لنفيد ونستفيد من بعضنا.. اذكري نظام طفلك الغذائي

رانيا البحرينية:


حبيت اسأل متى نقدر نأكلهم ربيان ؟؟؟؟

نصحتني الطبيبة بعدم اعطاء الطفل الربيان الا بعد اتمامه العامين من عمره :pain:

بناااات..ز أنظمتكم الغذائيه جدا رائعه...

أنا ابنتي اكملت شهرين واسبوع عمرهااا...

هل استطيع البدء باذابه ربع بسكويت فارليز مع الحليب والا لسه بدري عليها؟؟؟

بنت كيوت...بنتج بعدها صغيييييييييره .. لا تبداين وياها قبل الشهر الرابع ...و اول شي تبدين وياها هو سيريلاك الارز ...و بعدين بالخضار و بعدين الفواكه ...و طبعا كل شي بدون اي نوع من البهارات لا ملج و لا فلفل و لا سكر

في وحده من الاخوات ذكرت الروب او الجبن ما اذكر بالضبط في اي صفحه .....و الروب و الجبن ممكن ينعطى للطفل من الشهر الثامن لكن الحليب الطازج مب قبل السنه ....و قريت الفرق بين الحليب و الروب و الجبن لكن ما اذكر بالضبط وين و شو

و بالنسبه لبنتي عمرها 6 شهور
اعطيها رضعه الصبح اول ما تقوم ..
و الضحى اعطيها اي نوع من الفواكه ...تفاح ..كمثره ...موز ...و الحين ببدا وياها الخوخ و المشمش ان شاء الله

و الظهر خضار ...بطاط .. جزر ..كوسه ...كل واحد منفصل او مخلوطين مع بعض ... و ناويه باجر اعطيها افوكادو و بجرب وياها الابروكلي و القرع


و العصر حليب

او المغرب اي نوع من السيريلاك ارز ...قمح ...شوفان ....

و اخر شي حليب

و امس شفت موقع فيه اكلات للاطفال ممكن نستفيد منه..بعدني ما تصفحته عدل
http://go.3roos.com/v9L9D8L7SNz

شكرا يا مرمر على الموقع

شفتي يا جمانة سويت لها السمك فتته تفتيت وبغيت اعطيه لها ما قدرت عليها ما ادري هالببنية على شو تبا تعيش بس على الماء والحليب

الله يعيني امس سويت لها النشا وخليته سائل وحطيته لها بالكوب الي فيه غطا وقمع يعني حسيت انها شربته ليش لانه سائل لكن ما اظن اني بقدر اسوي لها كل شي سائل لان مو كل الاكل يستوي سوائل

اختي قلوب

انا الدكتور مره قالي ابدئي باللحوم بهذا الترتيب...الدجاج..اللحم...السمك...يعني اخر شي السمك...يفضل بعد الشهر التاسع تبدئين فيه لانج في نفس الوقت لازم بتعطينها رضعة حليب بعد الغداء بساعه..ويقولون مب زين سمك وحليب...يعني على الاقل ساعتين او ثلاث ساعات بعد الغداء يكون الحليب خاصة اذا كانت الوجبه سمك...

الصراحة الموضوع وايد مفيد
وحلو لما نتبادل خبراتنا وتجاربنا مع كتاكيتنا الصغار

انا بنوتي بتكمل سنة عقب ايام
(العمر كله انشالله)

الصبح:حليب
الضحى:سيريلاك بالتمر او الفواكهة او القمح او الارز (حسب المتوفر يعني كل ما يخلص واحد اغيره بنوع ثاني حتى ما تمله)
الظهر: كوسا-جزر-بطاطس-قطعة دجاج-ارز مصري اسلقهم واحطهم في الخلاط
بعد نومة العصر: حليب
المغرب: عصير فواكهة (وطبعا ما تشربه!!!!!!!)
العشاء:حليب مع نشا او روب سادة او روب بالفواكهة
الليل: رضعتين حليب

احاول اعطيها بيض بس تاكل لقمة والباقي على الارض

انا سمعت وقريت في اكثر من مكان ان الروب او الاجبان لازم تكون كاملة الدسم
لان الطفل في هذه الفترة يحتاج الدهون....

