شنـــو تعنيلك الدبلة!!

fa6ame

هلا حبيبتي فاطمة
امين يارب العالمين
يعني الرييايل عندكم مايلبسون الدبل بس الحريم؟ طب ليش الرييايل مايلبسون.؟
لو كنت بدال وحدة من ها الحريم جان مالبست ...... شلون انا البس وهو لا؟؟؟؟



سوالف الشوق

هلا حبيبتي
انا معاج
احساس لبس الدبلة احساس غريب وحلو وايد
وغير عن اي هدية ثانية

business_girl

هلا حبيبتي
طيب ماسئلتيه شالسبب ؟؟
يمكن مايحب يقلد الاجانب ومايحب يشوفج تقلدينهم؟
المهم انه يحبج وشاريج:)



kholoud_sa

هلا خلود
لا حبيبتي انطري هو يجي ويلبسج:)
والله يرزقج بالزوج الصالح ان شاء الله

Marshmallows

هلا ام خالد
والله قصدتكم تونّس...:D2


انتظر القصة الجايـــة
تصدقين دبلتي بعد مو مع الشبكة ونــــــاعمة
واول مالبستها ماقلت لخالاتي انها من خطيبي
فكانوا يعايروني.....هااااا من ماااعطج
واقولهم امي :D2
ولما سئلوا امي قالتهم صح انا عطيتها بس ماكو فايدة
الكل كان يعايرني في الدبلة بس انا كنت استانس:)

هلااااااا وغلااااااااا برومانسية

سؤال حلو ويستاهل إجابة حلوة أكيد :shy:

أستانست وأنا أقرا ردودكم :)

وقبل ما اقول رايي ، كلكم قولوا آمين

"اللهم أرزق كل بنات عروس بالزوج الصالح إنك سميع مجيب الدعاء"





نجي لرايي، صحيح الدبلة جات فكرتها من الغرب بس صارت عندنا من العادات

وسهلت على الخطابات مهمة البحث عن عروس :D2

لأن الحين بحفلات الزفاف والعزايم أول ما يشوفون صبع البنت علشان يوفرون على نفسهم

مشوار السؤال والإستفسار..

والدبلة عندنا هي بالإساس هدية من الزوج للزوجة والعكس وشي يربطهم وبالحلال

فما أشوف فيها أي مشكلة..


أما بالنسبة لأسئلتك يا رومانسية

على فكرة ، تدرين لما تمت الموافقة وتحديد الملجة أول وحدة يات في بالي أنتي :shy:

ما بقول لج ليش وحاولي تفكرين ، يمكن تتوصلين لسبب يخلني أتذكرج يوم ملجتي :)



بخصوص الدبلة أنا ألبسها دايم اللهم بالبيت لا <<<< بعدين اهلي بيقولون عني متخرعة

وأعتبرها أول هدية جاتني منه علشان جذي أعتبرها غالية على قلبي وايد

ويكفي كل ما أشوفها أتذكره فديته :o وافرح لأني مرتبطة فيه رغم بعد المسافة بيني وبينه :(

وشوفتي للدبلة تخليني ارجع بالذاكرة ورا من يوم شفته إلين اليوم :o


وبالنسبة له ، دايما لابس الدبلة وأستانس لما أشوفها بصبعه يعطيني شعور أنه فرحان

بإرتباطه فيني.. وإللي أكتشتفه أنه حاط في باله أني بذبحه إذا ما شفته لابسها :D2

خخخخخخخخخخ

الله لا يحرمني منه


وسلامتكم :)

لايارومانسيه
بالعكس
انا عندي الدبله اهم من الشبكه
(لايسمعني ولد الحلال بيستغلها فرصه ويوفر على نفسه):D2
بغض النظر عن نظرية امي وابوي انا اهتم بلبس الدبله
وانا مع ان الزوج يلبسها ويقدرها لانها تعتبر من تقديري

الرد الثاني رئي امي وابوي
اما انا بالعكس
انا شاء الله اذا صار نصيب صورة لكم دبلتي ووريتكم اياها

همس القلوب

اللهم آميــــن
هلا والله بحلالة مشاكلنا :)
حبيبتي همس القلوب ليكون عقدتج من مشكلتي وقلتي يمكن يصيدني مثلها خخخخ
والله ممكن....صح تحليلي؟؟؟؟؟؟
الـــــــــــف مبروووووك ليش ما خبرتينا على الاقل نفرح شوي!!!!!!!!:)

بخصوص الدبلة أنا ألبسها دايم اللهم بالبيت لا <<<< بعدين اهلي بيقولون عني متخرعة

:D2
انا ماسويت اي اعتبار لهلي والله ولا افتكرت فيهم
الله يخليه لج ياااارب ويخليج له

لي طلع تعيس الحظ اللي بياخذني بقولج شنو تعنيلي :D

بس ما ادري ليش وايد استانس لما اشوف ريال لابس دبله...احسة انسان ملتزم تجاه مرتة و مخلص

