طريقتي في تقسيم و صرف المهر أتمنى تفيدكم

ما قصرتي يالغالية دلوعة قطرية ما شاء الله عليج متابعة الموضوع ,,
تسلمين الشيخة والله لا يحرمني من هالطلة .. قولي آمين : )

ههههههههههههه
امين فديت روحج انا
احرجتيني


وطبعا بدون ماقولج تدرين انتي انتظر اخر التفاصيل
واذا بغيتي اي مساعده حاظرررررين للحلوين

هلا والله دلوعة قطرية ..والله انكم ودوحانية ريحتوني
ان شاء الله عقب العيد على طول بابدى اجهز خلاص :)
بس المشكلة ان الدراسة والله ذابحتني يعني طول الاسبوع ما اطلع كلش ..
باخذ لي خلق وباوديه البحرين يفصلونه لي ام رفيجتي ما شاء الله ذويقة في هل السوالف ووشفت تطريز كذا جلابية وسعرهم وايد زين .. انا باكثر من الجلابيات لاني باسكن في ملحق ويا اهله
بيجامات البيت وجلابيات البيت .. اممممممم عندج اماكن حلوة وسعرها زين ؟؟
انزين انا ما احب البس بنطلونات وقصير وعاري (( معقدة شوي )) اخذ منهم ؟؟ اخاف اخذهم واتوهق فيهم


دوحانية :)
انا كنت مخلية الفستان وهل السوالف اخر شي وركزت على الباقي .. انا حطيت له ميزانية بس اشوفها وايد ..
انا فكرت اني اسويه او اخذه يا من الخبر او البحرين بس مدري شلون احس فساتينا وايد ارقى بس اذا تعرفين اماكن اوكي وشغلها عدل اوكي يا ريت تعطيني اساميهم

الكوشة والتصوير عليهم انا ماعلي شي :)


الملابس الداخلية مسوية لي ازمة .. توني بس يوم ملجت دخلت نعومي :( مدري امي عندها هل السوالف عيب وكل ما فكرت افتر شوي اشوف شعندهم طلعتني ههههه مدري متى باشتريهم

بس الخطة اللحين اروح الاحساء والخبر / البحرين / والكويت
واخذ اغراضي من هناك صراحة قطر غااااااااالية اول ما كنت افتكر بس احين يوم صارت عندي ميزانية محدودة صرت احاتي
وانا ما ابي اضغط على هلي على اشياء انا ما اشوفها ضرورية لهل الدرجة


بس مشكورين صج صج :)

مشكوووووووووووووووووووووووووووووووووووووووووره حيل حيل حيل لانه الموضوع في قمة الروعه والحاجه اليه

بس المهور تختلف من بلد لبلد

يعطيج العافيه اختي والله يوفقنااااا

بالنسبة لي كل شي ما شي أوكي و لله الحمد .. ولكن

جيت عند التصوير رحت كريستال ( لأني جربت كذا مكان وماعجبني التصوير لين ما طحت عليهم و لقيت عندهم المطلوب لأن تدرون الصور هي اللي بتبقى لا كوشة لا قاعة لا طاولات حتى الفستان ما راح يتم ^_^ ) حجزت عندهم كل شي يتعلق بالتصوير صج كلفني و أكثر من اللي كنت حاطته لكنها تدبرت
نقلل من شي و نحطه في شي ثاني .. دفعت العربون و خلصت والباقي باحطه في ظرف بروحه لا يروح علي ( =

..

هذي آخر التفاصيل .. وبعد العيد بإذن الله باكمل اللي باقي لي ..

دلوعة جزاج الله خير و أدري فيج فديتج ما تقصرين ..

كلاسيك ..

