لنفيد ونستفيد من بعضنا.. اذكري نظام طفلك الغذائي

اختي عالي مستوايه حلو الاكل اللي تعطينه للبيبي..

بس ملاحظة بسيطة.. عطيه الوجبات على هيئة فطور وغداء وعشى... ووجبة خفيفة العصر..

يمكن تشوفيها وايد.. بس لو اكل من كل صنف من 3 الى 5 ملاعق بيكون وايد كافي..

الخضرة خليها مع السيريلاك كغداء

الفواكه ما تحتاج سلق.. بس حطيها في الخلاط وضربيهم حتى التفاح... الا اذا عندج وصفة ثانية.. وعطيه العصر ..

وبما انه وصل الستة شهور تقدرين تعطينه الروب الحين :)

والله يحفظه لج..


ان شاء الله ما نسيت استفسار احد من الخوات.

ولدي بعد يومين يخلص ثلاث شهور
وياليت تقولولي متى يبدا ياكل

مرحبا انا بنتي بتخلص سنتين في شهر 11
في الصبح على الساعه 6 اعطيها حليب بس تقون لين الحين نايمه لما تصحا على 11 اعطيها بيض جبن حليب مع توست لبنه وقشطه على حسب المزاج وبعد ما تخلص اعطيها عصير او لبن
على الساعه 1ونص اعطيها رز مع خضروات او معكرونه مع شوربه ورورب
في ظهر لما تنام اعيطها حليب
لما تقوم على ست اعطيها روب
طبعا العشا اعطيها نودلز او معكرونه او عيش
بس انا احس انا بنتي ضعيفه مادري ليش

اهلا امهات
انا عارفه الموضوع قديم بس اعجبني وحبيت اعرفه لاني مني عارفه اذا انا قاعده ااكل بنتي صح ولا لا فيا ليت تعطوني
ارائكم
اولا بنتي عمرها 6 شهور ويومين

نظامها
7 الصبح رضعه 180 احبانا تبقي منها شوي

11 الظهر مشكل فواكه موز تفتح كمثرى مشمش خوخ

3 العصر مشكل خضار فاصوليا كوسا بطاطس بازلاء وقرع اما الجزر والعدس اخلطهم مع الخضار مرتين اسبوعيا

6 المغرب شوفان مطبوخ مع حليب

9 رضعه 180 بس ماتملها تخلي نص او ربع

12 او 1 بليل رضعه 180 بس برضه ماتكلملها

بين الوجبات مويه


وش رايكم؟؟؟كويس؟؟؟ ابي ابدا على الاسبوع الجاي زبادي بدل الرضعه الساعه 9

في البداية أشكرج غناتي جمانه على الموضوع

ماشاءالله عليج مواضيعج دووم مميزة وحلوه ومفيدة .

ولدي عمره 7 شهور

يرقد الين الساعة 11 أول مايقوم أعطية خضروات منوعه

كوسا وجزر ومرة بطاطا مع بروكلي مع أرز مصري

بعد ماياأكل بساعة أعطية فواكة مهروسه الساعة 3 أو 4

أعطية سيريلاك ومرات يرقد الين الساعة 6 وإذا كان واعي

أعطية بطاطس مع روب أو أرز مصري مع روب الساعة 8 أعطية

أي نوع من الفواكة مع بسكوت أو أخلط له مع سيريلاك

الساعة 10 أو 11 أعطية أي نوع من الخضروات مع معكرونه

مرات يرقد ومرات يكون وااعي الين الساعة 2 أو 3 يكون

يوعان أعطية فارليز أو أذوب جبنه كيري مع مااي

أنا ولدي مايرضى يشرب الحليب والله يكسر خااطري

أحاول أحط له فارليز أو سيريلاك مع الحليب لكن بالمرة

مايشرب أول يوم كان في الشهور الأولى يشرب لكن الحين لا

مش عارفة شو أسوي ويااه .

امهات فديتكم ان ام جديدة ............


ومااااااااااا اعرف شلون اكل بنتي ومااعرف شنو الاكل الى ينسبهااااااااا


الى عندة خبرة تفديني واللة يجزيها بالف خير


ع العلم ان بتى بدش الهر الرابع؟؟؟؟؟؟؟؟؟؟؟:think::think::think::think::think:

هلا أمهات عروس ،،

الموضوع عجبني مع إن لحين ما حان وقت تأكيل بنتي ،، بنتي فطوم عمرها شهرين ،، ربي يحفظها ،، وبما إني أم جديده الموضوع بيفيدني ،،

متى أبدأ أأكل بنتي ؟!! مع العلم إنها ما ترضع إلا طبيعي من عندي ولا تبي المرضعة ،، حتى إنها ما تشرب لا ماي ولا شي ثاني !!

إذا بتسألون ليش ما اعطيها لأنها خير شر ما تاخذ المرضعة وإذا اعطيها بالملعقة أو بالقطارة تشرق على طول وترجع ،،

إن شاء الله نستفيد من خبراتكم ،،

موضوع رائع ياغناتي.. جمانه
أنا بنتي جود عمرهاا 4شهور واسبوعين دشت بالثالث
متى ماصحت أعطيهااا حليب لانهاا ماتصحى الا متأخر واعطيهااا الظهر وجبة خضار أطبخه على البخـــار.. والساعه 6 أو 7 أعطيهااا سيريلاكـ
وبس

الصراحه أنا أم جديدة ومحتاره كيف أوكلهاا ماشاء الله عليكم منوعين
الله يحفظ عيالكم

مرحبا اخت جمانة حبيت اعرف عمر بنتج

وجزاك اللة خير:1_42:

السلام عليكم ورحمة الله وبركاته

اهلا اختي جمانة موضوعك جدا رائع فعلا الامهات الجدد امثالنا في حاجة لتبادل خبراتهم بهالمواضيع

انا بنتي عمرها 5 شهور واسبووع

مااعرف شنو اسويلها

اعطيها حليب مع فارليز البسكووت وجبه باليوم ووجبه ماي منقوع بتمر ووجبه عيش مهروس كانه مهلبيه طحين عيش مال البحرين

اشراايكم ابغي اسويلها جدول اول ماتدخل 6شهور اسويلها

الله يحفظ لكم عيالكم ويخليهم...

هذا الموضوع قديم وما توقعت افتحه الاقي تساؤلات فيه..

على العموم الحين وقت صلاة.. وقت ما افرغ ارجع لكم واجاوبكم ان شاء الله...

اختي الجوري.. هذا الموضوع من ايام ما كان ولدي ولد شهور. والحين عندي بنتي عمرها 8 شهور تقريباً.. :)