ما الذي يحصل للأصحاب الجشع بنات الامارات ابغى رايكم

:down::cry::mad2::think::down::mad2::mad2::mad2:

واعليــــــــــــــــــه وا علىحالــــــــــــــــــــــي

والله ما اعرف شو اقـــــــــــــــــــــــــــــول

اذا رمست لين سنه ما بسكت

الله يرحمك يـــــــــــــــــــــا ابويه زايــــــــــــــــــــــد

[grade="FF1493 8B0000 FF1493 8B0000"]

السلام عليكم ورحمة الله وبركاته

الله يعين خواتي صدق إنها مشكلة،لازم بشكل طبيعي مجرد مايزيد البترول،تزيد المعاشات..

على فكرة الكل متضرر،حتى المقاولين اللي معروف عنهم يجنون أرباح طائلة تضرروا

من الموضوع لأن الزيادة في البترول أدت الى زيادة أسعار مواد البناء،وطبيعي راح

يواجهون خسائر..

المشكلة الأساسية اللي أدت الى إرتفاع البترول هي إن تكلفة شراء البترول أعلى من تكلفة

بيعه،لأن شركات البترول أدنوك والإمارات تواجه إرتفاع الأسعار في شراء البترول،وتبيعه بسعر

رخيص في الدولة...وطبيعي مايتحملون الوضع،فيزيدون أسعار البترول،لكن لحد الحين بالنسبة

لهم سعر بيع البترول لنا منخفض،والدولة تتحمل الخسائر اللي يتعرضونها،لذلك بين فترة وفترة

زادوا سعر البترول أكثر وأكثر،الله يعين، يمكن ارتفار شراء البترول من أحدد أسبابها الحين هو

اعصار كاترينا،لان الاعصار دمر أماكن نفطية في أمريكا،ودائما سعر البترول يتأثر في

المشاكل اللي تصير في العالم..

أهم شي الحين إنهم يشوفون حل للمواطنين لأنها بالفعل مشكلة،سبحان الله سمعت من فترة إن

المواطن في الامارات اللي دخله عشرة آلاف درهم راح يكون بعد عشر سنين من أصحاب الدخل

المحدود،لكن اللي يصير الحين،صار هالمبلغ بالفعل مايكفي في الوقت الحالي..


في أمان الله[/grade]

الله يرحمك يا بابا زايد
والله ثم والله لو بوخليفة بعده عاايش جاان ما صار اللي صاار ....

مواطنين ما عندهم بيووت ويسكنون في الاجاار وناااس يهالهم اللي بعدهم يلبسوون بامبرز عندهم بيوت مسجلة باساميهم .؟؟؟؟ ويين العدل في هالشي خبرووني ويين ؟؟
وكله صووب والبترول صووب ثااني ؟؟؟
عنبو شوو يتحرونه نغرف الفلوس من البحر ؟؟ فعلا ما صارت حاله هااي ؟؟
الحين اهل العين وبوظبي قامو يصبوون بترول في مدينة البرميي التابعة لسلطنة عمان ...بعد ما كانوا اهل البريمي ايجون عندنا صرنا نحن نسير عندهم ؟؟؟ سبحاان الذي يغير ولا يتغير ؟؟

هذا اللي يصير حراام والله حرااام ... نحن الحمدلله في نعمة وساكنين بيوت بس غيرنا قسم بالله اللي يشوف حالهم ما يقول هاذيلا مواطنين عايشين في بلادهم ؟؟

الله يعينا والله يرحمك يا بابازايد .. والله انه محد يسوااك ولحد مثلك ..وغيابك محد يعوضه ....

بنفسوجة

هذا موضوع قريته .. حبيت راويكم اياه

يركب حصانا للعمل بسبب أسعار الوقود الأمريكي1909 (GMT+04:00) - 05/09/05


كان لارتفاع الأسعار تأثير كبير على المجتمع الأمريكي

دبي، الإمارات العربية المتحدة (CNN) -- يبدو أن هناك من يملك القدرة على "كبح جماح" إنفاقه على وقود السيارة، حيث أن جيم جنت الذي يسكن في ولاية داكوتا الشمالية ينهض كل صباح من سريره باكرا ويقود فرسه الصغير البالغ من العمر 14 عاما متجها إلى العمل.

ويبعد عمل جنت مسافة 15 ميلا عن بيته الواقع إلى الجنوب من ولاية داكوتا الشمالية، حيث يعمل تقنيا في محلات جوديير في المدينة، وفق ما ذكرته وكالة الأسوشيتد برس.

ويقول جنت إنه كان دائم التحدث مع زميله في العمل حول رفع أسعار الوقود، وقد قال مازحا إنه إذا ارتفع سعر الوقود بمقدار 3 دولار للغالون، فسيمتطي حصانا إلى العمل.

غير أن المزاح انقلب إلى حقيقة فيما بعد، حينما ارتفع سعر غالون الوقود ليصل إلى 3.20 دولار خلال الأسبوع الماضي، وهو ما دفع جنت للاتجاه مباشرة إلى الحظيرة واختيار الحصان المناسب.

غير أن الجانب السلبي الوحيد لقيادة الحصان إلى العمل، بحسب ما يقول جنت، هو أنه يتأخر خمس دقائق عن موعد العمل يوميا.

وحينما يكون جنت مشغولا بالعمل، ينتظر الحصان، الذي أطلق عليه اسم "باتي"، في الخارج حيث يتناول وجبة لذيذة من القش.

ما بستغرب اذا في يوم من الايام شفنا ناس راكبين النوق ولا راكبيلهم حصاان ... خااصة بعد ارتفاع اسعار النفط بشكل جنووني ..

الله يعينا

بنفسوجة

الله يرحمك يابابا زايد

عيل كيف يوم بيوصل عددنا 10 ملايين

صدق اللي قال اللي يبغي يستوي مليونير يعيش في عهد زايد

الله يرحمك

السلام عليكم
أشكر خواتى ألى شاركوا معاى بموضوع يعتبر هاجس كل شخص اماراتى
وفعلا حنا استوينا نعيش بمصيبة ما يعلم بحالها الا الله عز وجل
الواحد استوى ينقز من منامه بسبب هالكابوس المخيف ألى يهدد كل اماراتى
يا ناس ووووووووووين نسير ولا وين نودى بحالنا
ألى معاشه 5000 درهم ويعيل اسرة من 9 عيال كيف بعيشهم وسط هالغلاء الفاحش شو يعنى نهاجر من بلادنا
ولا نتريا الوافدين والاجانب يتصدقون علينا نسير نشحت منهم فلوس عشان نعيش
والله انه الحالة صعيبة الحالة ما يعلم بها الا الله سبحانه وتعالى
نعيش بكابوس الغلاء الفاحش
لكن ما اقول غير الله يرحمك يا بو خليفة عشنا معاك بجنة وألحين نعانى الفقر من بعدك
تعال يا بويه جوف حالت شعبك كيف استوت من بعدك
وين اقوالك وين احكامك وين كلامك ان البترول العربي ليس اغلى من الدم العربي
استوى البترول الغالى وحنا شعبك استوينا عبيد للاصحاب الطمع والجشع
وينهم ولاة الامر عشان يسمعون ويحسون بمصيبتنا
المفروض من الشعب يوصل معاناته للاصحاب الرأي عشان ياخذون موقف تجاه الشركات واصحاب الطمع

أنا عن نفسي ما حصلت زيادة 25%..

و الكل مستاء من المكان الي الي اشتغل فيه ..
و الاسعار ناااااااااااااااااااااااااااااااااااااااااااااااااااااار

السلام عليكم ورحمة الله وبركاته

أخواتي العزيزات...

برجاء ملاحظة التالي...

من قوانين الموقع...

ثالثا - موجبات حذف المشاركة والإنذار :

المشاركات التي تتضمن نشر الإشاعات المغرضة أو التحريض على الأنظمة الحاكمة أو الدعوة لتجمعات سياسية مما يؤثر على توجهات الموقع.

لذلك يا ريت يتم مناقشة القضية...بدون التطرق إلى ما يخالف قوانين المنتدى...

الحمدلله و الشكر

يا بنات نحن حالنا أحسن و لله الحمد و المنه

أول شي صباح الخير

وثاني شي صبروا تو الناس ترى نحن للحين ماشفنا شي .. وسعر البترول بيرتفع لين يوصل 10 دراهم على بداية 2006 يعني نبيع سياييرنا أبرك لنا

المشكله مب بس في الغلا علينا المشكله إنه الدوله وبعد المؤسسات الكبيره قاعده تدعم الوافدين والأجانب والله لو أقول لكم إني في أجانب ماعندهم شغله غير إنهم يالسين على مكاتبهم ويوقعون إتفاقيات مع أطراف أجنبيه ويستلمون 90000 درهم في الشهر وفوق هذا السكن على الدوله والدراسة عيالهم وبدل غربه ( والله نحن إلي صرنا مغتربين في بلادنا عقب عينك يالغالي) يعني لو بنشتكي لين تطلع روحنا ماشي فايده

وحبيت أعقب على كلام الأخت آخر العنقود

صح رواتبنا أكبر بالنسبه لباقي دول الخليج لكن كل مازادت رواتبنا زادت الأسعار عندنا يعني حالنا من حالكم وبعد مب كل الإماراتيين مليونيريه في عندنا عوايل حالتهم تصعب على الكافر

الله يرحمك يا أوبونا الغالي

بنات


بس حبيت اقول شي و ارجو انه محد يفهمني غلط


يحزنني في كثير من الأحيان التحامل الشديد ( الذي فيه إهانة للوافدين )

صحيح ان دول الخليج و دوله الإمارات عانت كثيرا من مشكلات الوافدين و خصوصا الغير عرب و المسلمين

و من حق اي دوله ان تخاف على عاداتها و تقاليدها و دينها و هو الأهم

و لكن يا بنات إللي جربت منكم انها تدرس برع البلاد او تعيش لفترة برع البلاد بتحس بشعور الأنسان المغترب

تذكروا يا بنات ان الله سبحانه و تعال قال " و اسعوا في مناكبها و كلوا من رزقه " الرزق رزق الله سبحانة و ليس ملك لأحد

طلبة العلم في أيام قمة الحضارة الإسلامية كانوا يهاجرون من بغداد لدمشق لمصر لتلقي العلم و كانوا يعملون و ينفقون على انفسهم و على عيالهم و بل يموتون في الارض التي يعملون بها

احنا يا بنات يوم قررت فرنسا قانون خلع الحجاب

قامت الدنيا و ما قعدت على فرنسا ( انا لست بصدد مناقشة هالموضوع ) فأنا ضده و لكن هل نقبل انه فرنسا تهين المسلمسن لأنهم مقيمين فيها ؟؟؟؟؟؟ و تذلهم عليها أنا يا بنات كنت في لندن مع الوالد الله يرحمة من ثلاث سنين و قعدت هناك حوالي سنة

و عرفت شو يعني غربة

و شو يعني حاجتي لهم !!!!! سوتء علاج و لا علم ولا اي شي

انا ما أقول انكم غلطانين و انه وجود العمالة الوافدة كله خير

بس اعتقد ان الإهانة حرام

و معايرتهم بفقرهم بعد حرام

حرام امريكا تعامل العرب المهاجرين بأفضل ما يعاملهم العرب أنفسهم

هداني و هداكن الله

و سامحوني خواتي

و في النهاية الله يرحمم بابا زايد

حبيبتي ريم

نحن عمرنا ما ردينا الضيف ولا ذلينا حد..بس يوم تشوفين هاللي قاعد يستوي و ينقال بتحترق اعصابج و بيفور دمج...
انا اشتغل في شركه هندسيه كبيره خاصه ..طبعا المالك مواطن بس ............انا المواطنه الوحيده اللي اشتغل!!!
كلهم هنود و فلبينيين و شاميين و غيره و غيره...
ما تتخيلون كيف حياتي في الشركه...

انا مراقبه من الجميع..الكل يحاسبني على كل شي..الكل يحسدني..الكل يبينلي كيف هم حاقدين عالمواطنين!!!!
مديري وافد...انا الحين والحمدلله كملت سنه و نص بس ما تتخيلون كل اللي تعرضت له اول ما اشتغلت....كان يبن لي اني ما اعرف شي و يسب جامعتنا و يقول هذيل ما يعرفون يدرسون...كنت ارد البيت كل يوم و دمعتي على خدي...اتحسب عمري صدق بقره و ما اعرف شي...
لين ما اكتشفت اشياء و اشياء...
طبعا كان ناوي يطفشني عشان ما ايي مكانه...
وغيره و غيره من المواقف و الاحقاد...

انزين ليش..؟؟؟ هذي يزات اللي استضافكم في بلاده و رزقكم من خير بلاده؟؟

تعرفين شو اللي صدق عصب بي و خلاني اكرههم....يوم توفي ابونا زايد الله يرحمه تعرفين شو رده فعلهم؟؟؟؟ كانوا مستانسين انهم بيحصلون اجازه!!!!

واللي مصبرني اتم في هالمكان هو اني ما ابا اترك لهم المجال او اخليهم ينتصرون علي انهم راموا يطفشونني...