شريت كتاب عن اكل الاطفال من موسوعة الفراشة
فيه اكلات وايدة مفيدة ومغذية للاطفال
بس بنتي ما تقبل اي شي جديد

حبيت اسال
1-كم مليلتر لازم تشرب في كل رضعة حليب في هذه السن
2-كم رضعة لازم اعطيها في اليوم
3-متى اقدر اقلل مقدار الحليب
4-متى اقدر اعطيها الحليب البقري الطازج والعسل

تصدقين مياسه دورت على هذا الكتاب الي تتكلمنين عنه و ما لقيته للاسف على ما اظن كان اسمه تغذيه الطفل او غذاء الطفل شي من هذا القبيل...شفت يتكلمون عنه في احد المنتديات ...لاني مليت من الاكل العادي بطاط و جزر و كوسه و ارز...الخ

و بالنسبه للعسل و الحليب الطازج ينعطى بعد السنه ..بس انتبهي لان ممكن يسبب حساسيه للطفل او ممكن ما يتحمله لان صعب الهضم ..فحاولي بالتدريج...

و مثل ما قلتي مب لازم يكون قليل الدسم لان الطفل يحتاج للدهون في طور النمو

لكن قريت في كم موقع ان الحليب الطازج ما يحتوي على حديد علشان جذي يفضلون حليب الاطفال لانه يكون مضاف له الحديد

و بالنسبه للكميه الحليب ...في الموقع الي حطيته في ردي الي فوق مكتوب للاطفال من 9 الى 12 شهر يحتاجون ما بين( 24 -31 oz.) و OZ هي وحده قساس تلاقينها على الزجاجه لكن ما اعرف كم بالملي يعني ...

يعني اذا بنتج تشرب تقريبا في الرصعه الوحده 8 ارقام حليب الي هي تعادل 240 ملي .. راح تحتاج ما بين 3 الي 4 رضعات يوميا هذا طبعا بالنسبه لحليب الاطفال العادي ...مب الطازج ...و للطازج ما مكتوب كم بس مكتوب ان تكون الكمبيه قليله

اتمني اني قدرت افيدج ...هذا الي اعرف لكن خلينا نتاكد اكثر و نشوف ردود البنات يمكن يفيدونا بمعلومات اكثر

السلام عليكم اختي جمانه وعلى جميع الامهات , مشكوره على موضوعك وفعلا كتير مفيد ومهم .انا اول شي رح اذكر الاشياء اللي مش لازم الطفل ياكلها قبل السنه الاولى: بياض البيض(المسلوق طبعا) ,الزيت(اي شي يدخله بصل او توم مقلي او بطاطا مقليه), الجبن الاصفر او الابيض الكامل الدسم,الحليب الكامل السم,القشده او الجبن السائل,الشاي,السمك طبعا, ورح اذكر هلق الوجبات اللي بعطيعا لبنتي وعمرها تسع شهور وطبعا وفقا لارشادات دكتورة الاطفال حقها, الصبح بعد الرضعه الطبيعيه شوفان كويكر المخصص للاطفال فوق الست اشهر بطعم الارز اوالذره او التفاح طبعا يخلط مع الحليب الصناعي والماء المغلي,او صفار بيضه مسلوقه, او خبز فرنسي مع زبده ,او قطعة بسكوت كمان مع مسحة زبده,او طحين الذره معجون بالماء ومخبوز على النار مع جبنه بيضاءمبستره مبشوره. بعد الفطور وقبل موعد الغداء فواكه مسلوقه (تفاح ,اجاص,مع شويه سكر ومخلوطه على الخلاط بشكل الكمبوت ولكن صناعه منزليه,او فواكه طازجه وغير مسلوقه مهروسه جيدا (شمام,بطيخ,بابايا,جوافه.بعدين رضعه طبيعيه ونوم , الظهر شوربه :قطعه دجاج او لحمه مسلوقه مع خضار (بطاطا ,جزر,كوسا,قرع,مع قطعه بصله صغيره وفص ثوم صغير وكزبره او بقدونس ورشه ملح وايضا غير مسموح استعما ل المكعبات (ماجي او كنور)او البهارات او الزيت مع الشوربه.بعد الغداء بفتره رضعه طبيعيه وقبل العصر ممكن اعمل بوريه بطاطا او جزر او سبانخ او السلق (مع حليب صناعي وزبده ومرات ممكن اعمل البوريه مع لحمه اوقطعة دجاج مسلوقه),وبالنسبه لعمرها صار فيني الان اطعميها الحبوب بشكل شوربه ومره او مرتين اسبوعا على ان تزيد المرات تدريجيا, العصر :فواكه طازجه اوكمبوت منزلي ,او لبن مع الفواكه او الجلاتين,او بسكوت ماريا ,.العشاء: ممكن شوربه متل الظهر اوبوريه وعصير.ومشكورين وانشالله ما كون طولت عليكم .سلام

