بسم الله الرحمن الرحيم
بالصراحه أنا ماراح ألف وأدور وأقول هذي مشكلة وحده رفيجتي لأنها مشكلتي أنا …..
أنا من حوالي شهرين سجلت في منتدى وألحين أنا مشرفه على قسم فيه
والصراحه في واحد في لمنتدى عجبني اسلوبه وشخصيته .. وعلى فكره انا ماسجلت في المنتدى
علشان أدور على رجال لا والله هذا أبد ماكان في نيتي بالعكس .. أحس تسجيلي بالمنتدى
نفعني بالمواضيع وزدت ثقافه وصرت أرسم لنفسي حدود وبديت أتقرب من ربي أكثر من كثر
العجايب اللي اقراها…
رغم انه المنتدى كان مجامله وكذب بس أنا كنت أخذ كل شي بصدق ، مايهمني انه اللي حولي
كذاب دام اني صادقه مع نفسي ومع غيري، ماأبي أطلع عن اطار الموضوع بس حبيت أعطي خلفيه
المهم يوم ورا يوم وتعرفت على هذا الشخص وكان في قمة الاحترام معاي .. رغم انه الكل يعتبره
متهجم في المنتدى,بس يعتبرونه متهجم لأنه صريح .. وهذا اللي عجبني فيه الصراحه والصدق
كنت تقريبا كل يومين أتكلم معاه بالشات وأبد ماطلب مني طلبات شباب هاليومين مثل الايميل
وأبي أشوف صورتج وأبي رقمج وابي أشوفج و……..إلخ
بعدين انقطع عندنا النت فتره وكنت أبي أطمن عليه بأي طريقه ولمن دخلت على المنتدى وتطمنت
طلبت منه الرقم
مع اني ابد ماكنت ابي هالشي ، بس والله كنت خايفه انه سالفة النت تطول وأنا تعلقت به كثير
وهو بالمثل بس شرطت عليه يكون بينا مسجات لا اكثر ، وظلينا على هالحال والحب بيننا يكبر كل
يوم .. وفي يوم بشرني بشي خاص وكان فرحان كثير وقالي ابي اتصل بج انا وافقت لأني ماكنت
ابي ازعله وهو فرحان وتكلمنا وكذا ,وبعدها بكم يوم اتصل وقعدنا نتكلم شويه بعدين قعد
يسألني اذا كان في احد تقدم لي من قبل ونا جاوبت عليه بكل صراحه
بعدين قال لي انه يبي يتقدم لي وهنا المشكله .. أنا انسانه طموحه ومخلصه ثانويه بس أبي أروح
بعثه أدرس هندسة كمبيوتر
وجاتني بعثه بس صارت ظروف وللحين قاعده في البيت وبحاول مره ثانيه وانشاء الله بروح البعثه
المشكله انه يبيني بس مايبيني اذا بروح بعثه .. أول شي هو مو من نفس دولتي هو خليجي
وأنا اماراتيه ، ومدري اذا صج ولا لا سمعت انه اذا المواطنه تزوجت أجنبي يعني اقصد خليجي او
عربي ممكن تصير مشاكل مثل يسحبون جوازها أوشيء من هذا القبيل
ثاني شي أنا محتاره كثير بين راحتي معاه وراحتي مع مستقبلي
وبالصراحه هو عنده حق يعني هو بيجي يخطبني وبعدين انا بروح أدرس 5 سنوات حرام من يقدر
يصبر كل هذا
هو يقول لو كنتي تدرسين في بلادج مو مشكله .. بس اصلا مافي احد في بلادي يبيني لأنه نسبتي
كانت مو حلوه ابد
أنا كثير محتاره وحبيت تعطوني رايكم ارجوكم … هل اختار مستقبلي ولا اختاره
أدري اني طولت سامحوني بس اتمنى منكم الرد في اقرب فرصه …
مستقبلي أم حبيبي !!!
س
16-10-2005 | 01:02 AM
ص
16-10-2005 | 02:06 AM
هلا حبيبتي..
