أي أستفسار عن الشعر ومشاكله وصبغاته وفرداته أنا حاضره لعيونكم

والله ماادرى يا اسيرة الموج كل بنت تقووول شى وتجيب دليل مقنع ليما افتر راسى وضاعت الطاسه بالنسبه لى !!.

عالعموم بقولج مشكلة شعرى او بالأصح مشكلااااااااااات شعرى واتمنى الاقى عندج الحل !!.

بس قبل هاذا خلينى اقولج انى صارلى اشهر ماحطيت شى على شعرى والسبب :smile:

انى ابى اثبت على خلطه او نوعية زيت معينه مو قادره :s2 والسبب :smile:

بنت تحط خلطه او تمدح زيت بعد فتره تجى بنت ثانيه تذمه وتطلع فيه عيوب الدنيا بعد ماجربتهم على حد قولها :gum:

صراااحه تعبت وافتر راسى :sad: عشان جذى اللى بتقووولين عليه بشتريه واجربه .. شوووووووورج واهداية الله :up:

شوووووووفى اول شى فروة راسى .. فيها حكه و احس فيها حبوب بعد ومن سنه حايشتنى قشره ..

الحكه فضيعه يوم اقول حق احد شوووف فروة راسى يقوول ماكوو شى بس احمرار من كثر ماتحكين اقوله فيه حبوب قاعده اجيس

حبوب يقولى ماكوو حبوب مافى شى بس قشره اشوى واحمرار من قوة الحك ,..

يعنى محتاجة شى ينقى فروة راسى ,..

اجى على شعرى .. شعرى الفروه دهنيه والشعر جاف ... متقصف بشكل فضيع .. ويتساقط واحس مافيه حيويه ,..

استعملت كل انواع الشامبوهات بالجمعيه وكلها اقعد عليها 6 اشهر بعدين اغير

استعملت بانتين .. هيمالايا هيربل .. Vo5 وغيرهم كثير .. الحين استعمل شامبو السدر الايرانى وسببلى جفااااااااااااااااااااااف

ماشافته عينى من قبل على الرقم من انى استعملته بعد مدح البنات له :sad:

وشعرى والله امدلعته بس ماادرى اشفيه امنطقر جذى .. سشووار بالسنه حسنه بالمناسبات الكبيره بس .. مو من النوع اللى يسوى

تسريحات بالبيت او يحط جل و سبريه ..

شووووفى انا شنوو ابالى .. حاطه ابالى استعمل حنه اسبوووعيا .. وخلطه زيت .. ويوم اخبص من الثلاجه روب وبيض .......... الخ


بسووى خلطة زيت عافيه مع حلبه ومحلب .. والحنه اخلط فيها اعشاب وزيوت .. واستعمل الكتيرا مع زيوت او عسل ..

هااا اشرايج :think:

عطينى اللى عندج وشوووورج واهداية الله .. بالنسبه حق الشامبو اخاف تنصحينى بشامبو طبى عشان حساسية فروة الراس بس

يكون ماينظف !!.


تدرين شنوو اهم شى بالنسبه لى .. اهم شى انج توصفينلى شكل الزيوت الاصليه .. هاذى اكبر مشكلاتى مااعرف شنوو الاصلى ..

طووولت عليج ادرى وكتبتلج مجلد هم ادرى بس من حر قلبى والله :shy:

يالله قلـــــــــــبااتى سى يــــــــووو

اسيرة الموج >>>>>>>>>>>>>>>>> الحقيني 0

انا استعملت الي قلتيلي عليه وهو ( زيت النخاع + زيت بذره الصبار ) مع شامبو وبلسم سيباميد 0


والنتيجه <<<<<<<<<<<<<< والله يتساقط شعري بشكل فظييييييييييع ليش شنو السبب والله اول مره جذيه شرايج استمر والا اوقف عن الاستعمال 0


