@ عاجبك ولأ مو عاجبك @

صـــارع 19-10-2005 136 رد 9,425 مشاهدة
ا
مرحبا اخوي هادي..
انا قريت الموضوع من اول صفحة و لما وصلت للفقرةاللي عرفت فيها انك صارع.. عورني ويهي.. قلت شكلي اخر الناس
بصراحة صارلي فترة طويلة غايبة عن المنتدى >>>>> تتلمس العذر..
بصراحة الموضوع شدني و استمتعت بقراءة مشاركات الاخوة و الاخوات


هل انت معجب بإسمك ؟
الحمدلله عاجبني و راضية فيه

اسمك تقليدي ولأ ستايل ولأ لابق على كل الأزمنة ؟
لابق على كل الأزمنه اتوقع.. على اسم ام عيسى عليه السلام :)
بس احيانا يسموني الريم و احب هالاسم بعد..

هل صار و سمعت اسم احد وتمنيت لو يكون اسمك ولو حتى للحظات ؟
وايد اسمع اسامي و تعجبني.. بس ماتمنيت انها تكون لي.. مايخطر في بالي هالشي !!

هل تتخيل ان تصل لسن الرابعة بدون (( اسم )) ومن ثَمَّ يُخيّرك أبواك أي الأسماء تريد ؟
عاد 4 سنين شو دراني بالاسامي.. شكلي كنت بختار اسم من اسامي الرسوم اللي كنت اشوفهم .. يمكن هايدي و لا فلونه :D

اذا كنت أب ، اذا كنتي أم .. على أي اساس اخترت اسم ابنك أو بنتك وهل راعيت المجتمع اللي انت عايش فيه؟ا
أنا الحمدلله ماعندي غير ولد واحد و ابوه اللي اختار الاسم لانه من يوم حملت و ربعه يقولوله بو هزاع.. ما كنت مقتنعه بالاسم وايد بس حسيته وايد متعلق بالاسم و احس انه من حق الاب انه يختار اسم المولود الأول لانه بينادون باسمه.. بو فلان.. فما عارضت..
انا كنت افكر اسميه عبدالله (خير الاسماء ماحمد و عبد).. و بصراحة مو ناوية اسمي محمد لانه كل بيت عندنا فيه اسم محمد و انا حابه اسمي اسامي مو متكررة في العائلة.. و البنات ان شاءالله اذا الله رزقني بنوته بسميها نور.. او دانه.. و بعدني افكر ادور اسامي ثانية للبنات..

هل صار ان احد تعرفه غيّر اسمه بعد ما كان ملازمه سنوات طويلة ، وشو كان دافعه للتغيير وهل واجهته صعوبة في البداية ؟
ولد عمي كان مو مقتنع باسمه مع انه من اسماء الأنبياء بس حجته كانت انه ربعه في الدوام يطنزون عليه و يقولوله كيف قوم فلان يسمون هالاسم.. اخرتها راح و غير اسمه و ماحد عرف الا لما اخته قرت الاعلان في الجريدة..قال لهم هالاسم بس للاوراق الرسمة و انتوا نادودني باسمي القديم.. بس اخرتها رجع و غير اسمه لاسمه القديم..

والسموحة عالاطاله.. بس استمتعت بالمشاركة.. و الحين بروح اناااااااااااااااااام
تصبح على خير بو محمد..
R
أسعد الله صباحكم بكل خير

مداخلة صغيرة ثانية >>>>>>>>>> ذبحتينا انتي ومداخلاتك

شي يضايقني كثير بخصوص الأسماء .. مثلا اسم الأب اسم عربي قديم وقوي ويسمي ولده اسم مايع ( رغم ان الناس اذواق ) بس ما أحب مثلا لؤي عبدالعزيز !!!

