ما الذي يحصل للأصحاب الجشع بنات الامارات ابغى رايكم

السلام عليكم
انا شكلي بربي حمير وجمال بالبيت
يلا ألى تبا منى ما يخالف بأجرها من هاى الحمير بس العصي عليكم
وباليوم ادفعولى 10 دراهم
ههههههههههههههههههههههههههههههههههه
ما حد متفيج مثلى والله من حرتي مقهورة شو اسوى
والله يا بنات لو اتيوا وتجوفون الناس كيف عايشة بمنطقتنا بتصيحون الا بتنفجرون قهر والله
الوافد معزز مكرم والمواطن الاصل يالله يتريا المعاش عشان يصرف عليه ولعايلته
الله كـــــــــــــــــــــــــــــــــريم

السلام عليكم ورحمة اللـــــــــــــه وبركاتــــــه


حبيبتي ام حميد لان اغلبية الوافدين يدخلون من الربا والحرام.. ورواتبهم زينه ومقتنعين به.. ومسوين تجاره في بلادهم بحيث يطرشون نص دخلهم برع.. علشان جيه هم معززين.. والدليل على كلامي قبل كم من اسبوع يوم سوو احصائيه للبنوك والسلفيات طلعو ان نسبة الوافدين اكثر تقريبا شي وسبعين بالاميه وباقي يعني تقريبا ثلاثين بالاميه هم المواطنين..
ما اقولج المواطنين ما يسوون لا حتى المواطنين بعضهم يدخلون للربا عن طريق سلفيات من البنوك.. والمشكله ما يفكرون بالتجاره وكيف يستفيدون من البيزات والا كيف يستثمرونه؟؟ على طول يطلعله سياره اخر موديل وموبايل اخر موديل والا طايحين يضيعون وقتهم في السوق.. الحين قامو يفكرون انهم يدشون حق الاسهم ما اسهم..
ام الوافد لا يفكر كيف يستغل بيزاته.. لو تلاحظين في الشوارع العامه سياييرهم اقرب مثال.. احسن السيايير يسوقونها حتى الرنج الهنود قامو يسووقونه..!! شركات الي يشتغلون بها تعطيهم قروض والتبه الي هو فيها بالشركه تعطيهم سياره على حسابها والا موبايل والا الوقود على حسابها..
انا الي يضيج فيني مش ان الوافد عنده كل هذا لاااااااااااااااااء.. ربج يعطيهم في الدنيا علشان في الاخره ما تكون عندهم حجه وانا كلما اشوف اجنبي كافر اقول عيش حياتك في الدنيا.. الدنيا لهم..
والمشكله المواطنين هم سبب كل هذا انهم عطو فرص حق الوافدين.. والدليل على كلامي انهم يتشرطون وين يبغون يشتغلون يتحسبون ان اي مكان بيقدمون السيره الذاتيه على طول بيزقرونهم؟؟ لا لا.. انتي وحظج.. لما كنت اشتغل في الشركه خاصه كانت وظيفتي توظيف المواطنات والمواطنات.. والله لو تشوفونهم في المقابله ودكم تذبحونهم.. نادر ما تحصلون وحده جاده..
تقريبا 5 بالاميه تصدقون كلامي؟؟؟؟؟؟؟؟؟؟؟؟؟ والا الشباب ماخذين الدنيا لعب.. تقريبا 2 بالاميه كانو يتكلمون انجليزي والا بعد متقطع.. ويطلبون رواتب تفوق الخيال؟؟؟؟؟؟؟؟ انته لو ترضى بالراتب وتقول الحمدلله ما بتخلي لهندي ياخذ هالشغلات المتوفره.. والله كم من بنت حظرت المقابله وشوي بتصيح تبى الوظيفه بس المشكله اللغه دااااااااااااااااااون؟؟ والله الود ودي اشغل كل المواطنين والمواطنات الي يحظرون المقابله بس شو يا اللغه داون هذيلا كيف بيتعاملون مع الاجانب؟؟ او ما عندهم فكره عن الكومبيوتر؟ كيف بيدخلون المعلومات؟؟ او اللهم لا شماته ياين لي باخر موديل جنهن يايات من العرس على طول المقابله ولاااااااااااااا تشرط انا ابا او انا ما ابا؟؟ ياريت يقولون انا ما ابا اشتغل مع الراييل والا انا ما ابغي اكون موظفت استقال يعني.. لا انا ما ابا اداوم هالوقت.. وانا ابغي راتب مثلا 15000 وهي بس عندها الثانويه و و و و...الخ
يعني لو المواطن ياخذ الامور بجد جان الوافد ما خذه مكانه في الوظيفه..
اتمنى من المواطنين والمواطنات انهم يركزون اكثر في الدراسه وخاصة اللغه والكوميوتر ويقتنع باي وظيفه في البدايه حتى تكون عنده خلفيه في العمل.. ويحسن لغته وخبراته وبعد سنه يقدر يقدم اي مكان اقص ايدي اذا ما كان الاقبال عليه بشكل غريب.. وهنيه ولا وافد يقدر ياخذ وظيفه القويه الي يدلع فيها..
طلعت من الموضوع بس حبيت اراويج الفرق بين المواطن والوافد في اخذ الشي بعين الاعتبار..



قال جابر بن عبدالله رضي الله عنهما : كان رسول الله صلى الله عليه وسلم ، يُعلمنا الاستخارة في الأمور كلها كما يعلمُنا السورة من القرآن ، يقول : إذا هم أحدكم بالأمر فليركع ركعتين من غير الفريضة ، ثم ليقل : اللهم إني أستخيرك بعلمك ، وأستقدرك بقدرتك ، وأسألك من فضلك العظيم فإنك تقدِرُ ولا أقدِرُ ، وتعلم ولا أعلم ، وأنت علام الغيوب ، اللهم إن كنت تعلم أن هذا الأمر -يسمي حاجته - خير لي في ديني ومعاشي وعاقبة أمري - أو قال : عاجلة وآجله - فاقدره لي ويسره لي ، ثم بارك لي فيه ، وإن كنت تعلم أن هذا الأمر شر في ديني ومعاشي وعاقبة أمري - أو قال : عاجله وآجله - فاصرفه عني واصرفني عنه ، واقدر لي الخير حيث كان ، ثم ارضني به"

الدعاء دفـــعا للبلاء.. فاكثرو من الدعــــاء..

"دعاء الهم والحزن"
ماأصاب عبداُ هم ولاحزن فقال : "اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي " . إلا أذهب الله حزنه وهمه وأبدله مكانه فرحا"..ً
رواه أحمد وصححه الألباني..لكلم الطيب ص74

الله المستعان

تدرون من شهر و أكثر سرت اشتري قطع من السطوة

اتخيلو اللي كان ينباع الوار ب15 صار 35

20 درهم زيادة

المحل هذا دومي اتعامل وياه

ماطاع ينقص

رديت عليه وديه ثانية حاولت وياه ما طاع يعطيني ب20 على الاقل انا ضاريه عال15

تتخيلون شو رد علي؟؟؟

قال لي تدرين احين كل شي ارتفع دبل
هو يسكن في بيت أجاره 40 الف سنويا
و السنة هاي زادوه 50 الف
و من السنة اليايه بيكون 70 الف!!!!!!!!!!!!!!!!!!!!!؟؟؟؟؟؟؟؟؟؟؟؟؟؟


الصراحة صخيت اطالعه كسر خاطري
بس قهرني صدق من الخاطر لمن قال لي كلمة

اون ترانا صح انزيد عليكم في البيع لكن انتو عندكم بيزات وايد يالاماراتييين <<< شو شايفنا انتاجر راس مالنا رواتبنا!!!!