ســــارونة

هلا حبيبتي
شنو تعيس؟؟؟ الا بيكون اسعد رييـــال بالدنيا
اصلا وين بيحصل مثلج
الله يرزقج بالزوج الصالح يااارب "قولي آمين"
تصدقين ياسارونه والله انا بعد بس اشوف رييال يلبس دبلة ارتاح
واقول الدنيا لحين بخير
والمراه دوم ترتاح لما تشوف ريلها يلبس دبلة
مشكوورة ياعسل على المرور

دبلة الخطوبة هي رمز لرابط مقدس>>>>>>> دبلة الخطوبة أو خاتم الزفاف رمز للترابط بين الزوجين في مختلف البلدان والثقافات على مر العصور، وبحكم العادة نحرص عـلى وجودها في مكانها الطبيعي في إصبع الزوج والزوجة.


من وجهة نظري الخاص اعتقد ان وضع الدبلة هو امر اختياري. و ليس من المفروض ان نلزم الشخص بوضعه لانه حر . وايضا يجب علينا ان لا نجعل الدبلة هي التي تظهر لنا عواطف و محبة الاخرين لنا لان الحب و التقة المتبادلة تنبعت من القلب و التصرفات. لهدا يجب ان نتحكم في تصرفاتنا.

فبعض الأزواج والزوجات يرون أن الدبلة في حد ذاتها لا تعني شيئًا في الحياة الزوجية خاصة مع تقدم العمر ووصول الطرفين إلى مرحلة الشيخوخة؛ من هنا فهم لا يجدون ضرورة في استخدامها.

الدبلة شي وايد غالي علي .. ووايد افتخر فيها .. وافتخر اني مرتبطة بهل الانسان .. وغير جي انها ذوقه هو الشبكة ما كانت ذوقه
يوم الخطوبة مالبسنا بعض الدبل بس كانت الشبكة .. وهل الشي ضايقني وايد وجابها لي عقب ولبسني اياها بروحنا
بس شقعد عزيزة على ماحد يتخيل .. البسها في كل وقت برع البيت معنها مب عملية بس احبها .. وبيني وبينها علاقة حب :)
هو ما يلبس شرحلي وجهه نظره بالموضوع وتقبلته بس كفاية علي احس انه يحبني تكفيني عن الدبلة بس افكر احاول اقنعه يلبسها عقب

هلا اختي رومانسيه

مشكوره عالموضوع الرااائع ومثل ما عودينا مواضيعج دوم مميزه

الدبله تعني الحب والاحترام و الوفاء وان الزوجه تصون زوجها وزوجها يصونها

بس في زمنا هذا قليل ما نشوف الزوج او الزوجه عليهم الدبله

أما انا سالفتي مع الدبلة غريبه نوعاً ما في ليلة الملجه لبسني زوجي الدبله

وعادي كان قياسها اوكيه دخلت بسهوله وانا عادي كنت احركها

المهم بعد الحفله بغيت اطلعها ما تطلع ولا تتحرك عن اصبعي ما تمت طريقه

ما حاولت فيها والكل حاول امي ويدتي وزوجي بالصابون والزيت والكريم

اللي يشوفها يقول ملزوقه بصبعي ومافي امل تطلع صبعي تورم وانتفخ

ويدي تيبست علي قمت اصيح من الالم وووواصلت لين الصبح عالساعه ثمان

خذيت امي ويدتي ورحت سوق الذهب دخلت محلات الذهب كلها تقريباً

يحاولون يقطعونها ما انقطعت وبعظهم يخافون يصير بيدي شي المهم وبالغصب

وبعد ترجي رضى محل يقطع الدبله وامي ويدتي ماسكين يدني

وانا قلبي متقطع من الالم وقطعها لي من الامام والخلف

وانا من صاري لي هالموقف ابد ما تفائلت بالخير وكنت حاسه ان زواجي

ما راح يتم على خير لان هاي بدايتها وفعلاً احساسي

ما خاب لكن احمد الله على كل حال

أتمنى للجميع حياه سعيده والله لا يفرق بين كل زوج وزجه إن شاء الله

و أعذروني أني طولت عليكم

أختكم الدانه

الدبله تعني لي شئ كبير ... أحسها رمز من رموز المحبه

إن شاء الله لما يجي دورها و ألبسها بتكون شئ ثاني في إيدي و بخليه هو بعد يلبسها مع إنه عدنا الرياييل ما يلبسون الدبل لكن بجبره

الله يجمعنا مع بعضنا جريب إن شاء الله

امممممممممممممممممممممم الدبله عندي شيء مهم ضروري

اناو زوجي اتفقنا من يوم الملكه انه ما نشيلها ابد

ما ادري بس انا اعتبره من رموووووووز المحبه كافي اسمي واسمه محفور عليها

وجودها في يدي يعني لي كثيرررررررر وجودها في يد زوجي يسعدني اكثر

اممممممممممممممم صارع تدري ليه انا البسها مو عشان ما يقولون عانس

لاني في مره رايحه عرس على اساس اني بغير دبلتي العاديه والبس دبلتي الالماس

ونسيت ما لبسها والنتجيه خطبوني خخخخخخ

تصدقين بفترة خطوبتي ماكنت ألبس الدبله بالمررره إلا عناااااااات إذا حسيت بإحراج من اسئلة اللي حولي وين دبلتك ؟؟ لبستها
وكان مكانها بالعلبه بوسط الدولااااااب
وكان في مقصد من ورا عدم لبسي لها
وتسلمي يالغلااااا
وماننحرم منك

ولكم فائق تقديري وإحترامي
دمتم بخير

انا الدبله بالنسبالي ضرورويه وايد ... وعندي كذا دبله .. ذهب ابيض واصفر وابيض لوحده واصفر لوحده عشان يناسب مع اي لبس البسه .. وزوجي يزعل يوم ايشوفني مب لابستنها واصلا انا ارتاح لما البسها واروح مكان .. لان باول ايامي ماكنت البسها وكانوا يخطبوني لانهم مايعرفون اني متزوجه هههه .. اما زوجي مايلبسها لانه عندنا الريايل مايلبسون الدبل الا نادر .. يلبسها في المناسبات بس .. او لما يطلع معاي ..

يسلموا عالموضوع الحلو
الدبلة اكيد اشي رمزي لانه اهم شي الحب والتفاهم
بالنسبة لالي مضطرة البسهاهههههههه غصبن عني خطيبي من النوع الغيور مع انه بحبني

[movet=right]انا بحس الدبله دي زي رباط بين الزوجين وفعلا فخر قدام الناس انك فعلا متجوزه او مخطوبه وانا عن نفسي عمري ماقلعتها او هاقلعها واكيد لو خطيبي قلعها ازعل وهازعل كتييييييييييييييييييييييييييييييييير اوووووي [/movet]

[grade="00008B FF6347 008000 4B0082"] السلام عليكم ورحمة الله وبركاته

صراحة موضوع رائع عيبني

بالنسبة لي شعور حلو اكيد

ممكن يغيرون مكان الدبله ويخلونها في الوسطى احب البسها بالوسطى خخخخ
أعتقد بالنسبة لي ربيعاتي يهدوني هدايا افرح وايد فيها واذا كانت أشياء تنلبس أحب البسها ومرات أحب أحتفظ فيها كيف لو الهدية من الزوج الغالي أكيد غير بتم البسها

بس المشكلة الدبلة شكلها بتضيع مني
لاني دايما لما ألبس خاتم وسرت أتوضأ ولا اغسل ايديني أنساها على المغسلة خخخ الا اذا حد ذكرني ولا يابلي اياها خخخخ

يعني هو يمكن يعصب ليش ضيعتها يمكن مب محبة فيني يمكن عشان ثمنها خخخخ
اما بالنسبة له اذا هو يلبسها حلو لو يلبسها عشاني
حلو الخيال الواسع
ان شا الله اذا ربي كتب لي النصيب

صراحة في عائلتنا يشترون الدبل لكن مايلبسونها دووم اعتقد في فترة الزواج الأولى وبعدين خلاص خخخ[/grade]

مرحبا خواتي
أنا أقول صح إن الحب في القلب بس بعد تعرفوووووون المظاهر تلعب دور بعد يعني ما فيها شي لو كل واحد منا سواء الزوج أو الزوجة لبس الدبلة
هذا يدل على الرباط القوي اللي بينهم .. تدرون عاد بالنسبة للزوجه أعتقد الأعظمية يتقيدون بهالشي مافي أي مشاكل من هالناحية بس بالنسبة
للريال أحس شوي يكون غير .. يعني أكبر مثال أنا والله إني ما أقدر أطلع مكان إلا أكون لابسه الدبلة وإذا نسيتها بالغلط وهاي ما استوت إلا
مره أحس إنه ناقصني شي :sad:.. أما بالنسبة لريلي فما يعتبر لبس الدبلة شي مهم ويقول الحب في القلب وحاولت كم مرة أقنعه قالي وضع الزوجه
غير ووضع الزوج غير ( تدروووون الريال دوم غير أونه ) وأونه الدبلة تييب له حساسيه وما متعود على هالشي .. ولما شفته ما يقتنع
قلت أنا ليش تاعبة نفسي كيفه وهو وضمييييييييييره ... اللي علي أنا بسويه وبس ... وفي النهاية الحب في القلب ...:gum:
والسموووووووووحه خواااااااتي

الغالية ترى معظم أزواجنا و اللي لاحظته الخليجيين منهم ما يلبسون الدبل ^^ فلا تتكدرين و لا شي ..

و تراها دبلة لا راحت ولا جات ,, أهم شي يكون في عقد خخخخخخ ولا الدبلة مو شرط أساسي ,,

اسمحي لي اختي على المداخلة ,,