اذا انتي بالفعل حسيتي انه صادق في مشاعره اتجاهك وانه بالفعل مستعد يجي ويخطبج توكلي على الله وخليه يجي وانتي باين عليج طموحه وحابه تكملين دراستج فعادي لو تكمليها في بلاده ,,
شي ثاني وقبل لا تخطين اي خطوة ادعي ربج انه يكتب اللي فيه الخير والصلاح لج يعني ادعي وقولي(ياارب ان كان صلاحي في اني ارتبط فيه يارب سهل علي وان كان صلاحي مع غيره سبب الاسباب اللي تمنع الارتباط)وبجديه بتكون نفسيتج في كلتا الحالتين(الارتباط به او عدم الارتباط به) مرتاحة لانج بتكونين عارفه ان الله ما كتب لج الا اللي فيه صلاحج,,
وانتي بعد شوفي راي باقي البنات وسوي اللي يريحك,,
عسى ربي يسهل لج ويكتب لج اللي فيه الخير والصلاااح,,
تحيااااااااااااااتي,,
اذا انتي بالفعل حسيتي انه صادق في مشاعره اتجاهك وانه بالفعل مستعد يجي ويخطبج توكلي على الله وخليه يجي وانتي باين عليج طموحه وحابه تكملين دراستج فعادي لو تكمليها في بلاده ,,
شي ثاني وقبل لا تخطين اي خطوة ادعي ربج انه يكتب اللي فيه الخير والصلاح لج يعني ادعي وقولي(ياارب ان كان صلاحي في اني ارتبط فيه يارب سهل علي وان كان صلاحي مع غيره سبب الاسباب اللي تمنع الارتباط)وبجديه بتكون نفسيتج في كلتا الحالتين(الارتباط به او عدم الارتباط به) مرتاحة لانج بتكونين عارفه ان الله ما كتب لج الا اللي فيه صلاحج,,
وانتي بعد شوفي راي باقي البنات وسوي اللي يريحك,,
عسى ربي يسهل لج ويكتب لج اللي فيه الخير والصلاااح,,
تحيااااااااااااااتي,,
S
16-10-2005 | 02:36 AM
السلام عليكم ورحمة الله وبركاته
اختي الغاليه
اذا كان انسان صادق معاج وناوي على الخير والزواج
وافقي ولا تردينه
ولا توقفين نصيبج خصوصا ان انتي لحد الحين ماسجلت في بعثة معينه
وخليه يتقدم لج وتتفاهمين معاه
واذا رجل يستاهل بكل معنى الكلمة وهذا الشي مو انا احدده والا غيري هذا الشي انتي تحددينه بنفسج من خلال
عشرتج وعلاقتج معاه الفتره اللي طافت كلها
والدراسة تقدرين تغيرين التخصص او تعيدين رابعة ثانوي وتحصلين على معدل عالي وتكملين في ديرتج بين اهلج
ولج حرية اتخاذ القرار ..
دمتم سالمين
اختكم شريفة
اختي الغاليه
اذا كان انسان صادق معاج وناوي على الخير والزواج
وافقي ولا تردينه
ولا توقفين نصيبج خصوصا ان انتي لحد الحين ماسجلت في بعثة معينه
وخليه يتقدم لج وتتفاهمين معاه
واذا رجل يستاهل بكل معنى الكلمة وهذا الشي مو انا احدده والا غيري هذا الشي انتي تحددينه بنفسج من خلال
عشرتج وعلاقتج معاه الفتره اللي طافت كلها
والدراسة تقدرين تغيرين التخصص او تعيدين رابعة ثانوي وتحصلين على معدل عالي وتكملين في ديرتج بين اهلج
ولج حرية اتخاذ القرار ..
