عارفه مشكلتي غريبه بس عن جد محتاجه مساعدتكم

أختي في الله . أدعو الله الرحمن الرحيم أن يفرج همك وغمك وأن يصلح حال زوجك ويهديه هدايه ما بعدها ضلال .
أهم شئ التوجه إلى الله وطلب العون والفرج منه , هذا أساس الحل , لأنه عز وجل قادر على كل شئ .
تحلي بالصبر وداومي على الصلاه , فالصلاه مفتاح السعاده .
ثاني شئ أن يتم الكلام بينك وبين زوجك (الله يهديه) , سمي بالله قبل أن تفاتحيه ولكن طبعا أنت أعلم وحده ما هو أحسن وقت للكلام معه أو ما هو مفتاح قلبه . صدقيني كل رجل له مفتاح , هذا كلام جداتنا , وأنت حاولي تفهمي زوجك أكثر وافهمي مفتاح شخصيته .
ودائما اللين والرفق والمحبه هي أحسن الحلول .
توكلي على الله وأعلمي أن كل زواج في البدايه يواجه صعوبات مختلفه .
وأعلمي أن هذا ابتلاء من الله سبحانه ومن حبه ربه ابتلاه . قولي حسبي الله ونعم الوكيل , اللهم الهمني الصواب .

الله يسعدك أختي ويكشف عنك كل هم ويبدل حزن سعادة إنه على كل شئ قدير .

الصراحة عزيزتي الله يعينج ..
بس حاولي أتغيرين أسلوبه ..
يعني حسسيه بالذنب في كل مرة يغلط فيها . وفي نفس الوقت بينيله أنج مستحيل تزعلين منه
يعني أتودديله أكثر ..
أتمنى أن الله يهدي ريلج ويوفقج فحياتج ..
بشرينا!:flower:

والله ياخواتي صلاتي ما اتركها نهائيا والقران بعد من قبل زواجي وللحين بس اهو ما يعطيني مجال على طول عصبي والله صرت مو عارفه انا شنو ابي احس ماودي اي شي غير الطلاق:sad:

ما اقول غير الله يصبرج
واتحملي ان شاالله الله يهديه

لا عزيزتي لا تفكرين بالطلاق وأنت في بداية حياتج ..أن أبغض الحلال عند الله الطلاق.:no:
عطي ريلج فرصة يمكن يتغير مع الأيام حاوليأتغيرينه وصدقيني مع المحاولة بيتغير ..:salam:
يمكن هو بعده ماتأقلم مع حياته الجديدة أقصد زواجه .. بس مع الأيام بيتأقلم .
وبعدين شي طبيعي في ناس بعد الزواج مايتفاهمون لأن أسلوبهم غير عن بعض ويبالهم وقت عشان يعرفون بعض أكثر .
أنا أعرف وحدة قريبة من مشكلتج ريلها ما دخل عليها إلا بعد أكثر من شهرين بعد زواجهم بس والله حاولت تغريه كل يوم بلبسها وبدلعها
لين غيرته والحين عندها بنت وولد .. لا تيأسين وحاولي
الله يوفقج إنشاله
طمنينا عليج نترياج!:flower::flower::flower:

reemkuwaitاعتقد انالاخت فدك1980 مو موجودة الان لكن انا ودي اعرف لان يهمني الموضوع مرا ممكن:cry:عفية حبيبتي

[grade="B22222 D2691E B22222 D2691E"]
السلام عليكم ورحمة الله وبركاته

أختي ناقشيه في موضوع النت والبنات،ترى بعده عنج سببه هالشي

انتي طبعا ابعدي فكرة الطلاق من تفكيرج،لكن حطيه في الصورة قوليله

انا مااقدر أتحمل الوضع،ومافي زوجة في الكون ترضى إن زوجها يهملها

وياخذ راحته في أماكن ثانية مثل النت والتلفون،أختي حاولي تناقشينه

في أقرب وقت ممكن،حتى لو علاّ صوته ويريدج تسكتين انتي قولي من حقج

تتكلمين وأنج مو مرتاحة،ولازم يشوف حل للموضوع..

أختي أدعي وايد إن الله يهديه ويصلحه،ورب العالمين مجيب الدعاء..

الله يهدي كل زوج لزوجته،ويصلح حال كل وحدة تعاني،آمين..

في أمان الله[/grade]

السلام عليكم ورحمة الله وبركاته



أختي الحبيبة فدك1980

الحمدلله على كل حال والحمدلله على كل إبتلاء نُبتلى به

وإن شاء الله إللي تمرين فيه يكون إبتلاء لج الله سبحانه يكفر به عن سيئاتج

قال الرسول صلى الله عليه وسلم

‏"‏ ما يصيب المؤمن من وصب ولا نصب ولا سقم ولا حزن حتى الهم يهمه الا كفر به من سيئاته "

فإن شاء الله كل إللي تحسين فيه من ضيق وهم الحين ما هو إلا تكفير للسيئات

وزيادة لج في الحسنات بإذن الله..

فدايما أحمدي الله على كل ضيق تحسين فيه وأستغفريه وصدقيني بتشوفين نفسج مرتاحة البال

وأنتي بعز الضيق وهالشي أنا أسويه..


هذا بخصوص إحساسج بالضيق والهم من ورا ريلج الله يهديه ويصلحه..

أما بخصوص ريلج ذاته فالموضوع صعب نحله ولكن البنات ما قصروا وأنا بقول لج إللي عندي

وبالنهاية ما راح يصير إلا إللي الله كاتبه لج..

تصرفات ريلج ما يبي لها إنج تسألينه ليش وشلون وشاسوي لأنها واضحة والسبب من وراها

العلاقات المحرمة إللي يرتكبها ريلج.. والعلاقات إللي يسويها مع البنات

وأنا متأكدة أن حال ريلج مو عاجبه هو بعد بس الشيطان (نعوذ بالله منه) زين له هالأعمال

إللي يسويها هداه الله..

والله سبحانه يقول في كتابه الكريم ، في سورة طه آية 124

"وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى"

وهاذي ريلج راح تكون له حياة ضنكا مع سوالفه وبُعده عن الله سبحانه

علشان جذي دايما تشوفينه معصب ومتضايق وإللي مزيد عصبيته إنه مو شايف فيج عيب،

تتعدلين له وتكشخين له وهو لا حياة لمن تنادي ويعصب عليج على أمور مو محتاجة العصبية

بس لأنه ما يشوف فيج عيوب فهالشي ذابحه..

أنا راح أعطيج حلين وما في غيرهم،

الأول تتحملين الظيم والعيشة معاه وتصبرين على إللي ربي ابتلاج فيه عل وعسى يتغير بيوم

من الأيام وأنتي بالفترة هاذي تحاولين قد ما تقدرين إنج تصرفينه عن هالسوالف ولو أني أشوفها

صعبة عليج والسبب عصبيته إللي ما راح تخليج تاخذين وتعطين معاه.. والحل عطيتج إياه

لأنج ما تبين تشترين سعادتج خوفا من الطلاق.. ولا ننسى دامج قريبة من ربج إنج تكثرين من

الدعاء وتختارين فيها ساعات الإستجابة وقومي الليل وصلي الحاجة دايما أن ربي يألف بين قلبج

وقلبه وأن الله سبحانه وتعالى يهديه لأنج مهما سويتي له تبقى الهداية بيد الله سبحانه

"إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاءُ وَهُوَ أَعْلَمُ بِالْمُهْتَدِينَ" سورة القصص - 56

وعليج بالصبر لأن الصبر مفتاح الفرج وأسأل الله أن يكون الفرج جريب..


الحل الثاني الإنفصال، صحيح أن أبغض الحلال عند الله الطلاق لكن لازم نفكر أن لو كانت الزوجة

مو مرتاحة مع زوجها وقاعد يحرمها من أبسط حقوقها إلين أكبرها فليش تستمر معاه؟؟

وهو أصلا ما خاف الله فيها.. أنا ما أشجع أي وحدة على الإنفصال لكن الزواج شي مقدس

أساسه الطرفين يحترمون بعضهم وإذا هو مو محترمها ليش الزوجة تواصل علشان بس إنها خايفة

من الطلاق.. طول ما الله سبحانه وتعالى موجود باقي الناس ورايهم مو مهم.. لأن ألزم ما على

الإنسان راحة باله وسعادته.. باجر بيكون بينكم عيال، هل تحسين إن الإنسان هذا كفو إنه يكون

أب يتحمل مسؤوليتج ولا مسؤولية عيالج ويباريكم ويقوم بج وبعيالج؟؟

لازم الوحدة تفكر مليون مرة قبل ما تستمر في حياة الله سبحانه وتعالى وحده عارف مصيرها..

