بنات قطر شورايكم بهدية العرووووس

الهدية على أهل المعرس إذا بيسوون أنتي ما لج شغل بها ..

أنا مثلج ما رحت هدايا لكن سوينا من قبل هدية حق مرت أخوي ,, هي كأنها عشا بوفيه في البيت بعضهم يسوونها في قاعة .. تلبسين فستان و تتمكيجين و تسوين شعرج كأنج في حفلة خطوبة ..
طبعاً أنتي بتكونين بيت أهلج ما رحتي بيت ريلج .. يجي ريلج ياخذج بسيارته ممكن تركب معاج أمج و هلج وراج بسياراتهم ويوديج بيتج أو بيت هله يعني مكان ما يسوون الهدية .. تقعدين ويجون الناس يسلمون عليج و معاهم هداياهم ..
اخذيها كأنها حفلة صغيرة .. و بالمبارك ..

اهلين خواتي

شو يعني هديه ؟؟ حفله ؟
<<<<<<<<<<<<<<<<<<<<<<<<<<<<<<<<<<<<<<<<<< داخله عرض :bigsmile:

صح كلامج يا دوحانيه كفيتي وفيتي...

MoonStones
الهدية عبارة عن سلك عندنا ياهل قطر إن أهل المعرس يسوون عشا أو عزيمة للعروس يسمونه هدية ..

يعني تقصدون حفل إستقبال

إحنا في البحرين نسميه مولد أم المعرس

والسعوديات يسمونه حبة الراس

والقطريات يسمونه يوم الهديه

حلو هو مثل ما قالت الأخت تلبسين وتتعدلين كأنج عروس وإذا تبغين كوشه بعد تحطين لج بس بسيطه،
بس إهني تكون حركتج حره يعني تقومين وتقعدين بس أفضل إنج ما تتحركين من كرسيج والناس هي اللي تجيج تبارك لج وطبعا زوجك ما يدخل والمعازيم يكونون المقربين يعني عمات وخلات العايلتين والجيران والأصدقاء.

والأكل بوفيه والهدايا تنحط على طاوله جانبيه وإذا تحبين ممكن تجيبين دي جي عشان ما يكون الجو جامد أو موسيقى خاليه

وألف مبروك

اهااااا
احنا نسميها ضيه
اذا كانت العزيمه لجيه العروس من بيت اهلها
لاكن اذا كانت بعد اسبوع او اكثر من يوم بس عزيمه !

فيسري عليها عادات اي عزيمه بس العروس لازم تكون سبشل

مشكوووورين خواتي وفديتج دوحانيه مشكووورة ياعمري على التووضيح

الصراحه موعارفه اسوي هديه او لا لاني من النوع مااحب حفلات اللي مالها داعي وعفيسه والصراااحه انا من نوع خجول وهله ماشاءالله واااايد فوق 500 شخص وكل مااتذكر احس اني بتضااايق

فافكر اني مااسويها احس مالها لازمه

والا انتواا اشرايكم

يختي الهدية عليهم مب أنتي اللي تحددين أحسها مب عدلة تقولين مابي تسوون لي هدية ,,, يعني هم اللي بيتكفلون بكل شي من الألف للياء ..

و على فكرة أنا أشوفها احسن على الأقل يجتمعون كلهم مرة وحدة يباركون لج حق اللي ما حضروا العرس ,, لأنها بتصير كل يوم وحدة جاية تبي تبارك ..

هلا والله اختي ,,, حبيبتي الهديه اهل المعروس هم اللي بيحددون اذا يسوون ولا لاء انتي مالج شغل حبيبتي كل شي عليهم

وانتي ماعليج الا انج اتسوين لج فستان بسيط وناااعم ومكيااج ناعم وبس ... لان هم اللي يحددون المكان واي يوم للهديه ’’’

خلاص حبيباتي شورتكم وهم اكيييد بيسووون عاارفه بس بنتظر اذا قالوا سويتها ماقالوا ماراح اسوووي هههههههههه

بس لازم افصل فستااان مااقدر البس بدله كشخه

لوووووووووووووووووووعه مااحب الفساتين انا زين حق اعراسنا افصل فستان وبطبعي احب ناااعم كلش ويالله البس وانا متضااايقه