انا مثلج أحاتي سالفة القصير و العاري واكيد ما راح تلبسينهم من أول يوم !! يعني يبي لج فترة لين ما تتعودين على الوضع الجديد بعدين كل هالملابس عادي تلبسينهم جدام ريلج صح ما كنتي تلبسينهم قبل لكن اعتقد جا وقتهم ولا انا غلطانة ؟! و سلامتج حبيبتي مانتي بمعقدة لكنها تربية وتعودتي عليها ..

بالنسبة للفستان اممممم صج بتخلينه عقب بس لازم تحطين له مبلغ معين وحاولي ما تتجاوزينه أحسن لج .. قولي مثلاً 12 الف وخلاص هذا هو ما راح تفصلين بتاخذين جاهز كم أقل شي 5000 الاف !!! هذا انتي وفرتي من المبلغ الكبير 7000 حلووووووين تقدرين تحطينهم في الطاولات مثلا أو اصرفيهم على جسمج وشعرج ..
و أنا أشوف ان فستان العروس آخر شي يميزون فيه ولا شكان موديله و لا قطعته صدقيني محد بينتبه له و بيركز فيه !!!
الكوشة و التصوير عليهم !!!! يعني ما راح تختارينها و التصوير ما راح تحجزينه أنتي ؟!

امي مثل أمج لكن لازم تشترين ملابس داخلية أنا أذكر أن امي تتصدد من أدخل اشتري قمصان نوم : ) بس تدري إني لازم باشتري ..

وجاتج الفرصة دامج بتروحين الخبر والدمام عيل الاختيارات عندج بتكون أكثر بضايع متنوعة وأسعار رخيصة يعني كملي جهازج من هناك و افتكي وبتشوفين انج راح تاخذين أشيا وااااااااايد بأسعار معقولة و صدقتي الدوحة غاااااااااااااااااااااااالية .. ولو بتفكرين فيها كلها كم ساعة بس ؟؟؟ وصدقتي مب لازم أضغط على هلي بسبة أشيا مب ضرورية ..

و الله يوفقج ..

صمت الليل ..

الشكر لله يا قلبي و هذا الموضوع كطريقة تساعد البنات .. و بالنسبة للمهور فعلا مختلفة من بلد للثاني
يعني أتوقع إنج استغربتي من الأسعار اللي أنا حاطتها لكن تدرين الحالة الإقتصادية عندنا كل ما له وترتفع
فيرتفع سعر كل شي من جذي مهر البنت يكون وايد .. و الله المستعان ..

سحور ساحرة الله يعافيج ويوفق الجميع بإذن الله ,,

جزاج الله خير وانا الحين قاعده اجهز
سبحااان الله نفس الطريقه :)

و يجزيج بالمثل حبيبتي ,,

الله يتمم لج على خير إن شاء الله ,,

قلنا إن الفستان حطينا له 5000 ريال ..

كلفني التعديل = 1600 ريال

الباقي : 3400 ريال .

باسوي جلسات لجسمي << هذي ما كان لها مبلغ محدد بس تحدد الحين ..

الجلسة الوحدة = 380 ريال * 5 جلسات = 1900 أنا باخليهم 2500 احتياط

3400 - 2500 = 900 ريال ( توفير لشي ثاني ) .. الحمد لله ,,,


هذي آخر مستجداتي : )

masalla aleeg
alla yoafgeg
ya ahla aroooos

ويوفقج يالغالية

و الله يرزقج بالزوج الصالح و بإذن الله ما يدور الحول إلا و سامعين عنج إنج تملكتي ,, و الله ينولج اللي في بالج ...

