@^@ لقـاء مع صائم @^@

وأخيراً .. وصلت ضيفتنا بطلتها الرائعة كعادتها دوماً ..
غاليتنا .. شجونة
أستمتعت كثيراً بهذا الكلمات وهذا اللقاء ..
ما كان ودي تخلص الأسئلة حتى أستمتع أكثر بإجاباتك

أما سالفة العجيز اللي بالمسجد سالفة ..
شجونة لو هي ماتت من صحيح وش راح تسوين ؟؟
وعيدك مبارك ( مادام شفتِ العيد قبلنا )

تسلمين يالغالية .. إذا الوحدة تجاوب مثلك ليش الخوف؟؟

أقول شجونة .. تخبريني نشبة بالأسئلة ..
راح أرجع إن شاء الله .. ( بس شنطة رمضان غير .. خفيفة .. مو مثل المجهر )

هلااااااا وغلاااااااا سهوره
ايامج سعيدة يارب ..يالله اذا
قالوا من اول من هناج بالعيد بقول سهرات ههههههه
او تسلمين يالغلا على هالاطراء
والكلمات الطيبه اخجلتم تواضعنا اوما اقول غير
ما عليج زووود فأنتِ اروع ..
والله اسعدتيني ياسهرات بأن مشاركتي اعجبتج الله يسعدج يارب ..
وبالنسبه حق جنطة ارمضان الظاهر انكم كونتم حزب علي
يالثلاثي الله ايكافيني شركم ههههههههه والله اني تبرعت حق
فدوى بهالمقعد بس مادري وين اختفت الله ايهديها ...
وبالنسبة لأسئلتج يسعدني وبكل سرور ان اجيب عليها
شوفي يا ستي يا سهرات لو هالعجيز ماتت شنو بسوي الصراحة
ما تشوفين الا غبرتي برى المسيد والله لا يحطني بهالموقف ويحفظ
هالعيوز وايخليها لعيالها ..

وفي الاخير ما اقول غير يا حلاتج انتِ او اسئلتج لا تطولين
ياقلب شجونة انتظرج هههههههههههه
ترى ماتبي اتبين لج انها خايفه هههههههههه

لج تحياتي وقبلاتي

السلام عليكم ورحمة الله وبركاتة

الله يعطيج العافيه أختي شجونه الحلوه وأسعدنا حظورج
الرائع وبارك الله فيج
بس بصراحه مواقفج اتفطس من الضحك
وكل عاااام وأنتي بألف خير وصحه وعافيه
أسأل الله العظيم أن يتقبل منا أعمالنا ودٌعائنا اللهم
آمين

تسلمين .. شجونتي ..
على كلامك الحلو .. بس تدرين ليش فدوى هجت ؟
من كثر ماشافتك خايفة .. خوفتيها .. ههههه

مشكورة حبيبتي على ذوقك .. وأدري أنك قدها وقدود
بس تعرفين الصيام فرصة تخفيف عليك وعلي ..

عندي كم سؤال خفيف وعلى الطاير ..:cool2:
س/ مادور المعلم في إبراز شهر رمضان لطلابه بصورته الحقيقية؟
س/ إذا رجعتِ بعد الدوام هل تدخلين المطبخ .. وش ممكن تسوين ؟؟
س/ ومادام حنا بالمطبخ .. وماشاء الله عليك ماخليتِ طبق ماذكرتيه ..
ما أول طبق سويتيه ؟ وش كان ردة فعل اللي حولك ؟؟وما أحسن طبق تجيدين طبخه الآن؟؟
وبس .. ماودي أطول عليك ..:smile:

هلا والله بالريم_21
اسفرت وانورت واستهلت وامطرت
وانتِ بخير وصحة وسلامة يا قلبي ..
ربي يعافيج ويسلمج والروعه
حضورج يالغلا ..
وعسى دووم هالضحكة مو يوووم يارب
سعيدة انه نال اعجابج ..
والله لا يحطج يم عيوز مثل اللي كانت يمي ..
ومبارك عليج الشهر اختي ريم
واشكرج على حضورج وتوقيعج ..
لج تحياتي وقبلاتي

هلا والله سهوره ماشاءالله مداها
اوصلت الجنطه ..
سهرات متأكده بس هذي اسئلتج اشويه هههههههههه
اوكيه ياقلبي يسعدني ويشرفني اني اجاوب على اسئلتج
بسم الله نبدأ ...

س/ مادور المعلم في إبراز شهر رمضان لطلابه بصورته الحقيقية؟
دوره كبير في نظري بأن يقوم بنصحهم وتوجيه طلابه الى استغلال
رمضان وان يوضح لهم بأن الصوم ليس فقط عادة بل هو عبادة
ويوضح لهم بأن الصوم ليس الامتناع عن الأكل والشرب فقط
إنما تهذيب للنفس ويشرح لهم ذلك ويشجعهم تشجيع معنوي
ومادي ملموس وقبل اي شيء يضع في اعتباره بأنه قدوه
لهم ويجب ان تكون حسنه ..
س/ إذا رجعتِ بعد الدوام هل تدخلين المطبخ .. وش ممكن تسوين ؟؟
نعم ادخل .. الحمدلله انا في الطباخ لي نفس حلو يقولون
شاطره ما ابي امدح عمري هههههههههه
شنو في بالج سهرات انتِ آمري بس وانا حاضره ..

س/ ومادام حنا بالمطبخ .. وماشاء الله عليك ماخليتِ طبق ماذكرتيه ..
ما أول طبق سويتيه ؟ وش كان ردة فعل اللي حولك ؟؟
وما أحسن طبق تجيدين طبخه الآن؟؟

ما اول طبق الصراحة ما يحضرني بس اذكر اني اول ما سويت
العيش انتم تقولون رز بالسعودية خليته ملبوج وهم والله فشله
كانت علبة السكر يم الملح فحطيت سكر بدال الملح وتعالي
شوفيني هذاك اليوم من الفشله اخواني ما تغدوا بس ابوي
بعد عمري قعد ياكل او يمدح وانا مستغربه من صجه ابوي
اثاريه ما يبي ايفشلني فديته ههههههههههههههه..
وبالنسبة لأحسن طبق المعكرووونه لاني امووت فيها ..

ومشكووورة قلبي سهوره على الأسئلة الحلوة
مثلج استمتعت وانا اجيب عليها ...
لاعدمتج يالغلا ..
لج تحياتي وقبلاتي

مشكورة .. شجونة ..
على ذوقك .. وإجابتك الحلوة ..
بس ترى هذي الدفعة الأولى من الأسئلة ..
عندنا وقت إلى الساعة الخامسة عصراً

أما أول طبخة فظيعة .. بس ودي أعرف أبوك أكلها على انها أيش ؟؟
يمكن اعتبرها شعيرية وأكلها هههههه
المهم الله يخليه لكم .. وبالهناء والعافية..
أنا متأكدة أنك طباخة ماهرة ..
ترى فطور المنتدى عليك اليوم .. ههههه
تسلمين لي .. يالغلااااا
راجعة بعدين .. انتظريني ..:o

هلا بك أختي شجونة

فعلاً لقاء ممتع ورائع
كروعة حضورك وتواصلك

أدام الله عليكِ نعمة الهداية
وجعلك من عباده الصالحين




" على مائدة القرآن الكريم "

" يوميات صائم "

يالله روعه والله
اعضاء المنتدى كلهم روعه

بسم الله الرحمن الرحيم
السلام عليكم ورحمة الله وبركاته

توأم روحي

شجونة الحلوة

ما شاء الله عليك عيني عليك باردة خلصتي من رهبة المقابلة عقبالنا يارب

ومملكة وسهرات ما قصروا قاموا بالواجب أم واب على كيف كيفك

في الحقيقة إجاباتك رائعة وموفقة

وأعجبني مواقفك بس عاد الناس ما تبغى رمضان يخلص وإنتِ ما شاء الله من أول يوم أنهيته

عموما

دعواتي الصادقة لكِ بأن يوفقكِ الله ويسدد خطاكِ وأن يمتعكِ بالصحة ويعينكِ على طاعته

سؤالي يا غاليتي - سؤال جرئ للغاية -

هل ترين في الدخول على النت مضيعة لوقت الصائم وماذا تنصحين مدمني النت في هذه الأيام

تقبلي شكري وتقديري



أختكِ
المرتحله

هلااا بك .. حبيبتي .. المرتحلة ..
من كثر ماهي خايفة خوفتنا معاها ..
لكن ولايهمك يوم يجي دورك راح تلاقينا صافين طابور عند بابك
وما راح نهوقك بالفطور .. بس للفزعة ..

شجونة الغالية ..
بعد كم سؤال إذا ممكن ( مسوية فيها ذوق )
س/ مارأيك بنشاط الركن الأدبي في رمضان ؟؟ ولماذا ؟؟
س/ هل مازالت عادات رمضان إلى الآن في الكويت أم تغيرت ؟؟ وكيف؟؟
س/ ماحدود علاقتك ببرامج التلفزيون في رمضان ؟؟
وتسلمين .. وإذا فيه وقت ممكن أرجع ..:smile:

شجونه الحلوه

اجاباتج حلوه

طالع على صاحبتها
ومبارك عليج الشهر
جزاك الله الف خير
وماقصرتي على الاجابات الرائعه
استمتعت كثيرا وانا اقرأ
ومواقفج الصراحة كل واحد يضحك اكثر من الثاني
:)

الله يوفقج ويسدد خطاج



دمتم سالمين
اختكم شريفة

عاشقة الجوري

ما عندي رسميات ولا غموض
وإن شاء الله أحط نفسي تحت المجهر
أخليكم تسألون اللي تبون .. ابشري

ومشكورة على سؤالك الجريء




" على مائدة القرآن الكريم "

" يوميات صائم "

[grade="00008B FF6347 008000 4B0082"]هلا والله بشجونه

شخبارك حبيبتي ؟؟؟ <<<<<<سوالف حريم لازم نبدا فيها

منووووووووره اليوم يالغلا

عجبتني سالفه العجوز خخخخخخخخخخخخخخ

وكل عام وانتي بالف خير يالغلا

تحياتي [/grade]

هلا بالشجونه
اخبار الحلوه اليوم
جاك الموت ياتارك الصلاة:eek2:
للاسف الحين ماعندي سؤال
ولكن باذن الله لي رجعه بسلال اسئله يعني لاشنطه ولاكيسه
ولازم اطلع اسوي سلطه واعده اهلي من اول رمضان ابسويها ولحد الحين ماسويتها وشكلي ماراح اسويها(لغز):D2

elmaha

algory

المرتحلة

العنيدة

مملكة القلوب

أوديت


أشكركم جميعاً على تفاعلكم وتشجيعكم المستر وعساكم على القوة

ولا أنسى صاحب الفضل والفكرة الجميلة

الزعيم أبو داحم

وكل عام وأنتم بأتم صحة وعافية


تقبلوا تحيات أخوكم
ولد نجد

الأخت شجونة الحلوة

السلام عليكم ورحمة الله وبركاتة

حللتي اهلا ووطئتي سهلا

قرة عينك في أخوك الكبير
والحمد لله على سلامته

فعلا لقد إستمتعنا في قراءة حوارك الرائع
جزاك الله خير على ما نقلتيه لنا من معلومات طيبة
جعلها الله زيادة في ميزان حسناتك


الله يتقبل منا ومنكم الصيام والقيام


أخوكم / ولد نجد

هلا بك زوود اخوي ابو داحم
اللهم اميين ..ولك بالمثل يارب
او تسلم وربي يجزاك كل خير
واشكرك على كلماتك الطيبه
واشكرك للمره الالف على هالموضوع
الرائع والفلته ..
الله يعطيك العافية ..
ولك شكري وتقديري

هلا والله اختي نونابسام
الروعة حضورج معنا ..
حياج ربي ..

هلااا وغلااا حبيبتي المرتحله
حياااج ربي يالغلا ...
يالله عقبالج يارب وان شاءالله
نوقف معاج كلنا ولا يهمج لا تحاتين
ويا هلا فيج ...

وبالنسبة لسؤالج يالغالية .....
هل ترين في الدخول على النت مضيعة لوقت الصائم وماذا تنصحين مدمني النت في هذه الأيام
نعم مضيعه اذا كان الجلوس عليه لساعات طويله وادمان مثل ماذكرتِ اما من كان دخوله في حدود
فلا على العكس يستفيد ويفيد غيره ...
اقول لهم لا تضيعوا جل وقتكم فيما لا يفيد واستغلوا هذا الشهر
فالفرصة والايام التي تذهب لا تعود قسموا وقتكم واجعلوا
ساعات لطاعتكم فنحن في شهر من افضل الشهور لا تهدروه
وانتهزوا وجودة بالطاعات والعبادات لانه شهر الرحمة والغفران
اسأل الله لهم الهداية وان يرحمنا برحمته ويتجاوز عنا ويغفر لنا ..

غاليتي المرتحلة كم اسعدني وابهجني حضوركِ وتواجدكِ
لاعدمتكِ غاليتي ..
لكِ تحياتي وقبلاتي ...