذا ما قرب منك لانو بعمايلو هاي اكيد نفسك مسدودة .

شصار معاج ياقلبي:sad:

تعدل ولا لحد الحين ؟؟؟؟؟؟؟؟؟؟؟؟

طمنينا والله كل هالفترة افكر فيج

الله يكون في عونج
كل اللي اقدر اقوله انج تدعين الله واااااااااااااااااااااااااااااااااااااااااااااااااااااااااااايد بالذات في الثلث الاخير من الليل انه الله يسخر لج زوجج ويهديه..

ولا تقولين يا رب عندي مشكله كبيره وقولي يا مشكله ربي كبييييييييير


من بينفعج غير لي خلقج ..

كلامنا كلام بشر يتأثرون بلي يسمعونعه ويقرونه ويشوفونه

احنا نكتب حلولنا وراينا عشان نوضح بعض الامور لي يغفل عنها الواحد .... مش عشان نزيد الطين بله

خذي الي يناسبج وعقي الباقي بحر ولاجنج قريتيه خصوصا امر الطلاق لي بذكره وغيري ذكره اقريه بس حاولي تخلينه اخر حل اخخخخخخخخخخخر حل يا اختي تقرين شو كتبت اخر حلل

مصير الريال يعقل صدقيني واذا ما ربوه هله ولا غيرتيه انتي الزمن كفيل ان شاء الله انه يغيره

وربج قادر على انه يغيره صدقيني وثقي ثقه تامه من فوض امره لله وحده ما تخلا عنه سبحانه



و بالنسبه لتصرفات زوجج الغير طبيعيه اكيد في لها سبب ... وسبب قوي

انا عرضت مشكلتج على زوجي وكانت وجهت نظره في الموضوع التالي

1. استبعاد الضعف الجنسي وما قد يسببه من انعزال الزوج وانطوائه عن زوجته "لكون زوجج يشعر ب رغبه في غيرج من النساء سواء ب العلاقه المباشره او الغير مباشره "

2 . قد تكون ممارسة العاده السريه هي سبب في برود الزوج جنسيا " انتي ما تعرفين كيف علاقته الجنسيه مع غيرج يمكن الحال مع الغير مثل الحال معاج والله اعلم .. كل شي جائز "

3 . قد يكون الزوج شاف شي منج اختي لا سمح الله وسبب نفوره " وهذا احتمال وارد ولو انه قد يكون غير مبرر لانج في بدايات الحياه الزوجيه وفي مرحلت تعارف وتآلف يعني المشاكل والحساسيات قد تكون موجوده احيانا"

4 . احيانا يكون الشاب قد تسرع في طلب الزواج او الارتباط مما يجعله يتهرب من المسؤولية ويبدا بتنفير الطرف الاخر حتى يطلب الطلاق ويقول يت منه مش مني " وهذا الشي مش خبثا منه ابدا ولكن قد يكون هذا التصرف نابع من مخافته من تأنيب الضمير اذا بادر هو ومن غير ذكر السبب الي قد يكون تافه في نضره في طلب الطلاق " يعني بكل بساطه يقول انا بعدني ما شبعت من حياة العزوبية وطلعات الشباب وسوالفهم من سهرات وروحات و علاقات عابره احيانا

5 . قد يكون سبب طلاقه من الاولى هو الي خلاه يشوف ويعتقد انه الحريم كلهم نفس الشي ..

6. قرينا ردودج والموضوع ب اكمله وردينا نضيف بعد احتمال انه يكون زوجج مريض نفسيااا وهذا احتمال كبير وواضح تصرفاته مش تصرفات انسان محكم عقله على شهواته وغرايزه بالعكس مخلي كل شهواته تسيطر على عقله وتلغي دوره

7. يمكن زواجه منج ماهو الا لغرض قهر زوجته الاولى ما تدرين وهذا سبب وارد " والمشكله انه هو غامض "

8. ويمكن يبغي انسانه تكون يمه ومعاه عشان مايستاحش ليس الا وهذا سبب زواجه

الاحتمالات كثييييييييره

وهذي الامور تتطلب منج انج تطرحين على نفسج بعض الاسئله وتراجعين حساباتج مع زوجج لانه مهما كنتي متأكده انه محد بيعرفج على النت الا انه الشخص احيانا ما تهون عليه نفسه ويحب انه ينصفها على حساب الغير

كوني متأكده عزيزتي انه انتي وزوجج واحد ومصلحتكم مشتركه في كل شي وانا عارفه انج انتي واعيه لهذا الامر ان شاء الله