احب اختار اسماء اولادي بما يناسب اسم زوجي واسمي في المستقبل

والحمدلله اسمائنا حلوة ومو قديمة يعني نقدر نسمي براحتنا

لي عودة
ص
هلا

المزاجية

توّني اعرف انج ( عيون عربية ) ، توني اشوف التوقيع
ما شاء الله ، اسم مريم ، من أروع الاسماء ويكفي انه اسم السيدة العذراء عليها السلام
زميلي في العمل سمّى بنته ( مريم ) وخير ما سمّى ، والحين الكل يناديه بو مريم واتوقع حتى لو جاب الولد راح نظل نناديه بو مريم
ان شاء الله تعيشي و تسمين اعيال المستقبل وانتو بألف صحة و عافية
سلّمي على هزاع وقولي له صارع يقولك عاشت الأسامي
شاكر حضورج المتميز
تحيتي
ص
هلا

RoOoOmy_M

مداخلة طيبة ، ولكن مرّات الاختلاف الكبير بين الاسمين يوّلد نوع من التميز الغريب العجيب مثل
(( شريف غريب )) ، هذا اسم واحد اعرفه ، شرايج فيه !!!
s
هلا السلام عليكم ورحمة الله
جميل ردك يا بو محمد.....
الا بالطبع وباذن الله راح اختار اروع الاسماء لابنائي ولكن قصدي انني لن اجعل المجتمع يضغط علي فلي حريه تامه وللمجتمع حريتها في تسمية ابناءها
وبعدين الجمال شيء نسبي فالاسم الحلو بالنسبة لشخص قد يكون العكس لشخص اخر
ولن نستطيع ان نرضي كل واحد فالانسان أذواق


الله يحفظ والدينك ، شكلج متعلقة بهم وايد


اللهم ارزقنا بر الوالدين
رب اغفر لي ولوالدي وارحمهما كما ربياني صغيرا
الله يحفظ لك ابنك محمد ويخليه بارا بوالديه

بس عندي سؤال شو رايكم باسم براء....؟؟؟
انا بالنسبه لي اسم جميل جدا وراقي
ولذلك سميت اخوي العزيز بها الاسم
ولكنه ما يعجبه ها الاسم....وللأسف الشديد عشان أصحابه بالمدرسه بيمصخروا باسمه
وانا دايما اقول له لازم تنبسط بانو اسمك اسم صحابي بس ما فيه فايده
و الاخ بيقول لي دايما لما أكبر راح أغير اسمي
الله يسامحني عشان الاختيار اللي سبب له التعب :pain:
مع اني الى الان احب اسم براء واتمنى ان اكون كنيتي في المستقبل ام براء

وبعدين نسيت اقول فيه كمان اسم بيعجبني وهو اسم سهيل ايش رايكم فيه ؟؟؟؟حلو كثيييير صح؟؟ :smile:

أختي رومي شكلك بالمرة ما بيعحبك اسم دلع للاولاد :D2: D2
شوفي قائمة الاسماء تبعي وطلعي لي أسماء الدلع اللي فيها......نفسي أعرف :pain: :smile:
ص
هلا

salsabeel

وعليكم السلاام ورحمة الله
اسم براء وبصراحة مو عاجبني ، انا مادري انتي من أي بلد
بس عندنا بالإمارات مستحيل يمشي هالاسم خير شر ، يعني اذا انا ناوي نيّة شينة على ولدي راح اسمّيه براء
ومثل منتي شايفة شلون اخوج متضايق من الاسم ، والسبب ان الاسم غير متوافق مع المجتمع
وهذي النقطة المهمة جداً في التسمية يا ام براء ، بس تحملي يضايقون ابن المستقبل
في شيء انتي ذكرتيه ( النسبية ) اتفق معاج 100 %
صعب الجميع يتفقوا على اسم معين
تحيتي
R
(( شريف غريب )) مو قبيح مثل ماقلت يسوي توليفة للأسم

بس الأسماء اللي تتنافر معانيها وصيغتها مع بعض احسها قبيحة

انا مثل سلسبيل لو بسمي اولادي وبناتي ( حشى سويتهم اولاد وبنات كلها اثنين ) مابهتم برأي احد لا مجتمع ولا حتى المحيطين

بصراحة انا اتعب حمل وولادة وتربية ويجي احد يقول سميه بهالاسم !! مستحيل ارضى ولا اقبل بأي تعليق ( طيب هدي بالك شوي ماحد تدخل اصلا )

نقطة ثانية بالنسبة لي اختيار الاسم لازم يكون بناء على قناعة من الام والاب اما فكرة اني اسمي على ابو زوجي او امه فهي مرفوضة ( مع خاص احترامي لهم بس هالعادة ما احبها لا اسم اهله ولا أهلي )