تعرفون محلات جاهزة للبدلات كشخه الرزة للهديه او جلابيات راااقيه مثل جلابيات فخمه اللي تكون كلها ابتكاارات موكانها جلابيه كانها فستان تاايير


اااشراايكم

هلا اختي الهديه اهل المعرس ايحددون اذا ايسونها والاالا واذا بيسونها لج البسي فستان وتمكيجي لان العشا بيكون على شرفج فلازم تكشخين واتكونين على سنقت عشره واذا كان في اوتيل لازم بيكون لج في دخلتج اغنيه وتقعدين والناس بتسلم عليج وهاي على حسب اللي انا شتفه ولاااااااا لازم تلبسن فستاان


تحياتي

عروس الدوحة ..

اللي أعرفه لازم تحسبين حسابج من قبل على قطعة تفصلينها حق الهدية ..

و الفستان أحلى يا يمه أنتي عروس : )

لكن إذا تبين جاهز عندج المحلات اللي في سيتي سنتر .. الله مكثرهم ,,

هههههههههههههه هلا عيوني دوحانيه فديتج دااائمااا نافعتني الله يهنيج عيوووني

خلاص امررري لله بشتري جاهز وبفك عمري

بغيت اسئلكم صج امي واخواتي مايجون الهديه وحده ربيعتي قالتلي اللي مش متزوجات مثل خواتج مايروحون صج

وانزين لازم بعد خواتي يفصلون فساااتين والا عادي يلبسون بدلات كشخه

معليش استحملوني شوي ادري اسئلتي كثيرة بس فشيلله من اسئل اقولهم عمري مارحت هديه !!!!!!!!!!!!!!!!!!!!

عروس الدوحه اختي قبل من زمان كان مايصير الام والخوات اللي ماتزوجوا يحضرون في هدية بنتهم بس الحين عادي تغير الزمن ويقدرون يحضرون واي خواتج خل يلبسون فساتين انا اشوف الناس تلبس في الهديه فساتين
وعادي اختي اسألي قد ماتبين حاضرين لطيبين:)

وإحنا عندنا بالكويت يسمونها الصباحيه وبعد يسمونها إستقبال

والله يوفقج يالغاليه :)

فديتج بنك بنك مشكووورة عمري والله يهنيج بحياتج

هلا عيوووني وفديت اهل الخليج كلهم

انا بعد ابي اعرف اكثر عن الهديه

بس اللي اعرفه انها تكون على اهل المعرس
واللي سمعته ان المعروس والعروس يدخلون مع بعض يكتوب عليهم فلوس وعقب الريال يطلع وتتم العروس وطبعاً تكون لابسه فستان وبس تقعد تستقبل الهدايا << لووول احس مالها داعي

هههههههههههههه نفس شعورج سحابه حب احس مالها داعي مضيعه فلوس ووقت

بس انا ليش اسئلكم لاني ادري ان اهل ريلي بيسووون هديه فعشان جذي افكر اسوووي ليش اول عشان نفس كلام دوحانيه افتك من زيارات مرة وحده لكن لو ماسويت كل يوم بيجون ناس يباركوون وهو ماشاءالله هله وااايد ومن نوع اللي يوجبون

لكن اللي موعاجبني اني لازم افصل فستان وانا مااحب الفساااتين والرسميااات

وامي وابوي انكسر ظهرهم من ميزانيه خواتي للفساتين ملجه وخطوبه والعرس وبعد يفصلوون حق هديه واخرتها بينقلون بالكبت لان احنا من نوع اللي مانروح عرس الا من سنه لين سنه مرة وحده

ومافي خياايط يفصلون باقل من 1500

لوووووووووووووول قتلكم قصه حيااتي

امممممم بالنسبة لخواتج مب لازم يفصلون وجذي يعني أي فستان ناعم إلا هدية و قدهم شايفينهم يوم العرس ..

ترى حتى انا سمعت عن إن أم العروس ما تحضر أما الخوات مادري و الله ..

و الله يعين