طريقتي في تقسيم و صرف المهر أتمنى تفيدكم

موضوع رائع

دوحانيه يعطيج العافيه..و يزاج الله خير :)

:shy::shy:

يزاااااج الله خير بنجرب شو ورانا... بس اللي عندها عشر خوات لازم تخيط لهم من وين بتيييييييييييب؟؟!!!!!

للأسف عندنا عادة اللي تتزوج لازم تخيط لخواتها لو ريلها على قد حاله!!!!



دعواتكم بس

angel eyes
يجزيج بالمثل يالغالية ,, و الروعة تواجدج في مشاركتي المتواضعة ..

شجرة مياسة
عساها دوم هالإبتسامة ,,, شكراً لمرورج ..

عروسة المسك
ويجزيج بالمثل حبيبتي ,, الله كريم وبيعينكم .. لا تحاتين بتتدبر بإذن الله
مع إحترامي لكم لكن شنو هالعادات ؟؟ أحياناً المهر يا الله إنه يسد العروس هالمرة خواتها ؟؟
اسمحي لي الغالية

مشكوره اختي ع الموضوع

العفو يا قلبي ,, شكراً لج

الملف المرفق مرة ثانية :

يزاج الله الف خير .. عيبني الملف المرفق (التقويم ) بستخدمه حق دراستي ..

من كثر ما افكر في العرس واحاتيه .. قمت انسى شو علي من درووس وامتحانات وبروجكتات ...

وبعد بستخدمه حق عرسي وترتيباته ...

استفاده من الصوبين ..:yes:

فرحني ردج حبيبتي بنت جميرا 6

الحال من بعضه أختي الغالية ^_^ و الله يعين ,,

اي هو ينفع للصوبين أنا حاليا استخدمه للعرس و ترتيباته ,,

ويجزيج بالمثل إن شاء الله

يسلمين على معلوماتت

الله يسلمج يالغالية

مشالللللللله عليج
قمه في التنظيم
وانتظر جديدج وباقي التفاصيل


خبرج نستفيد حق المستقبل

أشكر متابعتج دلوعة ولازم نكون منظمين لأن ماعندي غير مهري صح أهلي ماراح يقصرون لكن أنا متحدية نفسي وباشوف إذا باكتفي بالمهر ولا باطلب من الأهل ,, واخذي آخر التفاصيل :

الفستان = 5000 ( التعديل لأنه مو جديد + الغسيل ) في حالة إنه ما يتعدل راح أشتري من البحرين إن شاء الله بهالمبلغ ) ( متغير )

خذت الفستان للمصمم عشان يعدله , و كلفني التعديل 1600 يعني باقي 3400 باخذ منها الجوتي للفستان ب400 أعلى سعر ممكن يكون أقل .. و الباقي باحطه في شي ثاني ..

ما شاء الله عليج .. عجبني وايد ترتيبج
فكرة الاظرف وايد حلوة ووايد ناس نصحوني فيها .. بس المشكلة مو في الفلوس المشكلة اني ما اعرف من وين ابدى
اشتري ثياب ؟؟ طيب انا اسوي رجيم وما اتوقع اني بابقى بهل الوزن لي شهر 4
اشترى ويتغير المقاس ؟؟؟ واصلا بتكون الموضة راحت ؟؟
عطورات ومكياج احس بدري
ملابس داخلية ؟؟ قلت بانطر التنزيلات عشان اقدر اخذ لي مجموعة حلوة
الفستان متى ابدى اسويه ولين احين محتارة وين اسويه وجاهز ولا تفصيل ولا ااجر .. خاطري اخيط بس كل ما اتذكر فستان وحدة من اهلنا شلون انقط في الصباحية يعورني قلبي ومب عارفة حتى الاماكن اللي ممكن اشوف فيها الفساتين
كل شي احس ان بدري اشتريه بس اخاف اتوهق المشكلة ان ما بيكون عندي وقت ما عندي الا اسبوعين اجازة لازم اشتري فيهم ولا انا وقت الدوام ما اقدر حتى افكر بالطلعة للسوق
واذا تخطيطي بيتم نفس ما هو باكون مخلصة اخر امتحاناتي وعقبها بيومين العرس :(
كل ما اتذكر هل الشي يصيدني اكتئاب
اي وسؤال كم شنطة تكفيني عشان احط اغراضي فيها بنات خالي خذوا لهم ست شنط واحد بس الوالدة مب مقتنعة وتقول ما يكفي لازم اثنين يعيني 6 شنط شرايكم ؟؟


ادري مصختها بس والله شاسوي ما احس ان عندي حد انا اول وحدة من خواتي بتعرس وما ابي اتوهق

ما شاء الله عليج الله يباركلج بمهرج ............................أهههههههه والله خليتينيه اتندم على كل فلس صرفته في زهابيه يليتج أمنزله موضوعج من سنه كنت والله استفدت المهم الله يسعدج أنشاء الله .......................