هذا قليل من كثير....يعني لو كانوا محترمين النعمه و الضيافه ما عليه...هذيل مشاركينا في حياتنا غير المشاكل و الجرايم اللي يايبينها وياهم من مجتمعاتهم..و يسبون و مب عايبنهم شي!!!!

والله لو تكلمت من اليوم لين باجر ما بخلص..

ومحد يعاير حد بفقره...ترا الوافدين اغنى عن المواطنين حبيبتي...شوفي مناصبهم...كل واحد ايممع و عنده بيوت و عماير في بلاده...و فيه مواطنين معاشاتهم ما تتعدى ال2000 درهم!!!!!

خليها على الله

شو في أختي في نقطة معاج حق فيها

انا بعد في البنك إللي اشتغل فيه مديري غير عربي و غير مسلم

و هو ما يريد و لا مواطن او مواطنه نعاه في القسم و كل و حدة تينة متدربة يطفشها لدرجة اني خبرت وحدة فيهم ان هذا قاعد يطفج

بس اختي انا ادري انه قلبج طيب لا تتحاملين وايد اصبري ترى كل ناس فيهم الشين و فيهم الزين

و إذا كان الله ابتلاج بناس ما عندهم ذمة - االه يعينج -

مو معناها كل الناس حذي

و الله انا عندي ناس احلا من العسل

بس شو نسوي هذا حال الدنيا و بعدين انصحج اتمين في الوظيفة و ما تطلعين !!!!!

angel eyes:
حبيبتي ريم

نحن عمرنا ما ردينا الضيف ولا ذلينا حد..بس يوم تشوفين هاللي قاعد يستوي و ينقال بتحترق اعصابج و بيفور دمج...
انا اشتغل في شركه هندسيه كبيره خاصه ..طبعا المالك مواطن بس ............انا المواطنه الوحيده اللي اشتغل!!!
كلهم هنود و فلبينيين و شاميين و غيره و غيره...
ما تتخيلون كيف حياتي في الشركه...

انا مراقبه من الجميع..الكل يحاسبني على كل شي..الكل يحسدني..الكل يبينلي كيف هم حاقدين عالمواطنين!!!!
مديري وافد...انا الحين والحمدلله كملت سنه و نص بس ما تتخيلون كل اللي تعرضت له اول ما اشتغلت....كان يبن لي اني ما اعرف شي و يسب جامعتنا و يقول هذيل ما يعرفون يدرسون...كنت ارد البيت كل يوم و دمعتي على خدي...اتحسب عمري صدق بقره و ما اعرف شي...
لين ما اكتشفت اشياء و اشياء...
طبعا كان ناوي يطفشني عشان ما ايي مكانه...
وغيره و غيره من المواقف و الاحقاد...

انزين ليش..؟؟؟ هذي يزات اللي استضافكم في بلاده و رزقكم من خير بلاده؟؟

تعرفين شو اللي صدق عصب بي و خلاني اكرههم....يوم توفي ابونا زايد الله يرحمه تعرفين شو رده فعلهم؟؟؟؟ كانوا مستانسين انهم بيحصلون اجازه!!!!

واللي مصبرني اتم في هالمكان هو اني ما ابا اترك لهم المجال او اخليهم ينتصرون علي انهم راموا يطفشونني...

هذا قليل من كثير....يعني لو كانوا محترمين النعمه و الضيافه ما عليه...هذيل مشاركينا في حياتنا غير المشاكل و الجرايم اللي يايبينها وياهم من مجتمعاتهم..و يسبون و مب عايبنهم شي!!!!

والله لو تكلمت من اليوم لين باجر ما بخلص..

ومحد يعاير حد بفقره...ترا الوافدين اغنى عن المواطنين حبيبتي...شوفي مناصبهم...كل واحد ايممع و عنده بيوت و عماير في بلاده...و فيه مواطنين معاشاتهم ما تتعدى ال2000 درهم!!!!!