والاسأله الي اقترحها زوجي

1 . هل زوجج قريب لج و مش مهتم ويقول بتصبر علي بتصبر من لها غيري مع العلم انه المفروض يداري عليج


2 . هل هو ما يقربلج ومجبور عليج لاي سبب من الاسباب ك ضغط اهله او اي امر اخر " ما تعفين شو الي دار بينه وبين هله قبل الزواج"

3 . هل لا سمح الله لا سمح الله كانت لج علاقة مسبقه قبل الزواج مع زوجج " ترا الزوج احيانا و ارجع واقول احيانا يا اختي وليس غاليا ك الطفل الكبير وهذا واقع ... من يلقا الشي لي يبغيه يطيب خاطره .... وان شاء الله مايكون هذا هو السبب لانه هذا يعتبر مرض نفسي وحبه لاثبات الذات وارضاء الغرور "

4 . هل طالت فترت الملكه وكانت بينكم طلعات و تمادت الا اكثر من ذلك لا سمح الله قبل العرس ....



انتي الحين في وسط المشكله ومالج غير حلين يا تكملين وتستمرين على شي انتي مش واثقه انه يتغير للاحسن

او انج تتراجعين وتطلبين الطلاق

وبوضح لج امر واحد الغاليه


من واجبج ك ام ان شاء الله انج تختارين الاب الصالح ل عيالج وحرام يوصل هذا التعقد والظلم ل عيال مالهم ذنب

ثانيا تلاحقي نفسج قبل ما تحملين وايونج عيال ... واذا الحين بتكون احتماليت الزواج بعد الطلاق 70% وانتي بدون اولاد بتصير 40% وانتي عندج عيال

ثالثا اذا هو الحين بيذلج على الطلاق بينتهي الذل بعد ما تطلقين ولكن اذا كان عندج ياهل بيستمر ذله لج ب حرمانج من العيال ... هو مش قادر يتحمل مسؤوليت بيت و حرمه بالغه وقادره تباري نفسها كيف بيقدر يتحمل مسؤوليت طفل محتاج من الي يداريه

انا مابكون من عيال بليس انتي الي عايشه الموقف وانتي العارفه وانتي لي لج الاختيار

واذا على والديج مابيصير فيهم الا الي ربج كاتبه و الاعمار بيد الله ... وخليني معاج صريحه
كم بقا من عمره الواحد انتي شابه وهلج عندج وجذي يسوي فيج شحال عقب امج وابوج بعد عمر طويل ان شاء الله شو بيسوي فيج


استخيري استخيري استخيري ومابيفيدج الا علام الغيوب لا انا ولا اي حد ب المنتدى يعلم لي عند الله استخيري وهو لي بيدلج على لي فيه الخير لدنياج واخرتج



اختي الاسئله كثيره ومهما عطيتج احتمالات بتم اشيا كثيره ماتحظرني وانتي ادراا بالي بينج وبين زوجج لانه صدقيني مايدري بالي يدور بين الزوج وزوجته الا الله سبحانه .... و مبين انج تحبين زوجج وماتبين تخسرينه اذا انصحج ب التعري من كل امور الكبر والكبرياء الي ما تزيد الانسان الا غرق في الغلط وضياع وتحرمه من توصيل الامور وحلها .... يبالج جلسه مصارحه مع نفسج بهدوء وبذكر الله بتوصلين لحل لمشكلتج صدقيني الحل بيدج وربي بيلهمج دام نيتج صادقه

اولا مشكورة على ردك في موضوعي حبيبتي
وثانيا ..للأسف ما راح اقدر افيدك بالنصايح لاني مو متزوجة
وثالثا وهو الاهم ...الله يزيح عنك همك ويسخر لك زوجك ...ويعوضك عن كل الايام اللي فاتت باللي احسن منها ...ويوفقك دنيا وآخرة وينولك باللي في بالك...ويسعدك ويهنيك..... آمين يا رب العالمين
أختك ليلى