فكرة ان الاب يسمي الاولاد والام تسمي البنات مرفوضة

فكرة ان خالي يسمي بنتي مرفوضة

( طيب ايش المسموح عندك ؟ )

لازم الاسم يكون باتفاق بيني وبين زوجي ويراعي اني انا اللي احمل واولد وان الاسم بيظل مع المولود للأبد يعني لازم نختار له احلى الاسماء وعن قناعة

ادري طلعت من الموضوع الأساسي بس تذكرت تموقف صار لي من قبل على سالفة التسميات وانقهرت

لي عودة
ص
هلا

RoOoOmy_M

بعيداً عن كل عادات الجهل اللي ذكرتيها
انا اتفق معاج بأن أحق اثنين في تسمية الطفل هما والداه ... ولكن أين حق الطفل نفسه في الاسم !!!
هنيه نرجع لموضوع مراعاة المجتمع ، وصدقيني لو الاسم اللي نختاره كأب أو أم وما يناسب المجتمع راح يكون في المستقبل
سبب من أسباب النفرة بين الطفل و أهله ، اكررها المجتمع المجتمع المجتمع
لازم الاسم يناسب المجتمع ولو ذوقي كأب ما يناسب مجتمعي
لازم اتنازل عن الاسم (( كرمال )) ابني او بنتي
R
اختلاف الرأي لايفسد للود قضية وانا ذكرت اني اكيد بحاول اختار اسماء مناسبة بحيث ما يكون لها معنى منفر يؤثر على نفسية اطفالي

بس اللي قصدته من المجتمع مثلا ... محيطنا لازم في كل بيت محمد وفاطمة ... هل لازم انا اتقيد عشان ما اطلع شاذة ؟ وحدة من اهلنا لازم تعلق على كل اسم يتسمى في العائلة وتجيب اسماء هي تفضلها
طيب اذا انتي تفضليها كل سنة احملي عشان تسميها بس ما تقدري تفرضي الاسم على الناس .. مو لازم نظل نسمي كلنا نفس الاأسماء عشان مانطلع شاذين ويظل مجتمعنا كلنا محمد عبدالله خالد فهد بندر ....... او حصة نورة مريم خلود ريم سارة

مع احترامي لكل الاسماء طبعا بس لازم يكون فيه تميز على الاقل في المجتمع الواحد يعني محيط الاسرة
تخيل ابو محمد كل اخوالي عندهم فاطمة ومحمد وهم ماشاء الله خمسة اخوال اذا واحد من اولادهم سوا شي يقولون فلان الفلاني والكل يحتار طيب اي واحد فيهم ولد اي واحد من هالعائلة ....... وهنا المشكلة

هذا مجرد رأي

وعلى فكرة salsabeel الاسم مثل ما نقول عنه رايق بس لو البراء أحلى اسم عربي قوي .. مثل ماسبق وذكرت افضل الأسماء القوية للأولاد والأسماء المميزة للبنات
w
[grade="00008B FF6347 008000 4B0082"]

كأن الكاتب للموضوع الأخ الفاضل صــــــــــــــــــــــارع

أخوي بو محمد غيرت النيم لـ هـــــــــــادي

والله زين الاسم وايد حلو

أنا من يومين رجعت للنت ولاحظت إنك مش موجود

لكن من الأسلوب والخط والموضوع المميز وتعريفك بابنك محمد

عرفت

!!!!!!!

ع العموم هذا

مرور

ولي عودة مع الموضوع المتألق بإذن الله [/grade]
ظ

هل انت معجب بإسمك ؟

الحمد الله اسمى عاجبنى


اسمك تقليدي ولأ ستايل ولأ لابق على كل الأزمنة ؟

اسمى من الاف السنين ومداول بين المسلمين والمسيح وهو ستايل الحمد الله ولابق على كل الازمنه



هل صار و سمعت اسم احد وتمنيت لو يكون اسمك ولو حتى للحظات ؟

لا الحمد الله عمرى ماتمنيت اسم حد بس تعجبنى اسامى معينه



هل تتخيل ان تصل لسن الرابعة بدون (( اسم )) ومن ثَمَّ يُخيّرك أبواك أي الأسماء تريد ؟

