@ عاجبك ولأ مو عاجبك @

صـــارع 19-10-2005 136 رد 9,425 مشاهدة
c
[frame="8 80"]





وعدتك بالعودة وها أنا أعووود

ردا على موضوعك ..

[grade="000000 000000 DC143C FF0000"] هل انت معجب بإسمك ؟[/grade]

إسمي (( هدى )) معجبة جدا بأسمي وخاصة إني مولودة في شهر رمضان يوم فتح مكة

[grade="000000 000000 FF0000 FF0000"] اسمك تقليدي ولأ ستايل ولأ لابق على كل الأزمنة ؟[/grade]

أحسه عادي تقليدي ولابق على كل الأزمنة ((هذا من وجهة نظري ))]

[grade="000000 000000 FF0000 FF0000"] هل صار و سمعت اسم احد وتمنيت لو يكون اسمك ولو حتى للحظات ؟[/grade]

الصراحة لأ بس الغربية في الموضوع إني معجبة باسم جبل (( سيرا نيفادا )) ومن كثر ما أنا معجبة فيه أمي قالتلي سمي بنتج ((سيرا )) وولدج (( نيفادا ))

[grade="000000 000000 FF0000 FF0000"]
هل تتخيل ان تصل لسن الرابعة بدون (( اسم )) ومن ثَمَّ يُخيّرك أبواك أي الأسماء تريد ؟[/grade]

لا .. ما أتخيل أبدا ..

[grade="000000 000000 FF0000 FF0000"] اذا كنت أب ، اذا كنتي أم .. على أي اساس اخترت اسم ابنك أو بنتك وهل راعيت المجتمع اللي انت عايش فيه؟[/grade]

إن شاءالله يوم بصير بخبرك ..

[grade="000000 000000 FF0000 FF0000"] هل صار ان احد تعرفه غيّر اسمه بعد ما كان ملازمه سنوات طويلة ، وشو كان دافعه للتغيير وهل واجهته صعوبة في البداية ؟[/grade]

لا الصراحة ما مر علي مثل ها الموقف ..


تحياتي ..

[/frame]
أ
aljory:
مساااااااء الخير للجميع..

هلا قلبي بنفسوجه عاش من شافك يالغلا

وماشاء الله الله يخلي لك امك ويحفظها يارب
وانتي بأي اسم تنادينها؟؟؟؟

عموما وصلي لها سلامي

تحياتي لك يالغلا


مسا النور والسرور .. هلا بالجوري ..
عااشت ايامج .. اشتقتولي صح >>>>>قاصة على عمرها لوووووووووول
اميين ويخلي امج وابوج واهلج كلهم ,...
انا يوم ادلعها اقولها ماميتو خخخخخخخخخخخخخخ .. اسم عجييب صح ..

سلام يبلغ ويعود يالغاليه .. عسى ربي يسلمج ويعافييج ..
بنفسوجة
c
حبيبتي .. عشاقة الجوري ..

ردا على ردك ..

أنا الصراحة ما أشوف في ردك أي نوع من الجرح أو الصد بل بالعكس أشووف ردك عادي وفي أغلب الأحيان يعجبني كثيرا لما يحتويه من فصاحه وأما بالنسبة للكلام المعسوول .. فما يحتاج لأنك أصلا عسل ..

تحياتي ..
S
مسـاء الخيــر

اعجبني الموضوع واحب اشاركم في الإجابه :)

هل انت معجب بإسمك ؟

نعـم .. لان معنى اسمي حلوو :)

اسمك تقليدي ولأ ستايل ولأ لابق على كل الأزمنة ؟

اظـن انه لابق على كل الأزمنـة :)

هل صار و سمعت اسم احد وتمنيت لو يكون اسمك ولو حتى للحظات ؟

أحيـانـا بس أقووات لكن مااحب استغنى عن اسمي ,,

هل تتخيل ان تصل لسن الرابعة بدون (( اسم )) ومن ثَمَّ يُخيّرك أبواك أي الأسماء تريد ؟

لااا ابدا لان احلـى يكوون اسمي من اختـيار أهليي

اذا كنت أب ، اذا كنتي أم .. على أي اساس اخترت اسم ابنك أو بنتك وهل راعيت المجتمع اللي انت عايش فيه؟