وشكرا لج

الكاسكو

lovely_rosa80

هلا بك قلبي والف الف مبروك على الزواج مقدماً

أستخدمي زيت البابونج + زيت النخاع

3 مرات بلأسبوع لمدة 6 ساعات

marawi

هلا بك قلبي

الله يقومك بالسلامه وريح بالك

اصبغي بس بلاش من الفرد لأنو المفروض بين الفرد والصبغ على لأقل 8 اشهر

الرزينة

هلا بك روحي

خليها تستخدمي زيت النخاع + زيت البابنوج

3 مرات بلأسبوع لمدة 6 ساعات

شامبو بانتين لشعر المتقصف والجاف وبلسم هيربل كونزيل بلأعشاب

كويتيه مذهله

هلا بك حياتي

استخدمي زيت السدر + زيت الزيتون

3 مرات بلأسبوع لمدة 6 ساعات

وشامبو سيبا ميد وبلسم سيبا ميد

يش أفضل حمام زيت للشعر المصبوغ

علما بأن شعري ناعم وخفيف

والله يعطيكي العافيه

الكاسكو

هذا طبيعي ياقلبي لازم يتعود شعرك على النمط الجديد اللي راح يرتكز عليه

الشعر المتساقط هو الباهت والضعيف لذلك تتخلص منه فروة الرأس لأنهُ غير صحي ولايصله الغذاء

ليش متردين علي اسيره ، رديتي على البنات كلهم الا انا ليش ؟؟؟

طيب ايش تنصحين للقشرة في الشعر الدهني

السلام عليكم ورحمة الله وبركاته
أختي,, أنا قبل ما أتزوج كان شعري يجنن طويل وناعم بس بعد الزواج والحمل والولادة شعري الحين مستوي خفيف وايد ومتقصف وتعبت من كثر ما أحطي زيوت وحمام زيت ومختلف أنواع الشامبوهات بس ما في فايدة أرجوج ساعديني لأني تعقدت على فكرة أنه بس صبغت مرتين بعد الزواج

مشكوووووووووووووووورة

مشكوره حبيبتي ،، بس شنو الحل للقشره عندي قشره بشعري ؟؟

وبغيت اسال سؤال يضحك بس عذريني والله احاتي انا قذلتي كانت محترقه من الصبغ وبعدين قصيتها كلها والحين طالت لي عيني تتوقعين لي شهر سته الجاي انشالله اذا كنا من الاحياء لي وين توصل 0؟؟؟ سؤال غبي بس شسوي ؟؟؟؟


ومشكوره حبيبتي ويعطيج العافيه 0


الكاسكو

يسلمو على هالموضوع الحلوووو

انا شعري نعومته عاديه و اهوه عادي بس من الجهتين الاماميتين وايد خفيف فشنو الحل اللي يساعد على نمو الشعر قصيت لي قذله عشان المنطقه ماتبين بس احسها كبرت ؟؟ و هل الاستشوار اهوه السبب في هالشي ؟؟ و اذا كان في اماكن الشعر فيها خفيف شلون اخليه يكون غليظ ؟

عزيزتي أسيره الموج.. من قرأتي للمشاركات السابقع لاحظت انو كثير من البنات أخذوا منك نصايح وان شاء الله كلها ناجحه ومفيده
انا أبغى منك تساعديني بحالتى: شعر من النوع العادي كيرلي،الحمد لله يستحمل الصبغ وكل شي.. من بعد ماولدت قبل سنه وخمس شهور حنيت شعري والحمد لله كان بخير. بس بعد ولادتي بدأ شعري يتساقط مع العلم اني كنت ارضع لقتره وبعدين توقفت وبعدها سافرت للعيش ببريطانيا ومن وصلت هناك بأسبوع وشعري صار يطييح بالهبل لدرجه انو صار خفيف بشكل ملحوظ يعني لمن اسشوره صار شكله قليل ويحزن، صرت اقصه بشكل شهري عشان يحافظ على كثافته بس ما اعتقد انو فاد بعده يطيح خصوصا بالشور. وانا الحين حامل مره ثانيه بالشهر الخامس وشعري لسه يطيح وانا باعتقادي السبب من مايهم هني.. المهم انا تقريبا ازيت شعري كل اسبوع وصار لي ممده ماحطيت زيت.. المتواجد عندي من الزيت ( زيت اللوز، زيت الجدايل ، زيت دابر املا، زيت الزيتون) بصراحة هذا المتوفر هنا.. ياريت تعطيني حل لشعري عشان يوقف التساقط ويطول وينعمه لآني احس انو نشف... وان شاء الله الزيت ألى يتعطيني اياها تكون متوفره هني...

يعطيك العافيه

الله يسعدك يا اسيرة الموج وانشاءالله تنحل على يدك مشاكل البنات مع شعورهم ولك الاجر انشاءالله
حبيبتي انا شعري زماااان كان كثييير وكنت اتضايق منه لانه موناعم وفردته كذا مره
مره بالحنه السودا وانعدممممممممممم وتساقط بعد كذا بفترة يمكن سنة او اكثر حطيت سوفت اند بيوتفل بس والله ماني فاكرة اي نوع وبرضه الله لايوريك التسااقط الكلام ذا قبل 6 سنوات وقبل سنتين حطيت فرد جبته من عند العطار ومانفع معاية وبعدها بسنة حطيت خلطة الحديدة والعفص وتخششن بدل ماينعم وبعدها بفترة يمكن سنة فردت في مشغل قالو لي فرد بالاعشاب والله تقصقص شعري من النص والله العظيم بدون مبالغة والشعر الجديد طلع متغير اخشن وجاف مع اني دايم احط له زييت هذي قصة حياتي والحين شعري جااف مع اني ازيته وخفيف ويتساقط والحين اسمحيلي اسالك كم سؤال
1سمعت عن فرد الإكس تنسو وودي اسويه يقولو ماله اضرار على الشعر وكمان مدحو الكيراتين انتي ايشرايك
2انتي دايم تمدحين سوفت اند بيوتفل مع اني ما اشوف المشاغل تستخدمه والله مو تشكيك بخبرتك بالعكس انا ودي تشورين علي وصدقيني رح اطبق كلامك مع العلم انه شعري يتساقط الان بدون سبب
3اقدر افرد شعري كله ماعدا مقدمة الراس لانها مرررره خفيفه وفيها فراغات والاطراف بعد علشان ما يوقف الشعر
4ايش هي الفيتامينات الزينه لصحة الشعر اقصد الحبوب او الكبسولات
ارجو انك تفيديني واعذريني على الإطالة والف شكر مقدما

اسيره الموج اذا سمحتي افضل منتجات للصبغ ابيها ابي لون شعري يصير احمر كستنائي لاني كذا مره اصبغ ولاتطلع النتائج وياي وحتى لو طلعت اسبوع اسبوعين وبعدين يتحول الى اللون البني اذا ممكن تساعديني تشكرين عزيزتي

هلا بالغاليه اسيرة الموج
بالبدايه اشكرك على الردود على البنات ومساعدتهم والله يجعل هذا بميزان حسناتك
بالنسبه لشعري جاف متقصف باهت ومتوسط الخشونه مع تجعدات
صبغته بالبيت بصبغة ويلا كارضيه وبعدين خصلته بفيفا كلر خصل ثلجيه وشقرا ونوعت وطلع حلو
وبعدها باقل من شهر فردته بسوفت اند بيوتفل الوردي لاني مالقيت الاعشاب وصار حلو بعد
المشكله انو بعد شهرين ضعف مرررررره وصار يتساقط بشكل فظيع واحترق وصار كنه مغاط وزاد الطين بله الحمل
والحين هو تالف رسمي والمشكله طال وصار لونين اسود والنصف الباقي بني مخصل باشقر وثلجي
وش تنصحيني استخدم على شان يصحصح شوي ويتحسن
وانا ناويه لاولدت على خير باذن الله ارد افرده واصبغه بدرجات الاحمر

يعني قولي لي وش استخدم على شان اغذيه
وكيف اصبغه لاولدت وهو جاي نصفين اخاف يطلع لونين عقب وانا ماقدر اسوي له سحب يتدمر
والاهم كم اترك بين الفرد والصبغ لاني ناويه افرده واصبغه بعد النفاس
والف شكر لك والله يجزاك عنا خير يالغلا

السلام عليكم ورحمه الله وبركاته

انا عندي مشكلة في شعري واتمنى المساعدة

مشكلتي هي ( تساقط الشعر) :cry:في كل مرة يوم الغسل والاستشوار

اريد حل للمشكلة ولك مني جزيل الشكر

لو تسمحي على الخاص لو ما عليج امر :sad:

تحياتي

أنا مشكلتي شعري جاف جدا خاصة في الاطراف يعني
شعري من فوق تمام لكن الاطراف جافة

فيا ريت تعطيني الحل

الله يعطيج العافيه على المتابعه الجيده مع البنات

بغيت أسألج سؤال أختي أسيره

أقدر أستخدم أكثر من خلطه على شعري

يعني أنا مسويه جدول عنايه لشعري كل يوم وترك

( الجمعه أحط زيت السمسم والثوم , الأحد أحط السدر و بذره الصبار اللي نصحتيني فيهم , الثلاثاء أحط عافيه وحلبه وحبه بركه .. والخ )

أبي أعرف مجموعه الخلطات اللي ذكرتها تأثر على شعري بالشكل السلبي أو الايجابي ؟؟