خليها على الله

كفيتي ووفيتي الغاليه بس بعد بزيد على كلامج نحن مب متحاملين على الوافدين والأجانب كلهم نحن متحاملين على إلي كانوا في بلادهم يشتغلون نواطير وألحين عندنا يشتغلون مدراء ويتحكمون في بلادنا (يعني المسأله لا هي شهاده ولا خبره ولا غيره ) صح إنه في وايد منهم والله إنهم مثل العسل ينحطون على الجرح يبرى وأصابع إيدج مب سوى لكن في فئه كبيره منهم ماتبي من بلادنا إلا الفلوس ولا تقولون غربه حالهم في الخليج أحسن عن حالهم في بلادهم ألف مره وهالشي هم يقولونه بلسانهم ومايبون يردون بلادهم ( وين الوطنيه ) وفوق هذا نحن لو رحنا نغترب برى سواء للشغل أو الدراسه والله العظيم مستحيل نحصل إلي قاعده الدوله تعطيهم إياه يعني نحن معززينهم ومكرمينهم (مب من طبعنا إنه نتمنن على حد ) والله إنه أنا عندي ربع وافدين وأجانب في الدوام محترمين وحبوبين وماعليهم كلام لكن غيرهم إلي يحقدون علينا ويكرهونا ويبينون هالشي بذكر لكم كم موقف معاي بالدوام وإنتوا إحكموا:

أول موقف مثل ماقالت آنجل لما توفى أبونا زايد إستانسوا عسب الأجازه

ثاني موقف لما توفى الملك فهد سمع بالخير واحد من الأمريكان وقال وهو يضحك Grate يا مال حلجه الطر

وثالث موقف في دكتور كويتي معروف (مابذكر إسمه ) ناوي يفتح مكتب في مشروع من مشاريع دبي والله بهدلوا حاله أكثر من شهرين علشان يوافقون مع إنه المديره المواطنه موافقه لكن هم معارضين وآخر مره لما كانوا بالإجتماع قالت له الأمريكيه والله إذا عاجبك عاجبك وإذا مب عاجبك إسحب أوراقك نحن مب محتاجينك لكن عجبني الدكتور ماقصر أدبها

وأكثر من مره تكون في مشاكل في الكمبيوتر والمهندس مال الكمبيوتر مايعرف يحلها وأنا أعلمه شنو إلي لازم يسويه

وغيرها واااااااااااااااااااااااااااااااااااااااااااااااااااااااااااااااااااااااااااااااااااااااااااااايد بس أكرر وأقول مب كلهم

ونقطه أخيره إنه الدوله مب محتاجه لهم عندنا شباب متخرجين بكل التخصصات وقاعدين في بيوتهم ليش مايوظفونهم لا تقولون خبره


الله يرحمك ياأبونا الغالي

السلام عليكم خواتي
انتو ماشفتو شي بعدكم
الحين فيه دراسه لفرع اسعار عداد الكهربا................يعني كم شهر وبترتفع.
ثاني شي هذي الزياده على البترول بسيطه لان الزياده الحقيقيه بعد ست اشهر.
وهذا الخبر اللي وصلني من بعض المدرسات المتزوجات من غير المواطنين ان ابناء المواطنه ماتعالج ابناءها في المستشفيات الحكوميه الا بفلوس حالها حال الوافد .........
ويعني المواطنين اللي متزوجين فلبينيات وروسيات وغيره احسن من المواطنات والله حرام عليهم.
نحنا كنا نعاني من مشكلت ارتفاع اسعار البناء والاسمنت والحين كلشي يرتفع .
نحنا الامارتين كم عددنا نحنا ولا شي بين هالوافدين ..............
والحين صرنا مانعرف من المواطن الاصل ومن الوافد .........
راح يقولون عنا ((((((( سكان الامارات الاصلين )))))))))
مانقول الا غير الله يرحمك يابو خليفه روحت وروح الخير وياك .

السلام عليكم ورحمة اللـــــــــــــه وبركاتــــــه


قولو: حسبي الله ونعم الوكيل والشكوى لغير الله مذله..

والله يرحم ايام زايد.. خلاص زايد روح والحين كل شي بيتغير..
ما بتكلم في السياسه لاني اذا تكلما ما بخلي ولا واحد في حاله..
الجشع سايد هنيه عند.......

وبالفعل بعد 6 اشهر بيتغير سعر البترول.. والمشكله انهم يبغون يوصلون 100%!!!!!!!
وامسات زوجي راح يترس البترول مع ربعه.. وهم راجع من العمره يقوله مال المحطه انتو بلاد غنيه ليش ترفعون سعر البترول ما اعتقد انكم محتاجين فلوس؟؟؟؟؟؟
وكل هذا ب صوب.. منزلين قوانين التوطين في البلاد!! منو الي اتبعه؟؟ والمشكله زادو نسبة التوطين وبعد محد عبرهم.. يخافون من المواطنين.. كنت اشتغل في شركه محليه كبيره وما بذكر اسمها صاحبها مواطن.. والي فيه وافدين.. والله ان الكل كان يعاملني بطريقه لدرجه رحت للمسؤوله مالتي اشتكيها وتقولي طنشي.. ولين ما استقلت لان الوضع ما يستحمل.. والحين جربت شركه كبيره وان شاء الله خير لان الاغلبيه مواطنين وخاصة المدرى..
نحن ما نقول ان ان في فرق من بينا.. انا اقول ان لازم يحطون قوانين تنفذ علشان الناس تعيش في امان..
يعني المواطن يعيش عيشة الغريب والوافد عيشة صاحب البلاد..؟!
المشكله المشاريع كلها حق منو؟؟ حق الوافدين وكل مشروع يعطونه حقهم من انه يعيش اكثر في ابلادنا؟؟؟؟؟
والشوارع زحمه ويوميا حوادث بالهبل.. وخاصة يوم بدت المدارس؟؟
وما شي احترام لقوانين المرور.. كل واحد يلف على الثاني وكل واحد يجز بريك في ويه الثاني وكل واحد يعاند الثاني؟؟
والحريم خلوهن ب صوب ما شي اتعس عن سواقتهم الطريج مالهم شارينه ابيزاتهم؟؟؟؟؟؟؟

وكلام انجل وايد عايبني واايدها في كل كلمه..

قولو حسبي الله ونعم الوكيل..

وعلى فكرة السوق بيصير غالي بسبت البترول..
الصيادين يشتكون والمقاولين يشتكون والتكاسي يصيحون وغيره وغيره..
واغلبية المواطنين عايشين في شقه مع عيالهم..
واغلبيتهم ما عندهم مواصلات علشان يسيرون الدوام ويحصلون لقمة العيش..

الحمدلله على كل شي..



قال جابر بن عبدالله رضي الله عنهما : كان رسول الله صلى الله عليه وسلم ، يُعلمنا الاستخارة في الأمور كلها كما يعلمُنا السورة من القرآن ، يقول : إذا هم أحدكم بالأمر فليركع ركعتين من غير الفريضة ، ثم ليقل : اللهم إني أستخيرك بعلمك ، وأستقدرك بقدرتك ، وأسألك من فضلك العظيم فإنك تقدِرُ ولا أقدِرُ ، وتعلم ولا أعلم ، وأنت علام الغيوب ، اللهم إن كنت تعلم أن هذا الأمر -يسمي حاجته - خير لي في ديني ومعاشي وعاقبة أمري - أو قال : عاجلة وآجله - فاقدره لي ويسره لي ، ثم بارك لي فيه ، وإن كنت تعلم أن هذا الأمر شر في ديني ومعاشي وعاقبة أمري - أو قال : عاجله وآجله - فاصرفه عني واصرفني عنه ، واقدر لي الخير حيث كان ، ثم ارضني به"

الدعاء دفـــعا للبلاء.. فاكثرو من الدعــــاء..

"دعاء الهم والحزن"
ماأصاب عبداُ هم ولاحزن فقال : "اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي " . إلا أذهب الله حزنه وهمه وأبدله مكانه فرحا"..ً
رواه أحمد وصححه الألباني..لكلم الطيب ص74

مقدر اقول الا

الله يرحم ابونا الغالي الغالي على قلبي مرررررررررررررره

وهو والدنا الشيخ زايد بن سلطان

والله يخلي الشيخ خليفه الا مايدور للمشكله حله

لانه والله العظيم ان الرواتب ماتكفي المعاش بسيط والمصاريف كل ما جاها ترتفع

يمكن في ناس عادي عندها لانه المعاش يكفيها وزياده

لكن الناس اللي دخلها بسيط شو تسوي

الله يسر علينا وعلى الجميع

ويرحم غالينا زايد يارب

وينه هالموضوع عني وينه منخش
ابا ابرد حرتي

كل شي استوى غالي مية درهم في اليوم كانها عشرة وتطير أحيد العشر ان طارن عادي لكن ميات تطير في اليوم صراحة صعبة



الله يرحمك يابويه زايد الغالي

الله يعينا

تسلم صاحبة الموضوع

:down::confused::mad2::sad::cry::cry::cry::down::down:

aalllllllllllllllllllllllllllllllllllllllllllllllllllllllllllllllllllllllh yr7amk ya al'3ally...........

w alllah yesahel 3linah ensallah

:cry::cry::mad2::mad2: