شنـــو تعنيلك الدبلة!!

انا عن نفسي احب البسها على طول بس زوجي مايحب يلبسها الا بالمناسبات
والزيارات العائلية الرسمية
بس انا احس بفخر الارتباط
وتوضح للناس انج متزوجة وترتاحين من اشياء كثيره
من الناس اللي حواليج خصوصا اذا عرفوا انج متزوجة محد يضايقج ابد
وكافي تدل على حبي لزوجي وارتباطي فيه
وتحمل اسمي واسمه وتاريخ عقد القران عليها
:)


دمتم سالمين
اختكم شريفة

SHREEFA

هلا بعمـــري شروفة
ماشاء الله عليج رديتي بسرعة
الله يخليكم لبعض يـــــارب
وفعلا لبس الدبلة كنج تقولين للناس انج مرتاحة وفخورة بزوجج
الله يسعدكم يارب واسعدني مرورج الكريم

اممممممممم
موضوع حلو
ما اقدر اتكلم عن نفسي في الوقت الحالي بس بقول لج عن اختي, كانت تبي تلبس دبله بس زوجها ايام الخطبه قال لها انه ما يحب يلبس خواتم, فعشان جذيه ما راح يلبس دبله لو تزوج, ومن هنيه هي هونت بعد قالت ماله داعي اكون لابسه الدبله وهو ما لابسها,, هو بلغها عادي بيلبسها بس مو دوم لانه مو متعود وما يحب يحط خواتم, في النهايه هي هونت وما يلبسون باثنينتهم دبلة.
ومن وجهة نظره ان الارتباط بالقلب وما تعني له الدبله اي شئ

:think::think::think::think::think::think::think:
ياترى من بلبسني الدبله
:think::think::think::think::think::think::think:

سفيرة فوق العاده

هل تلبسين/تلبس دبلتك؟ وليـــــــــش؟
ألبسها لكن مو دايماً ,, يعني للزيارات أو المناسبات عشان أقول للناس " تراني محجوزة " : ) لا أضحك ,, و ألبسها لما يجيني
يزورني .. و لأنها مب عملية ما أقدر ألبسها على طول ..


هل تفضل ان يلبس شريك حياتك الدبلة؟ وليــــش
بالنسبة له هو ما كان في بينا تلبيس دبل و هو بعد ما يحب يلبس خواتم .. وأنا ما أدقق من هالناحية لأني أدري ولله الحمد جامعنا الحب اللي في القلوب .. و هو يفرح واااايد لما يشوفها علي ..

تسلمين غناتي على الموضوع ,,

موضوع حلوو..مشكورة حبيبتي على طرحه,,

بالنسبة لي ترى الدبلة وااااااايد مهمة وانا دايما البسها لانها تذكرني بخطيبي واحسها تعزز من حبي له فكلما اشوفها على صبعي اتذكره وافرح لاني مرتبطه فيه,,
وبالنسبة له:هو بعد يحب يلبسها واذا في مرات نسى يلبسها يخاف مني,,يخاف اشوف يده يظل طول الوقت خاشها,,واذا اني نسيت البسها هو بعد يسوي لي سالفة,,

تحيااااتي,,

هو ما يلبسها قال عادات غربية
اما انا فكنت البسها خارج البيت اما في الغربة فالبسها دائما و عندما اخرج احس انها تعني لي شيئا ضد عيون الطامعين

اهلين رومانسيه على هالموضوع
انا لسا الدبله ماجت على اصبعي:o
لكن الدبله عندي مجرد شكل
يعني شئ اتميز به عن غيري من المتزوجات
(باستثناء الزوج طبعا):)
لكن لو زوجي مثلا مالبسها
اكيد ابتضايق مو عن شئ بس عشان ماحب انه يلبسها
لان الرجال مايلتزمون هالاشياء
فانا ابقول لوة كنت تفتخر انك اخترتني زوجه البسها وبس

انا رأيي من رأي عاشقة الجوري

[grade="FFA500 FF6347 32CD32 FF1493"]موضوع حلو الصراحه .....
وانه بعد لين الحين ماياني نصيبي .... بس لو حصل ان شاءالله اكييد بلبسها على طول ومابخليه هوو يشيلها من يده بعد .. [/grade]:shy:

انا دايما البسهاا ودايما يعصب علي اذا ما لبستها ..... الدبله صراحه تعني له وتعني لي انه انا شي مقدس لانه لبسني اياها بيوم الملجه وانا بعد لبسته بيوم الملجه يعني واجب اني البسها وهو بعد يلبسها...

وصراحه ريحتنااا من شغلات وايد لانه دايما ربعه يبون يخطب من عندهم ولمه يشوفون الدبله بايده يسكتون وانا نفس الشي الدبله تعلم الناس اني محجوزه....

تحياتي

صباح الخير...

بالنسبه لرأيي صحيح إن الحب في القلب..

بس الدبله تعني لي أشياء واجد صراحه...

ما أحب إني أفسخها إلا إذا بغيت أغسل مواعين أو رايحه أنام...

باقي الوقت كله تصير في إيدي...

مره وحده طلعت رحت الدوام وأنا واصله إكتشفت إني ناسيه ألبسها...

أحس إن في إيدي شيء غريب مره إني ناسيتها... يعني شعور غريب يجيني...

والحمد لله إني إكتشفت من البدايه... لأني لو بعد فتره إكتشفت راح أتوقع إني نسيتها في مكان في الدوام وراح تتأزم نفسيتي...

أحسها غاليه على قلبي...

مره من المرات كنت مسافره وكنا أنا وزوجي رايحين المطعم وإحنا ماشيين طاحت الدبله من إيدي وأنا ماحسيت بس سمعت صوتها...

لأنها طاحت على السيراميك... فعلى طول طالعت وشفت إنها شيء يلمع أقول ياربي إيش هذا...

وشالها زوجي من على الأرض وشافها إن دبلتي... قال لي إش حقه راميتها قلت طاحت من إيدي...

كانت بمقاسي وصارت واسعه خساره...

بالنسبه لزوجي: لم ولن أرضى في يوم من الأيام إنه ما يلبس الدبله حقه... وإذا يوم نساها يحاول يخش إيده عني...

عشان ما أنتبه إنه ما هو لابسنها... بس في أيام ملجتنا ضيع دبلته في حمام الدوام وزعلت منه واجد...

ما أدري أحس تعنيلي واجد الدبله...

السلام عليكم

بس يوصل النصيب .. بقولكم شو تعنيلي الدبلة

تحياتي للجميع

الدبلة تعني لي الكثير،،، ماقدر أستغني عنها وأهم شي تكون هي الدبلة الي لبستها ليلة الملجة،،، أحس أنها إرتباط بيتي وبين هالزوج وأفتخر أني متزوجته .. دبلتي ليلة الملجة كانت الماس، لما رجعنا من شهر العسل سويت إستقبال وبذاك اليوم طاحت مني وسمعت صوتها بس مالقيتها ، كانت طايحة بين ورق الهدايا لما فتحتهم،، كذا مرة بحثنا عنها مالقيناها،، صادني إحباط كنت وايد متضايقة وتخيلوا عقب سنة لقيتها بين بعض اوراق الهدايا الي أمي شايلتهم ( عاد كنت آنه شارية وحده ذهب وزوجي مسكين بعد اشترى لي وحده الماس شوي تشبها، وكنت مسوية طلب لوحدة مثلها من نفس المحل وقالوا تاخذ شهرين على ماتوصل وبتطلع أغلى فألغيت الطلب) شبحان الله طلعت عقب سنة والحين أخاف عليها موت أعتني فيها مثل ولدي هاهاهاها...

زوجي بعد مازال يلبسها، وأحيانا ولدي ياخذها من على الطاولة ويرميها، يقول له جيبها لا تفضحنا مع أمك... خايف من لساني آقول له ماعتنيت بها وماهامك الإرتباط بي..

لأني و زوجتي ما لبسنا دبل يوم الملجة
لذلك الدبل تعني لنا nothing وابصراحة مرّات ماتكون ماتشجنق مع الإكسسوارات
ودّي اعرف شنهي المضايقات اللي يتكلمون عنها البنات ، يعني الوحدة اذا ماكانت لابسة دبلة ينغزوها ويقولون " عانس "
معقولة ناس للحين تفكر بهذي الطريقة ، واذا فكّروا دامهم ما صرّحوا بهالكلام مالنا شغل واذا صرّحوا نعرف نرد عليهم ونقول لهم
الدبلة شيء غير اساسي في الحياة الزوجية الإسلامية ولكنّها تعد ذكرى يحب البعض الاحتفاظ بها مثل " إلبوم الصور "
حالياً حمّودي دبلتنا ، والناس لما تشوفنا مع حمود الغالي يعرفون انّنا couple
:bigsmile:

