مستقبلي أم حبيبي !!!

عبير الورد .. آاااامين حبيبتي ويسعدج انشاء الله






مدللـه .. حياج حبيبتي .. انشاء الله بستخير سبع مرات

حبيبتي مافهمت شنو قصدج بالتفرغ يالغاليه

وبخصوص اشتراطي عليه يوم الملأ فهذا شي أكيد

الدنيا دواره ومحد يعلم شنو بيصير بكره

ومشكوره الغاليه افدتيني كثير .. والله يبارك فيج مقدماً

ولو اني مابي استعجل <<< خاااايفه هههه

الله يهنيج ويسعدج يارب مع زوجج

الحمد الله مازعلتي من كلاامي ..

بس ادعي الش من كل قلبي الله يووفقش لكل خيير فييه يارب ..

طمنينااا عنش اختي :)

مشكووووره اختي وهذا من طيب اصلج وبطمنكم انشاء الله

السلام عليكم اختي العزيزة .....


من تجربتي الخاصة ..... انا كنت نفسج بالضبط بس حب حوالي 6 سنوات من النت .... و من بلد ثاني


و نصحني اخوي العود ... قال حب النت ما يدوم كلام فاضي ..... و الغربة ...... و قال لي الجنس لذته بس جم يوم و يتملل بكل صراحة قالها


ما سمعت قلت ما عنده سالفه ........ و قال جدي لازم بيت بديرتها و قلت كبر جدي و خرف


و هو حزتها قال كلامش امر بس ارضييي و امه ما كانت راضية علييي



المهم اللي لا يراويش العذاب اللي اعيشه الحين


لا حب و لا عشرة نفعت اياه طلع على حقيقته و جبروته و هذاني اعاني اياه معاناة


بس نصيحتي لا تضحين بشي مقابل مستقبلش و شهادتش

الجواز ما ينسحب ما دامه خليجي
والاهم استخيري ربج وما بتندمين

هلا حبيبتي
انا مع البنات اذا انسان صادق ويفكر بالزواج لاتردينه
وعلى فكرة انا قطرية وخطيبي مومن بلادي
وانا كنت ابي ادرس في بريطانيا بس انا غيرت رايي
وقلت بروح الامارات وخلاااص قررت واهلي وافقوا بس هو رفض :(
وانحبطت وحاولت اقنعه بس بدووون فاااايدة
وبعدين اقتنعت والحمدلله ..... الصراحة مافي شي يسوى
المهم راحة البال
وعلى فكرة قالي بعدين ماراح اخليج تشتغلين وهم حزنت بس وافقت بالاخير
يعني يالغالية اذا تقدم وكتب لكم نصيب ان شاء الله لازم تسمعين كلامه:)
والله يوفقكم

#رومانسية#

اختي اذا لقيتي انو الانسان صادق معك فاكيد وافقي وتركي علمك لانو قليل بهلايام الانسان الصادق والمحب عنجد
اتركي علمك وقبلي فيه

أختي الغاليــــه عروس المنامه

والله تراج خوفتيني حيــــــــــــــل من تجربتج المره

طيـــــــــــــــــــــــب انتي كنت مصلــيه الاستخاره

أنا لو أي احد من أهلي أو أهله مو راضين والله ماأبيه

بالصراحه مافيني على المشاكــــــــــــــــــــــــــــــل

مو كفايه غربة الوطن ورايحه بعيد عن هلي وآخرتها أروح عند ناس مايبوني لالالا .

وعن نصيحتش يالغاليه والله هذا اللي كنت أفكر فيه

أنا مو اني كبيره عشان اصير عانس .. بس كلام ونصايح البنات

غيرة تفكيري 360 درجه .. فقلت علشان ماأسوي شي مو في صالحي او اندم عليه بكره

أصلي أحسن ... وأكثر الدعاء .. وهذا اللي قاعد يحصل وانشاء الله مايصير إلا كل خير

الروض .. مشكوره الغاليــه على تثبيت المعلومه وعلى وقفتج يالغلا



رومانسيه ..مشكوره حبيبتي .. بس أنا مابي أدرس وأتعب حالي وفي الأخير مااشتغل

انشاء الله يكون خطيبي غير عن خطيبج ويوافق يارب ههههههه

والله يوفقج معانا يارب






الغلا عاشقة الاسلام ..

انا انشاء الله لا راح أتركه ولا راح أترك علمي ..لأني مثل ماابيه أبي اتعلم بعد

يمكن مو يمكن بعد أكيد هالعلم بينفعني في يوم من الأيام .. حتى في اخرتي بينفعني

لأني تعلمت ونيتي خالصه لله مو علشان شي .. مشكوره الغاليه على وقفتج المشرفه

وطرح رايج .. والله يجيب العواقب سليمه على قولة اخواننا بمصر.

حبايبــــــــــــــــــــــــي ... أنا توي خلصت صلاة الاستخاره والدعاء وهالشغلات

وألحين بروح أنام وبكره بقول لكم شو صار معاي .. اذا حلمت او لا .. والأهم النفسيه طبعاً

مهما طلع الاختيار .. أقول لكم شكرا من كل قلبي لكل اللي اوقفوا معاي ولكل اللي بيوقفون

ربي مايحرمني منكم يارب

والله ماصار أي شي بس حلمت أحلام ملخبطه

يمكن مية حلم فوق بعضهم وهو كان في حلم من الأحلام

بس مادري شو السالفه بالضبط ، ماأذكر شي ونفسيتي أحس عاديه

ملاحظه : أنا تراني ماشفته بس طلبت منه يوصف لي شكله بس

المهم أنا سألت حرمة أخوي قالت لي انتي صبري مب شرط بين يوم وليله وأنا صابره

بس أنا بغيت أسأل ، ألحين صلاة الاستخاره سبع مرات

كل يوم ركعتين ولا عادي في يوم واحد ولا شلون

لأني صليت كلهم بيوم بس على فترات << والله مدري

من شويه أمي قاعده تقول لي متى بتروحي تقدمي للبعثه ، قلت لها اني محتاره

واني اصلي الاستخاره بخصوص البعثه وبرد عليها قالت خلاص اللي يريحج وأحسن بعد

ولو مابتقدمين على بعثه بنروح نقدم في جامعة العين أو في التقنيه ان شاء الله

قلت زين والله ، ترى هو قال لي تدرسي تشتغلي المهم في بلادج

الله يسهل علي بس وتروح عني كل هالحيره يارب

اختي الحبيبه بالنسبه لصلاة الاستخاره فمره واحده وليس بالضروره انك تحلمين او تشوفين شي لا ابدا ختي الغاليه صلاة الاستخاره نصليها قبل ما نعمل شيء مثلا انت الحين خلاص إذا صليتي ودعيتي بدعاء الاستخاره الخاص بها فاتحي اهلك بالموضوع و خصوصا امك وشوفي رايها إذا مافي مانع يتقدم لك اطلبي منه يتقدم وإذا حصل اي امر مثل المعارضه من قبل الاهل او الشاب خون فيك وما تقدم بالتالي راح تعرفين ان هالشي خير لك لانك استخرتي رب العالمين وإذا الله كتب ووفقك وتسهلت الامور كذلك تمام لان ايضا انت استخرت رب العالمين و يسر الامر لك ....لكن عندي نصيحه اختي الحبيبه بالنسبه لموضوع البعثه هل انت بتسافرين بروحك ولا مع محرم؟؟؟ وايضا ياريت إذا مع محرم تصلين صلاة استخارة وتروحين تسجلين وإذا فيها خير لك راح تنقبلين و يسهل الامر ويمون فيه خير لك وإذا ما انقبلتي ايضا تأكدي ان هالشي فيه خير (((وعسى ان تكرهو شيئا وهو خير لكم ))) بالتوفيق

اختي .. لا تزعلين من الحق ..

انتي بدايتك كانت خطا واستمريتي في الخطا بعد ما كلمتي رجل مو محرم لك ولا تعرفينه
وهذا ما يجوز لك ..
والرجل انتي ما تعرفينه لكن (اذا جاكم من ترضون دينه وخلقوه فزوجوه) معك في الكلام ..
لكن الطريقه خطا وبمعني اصح ما تجوز ..


لكن حبيت انبهك ..
فان الذكرى تنفع المومنين ..




دمتم بسلامه ..
milk..

الله يعينج والله وخاصة انج ما تعرفينه يعني مب من جيرانكم ولا من اهلكم ولا من ديرتكم .... حتى في سؤالكم عنه بيكون صعب ......... وبعد تحديد مستقبلج أمر يحيرج وياخذ بالج طوول الوقت

تدرين انا لاحظت شيء من ردودج ( حسيت انج تبينه وبنفس الوقت ما تبينه وشيء داخلج يمنعج عنه ) وفوووق هذا كله ملاحظة عليج خووووف الابتعاد عن الاهل وبلادج

هههههههههههههههه سمااااري شكلي احلل شخصيتج .... مب اعطيج راايي في حل المشكلة


والله ماعرفت شو اقولج لنه هالشيء انتي تتقررينه وعشرة شهرين ما تكفي عسب تحددين انه زين والا مب زين ......هذا والله اعلم


والله يوفقج ويكتب لج اللي فيه الخير


بس عندي سؤال لج

اذا ياج وخطبج من اهلج شو بيقولهم ( يعني من وين عرفج ) :think: