بنات قطر شورايكم بهدية العرووووس

انا اللي اعرفه ان خوات العرووس اللي مب متزوجات مايحضرووون الهديه يقووولون عيب حتى لو الناس الحين تطوروا بس في بعضهم من تحت لي تحت يتكلمون حتى لو انكم شفتوا الشي عادي ...
واللي اعرفه عن الهديه انها حفلة بوفيه يجوونج المعازيم ويباركون لج مثل ماقالو خواتي احسن مره وحده ...

مساء الخير

انا ما راح اضيف شي جديد على كلام البنات بس الهديه من 5 سنين او اكثر كانت احلى من الحين تكون العروس لابسه فستان بسيط جداً ويكون اهم ما يميزها الذهب التقليدي مثل الطاسه ، لوح السعد والمحزم والمجوهرات الكبيره في الحجم واللي تغطي صدر العروس من الاعلى الاى الاسفل وبهذا يكون شكل العروس متميز واذا فكرنا بالانواع التقليديه هذي من الذهب نرى ن الفتاه مننا لاتستطيع ان تلبسها الا اذا كانت عروس

وعن نفسي انا الهديه اللي يسوونها في الفنادق هاليومين ما تعجبني ومن فتره رحت هديه ادخلت العروس كاشخه بمكياج وبدله وشكلها كأنها من المعازيم وما كان فيها هيبة العروس

المهم بالنسبه للذهب في عوايل كبيره تسلف الاطقم الكبيره هذي للاجر مثل لوح السعد وغيره من اللمجوهرات التقليدية

عن نفسي انا في هديتي كان الجو بارد وشتا لبست فستان مش تقليدي بس كان ذهبي من الشامواه الثقيل وعادي مخصر بدون يد وفتحت شعري ولبست الطاسه الذهب والمحزم والمرتعشه وكل ما كان عندي من ذهب وكان شكلي اكثر من رائع

هذا الكلام من 5 سنين :(

اختي عروس انصحج تسوينها الهديه عشان مرة وحده معازيم احسن من كل يوم تجيلك وحده وتفضين لنفسك شوي

وفصلي فستان او تنورة وقميص تاايرر خفيف

واختي بنت الصقور افكر اسوي هديتي كعروس القديمه بس من وين اقدر ااجر نفس هالذهب سواء اصلي او تقليد درجه اولي

مشكووووورين بنات خلاص قررت اسويها عشان مرة وحده زيارة تكون بيوم واحد والفال للجميع