دمتم سالمين
اختكم شريفة
e
16-10-2005 | 03:02 AM
هلا عزيزتي
بالنسبه للجنسيه فاتوقع للبنت الاماراتيه مسموح لها تختار اي جنسيه عربيه وما ينسحب منها الجواز اذا كان سنها فوق 24 او 25 سنه واذا كان اللي راح تتزوجه خليجي فاتوقع عادي بس مو متاكده
انتي خليه يتقدم وتوكلي على ربج والمستقبل والنصيب في يد رب العالمين اذا لج رزق بالبعثه بتصير.,ومثل ربنا ما يرزق الفراشه هالمخلوق الضعيف ما راح ينساكي اكيد
توكلي على ربج واستخيري وان شاء الله خير
بالنسبه للجنسيه فاتوقع للبنت الاماراتيه مسموح لها تختار اي جنسيه عربيه وما ينسحب منها الجواز اذا كان سنها فوق 24 او 25 سنه واذا كان اللي راح تتزوجه خليجي فاتوقع عادي بس مو متاكده
انتي خليه يتقدم وتوكلي على ربج والمستقبل والنصيب في يد رب العالمين اذا لج رزق بالبعثه بتصير.,ومثل ربنا ما يرزق الفراشه هالمخلوق الضعيف ما راح ينساكي اكيد
توكلي على ربج واستخيري وان شاء الله خير
&
16-10-2005 | 03:05 AM
حبيبتي اللوم وقولة انك كنتي من البداية غلط ماراح ينفع لذلك باقولك رئيي بالنسبه للشئ الي طلبتيه مننا
انا برئيي اذا كان انسان صادق وانسان خلوق
فلاتردينه عشان دراسه
واذا كانت الدراسه وقناعاتك اهم من الزواج فشوفي الافضل لك
واستخيري
والله يكتب لك الخير
انا برئيي اذا كان انسان صادق وانسان خلوق
فلاتردينه عشان دراسه
واذا كانت الدراسه وقناعاتك اهم من الزواج فشوفي الافضل لك
واستخيري
والله يكتب لك الخير
م
16-10-2005 | 08:49 AM
إذا كان شخص تحسين إنه يستاهل من بعد ما تكثرين صلاة الاستخاره فتوكلي على الله
و عن البعثه تقدرين إتغيرين التخصص و إلا تحاولين في جامعات و إلا كليات خاصه أو إنتساب
و أعتقد ما راح يسحبون الجواز إذا كان خليجي ..
و الله يوفقج إن شاء الله و يكتب لج الخير
و عن البعثه تقدرين إتغيرين التخصص و إلا تحاولين في جامعات و إلا كليات خاصه أو إنتساب
و أعتقد ما راح يسحبون الجواز إذا كان خليجي ..
و الله يوفقج إن شاء الله و يكتب لج الخير
ر
16-10-2005 | 09:47 AM
بالنسبة لسحب الجواز إذا تزوجتي من خليجي فهذا غير صحيح
الجواز الإماراتي يظل معاج
الجواز الإماراتي يظل معاج
س
16-10-2005 | 04:10 PM
مشكورين حبايب قلبي والله على الأقل طمنتوني وريحتوا قلبي
وأنا انشاء الله بستخير ربي وبدعي دوم ، وانشاء الله خير
واذا كان في نصيب انشاء الله بخبركم ، سلمتوا ربي لي يخليكم جميعاً يارب
وأنا انشاء الله بستخير ربي وبدعي دوم ، وانشاء الله خير
واذا كان في نصيب انشاء الله بخبركم ، سلمتوا ربي لي يخليكم جميعاً يارب
u
16-10-2005 | 06:59 PM
الجواز اكيد بينسحب
وبعدين دامكم شارين الريال شوتبين بالجواز خذي جوازه
وانا احس تعارفكم من البدايه غلط استخيري ربج
وبعدين دامكم شارين الريال شوتبين بالجواز خذي جوازه
وانا احس تعارفكم من البدايه غلط استخيري ربج
س
16-10-2005 | 08:42 PM
مشكوره اختي
بس انتوا الحين حيرتوني الجواز بينسحب ولا لا ؟؟
أدري انه ماله لازمه بس ابي اعرف ...