اختي مرمر
انا الكتاب شريته من ميغامول الشارجة
في محل كتب ورا BHS
الدور الثاني

مشكورين على الموضوع المفيد

اليوم أنا كنت اتكلم مع أمي عن هذا الموضوع .قلتلها اريد احط جدول لأكل بنتي عشان ما تخربطو في أكلها .............يوم أكون في الشغل .ونتو جزاكم الله خير ما جصرتو .

السلام عليكم انا بنسبه لولدي ما ياكل قبل الساعه الواحده ظهراشيءغير الحليب السعه الانيه اأكله سريلاك با لقمح

اذا جاه النوم طبعا حليب على الساعه سته المغرب اسويله خضار ككتيل مع قليل رز بالدجاج او بلحم او بسمك طبعا ولدي

عمره سبع شهور اذا يبي ينام حليب الساعه عشره اما زبادي او فواكه مشكله وينام الساعه12 طبعا أعطيه حليب

انا ولدي الحين بيكمل سنه الفجر الساعه خمس اعطيه رضعه والساعه8 اعطيه سيريلاك مع فارليز ومع الغدا خضراوات مهروسه وفي العشا اعطيه روب مع عسل او روب تذوبين فيه صفار بيضه وتتخلل هذي الوجبات رضعات حليب وعند النوم طبعا رضعه حليب

السلام عليكم
بصراحه موضوع أكثر من رائع بالنسبه لي انا عندي طفلين الولد عمره سنتين وخمسه شهور أكله ماتصدقون لو اقولكم عليه مويه وحليب بالموز صافي وحبيبه الي مايستغنى عنه ابدا داناو والله حاولت معاه بأن ياكل زي بقية الاطفال لكن ابني صعب جدا من لما كان صغير وهو مايحب السريلاك والزبادي والان كل ماحاولت أعرض عليه أي أكله تخطر في بالي يرد علي "لا ماما انا ماحبه "وللأسف حتى الحليب صار له فتره ماياخذه والله خايفه عليه واذا عرضته على الدكتور قالي ابعدي عنه الرضاعه وهو راح ياكل والمشكله اذا أحرمته من الرضاعه يعاند وما ياكل يقول لا ماما ابقى الداعه يعني الرضاعه دلوني الله يجزاكم كل خير
اما البنت عمرها سنه وشهر كنت أكلها من أكلنا ودحين صارت تقلد أخوها إذا شافتني أكلته ورمى الاكل حتى هي ترميه وحالتها صارت من حالته
أرجوكم لاتهملون مشكلتي وردو علي ايش اعملهم

موضوع رائع
انا بنتي كملت خمس شهور
اليوم بس بديت معاها بطاطا مهروسه واكلت كميه كويسه
وكنت خايفه وانا اعطيها لانه جسمها حساس بالمره
جربت معاها سيريلاك من قبل اسبوعين صابتها حساسيه جسمها كله صار احمر
فخفت وقلت ماراح اعطيها شي غير الحليب
واشوف البطاطا عجبها اليوم
فراح استمر عليه
بس هل في احد منكم تعرض احد اولاده لمثل هذي الحساسيه من الاكل او هل في نوع معين يتحسسو منه البيبي؟؟

انا بنتي عمرهاسنة وتسعة أشهر ..نظامها كالتالي

الصبح: رضعة حليب
الفطور: خبز مع جبن قليل الدسم + عصير وأحيانا كورن فليكس بدون أو مع حليب
الغداء: ارز بالخضار مع لحم او دجاج أو شوربة خضار أو معكرونة على حسب الغداء
العصر: فواكه او عصير فاكهه أو زبادي
العشاء: معكرونه او ارز وأحيانا أعطيها كفته دجاج مع كاتشب وبطاطس
قبل النوم : رضعة حليب ,أحيانا تكون نفس وجبة الغداء بس ما أثقل لها علشان في رضعة

نظااامي في الاكل عاادي .. في اليوم اعطيييييييييه حلييب ووو سيريلاك بالقمح وومراااااات خضره مهرووسه يعني اذا الصبح سيريلاك المغرب خضره ووبعدني ما عطييته الفوااكه المسلووقه مع ان عمره 6 شهوور وادري اني لازم ازييد كمياات الاكل .. وخااصه ان رمضاان قرب ..

هلا خواتي..


ام لنو..
الحل طبعاُ مثل ما قالت لج الطبيبة.. ابعدي الرضاعة عنه...
خصوصاً ان عمره الحين فوق السنتين بوايد.. ولو كان يرضع طبيعي كان خلاص من زمان انفطم...

ماا قولج اقطعي الحليب.. لكن اعطيه بكأس .. ولو اني اشوفه صار كبير عليه لكن التدريج حلو...
اعطيه بكأس اللي فيه بوز طالع لفوق.. وبعدين علميه على الكأس العادي.. واذا تقدرين مباشرة علميه على الكأس العادي...

وبالمناسبة طفلتج الحين في سن يؤهلها هي ايضاً تشرب من الكأس ابو بوز.. فبما انها تطالع اخوها وتسوي مثله خلاص.. ابتدي معاهم الاثنين عشان ما يطالعون بعض وما يرضون لج..

وحاولي تسوين له اشياء لذيذة ومغذية.. مثل سلطة فواكه.. عاد قصصي القطع صغار وايد.. عشان يتقبلها اكثر.. وعندج مواضيع الدمشقية فيه وصفات اكلات اكثر من رهيبة.. :)

اختي فطوم..

مادري اي نوع من السيريلاك اللي استخدمتيه للطفل..
هل هو على قمح ولا ارز؟ وهل قمح مع حليب ولا معاه شيء ثاني مثل خضراوات او فواكه او تمر؟


المهم لازم بالبداية تجربين معاها اللي على ارز بعدين اللي على قمح.. واذا تشوفين ان السبب هو سيريلاك نفسه.. جربي ميلوبا تقدم نفس المنتجات واذا صار بعد مثل الشيء.. لازم توديها الطبيب يمكن عندها حساسية من نوع معين من الطعام...
الاطفال سبحان الله يختلفون من طفل لثاني في مسببات الحساسية.. بعضهم حتى الحليب يتحسسون منها...

وحلو انج عطيتينها البطااطس.. مرة ثاني حطي معاها شيء خضرة ثانية.. مثل الجزر او البازيلاء.. وبعدين هرسي الجميع مع بعض.. الله يوفقج اختي وان شاء الله النونو ما تعاندج في الاكل.. :)