@^@ لقـاء مع صائم @^@

شكرا لكي اختنا الفاضله العنيده على هديتك المباركه الجميله .. وحقيقه وبدون مجامله انا قرأت اجاباتك وتعليقاتك على الاسئله وانا مبتسم طول وقت قراءتها وحتى الان ... ماشاء الله عليكي روحك حلوه وخفيفة الظل بجانب علمك الغزير ولباقتك في الكلام الله يديمك ويديم مشاركاتك واطلالتك الرائعه



لا لا أخ مجدي.. انا كيف برد عليك.. ؟ :o بصراحه احرجتني واعطيتني اكثر من حقي.. تسلم.. وهذا من طيبك.. وانا كل ما ارد اقرا ردودي اقول يا ثقل دمك يالعنيده.. ^_^
والعفو.. تستاهلون الهديه..

هل انتي في حياتك الواقعيه تتمتعين بخفة الظل وروح الفكاهه التي تظهر في مشاركاتك ..؟؟

طيب ما في خيارات؟؟

سؤالك مش بايخ.. لكنه صعب شوي .. اعتقد الافضل انك تسأل اللي حواليني.. امم اللي ما يعرفني او يشوفني لأول مرة ما اظن بياخذ نفس فكرتك عني..
لكن اللي يعرفني عدل ..ممكن .. مش اكيد.. لكن ممكن يقول نفس كلامك..

طبعا ما اقصد انه لي شخصيتين.. بس انا مثل ما قلت قبل يوم كنت تحت المجهر.. اني خجولة كثير وما اخذ على الناس بسرعه.. وفي البدايه اكون حذرة في التعامل مع ناس ما اعرفهم..

طلعت برع الموضوع.. لأني ما اعرف اجاوب..

- - - -

بارك الله فيك اخي الكريم.. وشكرا لك..

:flower: :flower: :flower:

ادعولي الله يفرج كربي وينفس همي ويحقق لي اللي في بالي


الله يفرج كربتج حبيبتي وينفس همج ويحقق الي في بااالج يااارب


والله يا أختي ما اعرفج حتى أسال بس قريته في توقيعج قلت خليناا ندعي لاختنا المسلمه..

نسيت اقول ترا صاحب الموضوع ما يكفي معاه يوم واحد..

لازم اسبوعين تحت المجهر.. اقل شيء..

بس ما ادري شو قصده ب : " غير الموضوع " ..


:flower: :flower:

مشكورة عنوووودة الغالية
على إجاباتك .. وتحملك لأسئلتنا ..
بس أكيد متعودة صاكين ( مو على أصبعك )عليك أسبوع ..
الحين يوم واحد هين ..

خخخ لول عسل انتي..

سؤال طرى على بالي ..
س/ ما أكثر شيء عجبك بالمجهر؟؟ وأكثر شيء ضايقك ؟؟***

امم هو الموضوع والفكرة كلها حلوه.. واحلى شيء تواصل الاعضاء.. وانا ما اضايقت الا من المنتدى يوم كل مرة يعلق معاي.. مثل اللي صاير الحينه.. بس في الموضوع ما في شيء ضايقني.. واتمنى اني ما اكون انا ضايقت حد.. واذا صار.. فاطلب السموحه

= = = =

أخوي مجدي ..
كلنا نتمنى أمنيتك ..
وإذا ودكم أتنازل عن يومي ( 18 ) للأخ أبو داحم ..
توهيقة .. ههههههه

تراني حاولت قبل ..

بس خلاص وعدنا انه بيحط عمره تحت المجهر..

يبالي اكتب اسئلتي من الحينه خخ

:flower: :flower: :flower: :flower:

fadawa:
ادعولي الله يفرج كربي وينفس همي ويحقق لي اللي في بالي


الله يفرج كربتج حبيبتي وينفس همج ويحقق الي في بااالج يااارب


والله يا أختي ما اعرفج حتى أسال بس قريته في توقيعج قلت خليناا ندعي لاختنا المسلمه..

:)

تسلمين أختي وبارك الله فيكِ وجزاكِ الله الجنة..

:flower: :flower: :flower:

اخوي مجدي
جبتها صح

ونريد ان نشوف فيه يوم هو الاخر ليجلس على كرسي الاعتراف ويدلي بدلوه فيما سيطرح عليه من اسئله ...
راعية شر:cool2:

لكن لازقه لازقه ووعد الحر دين ياابوداحم

السلام عليكم ورحمة الله وبركاتة

الله يعطيكم العافيه أخوي مجدي وأختي العنيدة وبارك الله فيكم
حظور رائع .صوم مقبول وذنب مغفور بإذن الله

عاشقة الجوري
العنيــدة
مجـدي
شجونة
سهرات

أشكركم على ثقتكم (الموهقة)
وخلونا الآن مع ضيوفنا الكرام

وأنا وعدتكم بتلبية طلبكم
بس بعد ماينتهي ضيوف المجهر

وإن شاء الله سنستأنف الموضوع بعد رمضان
وفي يوم من الأيام بيجي الدور علي :eek2:

اقدم للجميع ابتداء من الاخ الفاضل
ابوداحم
الى الاعضاء الضيوف الذين استكمل عقد اللقاء
بهم
والى جميع رواد هذه الصفحه

اعــــتـــــــذاري
لعدم تمكني من المشاركه لضيق الوقت وانشغالي

تحياتي الصادقه لكم
دمتم بود

مشرفتنا الفاضلة أوديت

يكفينا هذا الشعور النبيل
وهذا التواصل الرائع
فبمثلكم يكتمل عِقد الجمال

دمتِ بروعتك

غاليتي اوديت
كم سعدت بهذه الاطلاله الرائعه
.. وكم حزنت على اعتذارك..ولكن

الله يوفقك وين مارحتي يالغاليه
ويسعدك..

تقبلي اطيب التحايا

غاليتي اوديت
كم سعدت بهذه الاطلاله الرائعه
.. وكم حزنت على اعتذارك..ولكن

الله يوفقك وين مارحتي يالغاليه
ويسعدك..

تقبلي اطيب التحايا

بسم الله الرحمن الرحيم
السلام عليكم ورحمة الله وبركاته

الغالية

أوديت

كلنا أسف لعدم تمكننا من اللقاء بكِ

نسأل الله أن ييسر أمركِ ويعينكِ

وعندي إقتراح بسيط

لما يعتذر عضو وش رايكم يكون المضيف هو الضيف بدلاً عنه

في انتظار التصويت



أختكم
المرتحله

بسم الله الرحمن الرحيم
السلام عليكم ورحمة الله وبركاته

أخي الكريم

أبو داحم

ننتظر مرورك

وهذه فرة لا تعوض

فلتشاركنا هنا اللقاء




أختكم
المرتحله

اختي أوديت
ان شاء الله ملحوقه في المجهر<<<====وراج وراج ما في مفر

المرتحله
رايج وايد زين
وانا معاج اضيف صوت
يعني صرنا صوتين مقابل لا شئ
وبما ان الوقت بيقرب يخلص ناخذ نتيجة التصويت هذه<<<=====ما تحب تضيع الوقت

هههههههههههههههههههههههه

انا بعد اضيف صوتين لاصواتكم<<<<< صوتين واحد لي وواحد للجوري<<<< حليتها

صرنا اربعه اصوات يا ابو داحم...

لا تنحاش

وعلى فكره هاذا مو معناته ان مافي تحت المجهر...

لا في تحت المجهر وفي هنا ...

المرتحلة
elmaha
aljory

لا تستعجلون لاحقين على خير
خلوها في المجهر أحسن لي ولكم
لأن هنا يوم واحد فقط يمكن ما يكفيكم :cool2:
والمجهر أسبوع كامل تسألون اللي تبون
هاااااا وش قلتوا
وافقوا ترا أهون بعدين :shy:

ابو داحم

ما مختلفين ابد على موضوع المجهر وانت تراك مو مخير هنا بين المجهر وبين هاللقاء. يعني راح تجلس في كلا الكرسيين<<===صح العربي عندي يا شجونه ولا لا

هاه ايش قلت؟

أختي الريم_21

الله يعافيج الغاليه وتسلمين على مرورج

:flower: :flower: :flower:

الدور اليوم على الاخت Neama كان.. صح والا انا غلطانه؟

= = =

الاستاذ ابو داحم هو صح اللقاء يخوف شويه .. بس صدقني اول ما تقعد عالكرسي.. ( هذا تحت المجهر.. ) او جدام الشاشه ( هذا في اللقاء ) الاحساس بيتغير..

خلنا نسوي بروفه..

يلا انا بسأل سؤال ..

الاستاذ ابو داحم كيف يقول

وافقوا ترا أهون بعدين

بعد ان قال

وأنا وعدتكم بتلبية طلبكم

يعني ممكن تسويها؟؟

:flower: :flower: :flower: