أي أستفسار عن الشعر ومشاكله وصبغاته وفرداته أنا حاضره لعيونكم

السلام عليكم ورحمه الله وبركاته
(حنه حسب كمية الشعر _ زبادي حسب غلاظة العجينه - ملعقة شاي حبيبات - ملعقة عسل - بياض بيضه لشعر الدهني وصفارها لشعر الجاف - وكمية من حبة البركة المطحونه )
ما هي الحنة ؟هل الحنة الحمراء ام حنة سوداء؟
وهل هذه الطريقة تفيد اذا كان الشعر كله به شيب؟
لي طلب اخر :
ما الحل للفراغ الذي يوجد علي جانبي الراس(حيث انه لا يوجد به شعر )

ما هو (الكتم) ؟هل هي الحنة السوداء ام لها لون اخر؟

السلام عليكم ورحمة الله وبركاته
عايزه اسالك على فوايد السدر
وعايزه اسالك سؤال تاني
ان شعري جاف
استعملت المحلب مع براشوت مره ومره ثانيه مع زبادي وعسل
وفي المرتين ناشفلي شعري
خاصة الاطراف
ممكن تفسريلي ده

أنا أحتاج لنصيحة:
أرجو أن تنصحيني ،أنا شعري طويل لكن أصبح يعاني من تساقط لم أعرفه من قبل، مع العلم أني لا أستعمل سشوار و لا صبغات الشعر،و أرجو أن تفيديني بنصائح تمنع تساقط شعري.و شكرا لك يا أختي، على هذا الاهتمام المبدول من طرفك.

أختي ياريت لو تساعديني انا شعري مموج وعملت له تمليس من حوالي سنتين والحين من قريب صار يتغير صار كله متقصف وفيه قشرة كثير ماعارفة كيف اتخلص منها وابغيه يطول زيادة وبصراحة انا ماعودته على الزيوت ابدا بس بعد التمليس بدأت احط زيت بس لحد الحين انا ماراضية وما اخفيش عزيزتي انا بتزوج بعد كم شهر وابغي شعري يكون حلو

اسفة طولت عليش

اختش ملائكة الرحمة

أنا مشكلة شعري انه مسكين تعبان وجاف جدددددددددددددددددددددددا .. وتاريخه كنت اصبغه في الصالون وفي البيت بالصبغات الشامبو والمعجون من كل الماركات وسويتله هايلايت خصل كثيرة فاتحة .. واخر شي سويتله سحب لون مرتين ورا بعض خلال اسبوع وصبغته وسويت هايلات بعد مرة .. والمشكلة انه وااااااااااااايد متقصف ابا حل يخليه ينعم شوي ويروح التقصف منه .. والمشكلة بعد انه شعري من ورا مب راضي ينصبغ بلون فاتح فصار الشعر من فوق افتح من اللي تحت!! سؤالي هو اني اريد اخلي اللي تحت مثل فوق الفاتح وابغي علاج للتقصف.. ولونه حاليا اشقر فاتح جدا مايل للبلاتيني

مرحباااا اختي

سااعدييني

انا سويت لشعري (ريلكس) في الكوافير والمشكلة انوو مو اول مرة اسويه
لكن هالمرة شعري صار يتساقط بشكل فظيييع , حتى لدرجة انه ظهر مناطق مافيها شعر في مقدمة الراس
وللمعلومية : شعري ولا مرة جرب الصبغ

ساعديني ....


اختك الدمعة الباكية

:shy::salam:[frame="4 80"]بنت الديره الغاليه :
انا اضمن لك التخلص من القشره مدى الحياه
وهى ان تستعملى الخل الابيض او الاسود او الاثنين مع بعض للشعر وكذلك يوضع مع الحنه او بدونها
بأن يدلك به فروه الرأس او ان يوضع على الرأس بعد ان تغسليه بالشامبو لمده 5 دقائق او مع الحنه 2 ملعقه كبيره لمده عشر ساعات لا توجد مشكله وانا جربته شخصيا [/frame]

[align=center][mark=FF00CC]السلام عليكم ورحمته وبركاته

أول شي أناشعري يتساقط بشكل غير طبيعي

المشكله أني حطيت فرد الأعشاب في الصالون

غير كذا شعري طاح كثير منه وصار شكله ضعيف كانه محترق وجاف

وشعري اللي داخل متقطع !!!!!!!

شعري تعبان ميت ســــــــاعدوني[/mark]:cry::cry::cry::cry:

كيف الحال إن شاء الله دوم بخير ؟

اسيرة موج الله اخليك ويحفظك من كل اذي انك تساعديني نفسي شعري يطول

ليه سنين وشعري ما يطول تعبت من الخلطات والزيوت كل شي اسويه مافي فايده

وشعري ايضا خفيف جدا جدا لدرجه انك تشوفين الفروة من بعيد ويتساقط بالمره الله اخليك ويسعدك ويدخلك الجنه من الثمانية الابواب انك تساعديني

تعطيني وصفه اواظب عليها تطول الشعر وتكثفه لان زوجي يحب الشعر الطويل وانا شعري قصير انا اسفه لاني طولت عليك لكن من القهر

وجزاك الله الف خير .

هلا أسيرة الموج :
هاذي اول مشاركة لي في هذا المنتدى الرائع
ممكن سؤال الله يجزاك خير :
انا فاردة شعري بالفرد البحريني قبل شهر طلع حلو بس يبيله استشوار وودي افرده ثانيه وتقول الكوفيرة مايخرب الشعر إذا فردتيه
مرة آخرى .
شو رايك افرده ؟ مايطيحه ( يقولون ان الفرد البحريني خفيف على الشعر مو مثل سوفت ثقيل على الشعر )
شو اعمل افرده أم يؤثر على الشعر خاصة ان الي تفرد مو مختصه بالشعر
وودي اسأل وحدة مختصة مثلك والنعم فيك

هلا اخت اسيرة الموج الغاليه انا حبيت استفسر انا شعري من انولدت وهو ناعم وشعرته رفيعه يعني يجي خفيف لكن من عرست لحظت فيه فراغات من مقدمة الرأس او حابه انشاالله اذا فيه امل اقدر اخلي شعر ازياده ينبتلي مع العلم انا مش وحده هاملتنه يعني وايد اقعد احط فيه زيوت قناعات لكن ما اجوف ينبتلي شعر فاذا تقدرين اتساعدين عشان ينبتلي شعر فالفراغات واكون شاكره لج.

هلا الغاليه اسيره الموج ..
يعطيج الف عافيه على هذا المجهود الرائع يجعله فى ميزان اعمالج ..باذن الله

الغاليه مشكلتى ان شعرى اسود فاحم من اول ما انولدت (وراثى) واحب لون شعرى ولا افكر اغيره لان بيحتاج كذا شغله عشان يعطينى اللون المطلوب ولا اريد ازيد الطين بله ويحترق من الوان الصبغات ...

غاليتى

مشكلتى ان شعرى كان طويل وغليظ بس لما ضعفت برجيم قاسى من 67 الى 47 من 9سنين الى اليوم نفس الوزن ابتدا يخف ورجعت اهتميت فيه واستخدمت له شامبوهات من كرستاس والابر عشان ما يتساقط هو نعيم الحمدلله بس خصلته خفيفه . طبعا اى زيوت استخدمها علطول يتساقط وانا اوزعه عشعرى او وانا اغسله شعر ينزل على جسمى فصرت اكتفى بالماسكات مثا كادوس ولا نفع معاى استخدمت شامبو روش للتساقط والتونك من الصيدليه لا حيا لمن تنادى ... ارتحت على حمام الزيت من ماركه فرش كول بالنعناع والثوم ولما انقطع زاد شعرى بلا ... رجعت استخدمله ابر مثل ريحت الجرفه واتى الزجاجه طويله مثل شكل محلول الحقنه وكنت استخدم شامبو من ماركه ويلا لونج هير لشعر الطويل والسيروم ارتحت جدا على الابر وشعرى طول لارداف ولما انقطعت الابر من الصالون كانوا يجيبون من ايطاليا وياليت اذكر اسمه لان مكتوب بالايطال رجه يتساقط وراح تعبى عالفاضى وخف وقصيت لنص الظهر مدرج ...من فتره استخدمت من ماركه ان دولا من عند نزيه شامبو لشعر الخفيف وكان حلو ومن عقبه ماسك ا ان كسترا سموثلى من دولا وايد حلو وينعم الشعرواوزعه على اطراف عشان امنع التقصف وكنت دايما لما اطلع من الحمام انتظر للشعر ينشف ولوزع السيروم من ان دولا صدق خيالى وبعد 5 دقايق انشفه بالاستشوار تنشيف فقط ...لانى جربت اذا انتظره يجف طبيعى يتساقط ...

احترت يا الغاليه مع شعرى وصرت اقصه مدرج الى نص الظهر عشان لاحظت من يطول ياخذ من عافيتى ويخف ... ولازلت اعانى من التساقط وصار خفيف جدا .... دلينى يا الغاليه شو الحل لا الزيوت تصلح على فروه راسى ولا الماسكات جابت نتيجه وحمامات الزيت اللى يبيعونها فى الجمعيات مستحيل اثق فيها مستحضراتى لو ما اشتريها من عند نزيه او الصالونات تحت ايد خبير ما اقتنع ... ساعدينى استخدمت كل شى لشعرى دلينى جزاج الله الف خير ... طبعا اختى انا مب متزوجه بس عالابواب لا تقوليلى خذى فيتامينات لانى جربت البل فود والنتروكاب وسيلك اوك ولا فااااد معاى وفرشاتى للتمشيط من الفا داتا للمساج .... تعبت ارجوج ساعدينى انا بعدنى ما حملت ولا ولدت وهذا شعرى ..بكره من اتزوج واحمل واولد يا خوفى اقرع ..هاهاها امزح من القهر
ارجوج الغاليه تساعدينى وتكتبيلى العلاج بالاسم ومن وين اشتريه ومن اى ماركه عشان ما اتلخبط

اتريا ردج بسرعه عشان استغل الوقت ..واهتم فيه قبل لاتزوج .

انتظر جميع الأستفسارات التي لم ارد عليها ان ترسل على الخاص لأقوم بواجب الرد

ارجوج تردين علي لنب ماافدر ادزلج عالخاض لان مشاركاتي ماوصلت 15 مشاركة عشان اقدر ادز

فرجااااااااء ترين علي

تحياني لج

ارجوج تردين علي لاني ماافدر ادزلج عالخاص لان مشاركاتي ماوصلت 15 مشاركة عشان اقدر ادز

فرجااااااااء تردين علي

تحياني لج

انا صابغه شعري كوكتيل ( نحاسي و احمرو عودي ) لكن ماعجبني لان الكوافيره ما صبغت لي الارضيه يعني سوت خصل على الاسود
طبعا ماعجبني بعد اسبوعين رحت لمشغل ثاني و غيرت الصبغه اللي سوت خذت الخصل بقصدير و حطت عليها صبغه و بعدين غسلت شعري و بعدين صبغته كله بصبغه قلت مايحترق الشعر كذا قالت لا .
الحين لي شهرين و مو عاجبتني الصبغه ودي اغيرها ........... وش رايك ....... توزيع الخصل سيء و هو لون بيج او بني فاتح ... لازم اقعد ست شهور .....
ودي بلون برغندي او احمر او بني محمر ... اقدر اصبغ بالبيت ... لاني ابي صبغه ما تتلف الشعر خاف المشاغل مايهمها احترق او لا ...
بعدين اللون البرغندي يثبت ... الناس يقولون يقلب برتقالي و يصير باهت ..
اي شركه تنصحيني فيها يكون لونها ثابت و لا يتغير ... اي رقم ,,,