قلت له وين عندنا تراك انت زدت و هذاك بيزيد و هذا بعد و ذاك شو من بيزات بتبقى عندنا؟؟؟
قال لا بعد عندكم!!!!!!!!!!!!!!!!!

خيبة شايف بيزاتنا طايحة بالشارع؟؟؟

شرات ما انتو تتعبون بالبيزة احنا بعد نتعب فيها
و احنا اذا بنحصل بعض الامتيازات تراها بلادنا و من حقنا اللي انحصله؟؟

يعني احنا لو سرنا بلادهم بيعطونا ويه ولا بيأكلونه؟؟؟
الله الغني عنهم

يعني انتو شوفو هالاجانب شو تفكيرهم عنا؟؟؟ << للعلم الريال في المحل هندي



و هالشركات بعد مب امصدقه كل يوم يزيدون علينا

إلين البارح امي نازلة السوق اتقول الأسعار غلت أكثر عن قبل
يعني الواحد بييبها من وين ولا وين

البلاد كبيرة و الزحمة أكبر و البترول ينحرق بدقيقة

تدرون انه السني لي كان فلها ب30 و 35 خلال 3 سنين وصل لل60!!!!!!!!!!!!!!

اتخيلوا يعني معناها المواطنين لي دخلهم اقل من المحدود بيهاجرون عشان يأمنون مستقبلهم برع بسبب ارتفاع البترول


في الأخير مالي غير كلمه وحده


الله يرحمك يا زايد الخير


أختكم

الخرشة

:mad2:

:think::think::think::think::think::think::think::think::think::think::think:

بس حبيت اوضح

انه مب بس نحن اللي نعاني من غالبية الوافدين

ايضاا الدول الاوروبية وامريكا لا ترضى على نفسها انه المواطنين (وليس الوافدين) من اصول ثانيه يسيطرون
على اقتصادهم وتعليمهم
مع انهم ماخذين الجنسيه

تابعوا البرامج في ام بي سي 4 بتعرفون كيف وااقع الحياة الامريكيه
اللي الكثير من الناس يظنون انها مثاليه

يعني كل دوله ماترضى على نفسها انه ناس من دول ثانيه تكون هي المسيطره 100

السلام عليكم
الله يعينا على هاى الحال
ومشكورة ام سعيدة على مشاركتج واشكر خواتى الاعزاء على مشاركتهم الطيبة
ألى تعبر عن رأي كل مواطن مقيم على دولة الامـــــــــــــــــــــــــارات
الله يرحمك يابويه زايد كفيت ووفيت الى جنة الخلد ان شاء الله مع الشهداء والصديقين

نوووسه:
بس حبيت اوضح

انه مب بس نحن اللي نعاني من غالبية الوافدين

ايضاا الدول الاوروبية وامريكا لا ترضى على نفسها انه المواطنين (وليس الوافدين) من اصول ثانيه يسيطرون
على اقتصادهم وتعليمهم
مع انهم ماخذين الجنسيه

تابعوا البرامج في ام بي سي 4 بتعرفون كيف وااقع الحياة الامريكيه
اللي الكثير من الناس يظنون انها مثاليه

يعني كل دوله ماترضى على نفسها انه ناس من دول ثانيه تكون هي المسيطره 100

حبيبتي نوووسه شحالج :)

شوفي غاليتي...بس حبيت اوضح نقطه..
امريكا مالها اصول اساسا....كل اللي فيها مهاجر من بلاده الاصليه يعني امريكا عباره عن بلد يضم كل الجنسيات في العالم...فهال شي عادي عندهم

بخير اختي انجل ايز
وحشتيناااااا

صح كلامك اختي

بس تعرفين هم يفضلون البشر البيض اللي اصولهم ترجع للانجليز

اما الاعراق الثانيه والاصول الثانيه مثل اللاتينيين والهنود الحمر وغيرهم من الاعراق غير البيضاء


وشكراا

واحنا بعد عندنا في الدوحه كل شي صار نااااار

بصراحه مو شي

سفيرة فوق العاده