بس انتوا الحين حيرتوني الجواز بينسحب ولا لا ؟؟
أدري انه ماله لازمه بس ابي اعرف ...
e
16-10-2005 | 08:49 PM
ما اعتقد ينسحب عزيزتي طالما هو خليجي
تطمني
تطمني
ع
16-10-2005 | 10:35 PM
السلام عليكم ورحمة الله وبركاته
هلا غناتي على موضوع الجواز ماراح يسحبونه ان شاء الله نسيبتي خذاها واحد مب خليجي
بس عربي
وماسحبولها الجواز......بس قبل مايملج عليها خذت موافقة من الديوان والمسألة مسألة وقت واجراءات وهالرمسة اكيد
هلا غناتي على موضوع الجواز ماراح يسحبونه ان شاء الله نسيبتي خذاها واحد مب خليجي
بس عربي
وماسحبولها الجواز......بس قبل مايملج عليها خذت موافقة من الديوان والمسألة مسألة وقت واجراءات وهالرمسة اكيد
ذ
16-10-2005 | 11:07 PM
انا اقول وافقي لانه قليل بهذا الزمن في انسان صادق والله يوفقج قولي امين ويسعدج معااه واذا كان خليجي ما اتوقع يسحبون جوازج لانه خليجي ودول الخليج اخوان والله اعلم
إ
16-10-2005 | 11:17 PM
هلا اختي ..
انا ما ابغى اجرحش بكلاامي .. بس سؤالي هل شهرين مده كافيه .. انش تعرفيه وتعرفي عنه كل شيئ
وهل فكرتي ان اهلش بيوافقو قبل ماا تزداد العلاقه ..
يا اختي انتبهي .. ترا ان حبيتيه اكثر وتعلقتي فيييه مره .. واهلك ماا واافقو بعدين انتي اللي بتطيحي فيهاا
كثير علااقات كذا .. واخر شيئ الاهل يصيرووون عااائق بس عشاان المذهب والا عشان من دوله ثاانيه ..
اختي تأكدي من مشاااعره لك زيين .. في كثير من الشباب لعاابييين
لايقوول يبي يشووف صووورتك وترضي .... كفاايه طلبتي منه الرقم .. والشباب يجيبوون ويوودووون
ويقوولوو في الاخير داام انها طلبت الرقم مني اكيد طلبته من غيري ..
استخيري .. وططمنيناا .. اتمنى الش كل الخير اختي ومني قلبي .. واتمنى مااتزعلي من كلااامي :)
تحياتي ..
P
17-10-2005 | 12:31 AM
اوكى دام انه قال بيجي يخطبك خلاص خليه يجي وتوكلي على الله
بس انتبــــــــــــــــــــــــــــــــهي انه يرواغ ويقلك طيب خليني اشوف صورتك قبل ماجي اخطب ..
اذا طلب منك طلب كذا ولا كذا وقفي علاقتك معاه ...
ودام تحبون بعض تزوجي وكملي دراسه معاه
والجواز مو مشكله , انتي في موضوع اهم من مشكله الجواز وهو الارتباط فيه وصدق مشاعره معاكِ
بس انتبــــــــــــــــــــــــــــــــهي انه يرواغ ويقلك طيب خليني اشوف صورتك قبل ماجي اخطب ..
اذا طلب منك طلب كذا ولا كذا وقفي علاقتك معاه ...
ودام تحبون بعض تزوجي وكملي دراسه معاه
والجواز مو مشكله , انتي في موضوع اهم من مشكله الجواز وهو الارتباط فيه وصدق مشاعره معاكِ
س
17-10-2005 | 02:21 PM
المهـــــا .. مشكوره يالغاليـــه ..
عايشه 18.. ربي يعطيج ألف عافيه على هالمعلومه ..
ذهب مخلوط بالماس ..آاااامين يارب على دعوتج الحلوه مثلج حبيبتي
وان شـــاء الله مايصير إلا كل خير ..
