@^@ لقـاء مع صائم @^@

سلام عليكم

العنيــــدة

قبل ما أرد عليك
أو أطرح أسئلتي
ممكن تكبرين مقاس الخط شوي :cool2:

هلاااا وغلاااااا مس انجلش
حيااااالله عنووووووووده
شخبااااارج ...

أهليييييييييييييييييين وسهليييييييييييين.. هلا والله حبيبة قلبي أبلة العربي..
انا بخير ربي يسلمج.. واذا شليتي هذا اللي في توقيعج بكون احسن بعد.. ^_^


..
والا مواقفج فلللللللته حسبي الله
على بليسج ضحكتيني ..
بس ماقلتي لنا الحين صبعج
الصار عليه هههههههههههههه
>>>>اختج شجونة اتحاتيه ترى ههههههه
وبعدين تعالي احنا ما لنا مصحف.. و سجادة صلاة.. وباقة ورد
افاااااااا والله هههههههههه بتوهقج ..

خخخخ شيء مواقف لي تفشل..

:o فديت اللي تحاتي صبعي.. خخ مثل ما قلتلك.. صاير احلى عن الباجين.. كأني مسويه بديكير مدري منيكير.. خخخ

انتي يالغلا لج بساتين ورود .. والسجاده والمصحف بيوصلونج بعد ما تعزميني عالفطور.. خخ

العنيده مشاءالله طلعنا عشاق المعكرونة واااايد
الله يزيدهم ويبارك ......

يسلمووو ياقلبي على هاللقاء الحلو مثلج ...

انتي الاحلى يالغاليه.. واشكرج على حضورج

قلت لكم انا شو احب عسب يوم تعزميني عالفطور ما تحتارين.. خخ
وفيه شيء بعد احبه وانتي تعرفينه.. لا تنسينه .. خخخخخ

شكرا لج حبيبتي

:flower: :flower: :flower: :flower:

ههههههههههههههههههههههههههههه
توني اشوف سؤال الاخوات عن اصبعكم الميمون
هههههههههههههههههههههههههه
سوى بلبه اصبعج في المنتدى ..

سلاااااااااامتج الف سلااااااامه ياقلبي

لووووول الله يسلمج ويسلم غاليج

على فكرة مستانس عليكم وايد صبعي.. خخ


:flower: :flower: :flower:

كثير من الناس يتهاون في وجبة السحور
رغم الفضل الوارد فيها عن النبي عليه الصلاة والسلام
برأيك ... ما السبب ..؟؟ وهل لذلك حل ..؟؟

سهرات

هلااااا وكل الغلاااا ..
بعنودتنا الغالية ..

يا هلا... ومرحبا ملااييين سلحوفتنا الغاليه >>> طاعوا بس منو اللي يتكلم..
لا بس ماشاءالله عليج سريعه صايرة.. انا اللي ما اتغيرت :(

ومثل ما قال أبو داحم ..
راح تذكرينا بأيام المجهر ..
مع أنا ما ودنا تذكرينا أيامها .. أدري حقدتِ علينا ..
صكينا عليك صكة بشنطنا وأسئلتنا ..
معليش رمضان كريم ..

افا عليج ..
ايام المجهر احلى ايام كانت.. وانتوا اللي حليتوها والله..
حد يحقد على ناس غاليه عليه؟ *_*

من فرحتي بلقائك نسيت أقولك ..
بصراحة لقاء ممتع .. وإجابات رائعة ..
ومواقف ولا أحلى ..
والحمد لله على سلامة الوالد ..وسلامة أصبعك ..

هذا من ذوقج يالغاليه..

والله يعافيج ويسلمج من كل شر..

ماودي أطول عليك .. راح ادخل بالأسئلة على طول ..
س/ هل تجدين اختلاف في مظاهر رمضان من عام لآخر ؟؟

استقبال رمضان قبل كان غير.. وحتى الاستعداد للشهر..
الناس كانوا يهتمون بالعبادات اكثر.. مع انه التوعية زادت الحينه.. بس ما ادري احس قبل كانوا يهتمون اكثر.. يعني كل الناس.. الكبار و الصغار.... والحينه لا.. اللي فاهم هو اللي يهتم بس.. والباجين يهتمون بالبرامج التلفزيونيه والسهرات.. ( مب انتي خخخخخ)

والصراحه السهرات اللي لين الفجر.. قبل ما اذكر انها كانت كثيره جذيه..

يعني كانوا يسهرون في البيوت صح.. لكن عائلات .. وبرع لين الفجر.. ؟

قبل ما كان..

س/ ما رأيك بما يعرض على فضائياتنا العربية في رمضان ؟؟

امم السنه اللي طافت كنت اتابع بعض البرامج الدينيه عالتلفزيون والصراحه استفدت كثيرمنها.. والحمدلله ما تابعت البرامج الثانيه.. والي عرفت بعدين ومن المنتديات انه معظمها كانت فاشله او خلينا نقول غير مفيده.. ما ودي اقول شيء ثاني عسب ما اغلط على حد..

بس والله حرام اللي صاير..

ومع اني ما اتابع التلفزيون الحينه.. ما اعتقد انه الوضع صار احسن..


أشكرج الغاليه والسموحه منج

:flower: :flower: :flower:

ابو داحم:

سلام عليكم

العنيــــدة

قبل ما أرد عليك
أو أطرح أسئلتي
ممكن تكبرين مقاس الخط شوي :cool2:

وعليكم السلام ورحمة الله وبركاته..

هلا استاذ ابو داحم

كبرت الخط تراني..

اذا بعده صغير .. قولوا وبكبره اكثر ^_^:flower: :flower: :flower:

كذا تمام
يخليك ربي

سلااااام عليكم ورحمة الله وبركاته جميييعا ,..
كيف الحال والاحوال ...

خويه بوداحم .. بقولك شي .. بصرااحة موضوعك هذا دووم في بالي .. كل ما ادش المنتدى اقول لازم اقراه كله بس للاسف ماعندي وقت .. حتى صارت تمر الايام وانا ما ادش بيتي الثاني ... عطووني حل للهالمشكلة تعبت من الامتحانات والدراسة .. المفروض يعطونا اجازة في رمضاان صح ؟؟ صح ونص لووووووووووول

لو تبون الصدق انا قرييت تقريباا الين لقاء شجوونه .. وبعد\ين وقفت لاني واايد انشغلت بشكل ما تتصورونه ..
شجوونه ماشاء الله علييج دمج عسسسسسسسسسسسسسسل .. واجاباتج روووووعة .. تصدقين بعدني شاكه انج ابلة عربي خخخخخخخخخخ كييف ابلة عربي ودمها عسل ... مااعرف ؟؟؟
[line]

العنيدة .. شحالج مس انجلش ... هيه صح ما خبرتج كم يبت في امتحان الانجلش .. بعدين بقولج ...عن الفضايح الحيينه لوووووووول

شخباار صبعج ههههههههههه سلاامته ما يشوف شر يعله في صبعيه ولا صبعج ...(بسم الله على صبعي :()

اجاباتج حلوة .. عيبتني ...


[line]

امممممممممممم سامحوني .. عشاني ماقريت الموضوع ووايد اعضاء طاافوني فما اقدر اعلق على كل وااحد ... حمدوا ربكم سلمتوا من تعليقااتي لوووووووول

السموحة
بنفسوجة

[frame="9 80"]
بسم الله الرحمن الرحيم
السلام عليكم ورحمة الله وبركاته ،،،
الحمدلله والصلاة والسلام على رسول الله وعلى آله وصحبه أجمعين ،،،


انا من أشد المتابعين للموضوع

ولله اني راح اشتاق للموضوع واااااااايد


وننتظر المزيد



كل الشكر_ لأبوداحم_ على التوقيع


تحياتي لكم ،،،
ديــــــــــــــــــــــــــب[/frame]

ياحبي لك ياالعنيده

اكيد اصابعك الباقي بيغارون من صبعك هذا لانه طلع احلى مثل ماتقولين
لازم تسويين لاصابعك الباقي نفس طريقه التجميل ..تعرفين انتي العدل زين
ولا تنسين اصابع ارجولك<<<<<<<<<<< شلون بتصكين عليهم الباب مدري..تصرفي

هههههههههههههههههههههههه

وربي ضحكتيني ياعنوده

تسلمين ياقلبي
وتحياتي لك

هلا والله بالعنيده
اسعدتني استضافتك اليوم
حبيت اسلم عليك
وسؤالي
ماهو جدول العنيده الرمضاني؟؟
ماهي اكلة العنيده الرمضانيه التي لايمر يوم الا وهي ضيفه على المائده؟؟

تحياتي لك

ابو داحم

كثير من الناس يتهاون في وجبة السحور
رغم الفضل الوارد فيها عن النبي عليه الصلاة والسلام
برأيك ... ما السبب ..؟؟ وهل لذلك حل ..؟؟

يمكن لأنها سنة ومب فرض.. يعني مثل ما نشوف ناس ما تصلي التراويح.. فيه ناس ما تتسحر..

اعتقد اللي يعرف بركات و ثواب السحور.. ما بيتركه والرسول صلى الله و عليه وسلم امرنا بالتسحر.. في الحديث :" تسحروا فإن في السحور بركة.. "

والانسان اللي يتسحر يكون انشط في عمله وعباداته عن اللي ما تسحر..

ووقت السحور وقت مبارك .. وهو من افضل الاوقات للاستغفار..

الفوائد كثيرة.. وارد اقول ما يتركه الا اللي يجهل فوائده.. واللي يعرفها ويتركه اكيد بتكون اسبابه قويه..

:flower: :flower: :flower:

ابو داحم

كذا تمام
يخليك ربي

الحمدلله.. خفت ما تعرفون تقرونه بعد خخخ على قولة بعض الناس جنه نمل عاليدار خخ
ويخليك ويبارك فيك


= = = =

بنفسوجة

اللي يقرا يقول بيزنس وومن مش طالبه لول..

الله يوفقج ويكون في عونج..