اخـتاره من معـنى الإسـم .. واحب اسمع آراء كل واحد في الاسـم ,,

هل صار ان احد تعرفه غيّر اسمه بعد ما كان ملازمه سنوات طويلة ، وشو كان دافعه للتغيير وهل واجهته صعوبة في البداية ؟

صارت والسبب ان الاسـامي تغيرت في الوقت الحـالـي .. لكن ماصارت معي ولا راح تصير

شكرا لك هــادي على الموضوع ..
&
cute_angel6655


تسلمين عزيزتي
احرجتيني:o
a
مسا النور والسرور .. هلا بالجوري ..
عااشت ايامج .. اشتقتولي صح >>>>>قاصة على عمرها لوووووووووول
اميين ويخلي امج وابوج واهلج كلهم ,...
انا يوم ادلعها اقولها ماميتو خخخخخخخخخخخخخخ .. اسم عجييب صح ..

سلام يبلغ ويعود يالغاليه .. عسى ربي يسلمج ويعافييج ..
بنفسوجة


هلا فيك يالغاليه
وتسلمين والله كلك ذوق

الا تعالي ماكننا داخلين الموضوع بالغلط قمنا نسولف شكل هادي بيطردنا هههههههههههههههه

اكيد عصب

خل نطلع

وتسلمين ياقلبي على الدعوات الطيبه لك تحياتي
ع
اخي العزيز هادي

اشكرك على على تفضلك بالتعليق على مشاركتي ... وعموما انا اسمي الحقيقي هو نفس الاسم المستعار

واحكي لك طرفه انهم كانوا ينادوني في البيت وحتى دخول المدرسه باسم ( حماده )

في بداية دخولي المدرسه .. واثناء اخذ الغياب بالاسم في اول يوم دراسي ... نادت المعلمه اسمي وانا جالس لااعرف ان هذا اسمي لاني تعودت على ان اسمي حماده ... وفي الاخر ولاول مره اكتشفت ان اسمي الرسمي سامي

شكرا لك اخي وكل عام وانت بخير
e
اخ سامي
بصراحه اسمك عجبني معناه راقي من السمو
ص
هلا

لـــــــمى

اتصوّر كان عندها نبوغ ادبي من صغرها ، وعشان كذا قدرت تختار اسمها بنفسها
شكرا لمرورك الثاني
تحيتي
ص
هلا

عاشقة الجوري.

حياج الله مشرفتنا الفاضلة
واكيد هذا من واجبج انج توجهين الاعضاء للأفضل
واذا مو قادرة على هادي ، ناديني صـــارع
تحيتي
ص
هلا

cute_angel6655

ما شاء الله تبارك الرحمن
اسم هدى جدا جميل ومعناه اجمل ، يا رب تكوني اسم على مسمى
على فكرة ، يوم كانت زوجتي حامل ، كنّا حاطّين اسم هدى بقائمة اسماء البنات لكن الله راد يكون ولد
نصيحة لا انسي اسم الجبل هذا ، صراحة يخوف
شكرا لمرورك الطيب
تحيتي
ص
هلا

Style-Girl

ونحن بعد نحب تشاركين ويّانا ، حيّاج الله
حلو ان الواحد يسمع آراء الناس بالأسماء ، يمكن تحبين اسم اذا فهمتي معناه صح !!!!
صراحة انا احب اسم ( فنن ) ومعناه غصن ولكن ماقدر اسمي بنتي بهذا الاسم لأن كل اللي سمعوه يقولون مب حلو
شكرا لمرورك و مشاركتك معنا
تحيتي
ص
هلا

sami

حرام عليك ياخوي
خوفتني يوم تقول اسم يهودي ونصراني
بالعكس اسمك جدا جميل ، وهو من السمو والرقي ، وانت سامي يعني راقي
تحيتي وبانتظار مداخلاتك الطيبة
ص
هلا

بنات

خذوا راحتكم ، الصفحة صفحتكم
ودام ان مداخلاتكم تتلق بالاسماء فهذا الشيء مايزعلني
تحيتي
o
مشكور اخي على الموضوع الحلو
وعلى افكارك الجديده في مواضيعك

ببدأ في الاجوبه

هل انت معجب بإسمك ؟
الحمد لله عاجبني اسمي

اسمك تقليدي ولأ ستايل ولأ لابق على كل الأزمنة ؟
اسمي ( ليندا ) اعتقد انه ستايل :think:

هل صار و سمعت اسم احد وتمنيت لو يكون اسمك ولو حتى للحظات ؟
احيانا تعجبني اسماء كثيره لكن في النهايه ارجع لاسمي
من الأسماء اللي تعجبني .. نوره .. روان .. شهد .. روز ..

هل تتخيل ان تصل لسن الرابعة بدون (( اسم )) ومن ثَمَّ يُخيّرك أبواك أي الأسماء تريد ؟
اكيد لأ

اذا كنت أب ، اذا كنتي أم .. على أي اساس اخترت اسم ابنك أو بنتك وهل راعيت المجتمع اللي انت عايش فيه؟
اكيد اني اخترت اسماء جميله لأولادي وراعيت المجتمع

هل صار ان احد تعرفه غيّر اسمه بعد ما كان ملازمه سنوات طويلة ، وشو كان دافعه للتغيير وهل واجهته صعوبة في البداية ؟
نعم اعرف وحده غيرت اسمها لما كبرت لأنو اسمها صار قديم طبعا انا ضد هذا الشئ
وكمان ابو صديقتي ينادوه باسم وبالاوراق الرسميه اسم ثاني


واعذرني اخوي على التأخر في الرد
تحياتي لك
R
مرور قراءة وتعليق

هيلة >>>>>>>>>>>>> هالة ؟؟ ليه خلاص صارت جدة وبعدها متعقدة ؟

أحلى وطن العراق >>>>>>>>>>> صحيح اسمك اسم ولد بس ليش ما تخليهم ينادونك بأسم ولدك او بنتك يعني ام فلان ؟ على الأقل أكيد بتكوني حابة اسمائهم

sami >>>>>>>>> اسمك عزيز على قلبي لانه اسم ولد خالي المتوفى شابا ( بسم الله عليك ) وله مكانة كبيرة عند الجميع ... اسمك عربي لان معناه من السمو والرفعة ... صحيح الاجانب يسموون سامي بس هو اختصار الى سامويل .. اسمك حلو .. صدقني

لي عودة
أ
هلا اخوي هادي
في كل مرة يكون هناك تنوع في اختيارك للمواضيع اهنيك اخوي على اختيار الموضوع الرائع

هل انت معجب بإسمك ؟

أكيد وهذي مايبيلها كلام^_^

اسمك تقليدي ولأ ستايل ولأ لابق على كل الأزمنة ؟

في كل زمان وكل مكان^_^...هو في احلى من ايمان ------> مداح نفسه ههههههههههههه

هل صار و سمعت اسم احد وتمنيت لو يكون اسمك ولو حتى للحظات ؟

ابصراحة ماحصل ...لانو ماقد جى على بالي تغيير اسمي.....

هل تتخيل ان تصل لسن الرابعة بدون (( اسم )) ومن ثَمَّ يُخيّرك أبواك أي الأسماء تريد ؟
لالالالالالالالا....ماتخيل غير ابوي وامي هم اللي يسموني ...

اذا كنت أب ، اذا كنتي أم .. على أي اساس اخترت اسم ابنك أو بنتك وهل راعيت المجتمع اللي انت عايش فيه؟
بما اني ام فقد اخترت اسم ابنتي هبة على اساس انو الطفل احلى هدية فمن هذا المنطق سميت بنتي
هبة الله ...اما عامر فهذا راجع لابوه هو اللي سماه يقول انو الاسم له رزة مع اني كنت افضل انه يسميه عبد الرحمن او محمد ....


هل صار ان احد تعرفه غيّر اسمه بعد ما كان ملازمه سنوات طويلة ، وشو كان دافعه للتغيير وهل واجهته صعوبة في البداية ؟

نعم هذي وحدة من زميلاتي اللي بالدراسة ..كانت تقول انو ابوها سماها على اسم امه مع انو الاسم كان وايد حلو...عن الصعوبات ايه كانت تواجهها معاي لاني الى الان وصار للامر 13 سنة
وانا مااناديها الا باسمها الاول مااقتنعت وش اسوي هبلتبها هههههههههههههههههه

على العموم سامحوني على الاطالة ومشكور اخوي هادي على الموضوع الحلو ^_^
دمتَ بكل الخير
ص
هلا

3noos

ذكرتيني ( بأبلتنا ) النيوزيلندية اللي كانت تدرسني سنة اولى ، كان اسمها ليندا
ولما تخصصت سنة اولى إعلام ، مدّرس الصحافة طلب نسوّي لقاء صحفي مع الهئية التدريسية وسوّيت معها اللقاء
والغلطة الفادحة اني سألتها عن عمرها ، ردت وقالت 28 for ever ، وقالت لي لا تسأل امرأة عن عمرها

شكرا لج لأنج ذكرتيني بأيام الدراسة الجامعية

الاسماء اللي تحبينها انا احب منها ( نورة و روان ) بالفعل ذائقتك في الاسماء جدا لطيفة
شاكر لج حضورج واهتمامج
تحيتي
ص
هلا

أم العوامر

ما شاء الله لا قوة إلا بالله ... الإسم بالفعل جميل ... بالعافية عليج
و ان شاء الله تكوني اسم على مسمّى ، ويكون بيتك (( عامر )) بالإيمان ، وتكون حياتك (( هبة )) للدين وطاعة الله
شاكر لج مرورج الطيب
تحيتي
ش


الله عليك يا هـــادي
دايم تتحفنا بس شكلي جاية متأخر

عالعموم أهم شي اني ما بفوت موضوع مميز مثل هذا




هل انت معجب بإسمك ؟

تقريباً مع انه أغلب الناس وايد يحبونه

اسمك تقليدي ولأ ستايل ولأ لابق على كل الأزمنة ؟

بصراحة ما أدري بس من ناحية تقليدي لا طبعاً
ستايل يمكن
لابق لكل الأزمنة لا هو جديد تقريباً ماطلع الا في عهدي على قولة أمي

هل صار و سمعت اسم احد وتمنيت لو يكون اسمك ولو حتى للحظات ؟

طبعاً تمنيت يكوون اسمي روز أو رغد أو .... الخ

هل تتخيل ان تصل لسن الرابعة بدون (( اسم )) ومن ثَمَّ يُخيّرك أبواك أي الأسماء تريد ؟

ممكن ليش لا
وبعدين عندي وحدة من ربعي سموها أهلها سالي
ويوم بتدخل المدرسة قالوا ممنوع هالاسم في المدرسة تدخل فيه
فقالوا لهم غيروه
وغيروووه وصار اسمها (( أمــــــل ))

اذا كنت أب ، اذا كنتي أم .. على أي اساس اخترت اسم ابنك أو بنتك وهل راعيت المجتمع اللي انت عايش فيه؟

ليلحين تو الناس
وكثير اسامي تعجبني وخصوصاً اسم روز مع ان بعضهم يطنزون يقولون لوز
ويعجبني روان أحسه لطيف وحلوو
وهم يـــــارا وايد وايد أحبه

وهذا أمي .. راح تولد عن قريب ..... والله أعلم هل نسمي بالأسامي اللي أحبها والا بتركها لين عيالي ؟؟؟

هل صار ان احد تعرفه غيّر اسمه بعد ما كان ملازمه سنوات طويلة ، وشو كان دافعه للتغيير وهل واجهته صعوبة في البداية ؟

انزين
بقول لك سالفة
فيه واحد سموه أهله وليد ومن يومه صغييييير وكانوا أهل حارته واللي معاه في المدرسة
يعايرونه ياوليد ياوليد يانونو ومن هالخرابيط
عموماً ولين صار الثانوي وخلص الجامعة وتخرج
وفي يوم تخرجه راح عند عمه وقال له شوف أبيك في شغلة تعال معي السيارة
وقال له شنو أكثر اسم يسبب لك مرارة قال له صالح
قال يالله أجل تعال أبغير اسمي لصالح ..... وغيروه وعمه :s2:s2:s2 مستغرب لين ألحين




وبس


X