عايشه 18.. ربي يعطيج ألف عافيه على هالمعلومه ..
ذهب مخلوط بالماس ..آاااامين يارب على دعوتج الحلوه مثلج حبيبتي
وان شـــاء الله مايصير إلا كل خير ..
س
17-10-2005 | 02:35 PM
ابتسام العمر ..حياج يالغاليه ، لازعل ولا شي اشدعوه حبيبتي
الله لا يجيب الزعل انشاء الله ، وأنا متفهمه ومقدره كلامج بس
حبيبتي خليني اوضح لج شوي ...
الغاليـــه انتي تسألين : هل شهرين مده كافيه ؟
عيل شو فايدة الخطوبه .. ألحين أهو يكون خطيبي وذيك الساعه أعرفه زين
ومافي أحد بيتكلم علي كلمه ، لأنه وراي رجال ، ولا أقعد لي سنه وأنا أكلمه
وبعدين أحد يمسكني في شي ولا شي وتصير فضيحه ..
وأما من ناحية مشاعري فأنا كفايه علي انه الانسان اللي ارتبط فيه يكون محترم ويصلي
ويعرف ربه والحمدلله .. وهو ماشاء الله عليه ربي يحفظه يارب ..
طيب نروح للسؤال الثاني : بخصوص أهلي ..
أهلي ماأعتقد انهم راح يعارضون دام انه خليجي ورجال زين
وحتى اذا ماوافقوا يااختي انا مسلمه ومؤمنه بشي اسمه النصيب وهذي حكمة الله
وانشاء الله الله بيعوضني بكل خير اذا مالي نصيب معاه
بس مو لدرجة اني اسوي اشياء طايشه .. حتى اهو مايرضاها لي يالغلا
وأنا عارفه انه الزواج من غير موافقة الأهل يعتبر باطل
فليش اتعب نفسي ... برضى بالنصيب والحمدلله
وبخصوص انه لعاب أنا والله ماشفت عليه شي للحين
وانا ماهقيت الرجال بالهم طويل كذا لو لعابين ..
ولو طلب مني اي شي بنسحب بهدوء انشاء الله
واليوم انشاء الله بستخير لأني لازم اعرف وش اسوي بخصوص مستقبلي
لو كنت بوافق على الخطوبه بإذن الله
الله لا يجيب الزعل انشاء الله ، وأنا متفهمه ومقدره كلامج بس
حبيبتي خليني اوضح لج شوي ...
الغاليـــه انتي تسألين : هل شهرين مده كافيه ؟
عيل شو فايدة الخطوبه .. ألحين أهو يكون خطيبي وذيك الساعه أعرفه زين
ومافي أحد بيتكلم علي كلمه ، لأنه وراي رجال ، ولا أقعد لي سنه وأنا أكلمه
وبعدين أحد يمسكني في شي ولا شي وتصير فضيحه ..
وأما من ناحية مشاعري فأنا كفايه علي انه الانسان اللي ارتبط فيه يكون محترم ويصلي
ويعرف ربه والحمدلله .. وهو ماشاء الله عليه ربي يحفظه يارب ..
طيب نروح للسؤال الثاني : بخصوص أهلي ..
أهلي ماأعتقد انهم راح يعارضون دام انه خليجي ورجال زين
وحتى اذا ماوافقوا يااختي انا مسلمه ومؤمنه بشي اسمه النصيب وهذي حكمة الله
وانشاء الله الله بيعوضني بكل خير اذا مالي نصيب معاه
بس مو لدرجة اني اسوي اشياء طايشه .. حتى اهو مايرضاها لي يالغلا
وأنا عارفه انه الزواج من غير موافقة الأهل يعتبر باطل
فليش اتعب نفسي ... برضى بالنصيب والحمدلله
وبخصوص انه لعاب أنا والله ماشفت عليه شي للحين
وانا ماهقيت الرجال بالهم طويل كذا لو لعابين ..