إللي عليج تسوينه حبيبتي إنج تصلين إستخارة أكثر من مرة بخصوص إستمرارج معاه

ولا إنفصالج لأن تأكدي مليون مرة أن ربي بيختار لج ما هو خير لج وتأكدي أن الله سبحانه

يبي لج الخير أكثر من أمج وأبوج وأهلج كلهم.. بعد ما تصلين وتطلبين الله

إن يحدد لج طريجج.. كلمي ريلج وقولي له أنت تسوي كذا وكذا وأنا بحترمك وبقوم بك

بس إللي أبيه إنك تسوي لي المثل شفتي ريلج عصب ورده ما سرج حبيبتي أقول لج كلمة

وحطيها في بالج،

أشتري ســـــعـــــــادتج دامج بأول المشوار، قبل ما باجر ترتبطين بعيال هو مو كفو يربيهم

ولا تخافين من الطلاق لأن الله سبحانه وتعالى موجود وراح يعوضج خير ويعوضج بريال أحسن منه

ودايم رددي "اللهم أجرني في مصيبتي وأخلف لي خيراً منها" وراح تشوفين الخير

بإذنه تعالى...



الله يوفقج حبيبتي وييسر أمرج ويفرج همج ويريح بالج ...

طمنينا عنج وإذا بغيتي أي شي لا تترددين وبإذن الله بكون موجودة وباقي الأخوات هم

ما راح يقصرون..


و السلام عليكم ورحمة الله وبركاته

الله يهدي زوجج ويصلح باله ويصبرج
انصحج أختي أنج تصلين صلاة الإستخارة مرة ومرتين وثلاثة تسألين الله أن يرشدج ويسهل عليج حياتج مع زوجج وبعدين تجلسين معاه وتصارحينه باللي في خاطرج بس كل هذا يوم تشوفينه هادي و رايق
يــــــــــــــــــــــــارب اهدي زوج أختي فدك1980 وأصلح باله اللهم آميــــــــــــــــــــــــــــــــــــن

والله ياخواتي دمعتي على خدي وانا أقرا رسايلكم عن جد من الضيقه اللي انا فيها مو عارفه شسوي ماغير كل يوم أفتح النت علشان أدور على دكتور نفسي يساعدني صحيح اني مو تاركه صلاتي وتقربي لرب العالمين بس محتاجه دكتور يفهمني ويوعيني انا حاولت وكلمته عن البنات صرخ بويهي وسكت وكأنه انا الغلطانه والله مو مقصره بحقه ليش هالمعامله ودايما أقول لو أفكر بالطلاق وتطلقت بحصل واحد أحسن منه ما أعتقد ؟؟؟؟؟؟؟؟؟؟؟؟؟؟؟؟؟؟؟؟؟؟؟
أحس الرياييل أهم شي عندهم الخيانه ليش ياربي هالمعاناة معاهم:cry:

اختي فدك انتي ما قريتي ردودي البارحة لاني حصلت لك موقع فية الدكتورة فوزية وكمان فية اخت ثانية حطت لك ايميل الدكتورة

:sad:قريت ياقلبي انا حاولت ادخل في هالموقع وناطره الرد علشان قبول المنتدى بس والله انتو نقولون انا مبتعده عنه انا ماابتعدت ولا دقيقه بس اهو تفكيره مو معاي بس يفكر شلون يمسح مسجات وشلون يضحك من تحت لي تحت علشان لا انتبه عليه وهو قاعد عالنت يعني تصرفاته تبط الجبد مع هذا والله والله لو زفني على اي شي اظل ساكته ولا أتكلم بعرف وين يحصل وحده مثلي والله لو وحده من اللي يكلمهم تعيش معاه لمدة اسبوع واللـــــــــــــــــــــــــــــــــــــــــــــــه ماتتحمله حتى الاسبوع يمكن تخليه 3 ايام من كثر ما اهو صعب انا اقول يمكن في عقده او مريض من شي بس احاول افهمه بس مو قادره اهو كتوم لدرجه ماتتصورونها والله هاليومين اقول ياربي اذا لي حوبه ابي اذا ردينا الكويت بعد دراسته انشالله وحده من اللي يكلمهم يطيح عليها اخوها بس يمسكه ويطقه طق يبرد قلبي علشان يتوب:mad2:

اخت فدك انت وين مقيمه الحين ؟؟ في اي دوله ؟؟

ثاني شي ليش ما تجربين الحيله ؟؟؟ يعني اهتمي بنفسج واطبخي له وعامليه زين بس مو مثل الحين يعني لا تقطين نفسج عليه فهمتي علي؟؟ احقريه يعني اذا كلمج ردي عليه بكلمه حلوه بس ..مثال يقولج ابي ماي او غدا او اي شي ردي عليه وقولي له انشالله حبيبي... وسكتي
وروحي جيبي الشي وعطيه وانتي ساكته ولا تطالعين له ابدا... فهمتي وثالث شي انتي تدرسين ؟؟ او تشتغلين المهم لهي نفسج باي شي سوي اي شي يلهيج اطلعي تعودي علي الدوله بروحج بس طبعا اخذي اذنه ... يعني سوي هالحركات الي تبين انج مو مطيحه نفسج عليه ...

تحياتي

الغاليه



الله يعينج


ويهدليج زوجك... انصحك انك تاخذى مشورة امك ...



وكلميه انت بعد يمكن حبيبتى مغصوب عليج ((فال الله ولا فالى ))


انت كيف كانت دخلتج ؟؟؟

مابغى رد بس انت فكرى كان مستانس معاج ومستعيل عليج ولا كان بارد ...


حبيبتى انا مودكتوره بس فى ريايل يوم يشفون الحرمه تبغيهم يتغلون ويكون الريال قاسى فى معاملته مع الحرمه


حسسيه انج ممكن تودرينه فى اى وقت وانج مب مستعده اضيعين شبابج اطالهين وجه ولا كيف الغاليه بتجبون عيال



كلمى امج فى مشكلتج وخليها اشور عليج

والخيره فى ما اختاره الله واذا لج نصيب معاه بتعيشين وياه

الله يحفظج ويبعد عنج كل شر

الله يعينك اختي الغاليه ويفرج همك يارب ياحي ياقيوم انتِ وكل المسلمين معك ........

لو أقولكم شي تنصدمون أمي تقول تحملي لو شنو يسوي أقولها يمارس العاده السريه تقول تحملي بذمتكم هذا رد والله ما اطلع الا باذنه طبعا احنا بامريكا واخاف اطلع بدون اذنه وان طلعت حدي اتمشى يم البيت واخاف ابعد ادعولي خواتي أنا ضايعه والله ودي الارض تنشق وتبلعني من الضيقه اللي انا فيها ربي يخليكم لي لولا انتو وكلامكم ودعائكم لي جان مت قهر وانا بهالغربه أحبـــــــــــــــــــــــــــــــــــــــــــــــــــــــــــــــــــــــكم:cry: بس تسألين شلون الدخله واحد همجي بعمره مو شايف بنت مع العلم اهو مطلق والله بجي وصراخ الفندق كله عرف:sad:

ياقلبي الله يصبرج ويجعل لج ولكل المسلمين فرج ...............
De3LaT_7aBeBY قالت كلام مهم لاتقطين نفسج عليه وحقريه وسوي الي يبيه ويطلبه لااكثر ولا اقل وبدون تدليع ولاتقوليله حبيبي او هالكلام خليج جافة معاه وجاوبيه على قد الطلب او السؤال ولاتعطينه فرصة يطول لسانه عليج ، وتعمدي تخلينه يشوفج تصلين او تقرين قرآن وحطي بالتلفزيون على برامج دينية وتكشخي وتهندمي بس بدون مباااااااااااااااالغة وتعطري لكن بذرابة ولاتحاولين تلفتين انتباه اوتخلينه يعتقد انج تبين تلفتين انتباهه وحاولي تبعدين عن المكان الي هو فيه عشان لابغى شي يروح يدور عليج ويكلمج ..........
وشنوووووووو بعد ؟؟؟ اي حاولي تشترين جرايد او كتب وتشغلين نفسج فيها وتكلمي بالتلفون مع احد تعرفينه وسولفي وعلي صوتج خليه يحس انا ولا على بالج وماهو مهم واذا رجعتي بالسلامة للكويت بتروحين بيت اهلج .......
وطمنينااااااااااااااااااااا عنج ياقلبي

الله يعينك فدك ويصبررررررررررررررررررك يارب الله يهديه ويصلحه
من جد حااااااااااااااااااله تحززززززززززززززززن لاحول ولاقوة الا بالله
بس عليك بالدعاء وحنا مارح نقصر بندعي لك

الله يعينك أختي ويصبرك على ما ابتلاكي... بس المفروض تتفاهمي معاه واذا مافي مجال للتفاهم نهائيا... انفصلي عنو شو فيا يعني؟؟ والله الوحدة تعيش عزيزة كريمة ولا هل عيشة الي بتقصر العمر ومو لازم يكون كل يوم في زوج ..الي مكتوب على الجبين لازم تشوفو العين..متل ما بيقولو المصريين... وعسى ان تكرهوا شيئا وهو خير لكم.. والله يفرج همك

بحاول أصير ثقيله نفس ماتقولون وربي كريم والله مادري شنو آخرتها مع هالرياييل مادري شنو فايدتهم بهالدنيا بس يعرفون يخونون الله لا يوفق كل واحد يخون زوجته ويأذيها قولو آآآآآآآآآآميــــــــــــــــــــــــــــــــــــــــــن:mad2: