@^@ لقـاء مع صائم @^@

هلا والله سهرات ياقلبي يعني
خوفتكم معاي تسلمووون على هالمشاعر
واردها لكم بالافراح وعقبال ما اوقف معاكم
ويالله يارحولتنا لا تحاتين هذي سهرات اتأكد كلامي
كلنا بنكون معاج لا تحاتين ...

اهلين سهورة يا ام الذوق يسلمووو
وبسم الله نجيب على اسئلتج .....

س/ مارأيك بنشاط الركن الأدبي في رمضان ؟؟ ولماذا ؟
بالنسبه لي سؤالج هذا تونا في اول يومين
من رمضان ما اقدر احكم عليه عدل لانه الاعضاء منشغلين
بالعبادات والزيارات لتبريكات فعشان جذي ما اقدر احكم عدل
بعد جم يوم تتضح الرؤيا واقولج ان شاءالله ..

س/ هل مازالت عادات رمضان إلى الآن في الكويت أم تغيرت ؟؟ وكيف؟؟
نعم مازالت ولكن عليها من تغيرات العصر الكثير لذلك ما انحس بنكهتها
وحلاوتها او بساطتها مثل قبل ..
اعطيج مثال بسيط انه عادت القرقيعان لازالت موجودة ولكن تغيرت وتنوعة فأصبح تنافس
على الاشكال والطرق قبل كان بسيط ونروح حق لبيوت ويعطونا الحين لا العادة موجودة
ولكن مو نفس طعمها وحلاوتها قبل رغم انها لم تنقطع ولكن تبدلت طرقها ..

س/ ماحدود علاقتك ببرامج التلفزيون في رمضان ؟؟
عاديه موذاك الحرص عليها الحمدلله

يسلمووو سهورتي لاعدمتج يالغلا ...

هلا والله حبيبتي شريفه
تسلمين ياقلبي وعلينا وعليج
ايتبارك ..
وربي يجزاج كل خير على هالكلام الطيب
وهم انتِ ماقصرتِ اجاباتج كانت اروع ..
مشكووورة يالغلا على الحضور والمشاركة
وربي ما يحرمني منج ..
لج شكري وتقديري

هلااااابج زووود يالـaljory
تمام ياقلبي الله يسلمج ..
والنور نوركم يالغلا ..
وشفتي شلون سوالف هالعيايز
حتى بالصلاة ...
ايامج سعيدة حياتي ومبارك عليج
الشهر ...
اوشرفني حضورج ..
لج شكري وتقديري

مراااحب مليوووون بأهل الورد واصحابه
هلا غاليتي عاشقة الجوري
اخباري تسرج ياعيوني الحمدلله تم تجاوز
الازمه او تعدينا مرحلة الخطر وطلعنا امس
على الشاشه الصغيرة في برنامج لقاء
مع صائم اشرايج بالاعادة اليوم ههههههههه

وياااااااهلا فيج وبسلالج انا متأكده كلها
ورد جوري محمله ..

واعدتهم بسلطه يالظالمه !!!وللحين ما سويتيها
عيل لو واعدتهم بقوزي شبتسوين هههههههه

بس انا متأكدة ما اخرج الا ان المقادير مو كامله
صح ( اتعذر لج)

شرفني حضورج عيوني وفي انتظارج ..
لج شكري وتقديري

سهرات:

مشكورة .. شجونة ..
على ذوقك .. وإجابتك الحلوة ..
بس ترى هذي الدفعة الأولى من الأسئلة ..
عندنا وقت إلى الساعة الخامسة عصراً

أما أول طبخة فظيعة .. بس ودي أعرف أبوك أكلها على انها أيش ؟؟
يمكن اعتبرها شعيرية وأكلها هههههه
المهم الله يخليه لكم .. وبالهناء والعافية..
أنا متأكدة أنك طباخة ماهرة ..
ترى فطور المنتدى عليك اليوم .. ههههه
تسلمين لي .. يالغلااااا
راجعة بعدين .. انتظريني ..:o

هههههههههههههههههههههههههههه
سهرات الله يقطع بليسج توني انتبه
لردج هذا ...
لا الوالد الله يحفظه اكلها على انها رز بحليب
بس ناقصها مكسرات ..
جذي عرفت بعدين ههههههههههههههههه

والفطور ترى دزيته لكم مادري وصلكم والالا ...

عجيييييييييييييييييبة انتي يا شجونه ماشاءالله عليج.. والله روعه اجوبتج ومواقفج تضحك.. سلميلنا عالعيوز عسى الله يحفظها وباركيلها العيد من الحينه خخخ

كالعاده جيت متأخرة و بصراحه لازم اتبرع بيومي لأني مثل ما انتوا شايفين اوصل بعد ما تكونوا خلصتوا :o

هالمرة اتنازل لأول من تنازل عن دوره .. ما اذكر منو بس ودي ياخذ دوري..

وشكرا لك استاذنا عالموضوع الرائع مرة ثانيه والسموحه منكم..

:flower: :flower:

وعليكم السلام ورحمة الله وبركاته
هلا بك والله اخوي ولد نجد
بويه نبيك وربي يسلمك
ويخليك..
وجزاك الله كل خير وربي يعطيك
العافية ..واشكرك على حضورك
وتواصلك ..
وسعيده بأن مشاركتي اعجبتك
لا عدمنا حضورك..
ومبارك عليك الشهر
لك شكري وتقديري

ما شاء الله عليج يا شجونه
امتعتينا في قراءة ما كتبتي بصراحه , خاصه سالفة الحرمه اللي نامت.خخخخخخ
شكلي ما راح اقدر اسال اي سؤال, بحكم فارق التوقيت وبحكم الدراسه فانا ادش متاخر,

الاخت العروس شجونه الحلوه

اجاباتك مناسبه وهايله .. ونموذج طيب للمرأه العامله و الام والزوجه وست البيت المتدينه مثل الاخت شريفه بارك الله فيكم

شعور الرهبه التي كنتي تشعرين بها زال بعد اجابتك على الاسئله وهو شعور طبيعي يحدث مع معظم الناس .. وطبعا الان انتي على استعداد للقاء تليفزيوني حقيقي .. بعد البروفه التي ابدعتي فيها في مسابقة استاذنا ابو داحم

تحيه لكي وكل عام وانتي بخير

هلا والله بمس انجلش تسلمين ياقلبي من ذوقج
والله يسلمج العيوز ما اعرفها بس لي شفتها
بوصل سلامج لها ان شاءالله ولا يهمج ههههههه

وبالنسبة لتنازل احنا مو موافقين قلتج نبيج
انتِ شكلج ما تبينا هههههههههه

اقول استخيري بس وانطري يومج ..

ومشكوورة ياقلبي على الرد
والحضور ..
لج شكري وتقديري

هلا والله اخوي مجـدي
وانت بخير وصحة وسلامة
او تسلم وجزاك الله خير على
هالكلمات الطيبه وربي
يوفقك ..
وبالنسبه للقاء التلفزيوني
لا ابشرك خلاص مثل ماقلت
ماكوا رهبه ببدع بالقاءات
التلفزيونيه >>>>>مصدقه انها صارت
خبيره ههههههههههه

مشكوور اخوي مجدي على الحضور والتوقيع ..
ومبارك عليك الشهر ..
لك شكري وتقديري

السلام عليكم ورحمة الله وبركاته
بسم الله الرحمن الرحيم


عزيزتي
شجونه الحلوه

حوار جدا استمتعت به وانا اقرأ شجونه في سطور
مواقف طريفه وروح خفيفه وشخصيه رائعه
ومعلمه فاضله
بارك الله بك وسدد خطاك والبسك لباس الفضيلة والتقوى

ونحمد االله تعالى ان تلاشى خوفك بتواجد اخواتك
واحتواء ماكان يخالجك من شعور فهن فعلا نعم المعين


تقبلي جل تحياتي

هلاااااا والله عمري اوديت
ربي ما يحرمني منكم ولا من اخوتكم
وتسلمين يا قلب شجونة على هالحضور
والطله الغالية ...

ومشكووورة وااااااااااااايد ياقلبي ..

يالله همتج يالغلا اليوم يومج ياعسل
ترى ننطرج بشوووووق ..

لج تحياتي وقبلاتي

هلا ياعيون أوديت

ولايحرمني منك ومن خوتك يالغاليه
والله بعينا علىاليوم ان شاءالله تعالى
واكون ضيفه خفيفه على الجميع


تحياتي

هلا وغلا أبلة العربي .. لووول لا والله اباكم حتى لو انتوا ما تبوني ..

بس مثل ما قلت المشكله اني ما اضمن اني اكون موجوده ولهذا السبب حاسة بالذنب ..

أختي الغاليه اوديت يا مرحبا بج .. والله يعينج.. يمكن ما الحق اسأل .. بس تراني متابعة ..

:flower: :flower: :flower:

هلا مس انجلش ماقولج غير استخيري
يالغالية ومنيه لي دورج فيها حلال
لا تستعيلين يمكن هذاك اليوم تكونين فاضية
اسمعي كلام اختج او خلي لعيله عنج ...
قلنالج ماكوا طلعه والا ماراح ايب لج
كندر ها اشقلتي هههههههههه

هلا اختي
العنيده

يسرني تواصلك وحتى لو كان بالمتابعه هذا شرف لي


تحياتي

اوديت ترى ننتظرج لا تطولين علينا ..

الحمدلله رب العالمين والصلاة والسلام على سيد المرسلين

اللهم اعد علينا رمضان اعواما عديده
اللهم اجعله شاهدا لنا لا شاهدا علينا
اللهم وفقنا في صوم نهاره وقيام ليله
اللهم امين


نبدأ بعون الله


1- هل يختلف يوم صومك عن يوم فطرك ؟

من الطبيعي ان يختلف يوم صومي عن يوم فطري فالبرغم من الجوع والعطش
الذي يتخلله الارهاق والتعب الا انه يحمل طعم مختلف تماما عن تلك الايام الطوال
التى عشتها في الفطر فيكفي فرحة الصائم عند فطره

2- كل منا يعزم على تصحيح وضعه والاقلاع
عن بعض مخالفاته في رمضان ولكن للأسف
نعود مرة بعد رمضان، برأيك .. ما هو السبب والعلاج ؟

السبب : في مرض القلوب والجري خلف اهواء النفس
مثال ( سماع الاغاني ومتابعة المسلسلات والاجتماع بمجالس الغيبه والنميمه )
دون الخوف ومحاسبة النفس
العلاج : الاقلاع عن الذنب والعزم على التوبه

3- أنت مرآة نفسك في هذا الشهر
فكيف تجملت لهذا الشهر لترى نفسك في المرآة؟

بكثرة الطاعات والعبادات وبعزمي ان شاءالله تعالى على ختم القران اكثر
من مره في هذا الشهر الفضيل

4- ما أبرز نشاطات برنامجك اليومي في رمضان ؟

_التصدق قدر المستطاع يوميا ولو بالشئ القليل
_تعاونت انا وصديقتي ابرمنا اتفاق بأن نجعل من وقتنا نفعا بحيث
نقوم بتوزيع وجبات سحور على الاسر المتعففه والفقيره
_بعد الفطور وفي وقت تجمع اخوتي واخواتي نجعل حديثنا به عضه
وقصص وعض وافكار نافعه
نسأل الله لنا الهداية والثبات

5- كيف يستطيع الإنسان الوصول إلى القمة بنزاهة
في رمضان مع كل مغريات الحياة المختلفة ؟

الكل يعتريه قليل او كثير من التقصير والتغافل في حق الله وهذه هي النفس
البشريه تضعف امام ماتجده ملائم لهواها وان يكن متعارض مع الدين
والنفس
دائما ما تأمر صاحبها بالسؤ
ولكن !
الحل بأيدينا اذ يتوجب علينا التصدي لها بكثرة الطاعه والدعاء ومجالسة الصالحين
والنهل مما لديهم من علم في جوانب الحياة الدينيه والدنيويه

6- أكلتك في المفضلة.؟

شورية الهريس _ الثريد

7- متى بدأت الصيام ؟

بسن السادسه .
وصمته يوما كاملا ولم اجزاء قط في حياتي ولم اتكاسل

8- موقف طريف لا تنساه مر بك في رمضان. ؟

في العام الماضي ذهبت مع والدتي وشقيقتي الى المسجد لأداء صلاة القيام فعندما
تأهبنا للبدء في الصلاة لفت نظري منظر امراءه كبيره في السن من جنسيه عربيه
مقبله من بعيد يكسوا وجهها الوقار فبتسمت لها مرحبه لوقوفها بجانبي ما أن وصلت
حتى انقلبت ابتسامتي الى مفاجأة لم تكن في الحسبان لا اعلم ما أقول ولكن القريب
كيف لمسلم ان يقف بين يدي الله عز وجل بهذه الرائحه المزعجه لم اطق نفسي ولم اجد
من الريح النتنه مهرب صبرت حتى قطعت صلاتي مهروله الى دورة المياه ( اعزكم الله )
استفرغ كل ماحوته معدتي فجلست في دورة المياه مدة واطلقت حينها عنان عيناي
للبكاء متسائله كيف لي ان اقف مرة اخرى بجانب تلك المراءه فلما فرغ الامام من الركعتين
الاوول حتى عدت ادراجي ولتصقت بوالدتي وكنت ابكي كالطفله لا اريد الوقوف بجانبها
وتبرعت صديقة والدتي رحمها الله واسكنها هي وزوجها وابنتها التي وافتهم المنيه هذه
السنه وهم ذاهبون الى بلادهم في حادث سير بشع فسيح جناته بالوقوف بقربها وانتهت
مأساتي التي جعلتني افكر مئة مره قبل قبول اي شخص غريب بجانبي


لقد جمعت شتات روحي من جديد واتحدت رغم تناثر الشعور وعزمت بقلمي
واجبرته للمرور متهيأ متأهبا شامخا شموخ من استضافني في متصفحه بين
اخوة واخوات اكن لهم كل الحب والاحترام
لكم جميعا أوديت تهدي حبها وتخط بمداد كلماتها عطر
واستودعكم الله الذي لاتضيع ودائعه

تقبلوا جل تحياتي

ماشاء عليك .. شجونة
كل هذا وأنت خايفة
لو ماكنتِ خايفة وش راح تسوين ؟؟
يعطيك العافية بصراحة استمتعنا بهاللقاء الجميل