ولو طلب مني اي شي بنسحب بهدوء انشاء الله
واليوم انشاء الله بستخير لأني لازم اعرف وش اسوي بخصوص مستقبلي
لو كنت بوافق على الخطوبه بإذن الله
س
17-10-2005 | 02:41 PM
الغاليـــــه عبير الورد .. الحمدلله منتبهه ومبققه عيني بعد ههههه
وأنا بعد افكراني لو بخليه يتقدم بشتغل هني شغلانه محترمه ..
ولما اروح بلاده اكمل الدراسه انشاء الله
مشكورين حبايبي وقوفكم معاي اسعدني
ولو في مازيد ماراح اقول لا ..
وأنا بعد افكراني لو بخليه يتقدم بشتغل هني شغلانه محترمه ..
ولما اروح بلاده اكمل الدراسه انشاء الله
مشكورين حبايبي وقوفكم معاي اسعدني
ولو في مازيد ماراح اقول لا ..
P
17-10-2005 | 03:08 PM
الله يسعدك ويهنيكِ معاه
ويكتبلك مافيه الخير
ويكتبلك مافيه الخير
م
17-10-2005 | 03:09 PM
شوفي حبيبتي اهم شي الاستخاره..استخيري سبع مرات وبقلب خالص في الدعاء انه اللي فيه الخير ربي يجدمه مش اللي تبينه ربي يجدمه
بعدين حبيبتي اذا ارتحتي تزوجي يا الغلا واشتغلي..انا اخت ريلي تشتغل وهم عاطينها دورات والحين ماشاء الله عليها احس مني انا الجامعيه...
ولي اشتغلتي وايد بتتثقفين وبنفس الوقت بتدرسين..يعني دامج اماراتيه يمكن يعطونج تفرغ ..صح؟؟
وانا من وجهه نظري اذا الريال طيب وخلوق لا تخسرينه عشاااااااان بعثه ابداااااااااااااا
اهم شي هالزمن الريال والدراسه تقدرين تكمليها اي وقت حبيبتي بس لي فاتج الريال السنع وين بتحصلين مثله..صح ولا لا؟؟
انا من مؤيدين الدراسه ولكن اذا احترت بين دراسه وزاج لا والله اتزوج وعقب اكمل دراستي بس لازم تشرطين عليه تكملين دراستج يوم يي الملا لو كان في نصيب
انا شرطت هالشي..وتصدقين ريلي عقب تم يقولي وقفي دراسه وتعالي معاي الخارج لانه يته بعثه بس الحمدلله اني شرطت هالشي ولو ما شرطت كان عادي يجبرني ويخرب علي دراستي...
اتمنى اكون افتدج حبيبتي..ومبروك مقدما
بعدين حبيبتي اذا ارتحتي تزوجي يا الغلا واشتغلي..انا اخت ريلي تشتغل وهم عاطينها دورات والحين ماشاء الله عليها احس مني انا الجامعيه...
ولي اشتغلتي وايد بتتثقفين وبنفس الوقت بتدرسين..يعني دامج اماراتيه يمكن يعطونج تفرغ ..صح؟؟
وانا من وجهه نظري اذا الريال طيب وخلوق لا تخسرينه عشاااااااان بعثه ابداااااااااااااا
اهم شي هالزمن الريال والدراسه تقدرين تكمليها اي وقت حبيبتي بس لي فاتج الريال السنع وين بتحصلين مثله..صح ولا لا؟؟
انا من مؤيدين الدراسه ولكن اذا احترت بين دراسه وزاج لا والله اتزوج وعقب اكمل دراستي بس لازم تشرطين عليه تكملين دراستج يوم يي الملا لو كان في نصيب
انا شرطت هالشي..وتصدقين ريلي عقب تم يقولي وقفي دراسه وتعالي معاي الخارج لانه يته بعثه بس الحمدلله اني شرطت هالشي ولو ما شرطت كان عادي يجبرني ويخرب علي دراستي...
اتمنى اكون افتدج حبيبتي..ومبروك مقدما