يا عروسات شلون عطوج المهر ؟؟

انا بقول لج على حسب طريقتنا

نعطي المهر بليله الملجه ويكون المهر كامل

والمهر ينحط بصندوق واذا فيه شبكه تكون معاه وفي ناس ما يطلبون شبكه بس مهر ويتسلم ليله الملجه كامل

حتى عندنا
المهر يكون كامل ويتسلم بليلة الملجه
والحين الناس يتفننون بطريقة تقديم المهر
من صناديق وغيره

السلام عليكم ورحمة الله وبركانة
احنا عندنه يطرش لها المهر على حسابها في لبنك
متطورين شنسوي بعد

تسلمون حبيباتي على المشاركة

لان انا سمعت ان في ناس مايعطونهم مهر ... بس في فتره الخطوبه اي شي يكون في خاطر العروس و تبي تشتريه تاخذه و مايكون في مبلغ معين فقلت اشوف في احد سوا جذي او لا .

أنا مهري جابوه لي قبل الملكه بأسبوع .. وحطاينه بصندوق مررررررره حلو

كأنه صندوق أثري وداخله ورد منثور وفوقه المهر مربوط بشريطه ستان...وبس

انا عطوني المهر كامل وكانو حاطينه بصندوق كشخه وكان الصندوق طبقتين اول طبقه المهر كامل والطبقه الي تحت كانت الشبكه كامله .... والدبل..... وقدموه لي في يوم حفله الملجه....


تحياتي

حتى عندنا
المهر يكون كامل ويتسلم بليلة الملجه

إحنا عندنا يعقدون على مبلغ وقدره ( حتى لو ريال ) بس بدون تسليم هو لمجرد العقد اللي هو ..

بس عقب العقد يسلمون المهر للبنت يا إما كاش أو ينحط لها في حساب في البنك أنا جذي حط لي مهري في البنك : )

الله يبارك لكم في مهوركم جميعاً ..

من عاداتنا انه عند عقد القران يدفع العريس دينار مثلا أي مايعادل 5ريال

وبعدها لما العروس تجهز والا عاوزة تشتري شي يعطيها العريس المال ومرات ينزل يجهز معها خصوصا جهاز المنزل
ومايمنع مشاركته في كثير من الأحيان بجهاز العروس......

وطبعا في عرايس

تكون لها حساب مثلا في البنك يرسللها الفلوس عليه بس طبعا باتفاق مسبق مع العريس

وهذا أحسن عشان ماتستحي كل ماجت تشتري شي...

انا عن نفسي ماعطاني يوم الملكه لكن يوم دريت ان زواجي بيتأخر بلعب بالفلوس على الفاضي قلت له أخره شوي لاتعطيني اياه
عقب كم شهر طلبته منه وجابه على طول وبعلبه حركات فيها عطور عربيه وعود ومصحف هي علبه مخصصه للمهور مقسمه
شي للمصحف وكذا
:)
مبروك لكل العرايس وعقبال الصبايا يارب

والله عطونا المهر بطريقه عاديه يوم عقد القران.........

وأنا أشوفها أنسب شي.

:sالصراحه انا سالفتي سالفه مع المهر ههههههههههه

المفروض اني كنت استلم مهري كامل وقت كتب الكتاب وانا كتب كتابي كان الصبح وفي الليل كانت الحفله
المهم ريلي وصل الصبح من وقت مع الرياييل ويى المطوع وكل شي ووقت الملجه سال المطوع ريلي عن المهر الحبيب يفتش يمين يسار ماشي .. اثره ناسنه يا حظي واستسمح من ابويه انه قايم من النوم متأخر وبسرعه بسرعه ياي عندنا ونسى المهر >>> الحبيب مستعيل خخخخخخخخ

المهم ابويه قال له عادي عقب هاته معاك في الليل وملجنا والصراحه انا كنت بعدني ماعرف شكله ولا عرف كم عمره ولا شي عنه غير اسمه فكان عادي عندي احط عليه شوي واطنز على هالسالفه:D ومن اشوف واحد من اخواني اقول هذا ريل الحينه ينسى مهر عروسته .. يا حسره عليه خذني بلاااش هههههههههه

المهم ما شفته الصبح على اساس انه مره وحده بيشوفني واشوفه في الليل ويى الليل واخر الحفله هو دخل وتمينا يالسين وجذا ولما يى الوقت عشان يطلع سلم عليه وطلع وانا اقول في خاطري تعال وين مهري ليكون هذا خذني بلاش هههههههههههه

عقب دق عليه وقال لي ليش ما ذكرتيني انا كنت يايب لج المهر ويايه وابا اعطيج اياه بس من شفتج نسيت كل شي شو هالفضيحه الحينه اهلج شو بيقولون عني .. وانا اضحك عليه في خاطري لاني ماقدر اضحك عليه جدامه توي اعرفه الا ساعتين واقول فخاطري هيييييه شوفتي الحينه هي اللي نستك الدنيا هاااا>>> مؤدبه حليلها:shy:

قلت له عادي هاته متى ما ييت .. وعقبها بيوم عزمه اخويه على الغدا عندنا ودخل ولا في يديه شي فقلت لابويه هذا شو سالفته شكله صدق خذني ببلاش وابويه يتمصخر معايه يقول لي خلاص ماتبين مهر سيري له جذا احسن يمكن ما عنده..

تغدا عندنا وصلى العصر وعقب الصلاه حليله اشوفه ينزل كيسه حلوه وياه ودخل وسلم علينا وخلونا اهلي رواحنا وانا فيني فضوول شو في هالكيس .. قبل ما يظهر بشوي عطاني الكيس وكان فيه المهر مع ساعه وخاتم وانا عااد تعالوا شوفوني وقتها متشققه من الونااااااااسه الاخت:D2
بس الصراحه قطعته على هالسالفه اول يومين ودوم كنت اتمصخر على عمري جدام هلي واقول هييييه خلااص ضمني بو الشباب شو لزمة المهر بعد .. حتى ابويه تمصخر عليه ما قصر :s
والحينه كلما اذكر شكله وهو مفتشل اضحك عليه ... قولوا بس ما ينساني انا بكبري يوم العرس من الربشه:D

عن نفسي قبل الحفله بيوم ملجنا في البيت وعطاهن ابوى

وعلى طول ابوى حطهن فى حسابي في البنك

اما فلوس الزهاب فعمتى عطتهن امى بالطريقه العادية

أنا عن نفسيه حطوليه مهريه في حسابيه بالبنك ..................

السلام عليكم

يوم بيعطوني المهر بخبركم

:shy:

نحن عندنا يعطون العروس المهر بيوم الملجة

اما اذا كانت الملجة ويا العرس فيعطونها يوم الخطوبة


خالتي يابولها مهرها في صينية وكل كم ألف لافينها بشريط وعليها ورد جوري

:smile:

يحليلكم حلوه سوالفكم

بالنسبه لي بعد الملجه بيومين سألني بو الشباب تبغينه في الرصيد ولا كاش قلت له على راحتك وقرر ان يجيبه لي كاش وقلت احسن علشان اقدر اوزعه على راحتي وبس

الله يرزق كل بنات المنتدى بالزوج الصالح

تحياتي

اختكم في الله / الموناليزا

يعطيكم العافيه


الموضوع راااااااائع.


احنا عندنا المهر يقدم يوم الملكه و يكون كاش.


بس اخوي لما قدمنا المهر لخطيبته حطيناه بـ(عربيه) وهو صندوق مثل الدولاب ينفتح من فوق و يزين بالورد و الكريستال ويكون طقم الشبكه مزين و موجود من فوق

و للصندوق بابين من زجاج من تحت و ارفف و يكون فيها علب كريستال و في كل علبه عوده و بخور و جنيهات ذهب و جنيهات فضه و دهن عود و...و....و...و..............الخ

و يكون المهر مرتب في اخر رف طبعا الورود المزينه الصندوق من نفس لون فستان العروس يوم الملكه


و انا ان شاء الله عن قريب اذا اعطوني مهري باقولكم كيف اعطوني هو

هلا خواتي عن نفسي المهر بالبنك وجابولي بطاقه بنك باسمي يوم الملجه

ذا مون
بصراحه من قدها خطيبة اخوج
احس طريقة التقديم لها اثر كبير
يعني حلو وااااايد لما العروس تحس انه متعوب عليه ومتعوب على ادق التفاصيل
وانشالله يعطونج مهرج بطريقه احلى واحلى