كلاسيك اسمحيلي اعطيج رايي


اول شي مو بدري عالتسوق
يعني ممكن تبدين بالجلاوبيات الحين لان موديلاتها ماتتغير بسرعه
وعندج بيجامات البيت وملابس البيت
الجينزات مثلا
العطور والمكياج
والملابس الداخليه وقمصان النوم احسن شي تاخذينها بالسيل
ولاتنسين ان بتكون عندج امتحانات
يعني بتدرسين ولابتجهزين حق عرسج؟
لازم كل ي يكون جاهز قبل فتره
وبالنسبه للشنط حسب شكثر تبين تشترين
مبدئيا خذي 4 واذا نقصج اشتري اكثر
او خلي اي حد يشتريلج لو ماتقدرين تطلعين
مب مشكله يعني

واعتبرينا خواتج بالموقع واسئلسنا عن اي شي تبينه

كلاسيك ,, هلا حبيبتي وتسلمين لي ..

امممم انا كنت أفكر مثلج وشايلة هم ومابديت اسوي شي لأن العرس ما تحدد وحتى يوم ما تحدد طلع تو النااااس عليه ,, تميت مدة ما سويت شيس لين ما رحت دبي في الصيف و خذت لي كم شغلة و ذكرتهم في الموضوع ولو لاحظتي أغلبها مالها موضة يعني لو خذتي الحين و لبستي السنة الجاية عاااااادي و عادي جداً ..

عمري .. انتي أول صفي مهرج يعني شوفي كم بيتبقى لج عقب ما تشيلين حق الفستان و الكوشة و التصوير و و ( الحاجات الكبيرة وتتطلب مبالغ كبيرة ) ..
بعدين اخذي هالمبلغ وقسميه على الحاجات الباقية ..

الثياب = خليهم قبل العرس بفترة او لحد ما تستقرين على وزن معين تقدرين تاخذين ,, يعني انا اذكر بنت خالتي شرت ملابسها من السعودية و خواتها ماخذين من نفس المحلات تقريبا فلبسوها قبلها و عقب حست ان مالها خاطر تلبسهم ..

العطورات والمكياج وهالحاجات البسيطة تقدرين تاخذينها قبل العرس بوقت قصير شهر قبل العرس فلا تحاتين و إذا عندج وحدة لها سوالف العطورات وتوثقين في رايها خلها تاخذ لج ..

الملابس الداخلية امرها هين متى ما رحتي اخذي لج يعني في كل طلعة لج و مب جاي العرس الا وانتي عندج مجموعة حلوة ..

الفستان قالت لي رفيجتي إذا بتفصلين خليه قبل العرس بـ3 شهور ,, بس نصيحتي لج اخذي لج جاهز وإذا تقدرين تروحين البحرين بعد أحسن لأن فساتين العرايس هناك جديدة و رخيصة ما تتعدى الـ5 الآف ,, بالنسبة لي أنا خذت فستان بنت خالتي لأنه عاجبني وبعدين محد شافه يوم العرس وجديد و ماكلفني شي غير سعر التعديل بس ..
و على فكرة ترى انا جذي قبل لا أتملك كله اقول باسوي وباسوي وخاطري وخاطري لكن وقت الصج تنازلت عن أشيا كثيرة مب عشان شي بس لأن في أشيا وايد تستخسرين تحطين فلوسج فيها في الأخير هي بتكون حق كم ساعة مثل الفستان و الكوشة ,, بس أهم شي عندي إن العرس يكون مرتب لأنه في ويهي و في ويه هلي ويكون الكل راضي ..

و ترى في أشيا وايد تقدرين تخلين البنات يساعدونج فيها بالنسبة للأماكن و الأسعار و بتتيسر إن شاء الله لا تحاتين و إحنا هني كلنا خوات وبنتساعد وبنساعد بعض .. والله يتمم لج على خير ..

يا هلابج الغالية لب لفؤاد ,,
الله يخليج ويسلمج ولا تتحسفين و لاشي : )
الله يهنيج ويسعدج في حياتج ويبارك لج فيها ,,