وش اسم هذا اللون احمر او برغندي ما ابغى الخصل الفاتحه الاورنجيه ابغى الاحمر الغامق


[هل اذا صبغت هذا اللون على الهايلات يطلع متساوي اللون او يبين البيج و البني

انصحيني وش اسوي بعمري الحين

السلام عليكم

أختي انا شعري طويل وخفيف وعملت حنه بس ماعرف هاذي هل هي حناء سوداء ولا غيره سويتها بشعري لمده يوم كامل ما شلته من شعري صار شعري اسود حيل وناعم سويته وانا حامل بالشهر الثامن والحين صار لي سنه وزياده صار عمر بنتي سنه و3 شهور ولي الحين يمكن تاثيره موجود لاني مرتين اروح لصالون ابي اصبغ شعري من اول خصله تعملها الكوافيره يحترق شعري انا خاطري اصبغ شعري واغير اللوك لكن ما فيه فايده اجرب اصبغ خصله يحترق على طول وش الحل ارشديني وانقذيني الله يخليكي

واتمنى لكي التوفيق وسامحيني على الاطاله

سؤال؟ لأختي أسيرة الموج


شو أفضل طريقة طبيعية لصبغ الشعر الأبيض

وشكراً

السلام عليكم

انا حبيت اشكرك على هالموضوع الحلو وجزاك الله خير ..

بس عندي كم سؤال

1= انا شعري من زمان كان نوعا ما كثير او وسط بس بعد ماكبرت واستلمت العنايه فيه خرب وصار خفيف وخاصة الآن لأني لي فتره مع الرجيم فاشعري مره صار خفيف ومتقصف وفوق كذا انا اول مره اصبغه وهو فيه حنه لأنه طلعلي شعر ابيض ونا لسى صغيره موكبيره وبصراحه واضح شكلهم فاصبغته فالاحظت ان شعري مره قسى ...

اول شئ ابغاه منك هو انا ماحب احط بشعري خلطات لأني اخاف بصراحه ولكن انا ابغا شعري يصير كثيف ويروح عنه هالتقصف وتصير فيه حيويه ولمعان مع العلم انا اصلا شعري دهني ولكن الآن احس انه شوي جف من الصبغه لأنه قسى ونا على فكره صبغت مرتين اول مره في شهر شعبان يعني قبل رمضان وبعد ماطلع الشعر بان الشعر الأبيض فاضطريت اني اصبغه من جديد بشهر ذوالقعده فهل هذا ممكن يخربه انا صبغته بنفس لون الصبغه الأولانيه فهل هذا ممكن يأثر على شعري ..

2= انا من زمان كان شعري طويل ولكن كنت اقصه كثير الآن انا ابغاه يطول فما ادري وش اسوي هل فيه شئ طبي او طبيعي غير الخلطات ممكن استخدمها ومالها أضرار وممكن تطول شعري كثير يعني على الأقل بالشهر 8 سم ..

3= انا عندي مقدمة شعري مره خفيفه بالشعر لدرجة ان الجبهه احسها صايره كبيره لأن الشعر خف من قدام على قولة زوجة اخوي انتبهي لاتصلعين من قدام فا أبغا شئ يطلع الشعر من جذوره وخاصة من الأمام ومن كل الراس

4= كم ممكن اخذ من مده عشان أرجع اصبغ مره ثانيه ؟؟

5= ماهي الطريقه الصحيحه في تدليك فروة الرأس ؟؟؟

6= وهل صحيح ان عمل مساج لفروة الرأس يسرع بظهور الشعر وتطويله ...

7= وهل زيت جوز الهند اذا حطيته بشعري ودلكته ممكن يخلي شعري يطول بسرعه ونا سمعت بعد عن زيت الخروع أبغا صحة هالكلام هل فعلا يطولون الشعر ...

8= كم مره بالأسبوع لازم نعمل مساح للراس ؟؟؟ او كل يوم عادي ؟؟

9= هل فيه شئ ممكن نستخدمه ولا يخلي شعرنا يكش لمانستشوره خاصة في الحر ..

وشكرا لك