أختي انصحك تبتعدين عنه نهائيييييييييي الواحد لما يبي يتزوج معناته محتاج زوجة من الناحية النفسيية و الجسدية و هو يدرس بالخارج معناته ان عنده مغريات كثيييييييييرة وانتي حاولتي تعوضينه لكن يتجاهلك و يمارس العادة السرية؟؟؟؟ اي شخص سوي لا يمكن يسوي نفسة ......... اختي انصحك ترجعين الكويت و تشاورين اهلك بالموضوع و يكون عندهم فكرة عنه .........انا بصراحه مستغربة تصرفاته شلون معرس ولا حتى يلمس ايدك .... يا أختي حتى لو أفترضنا انه عاشق وحدة غيرك والله ما يسوي جذية ......احتمال اذا رجعتي لأهلك يراجع نفسة مع اني استبعد هالتصرف منه مادامك توك صغيرة وما تعلقتي فية ولا انربطتي بحمل امشي عنه اللي مثلة ما علية حسوفة

قلتيلي مطلق وحدة بعد قبلك والله شاطرة عرفت الرجال و قبت ...............خلي عنك كلام امك و ابوك وصارحي احد من اخوانك عنه وشوفي شنو راح يقولك.................. ابسط شي بيقولك انه مو رجااااااااااااااااال

مرحبا خواتي
أول شي مشكورين على ردودكم واللهلكم الاجر انشالله اللي تدعيلي واللي تعطيني النصيحه وأخص الشكر للاخت المدللة لانج وضحتيلي شغلات واااااااااااايد كنت محتاجتها انا ودي أقولكم كل شي من الاول علشان يمكن في وحده او ثنتين ما وضحت لهم الصورة انا ماكان لي علاقه مع ريلي اهله يعرفون امي وقالوله ان امها انسانه محترمه واكيد البنت على امها تعال شوفها وعلى فكره محد جبره لان لما دخلت بيتهم عرفت ان الكل يخاف منه وكلمته مسموعه عند الكل طبعا شافني لما يا خطبني وما تكلمت غير كلمه وحده سألته انت تصلي قال اي الحمدلله وماتكلمت بعدها تفاجأة دقوا يقولون الولد يبيها وعجبته دريت ان مطلق بس قلت شسوي هذا حظي تمت الملجه طبعا من الخجل كنت ارفض حتى ان يلمس ايدي وبعدها وحده قالتلي خليه يمسك ايدج خلي يحس ان جنبه انثى وخليته يمسك ايدي وبس بعد 5 ايام سبحان الله لقيت فستان ولقيت صاله وكل شي تسهل سبحان الله ماكان في شي واقف بطريجي لدرجة الكل استغرب شلون راح تتزوج متى حصلت دي جي وصاله وفستان امي قالت هالبنت على نياتها وتزوجت بسرعه يعني تخيلي 5 ايام ما مداني اعرفه عدل وتزوجت لاحظت عليه كثرت الخطوط الثانيه بس سكت وكنت حاسه. بعد الزواج باسبوع سافر علشان بداية دراسته وانا على ماخلصت اجراءات دوامي والاجازه سافرت بعده باسبوع لما وصلت بعد كم يوم شفته تارك تلفون الكويت وماسك تلفون أمريكا وراح الجامعه شفت تلفونه مليان مسجات من بنت وفي ارقام بنات طبعا عرفت وبدون ماتسألون شلون لان هذه سالفه طويله وشفته وايد يقعد عالنت قلتله بعدها انا ادري انك تكلم بس اذا ماتبيني اهلي يبوني وبصراحه انت مثل ماتريح نفسك بالفراش انا محتاجه اني ارتاح صرخ بويهي وسكت انا وصرت كأني الغلطانه ولما قلت لاهلي قالولي تحملي كانوا خايفين من شماتة الناس وعلى فكره قسما بالله قسما بالله مو مقصره من كلمه حلوة واستقبال وترتيب وما تقولين قاعدين بامريكا جايبه هالبخور وكل يوم ابخر يعني والحمدلله كل شي جدامه كامل والكامل الله واقولج من قبل رمضان ليش قلتله ريحني ماقام يلمس حتى ايدي ولما لاحظت عليه يمارس العاده السريه ماقلتله وسكت وعن جد لايعه جبدي بس امس قرب شنو صاير بالدنيا مادري وصدقيني مخليته براحته علشان لا يقول هذه نجريه وصايره اخدمه بعيوني علشان لا يقول قصرت وبس هذه سالفتي وصدقيني ترى مو تاركه صلاتي ودعائي وربي يهديه:sad:

بصراحة انصحك انك تكلمين احد من اهلك قريب عليك او انك تتفاهمين معاه يعني بالهداوة لانو الطلاق مش كل شيء ولاتخربين بيتك بيدك وكمان كثير ازوج كانو كذا بس الحين غير لازم تأخذين وقت طويل معاها وصحيح هوه عمرة مد يدة عليك او ضربك او شتمك انتي اعرفي الى بداخلة وحاولى انك تفهمينة احتمال هوه متعود على حياة غير وفى نفس الوقت انتي تقولين انه يكلم بنات طيب مافكرتي هوه ليش اتقدم لك وتزوجك رغم انه كان يعرف بنات كثير طيب ليش ماراح اتزوج وحدة منهم لانو عافة انهم اذا اتكلمو معاها وواعدوه اكيد واعدو كثير غيرة هاذي ياختي سحابة صيف وهو يبغى البنت الى تحافظ على بيتها وزوجها واولادة انتي حاولى انك تفهمينة

حبيبتي انا قريت موضوعج باب تجارب وافكار ودورت على مشكلتج لين لقيتها يوم قريتها حبيت ارد لاني مريت بضروف مشابهة اولا انا غلطت يوم صراحته اني دريت انه يخوني وصارت مشاكل وانا ببداية الحياة وكان سبب الشك ابتعادة عني وعدم رغبته مع العلم اني جميلة وجذابة ويشهد الكل 00000000 المهم بعد التعب لقيت افضل شي الدعاء لله واللجواء الية خصوصا اخر الليل ودائما قومي بواجباتك على اكمل وجهة كنت اكشخ واجهز القعدة وبعد العشاء يتوقع اني ابيه يتفاجئ اني ابوسه واقول تصبح على خير وانام كنت ادري انه يكلم وحده ما ابين اي شئ علي مع اني بموت قهر لان بعضهم يقول ماهو درت اللي فيها فيها علشان كذا طنشي وخلي نفسج دايما قايمه بواجباتك علشان ما يلقى الزله ودايما لما يقعد لا تفتحين الجروح القديمه حاولي تحسسينه انج فرحانه وعايشه اللحظه غيري الديكور بتحريكه على الاقل او اضافه اللمسه البسيطة لما تحسين انه بيروح يمارس العادة السريه قربي منه وامسكي 000000000000000 ودلعيه كوني جريئه بالفراش فقط حاولي تعرفين شعوره فرحان او يزعل من الجرأة حاولي تسئلينه شي يحب وقت السؤال الجماع واثناء العمليه حسسية انج بطيرين من الفرح واشكريه على الحركات الحلوة انا كنت اكذب عليه مع انه بسرعه يخلص والحين تغير وصار يطول بسبب المدح انه شي غير طبيعي وصدقيني بيتغير واللة يسعدج امين

السلام عليكم
حبيبتي اختي .. الله يثبت فيج انشاللله .. هي المشكلة باين عليها معقدة شوي و مثل ماقالت الاخت المدلله لها عدة اسباب ... و وهل اسباب لربما انتي تقدرين ااتعرفين نصها بس هو يعرفها بالكامل و دام مثل ماقلتي امس قرب .. يعني هو شوي يمر في صراع نفسي و يعاني من مرض نفسي ما ...

خاصة يوم قلتي عن علاققات النت و المسجات .. يمكن هي عاده كسيفه فيه من زمان ... ادمن عليها و انتي تدرين الشباب هل ايام اغلبيتهم لعابين و يكلمون بالعبل يمكن و هو قبل لا يرتبط فيج او حتى في مرته السابقه كان يكلم و يمكن هذي كانت نفس الاسباب لطلاقه من الاولى .. اما عن سبب انه يبتعد عنج .. فمادري .. يمكن هل شي له علاقة بالضعف الجنسي مثل ماقالت الاخت المدلله خصوصا اني سمعت من يمارس العاده السرية يصير فيه برود جنسي او يمكن هل عاده كانت فيه من قبل حتى الارتباط كليا و دام قلتي انه كتووم .. يعني انتي اكيد ماعرفتي شي عن ماضيه بس يالسه تطتشفين كلشي بروحج الحين ...
صعب الحين تتضحلج الصورة لانه مافي شي واضح حاليا .. بس انا احس انه ريلج يبيله صبر ...

يعاني من مرض و نقص و مادري شنو الدوافع بس تصرفاته باين عليها تصرفات انسان مو طبيعي ...
انتي كل الي عليج صبري و شوفي مدى التطور الي يوصله ... بس اشوي تجنبي سالفة الحمل اختي ... لا سمح الله يمكن يصير شي ... تجنبي هل موضوع و شوفي يمكن الله يهديه و انتي لا تقصرين بعد من ناحية اهتمامك بنفسك و انا ادي انج مو مقصرة بس اقصد استمري و اهتمي بنفسج يمكن هل شي بييب فايده دام قرب منج شوي!!