عموما بس حبيت اوضح ان مالها اصل في الاسلام
والاعتقاد انها رابط مقدس مثل مايعتقده الغرب محرم
لكن لو تكلمنا انه من باب الهديه الي يجيبها الزوج مثل الشبكه يعني مو لزم وجود القطع كامله

هادي
بالنسبه لعايلتي الدبله ماتعني لهم شئ
لبسوها امي وابوي على قولتهم في زمن جهل نحسب ان الدبله ضروريه لحد ماعرفنا انها خرابيط وتركناها

لبس البنات للدبله
مو معناه عشان الناس يقولون للوحده عانس وهي مو متزوجه
لا السالفه انها شئ نفسي
مثل لو زوجي اهداني سلسله وحبيت البسها هل معناها ان الناس بيضنون شئ لا
بس احساس نفسي اني اشوف شئ يذكرني بزوجي

واذا شفته عليه
ايضا احساس نفسي بيحسسني بانه ايضا يحب يشوف معه شئ يذكره فيني
مثل لو اهديت له ميداليه او بوك وشفتها معاه بافرح مثل فرحتي بشوفة الدبله عليه
وكذلك لو ماشفت اي هديه اهديتها له ابتضايق مثل ماابتضايق اذا ماشفت الدبله عليه

لكن افكر اني ابمتلكه بهالدبله طبعا لا

موضوع رائع يا رومانسيه

لي عوده بعد شوي ،، لأني لاااااازم اشارك

موضوع حلو ويستحق المشاركة رومانسية

هل تلبسين/تلبس دبلتك؟ وليـــــــــش؟

ولاعمري طلعت من دونها ( الا كم مرة بالغلط ) من بعد ما لبسني اياها خطيبي ايام الخطوبة ... احساس ما أقدر اوصفه اني الدبلة ترمز لأشياء كثيرة في حياتي وعلاقتي بزوجي

هل تفضل ان يلبس شريك حياتك الدبلة؟ وليــــش

مو أنا اللي أفضل ........ الحمدلله صار لي متزوجة سنة و 11 شهر ويوم ماعمري شفته تاركها ويوم اللي ينسى او مايلاقيها قدامه ( رغم ان عنده الف دبلة ) خلاص تصير اخلاقه في خشمه وهو نفس الشي يقول ما يقدر يقول ليش يحب تظل في يده

انا بصراحة اشوف اللي حوالي مثل زوجات اخوانه مايلبسون وحدة تقول بس في المناسبات ووحدة تقول اذا زوجي ما يلبسها ليش انا البسها
وبغض النظر عن كونها عادة اجنبية او غير

احنا تعودنا عليها من سنين طويلة

امي وابوي يلبسون دبل وهم متزوجين من زمان ما شاء الله ............. بالنسبة لتعليق ابو محمد ... الدبلة مو تحمي من كلمات مثل العانس وغيرها

الدبلة خاصة للي تعمل في بيئة مختلطة مثلا تعني ان الانسانة مرتبطة وتخلي الطامعين يصرفون نظر عن التحرش فيها لاعتقادهم بأنها مو مرتبطة وسهل يعلقوها ( حسب تعبيرهم ) ... من تجربة شخصية لوحدة من قريباتي تشتغل ممرضة ........ تقول كل مريض سواء كان مراهق او عجوز كان يعرض عليها الزواج او يتقرب منها ويوم قررت تلبس دبلة اي كلام ........ ما كان في احد يتحرش فيها اصلا ... الى وقت اللي تزوجت وظلت الدبلة في يدها على طول

صحيح الدبلة مو شرط تكون دليل حب بس هي نوع من انواع الارتباط خاصة بالنسبة للزوج ......... كثير اقدر زوجي واقدر اهتمامه اذا لبسها وحرص على هالشي

الله لايحرمنا من بعض ولا يغير علينا

ويوم اطلع مثلا للدوام وانا ما لبستها والله يضيق صدري واحس اني مو طايقة حتى أطالع في يدي

elmaha

هلا حبيبتي المها
يعني نحــاس!!!!!...وهذا اللي صار مع اختي

ومن وجهة نظره ان الارتباط بالقلب وما تعني له الدبله اي شئ

وهذا مثل زوج اختي :s شو القصة؟؟:)
على كل حال الله يهنيهم ان شاء الله

وشكرا على المرور حبيبتي