واى :s2 طبعا لا يعنى شو بينادونى (باذنجانه ):D2

بختار اسمى طبعا


اذا كنت أب ، اذا كنتي أم .. على أي اساس اخترت اسم ابنك أو بنتك وهل راعيت المجتمع اللي انت عايش فيه؟

انا بكون ام انشاء الله وبختار لأبنى اسم يكون حلو ومستسيغ من الجميع عشان يزم يكبر محد يعلق عليه



هل صار ان احد تعرفه غيّر اسمه بعد ما كان ملازمه سنوات طويلة ، وشو كان دافعه للتغيير وهل واجهته صعوبة في البداية ؟

طبعا كثير مرو على

وحده كان اسما كنه وغيرت اسمها لنوف

وواحد اسمه عبد الرسول وغير لعبدالله
ا





بسم الله الرحمن الرحيم
السلام عليكم ورحمة الله وبركاته


هل انت معجب بإسمك ؟

الحمد لله معجبة فيه كثيراًَ يكفي انه أسم سيدة نساء العالمين

اسمك تقليدي ولأ ستايل ولأ لابق على كل الأزمنة ؟

اسمي مع انه تقليدي لكنه لابق لكل الأزمنة يعني باقي بقاء الدهر

هل صار و سمعت اسم احد وتمنيت لو يكون اسمك ولو حتى للحظات ؟

لا ما صار اني تمنيت لو يكون اسمي أي اسم ثاني غير اسمي ومع هذا تعجبني بعض الأسماء

هل تتخيل ان تصل لسن الرابعة بدون (( اسم )) ومن ثَمَّ يُخيّرك أبواك أي الأسماء تريد ؟

لأ ما اتخيل لأن الاسم مرات يجي قبل ما ينولد الانسان ومستحيل بيظل أي شخص لهذا السن بدون اسم
– ولا من السنة أصلاً بقاءه بدون اسم -

اذا كنت أب ، اذا كنتي أم .. على أي اساس اخترت اسم ابنك أو بنتك وهل راعيت المجتمع اللي انت عايش فيه؟

أنا أم لبنتي – الوله – وهالاسم من أول ما سمعته بأغنية عبد الله الوريشد – دنيا الوله - دخل بخاطري وصممت اني اسميها يا دنيا أو الوله لما تنولد خصوصاً وإن هالأغنية كان لها ذكرى معاي لما كان أبوها مسافر ويكلمني يسأل عنا دايماً يخلي لي هالأغنية أو يغني كلماتها لي

هل صار ان احد تعرفه غيّر اسمه بعد ما كان ملازمه سنوات طويلة ، وشو كان دافعه للتغيير وهل واجهته صعوبة في البداية ؟

أعرف ناس غيروا اسم ولدهم بعد سن الثالثة والدافع كان إن الولد دايماً مريض وصحته تتدهور يوم بعد يوم ولما استشاروا شيوخ الدين قالوا لهم إن الاسم مو لابق عليه وهو سبب علته غيروه وبإذن الله بيصير زين وبعد التغيير الحمد لله رب العالمين الولد من أحسن ما يكون وبصحة ممتازة - والله أعلم


شكراً لك أخوي ع الموضوع الحلو وكالعادة جاية متأخرة
أ
هـــادي:
هلا

بنفسجة العين

اعتقد لكل مكان في العالم اسماء معينة
يعني في موريتانيا يمكن أسم ( ابوها ) منتشر هناك ولو سمعوا اسم ( شمّا ) يمكن يستغربون
ولكن انا اشوفه وايد غريب ، يعني معقوله احد يسمّي بنته ( ابوها ) ، اشوا ما سمّيت ابني محمد ( امّه ) ولا جان اذبحتني ( امّه )
صراحة هالاسم بالفعل أثار استغرابي ، و مدام البنت مو راضية عن اسمها المفروض يترفقبها ويغيّر اسمها
شكرا بنفسجة على الرد الغريب
تحيتي


لو كان منتشر عندهم جاااان ما كان هذا حالها .... الاسم اصلا ماله معنى ... شو يعني ابوها ؟؟؟؟؟

خخلاص نحن غيرنا اسمها .. سميناها منى >>>>>جنه على كيفنا السالفة لوووووول
... والله خوفي تتعقد البنيه من اسمها ...
الله المستعان ...


بنفسوجة
أ
عندي مداخلة ...


الاحظ عندنا واايد منتشر انه الريال يوم اييه ولد ولا بنت يسميهم على امه ولا ابوه ؟؟؟ يعني الحين هذا دليل الحب والطاعة ؟؟؟؟
مثلا عندنا خالي .. عنده ولدين وبنتين الولد الاول مسماي على ابو زوجته والولد الثاني على جدي ( اللي هو ابوه ) والبنت مسمايه على يدتيه والبنت الثانيه على ام زوجته ؟؟؟؟؟؟؟؟؟؟؟؟
واحد منهم اسمه عتيج ؟؟؟ الولد تقريبا عمره 6 نسوات واسمه عتييج .. تقولل شييبة عمره 60 سنة .. لووووووول
وفوق هذا عندنا عتيج ثاني في نفس سن عتيج الاول ... واذا كنا نزقر واحد منهم لازم نقول اسم ابوه عشان نميز بينهم ..
بصراااحة .. ما احب هالشي .. وانا قلت حق امي يوم بعرس
وبييب عيال مب لازم اسميهم عليكم ولا على والدين زوجي >>>في الويه لووووووول ..
امي سكتت وبعدين ما عيبها الوضع قالتلي لازم تسمين على ام ولا ابو زوجج ولا علينا ( يعني امي وابوي ) منو قال انه لااازم ؟؟؟ مب لازم ولا شيااته ..
يعني شو ذنب عيالي انهم يتسمون باسامي جديمة .. اوكيه لو كان اسم ابو ولا ام زوجي حلو .. ماعندي مانع بوافق اسميهم بس لو كان مب حلو و جديم So0o0o0o0o0ry

انا عندي 4 اخوان واختين ولا حد منا مسماي على حد ثاني .. ما عدا اختي مريم مسماميه على يدة ابويه ياللي مربتنه ..
وهذا الشي اللي شجعني اني اصر على راايي .. ليش ابويه ما سمى حد من اخواني على يدي ( ابو ابوي ) ... مع انه بصرااحة لو سواها جاان تعقد اخويه خخخخخخخخخخخخخ لانه اسم يدي وااااااايد جدييم وغريييب ..

يعني ابى افهم ... منو قال انه تسمية الابناء باسماء والدين الزوج ولا الزوجة دليل محبة ولا طاعة .. ؟؟؟


وفي شي ثاني بعد ما يعيبني ..
التكرار في الاسامي ... عندنا واايد بنات اسمهن شيخة ومريم .. تصدقون 3 شيخات في بيت وااحد ؟؟؟؟ وسلمتين ( مثنى سلمى لووووووووول ) في بيت واحد ...
واسم محمد ... عندي عميين اسمهم محمد ؟؟ وخال اسمه محمد واخويه اسمه محمد وولد عمي اسمه محمد ....

الله يحفظهم كلهم ...

بس خلصت ... >>>>>الحمدلله



بنفسوجة
a
بنفسوحه معك حق في تكرار الاسامي تصدقين نااااااادر تلاقي بيت مافيه احمد ومحمد

اخواني احمد ومحمد وخوالي احمد ومحمد وعمامي احمد ومحمد وجيراننا احمد ومحمد وكل عايله لازم احمد ومحمد

وبالنسبه لتسميه الاولاد على اسماء اباء الزوج او الزوجه الحمد لله مو شرط بس ينحب الولد او البنت لو تسمت على اسمائهم

تحياتي
حبيت هالمداخله يابنفسوجه
وبالنسبه لاخواني وخواتي مافي حد مسمى على اسماء اجدادي ماعدا اخوي الكبير اللي بصف خامس ابتدائي<<<<<<< مرررررررررره كبير

اسمه احمد على اسم جديواسمه طلع يهبل تخيلي اسمه كذا
(( احمد (اسم ابوي) احمد ( اسم ابو جدي) احمد ( العائله) ))

حلو مو؟؟
ا
هـــادي:
هلا

المزاجية

توّني اعرف انج ( عيون عربية ) ، توني اشوف التوقيع
ما شاء الله ، اسم مريم ، من أروع الاسماء ويكفي انه اسم السيدة العذراء عليها السلام
زميلي في العمل سمّى بنته ( مريم ) وخير ما سمّى ، والحين الكل يناديه بو مريم واتوقع حتى لو جاب الولد راح نظل نناديه بو مريم
ان شاء الله تعيشي و تسمين اعيال المستقبل وانتو بألف صحة و عافية
سلّمي على هزاع وقولي له صارع يقولك عاشت الأسامي
شاكر حضورج المتميز
تحيتي



من صغر التوقيع ماحد يشوفه..شو نسوي حكم القوي عالضعيف .. اضطريت اسجل باسم يديد لاني نسيت الباسورد ..

الله يسلمك يارب و عاشت أيامك... و هزاع يسلم عليك و على بوجاسم :)


أم الوله..اسم بنتج رهيب الله يحفظها و يخليها.. ونفسي اسمي هالاسم.. بيكون سبيشل.. بس احسه بيكون عندنا غريب او يمكن البنت مايعجبها... شوي صعبه.. شو رايكم اهل الامارات !


بنفسوجة.. اتفق معاج 100% .. سالفة اني اسمي على ابوي او امي او اهل زوجي ابدا ما اقبلها.. مب شرط اني اسمي عليهم عشان يعرفون انهم غالين.. هم غالين قبل لا ايون العيال.. و انا قلتلهم في الويه مابسمي على حد منكم اساميكم قديمة ومابكون السبب في ان عيالي يتنكدون.. و شجعوني و قالولي لاتسمين .. جان استانس :D
ظ


مرحبا


خواتى فى أحد يكره اسم احمد ولا محمد ؟؟؟

صح الاسماء متكرره فى العائله الوحده مليون مره ؟بس هذى من الاسماء المرغوبه عند المسلمين

:up:

وإلى اعرفه ان الاسماء المحمدية تكون بركه على الولد



صح ان مب لازم نسمى نفس اسامى امهاتنا وابائنا ....



لان فى اساملىى:up:ثقيله بصراحه .

:smile:
مثل عذيجه....غريبه ...غزاله ...عشبه


شو هذى الاسامى استايل قديم وايد الياهل مابيعرف ينطق اسمه الا وهو ساير المدرسه .ويالله يالله لو قاله صح بعد



بس اسامى اهلينا شو نسوى بعد .......:think:
M
لي مداخله بسيطه

انا مع اختي رومي بخصوص ان الأسم لازم يوافق ويناسب اسم الأب و الأم ،، او اقلها الأب

اختي اسمها مميز ولافت و جميل ،، لكن عندها 3 بنات كلهم اسماء قديمه و متداوله جداً و مافيها اي تميز ،، يعني ما تتخيل بيت خليجي مافيه هالأسماء .. الأهم ان بنتها الصغيره على اسمي .. ابداً مافي تناسق بين اسماء البنات و بين امهم ،، فعلاً نكته ..

اما بخصوص حق الطفل في اختيار اسمه ،، اعتقد ان حقه يكون بأن يختاروا له اسم جميل ما يسبب له اي مشاكل او عقد في المستقبل .

لي تعليق على نقطه ثانيه قالتها رومي ،، و هي ان الأم و الأب هم لهم الحق يسمون على مزاجهم بدون تدخل من الجده والعمه والقبيله كلها .. وانا اوفقها 100% على هذا الرأي

الا اذا الوالدين من نفسهم حبوا يسمون على اقاربهم فهذا راجع لهم..

ارجع لموضوع اختي اللي سمت كل بنت من بناتها على وحده من العائله .. سمت اكبر بناتها على ام زوجها مو حباً فيها بس عشان تتقرب لزوجها ..

بعدها زوجها صارحها قال لها ما تفرق تسمين عليها او لا ،، لأنها مو طريقه للتعبير عن الحب و الأعتزاز..
ص
هلا

RoOoOmy_M

اتفق معاج
صراحة التكرار في الاسماء صار شيء يرفع الضغط
ص
هلا

Neama

هذا من ذوقج والله
والاسماء تختلف ولكن يظل الجوهر مثل ما كان
بانتظارج
X