أشكر متابعتج ,,,

ترى هذي من احلى الدعاوي اللي سمعتها
فديت قلبج

يفداج الردي ,,,

تشكرات خيتو ,,,,

هلا دوحانيه فديتج تذكرتج اليوم وانا بالوووق الله يسلمج بعد ماراحت ربع فلوسي خفتتتت وركضت جبت ورقه وقلم وكتبت اللي ناقصني ومحتاجته ضروري وسويت نفسج

وتحسفت اني من زمان ماشفت موضوعج وسويت ميزانيه نفسج

المهم كتبت يعني مثلا جلبيات 2000 يعني خلاص حتي لو اشتري جلابيه وحده ب2000 ماراح ازيد من عندي

اليوم وانا اشتري كل مااشتريت مثلا شريت بجامات وكنت حاطه جنبه 800 ريال المهم عقب مااشتري واحاسب اطلع ورقه واستاااانست لاني شريت 6 بجامات ب200ريال تخيلي يعني زاد المبلغ فوق مااتصور وكتبت جنبه ب200 عشان ماانسي ولما رجعت حطيت زيادة بظرف ههههههههههههههههههههههههههه ركضت على ضرف سويت هجوووم على كبت

وبعد لما رحت اتري ملابس داخليه +شلحه ودلاغات وفانيلات كنت حاطه 500 والحمدالله مبلغ طلع 500ريال ههههههههههههههههه

فكرتج روعه وانصح بتثبيت الموووضوع لانه صج نفعني واااايد

ومشكووورة فديتج على موضوعج وانصح ل عروس فيه

وحتي لما رحت فصلت عبايات كنت حاطه 2000 وفصلت 2 وحده ب500 وثانيه ب300

وكل ماشريت طلعت ورقه وكتبت وامي تقول يوه فشلتنا اقولها يمه الميزااانيه ههههههههه

وهندي يحاسب وانا اقله صبر رفيق ورقه ههههههههه وطلعها من شنطه واكتب جنبه بكم شريت واذا فيه زياده او لا

ههههههههههههههه والله استانست بسوووق ورقه وقلم

والله يابنات انصحكمممم فيه

حتي اني وعدت نفسي حتي لو مازادت فلوس لشغله مثلا كتبتها ماازيد كلش من عندي خلاص اكتفي باللي عندي

والله تحسفت لو مويه من بدايه كان ماضيعت ربع فلوسي بخرابيط

المهم الحمدالله على كل حال

تدرووون حتي هالموضوع مفيد جدا لميزانيه البيت والشهر والتسوق للعيد

انا خلاص اذا جيت عقب اشتري للعيد وعطاني ريلي مصروفي بسووي جذي لانه صج مفيد وهو صح اسعارنا ناار لكن القناعه يااخواتي اذا اقتنعتي بالمبلغ خلاص بتحاولين توفرين على نفسج

حتي اني حطيت ميزانيه

مكياج 2000 فقط

حنه 1000 فقط

شعر 1500 فقط

مسكه 1000فقط

جوتي 300 فقط

وشوفوا موضوعي لازم100% تدخلون كتبت شنو شريت

والفال لللجميييع والله يهنيكم

برافو عليج عروس الدوحة ..

والله فرحتيني .. شكلي باخذ الموضوع و بانقله لمنتديات ثانية خخخخخخخخ

و خذي آخر تفاصيلي ( حلو جذي نتساعد ونساعد بعض في هالسوالف )

الله يسلمج أنا كنت شارية 4 قطع حرير حق الجلابيات , وديتهم للخياط امس و طلع علي التطريز مع التفصيل بـ 1200 ريال و عندي الفاتورة ..

رحت حق الحناية و انا حناي بـ 600 ريال يد وريل و متروس ونقشاتهم حلوة .. دفعت لها عربون 500 ريال .. هذا لا جات تحنيني بتاخذ 100 وكل وحدة معاي حسابها بروحها .. و بعد عطتني فاتورة ..

و الله يوفقج حبيبتي و لبستيهم بالعافية إن شاء الله ..

اي صدقتي هالطريقة تنفع بعد لمصروف البيت خاصة للي مثلي باجر يصير عندي بيتي بروحي لازم أعرف شلون أتصرف بالميزانية : )

طريقة رائعه...ومنظمه....

جزاك الله الف خير....

و يجزيج بالمثل حبيبتي ..