الله يكون بالعون حبيبتي!

الله يصبرك ويفرج همك أن شاء الله
اعتقد انه لازم انك تتفاهمي معاه ولابد ان تعطيه الافضل عشان مايدور على غيرك

مشكووووووووووورين ياقلبي على مروركم الحلو بس تصدقون عن جد تغير شوي حسيت فيه هاليومين صاير زين معاي بس المشكله ان للحين يكلم هالبنات بالنت والله ودايما أدعي ربي يهدي لي ويهديني له يارب

أنا عندي لج حل يا الغاليه يا فدك1980 بس يا ريت تسمعين الكلام بالحرف


أول خطوه :

لازم تعرفين زين ما زين انه انتي انسانه عندج عزة نفس و كرامه و انه لما أخذج أخذج من بيت ناس أكرام مو من الشارع

الخطوه الثانيه:

خلج مثل ما انتي من تعدل و تزين و و و بس لا تقطين روحج عليه
يعني لا تقولين له وش تبي و ش خاطرك و وو بس لو طلب منج شي لا تقصرين معاه أبد. بس اثقلي عليه
يعني تزيني من الصبح للمسا و لا جا وقت النوم تزيني بقمصان النوم الزينه بس و لا كأنه موجود و في نفس الوقت هاتي شوية حركات تغريه بس ما تكون واضحه (( سوري على صراحتي بس ترى هالموضوع عن تجربه )) يعني لا تحممتي مثلا لا تلبسين بالحمام تنشفي بالغرفه و لبسي على أقل من مهلج .. .و لا دخلتي تتحممين انسي باب الحمام مفتوح

الخطوه الثالثه ::

تميرضي عليه .. اختاري يوم يكون بالبيت و اختفي من قدامه فتره .. و لا تملين تحملي .. تخبي بالفراش و سوي نفسك مريضه بس مرض ما يحسه مثلا قوليله بطني يوجعني و مصدعه و مثلي عدل و لا تنسين الدموع ... بس لا تهتمين فيه خبريه باللي فيج و سوي نفسك بتموتين ... و خلي نفسك دايخه و نادي امج وووو ... بس بذكااااااااااااااااااااااء لا تخلينه يحس بالخدعه ... و الله تراها طريقه رهيبه بس لا تزودين فيها ... صدقيني بتشوفينه بيطير ... و لا صارت نتيجة التميرض ايجابيه ... قوليله ابي ارجع لأمي أخاف أموت بعيد عنها و ما لي حد هنا و كلام يتناسب مع الموضوع و المناسبه و طريقة ردة الفعل

الخطوه الرابعه:
اشغلي نفسك و في نفس الوقت كوني مغريه ... يعني لا حسيتي انه بيعد شوي بيروح غرفة النوم مثلا في وقت معين .. اسبقيه من دون لا يحس انك متعمده ... و مثلا (( سوري على الجرأه )) لا حسيتي بقربه للمكان اللي انتي فيه سوي حالك مثلا بتشلحين على أٍاس تغيرين ملابسك و لا على أساس انك داخله تتحممين بس تدورين على شي بالغرفه و انتي ... من غير هدوم مثلا بس لا تنسين كوني ثقيله لا تلتفتين له .. لا تعيرينه اهتمام ... و لا كأنه موجود .. و لا تحممتي بالليل مثلا او الصباح ... وقتي نفسك تطلعين من الحمام و هو بالغرفه ... و خلي هدومج جنبك ... و هاتي كريم من اللي يحبه قلبج و سوي لروحك مساج و حطي كريم على جسمك بالكااااااااااامل و انتي تقومي و تقعدين و يمين و شمال و وو و بعدين ببرود الثلج قومي لبسي ملابسج اللي بالي بالج و تحركي ببرود و و و اكملي الفلم بس لا تنسين اعتبريه مش موجود

... سأكمل بعد أن أرى منك ردة فعل

تابعيني لو حسيتي كلامي فيه فايده

و لو قصرت عن المساعده .. اسمحيلي


اختج
صاحبة التجارب
أم ميثا

نسيت ملاحظه للخطوه الثالثه وقت ما تقررين انج تتميرضين لا تنسين تكونين بكامل أناقتج و إغراء بس مو واضح

:)

روووووووووووووووووووووووعه ياسحايب دبي عن جد راح أسوي اللي قلتي عنه:D2