وين علامة الانجلش ها؟ ما وصلني شيء..


صبعي بخير الحمدلله.. ويقولج الله يسلمج من كل شر..

خخ مشهور استوا.. بس والله انه تعور عوار.. الله لا يراويكم


شكرا لج بنفسوجه

:flower: :flower: :flower:

ياحبي لك ياالعنيده

اكيد اصابعك الباقي بيغارون من صبعك هذا لانه طلع احلى مثل ماتقولين
لازم تسويين لاصابعك الباقي نفس طريقه التجميل ..تعرفين انتي العدل زين
ولا تنسين اصابع ارجولك<<<<<<<<<<< شلون بتصكين عليهم الباب مدري..تصرفي

هههههههههههههههههههههههه

وربي ضحكتيني ياعنوده

تسلمين ياقلبي
وتحياتي لك


هلا حبيبة قلبي aljory

لول انا قلتلهم شكلي جيه بسوي.. والوالده تقولي تسوينها تراج مينونه.. خخخ حليلي..

خخخ افا عليج اصابع ريولي وريول خواتي بعد بصكر عليهن الباب.. خخخ

على طاري اصابع ريولي.. ما ادري كيف كنت ناسيه.. توني تذكرت.. يوم كنت في الابتدائية طيحوا طاوله علي ريلي في الصف.. وفقدت ظفر بعد..

انا ما اخلي شيء.. لازم اجرب كل شيء.. خخ

وعسى دووووم هالضحكه مب يوم

:flower: :flower: :flower:

اختي العنيده
حياج الله معانا اليوم
شكلي جيت متاخره وايد عشان ارحب بج الاخوات ما قصروا
منوره اللقاء اليوم ,, وصبعج منورنا اكثر<<<=======خخخخخخخخخ, اقصد اللي تكتبين به الاجابات.

شكرا لكي اختنا الفاضله العنيده على هديتك المباركه الجميله .. وحقيقه وبدون مجامله انا قرأت اجاباتك وتعليقاتك على الاسئله وانا مبتسم طول وقت قراءتها وحتى الان ... ماشاء الله عليكي روحك حلوه وخفيفة الظل بجانب علمك الغزير ولباقتك في الكلام الله يديمك ويديم مشاركاتك واطلالتك الرائعه

واريد ان اطرح سؤال بايخ وغلس ... هل انتي في حياتك الواقعيه تتمتعين بخفة الظل وروح الفكاهه التي تظهر في مشاركاتك ..؟؟

وعموما انا باعتبر ان هذا احلى رمضان اقضيه بين جنبات الانترنت وفي وجودكم ياغاليين ... وسنظل نشكر وندعي لاستاذنا ابو داحم على هذه الفرصه الطيبه وافكاره الرائعه في هذا الشهر الكريم ... ونريد ان نشوف فيه يوم هو الاخر ليجلس على كرسي الاعتراف ويدلي بدلوه فيما سيطرح عليه من اسئله ... بارك الله فيك عمنا ابو داحم

أخوي مجــدي
غيّر الموضوع لو سمحت

مشكورة عنوووودة الغالية
على إجاباتك .. وتحملك لأسئلتنا ..
بس أكيد متعودة صاكين ( مو على أصبعك )عليك أسبوع ..
الحين يوم واحد هين ..

سؤال طرى على بالي ..
س/ ما أكثر شيء عجبك بالمجهر؟؟ وأكثر شيء ضايقك ؟؟
***
أخوي مجدي ..
كلنا نتمنى أمنيتك ..
وإذا ودكم أتنازل عن يومي ( 18 ) للأخ أبو داحم ..
توهيقة .. ههههههه

حياالله الغالية عاشقة الجوري..

تسلمين ..وانا سعدت بردج.. ^_^


ماهو جدول العنيده الرمضاني؟؟

هذه السنه غير عن السنين اللي قبل..
من ارد البيت بعد الظهر ما اطلع..
حتى العبادات .. كل شيء في البيت..
وقتي كله لشغل البيت.. والعباده.. وادش النت ..


ماهي اكلة العنيده الرمضانيه التي لايمر يوم الا وهي ضيفه على المائده؟؟

احنا في بيتنا الثريد لازم يكون موجود.. بس عني انا.. يعني اختكم مش اكيله وايد مع اني دايما اطري الاكل.. فما في شيء معين.. صح فيه وايد اكلات احبها.. بس امل بسرعه..

شكرا لج الغاليه والسموحه منج
:flower: :flower: :flower:

اختي العنيده
حياج الله معانا اليوم
شكلي جيت متاخره وايد عشان ارحب بج الاخوات ما قصروا
منوره اللقاء اليوم ,, وصبعج منورنا اكثر<<<=======خخخخخخخخخ, اقصد اللي تكتبين به الاجابات.


خخخخخخخخخخخخخ لووول

هلا حبيبتي elmaha

والله يحييج..

منور بوجودكم .. بس صبعي بيصدق عاد.. يتحرا عمره عمود كهرباء خخخ

تسلمين الغاليه على ردج

:flower: :flower: :flower: