يا عروسات شلون عطوج المهر ؟؟

الصراحه عيبتني حركاتكم

انا اتخيل لو يقدمونه شيك وينحط في شي مثلا صندوق او اي شي ثاني المهم اتكون العروس ما اتعرف شو هوه لين ما تفتحه واتشوف الشيك

شرايكم بفكرتي؟

عن نفسي
اهل ريلي ييو بيتنا ويابو المهر في صندوق صغير مليان ورد مجفف ومتناثر على المهر ومهري كان 000 50
وصندوق ثاني عود فيه بعد ورد مجففه الوانها مشمشي وبرتقالي...ومثبته فيه الشبكه والساعه والدبله
شبكتي كانت عباره عن طقمين فخمين..طقم حق الملجه وطقم حق الزفاف واثنيناتم حلوين وايد..الحمد لله زوجي وامه قمه في الذوق
وساعتي كانت اخر موديل من شوبارد
والدبله كانتك كلها مرصعه بالماس وكبيره

ومن مهري فصلت الفستان وتزهبت

ويوم الصباحيه ريلي ظهر مع ربيعه وكل واحد شرى لمرته طقم ذهب بس هالمره كان ذهب اصفر بعد من داماس .. مادري ريلي متعاقد معاهم ولا شو ؟؟

مع انه ابوي ما طلب الا المهر وطقم لانه الحمدلله ابوي يخاف الله وما يبى يكسر ظهر الريال بالطلبات ولا انامن النوع الخقاق اللي شايف نفسه واتطلب..لاني بعد اخاف الله

بس الحمدلله الله عطاني ريل ما قصر معاي ابدا الله يحفظه لي ونصيحتي لكل عروسه لا تتطلبون وايد لانه الريال اذا حس انكم ما تتطلبون والله اييب كل شي من عنده وبطيب خاطر بس اذا الحرمه ما وافقت عليه الا بعد ما فلسته وخلته يتدين من بالبنك بيكرهها وبيكره الساعه اللي شافها فيها

أنا مهرى جابوو بصندق حلوو على خام تايقر وكل الف لافينها بشرايط وتارسين الصندق ورد مجفف
وحاطين معاه خلطتين من محل الكويت وبخوور

انا جابوا لي اياه في صندوق مع باقة ورد وعاصفير من نفس لون الورد

والفلوس ملفوفه بورد مع الكرستال............

ومشكوره والله يعطيج العافيه

مساء الخير

انا بتكلم عن مهر اخوي لاءنه بعدي ماتزوجت

كان صندوق كبير ووووايد وكان كله ورد جوري منثور و اول شي سياده وثوب وبعدين عطورات ودهن عوود وبخور وجنطه ماركه
وقطعتين خام بس كلهم شك وايد فخمين ووبالويه كان القرأن وزيناه ونثرنه فيه بيض الصعو لون سلفر وذهبي ونفس خذينا اعواد دراسين ولفيناهم بحبال خيش ولزقنا فوقهم حب هيل وحطينا تقريبا اربع حبات
وبس

واتمنى انها تعجبكم

ونسيت اقول اهم شي لفلوس كانو اربع ربطات
وكل ربطه ملفوفه بشرايط ستان وشرايط كرستالات وورد


وبس

دلوعه قطريه

صحيح كلامك طريقة التقديم لها اثر كبير و تفاجئ العروس فيها بس اهم شي ما تكون العروس هي الى شارطه طريقة التقديم يعني لما تكون من المعرس يكون احلى


انا في شوفتي (يعني لما شافني المعرس) قدملي طقم بس طريقة تقديمه مررررررره كانت حلوه و انا عجبتني لاني تفاجئت فيها و كان في صندوق فضي مثل الكتاب مفتوح ومن داخل قلب كبير احمر و الطقم مثبت على القلب و طبعا جنب القلب ورد مجفف لون احمر و فضي و معاه كريستال



وان شاء الله يعطوني مهري بطريقه حلوه تفاجئني

نحن عندنا ما حددوا لا المهر ولا الخسر .... عطونا 180 الف وقالوا كل شي عليكم واتصرفوا ....
لوتدروووووون ان الفلوس خلصت وما عطينا العروس شي للحين

السلام عليكم ورحمة الله وبركاته
جزاكم الله خيرا على الموضوع الحلو >>>>>>> المهر
أفكاركم وايد حلوة
وبصراحه أطلب منكن خدمة
هل في واحده تسلعدني ؟؟؟
أنا حابه أساعد صدبقتي في طريقة تقديم مهر خطيبة أخوها
وهي حطت في بالها طريقة الصندوق والتزيين لكن تحب تضع مع الشيك بطاقة حلوة تكتب فيها ان هاي مهرها وان هي أغلى من أي شيء أو أي مبلغ من المال يعني
كلام حلو أكيد فهمتوا قصدي أرجوكم ساعدونا ولكم الأجر من عند الله
:o
تحياتي

ماقصرتو على هالافكار الحلوة

يعطيكم الف عافية

و بانتظار المزيد من الافكار الحلوة

عطوني أياه بظرف عااادي جدا


وقدموه لي عن طريق الشيخ اللي بيعقد القران

بالنسبة لي مثل الأخت احلى شهد .. ليلة عقد القران المعرس يعطي الشيخ المهر و يكون غالبا في ظرف عادي و بعدين لما يروح الشيخ للعروس هو يسلمها المهر في ايدها

انا عن مهري خطيبي جاب لي ياه مع اول زياره بعد عقد القران

كان قبل حفلة الخطوبة

وجاب لي ياه معلق جنب مرجيحة - دورفة - مزينه باوراق ورود، وورد صغير، وفي نص المرجيحه عقد الماس صغير وناعم

بس كانت طريقة التزيين روعة

انا عطاه الشيخ بالاول علشان يشوف اذا كان المبلغ مثل المبلغ اللي طلبته او لا وكان المهر في صندوق خشبي يجننننن وبداخله المهر ملفوف عليه قطعه خضراء مطرزه بتطريز ذهبي ,, ومعاه قرآن صغير ومنثور عليه روز احمر وسلمه لأبوي وبعدين ابوي عطاني اياه في ايدي بعد العقد ...... وبس

انا خطيبي عطى اهلي المهر بعد عقد القران يوم طلعنا من المحكمه لاني ملكت الضهر وفي الليل كانت الحفله وكانو حاطينه في علبه مذهبه مزينه بالورد والشرايط وتحتها قاعده من المخمل وفي الحفل جابو عربع على شكل فترينه مذبه ومزينهبالشرايط والورد وفيها كل شي مزين من مبخر وبخور وعوده وعطورو....... ايش اوصف كان شي فخم حتى صاحب الصاله طلب من ابوي يأجرها عليه عشان كان عنده عرس لقرايبه عاد يبي يزين الصاله فيها بس طبعا ابوي ماوافق

والله المهر يتسلم في يد العروس ليلة القعد

اما عن نفسي انا كان المهر محطوط وية هدية وقران

نعطي المهر بليله الملجه ويكون المهر كامل

انا مهري كان بصندوق مزين ورد مع شبكه برآآآي احسن شي يكون المبلغ لللتجهيزات غير الشبكه

والله شوفي خيتووووووو على حسب الناس انه بالنسبه لي خذيت المهر قبل الملجه بيوم علشان اروح اشتري الفستان والشبكه .........الخ

مرحباا .. انا زوجي حطه لي في رصيدي في البنك مطورين خخ