افكــــــــار وهـــــــــواجس ومحــــــــاتاة ماقبل الزواج !!!!(للمتزوجات فقط)

الله يرزقج بالزوج الصالح اختى خاص

_____

مرحبا Jokanda كانت عندى نفس المشكله وخصوصا انه ماكانت بينا علاقه قويه وما اعرف خواته زين ولا هله


وبطبيعه الأمر انت متوتره ودايما تفكرى في حياتج اليديده ويوم تشوفى هذا التطنيش تحسى بالخوف والتفكير يزيد عندج

بس عقب فتره كلمت بنت خالتى وهي تكفلت تكلم اخته بس بطريقه غير مباشره

وقمت اكلمها من فتره لفتره وتنقللى اخبار زوجي

والحين كل شئ اوكيه ويكلمنى

تراه شرات ما انت تريدى فتره تتأقلمى مع الوضع الجديد بعد هو محتاج

وعلى حسب طبيعه الانسان

فردوس الاحلام تسلمين حبيبتي

بس حتى اهله ما اتصلوا عشان يحددون العرس أو يسلمون على الأقل حتى برمضان محد عبرنا :(

جوكندا ..

اممممممم غريبة و الله ..

بس ليش أنتي ما اتصلتي بامه وباركتي لها بالشهر .. ما فكرتي إن هالشي راح يفرحه لو درى إنج مهتمة ..

و بعدين تصبري يا عمري و الله يوفقج .. و اطردي الشيطان لا تخلينه يوسوس لج أنتي توج باول حياتج ..

الله يرزقج بالزوج الصالح و اللي تتمنينه أختي ( خاص )

حتى انا حبيبتى نفس الشئ حتى بديت اشك في الموضوع و الشكوك تلعب براسي

بس انتى سوى نفس الحركه

وحتى لو اتصلت امج عليهم مافيها شئ انتوا نسايب الحين ولازم تعرفى راسج من ريولج صح

يعنى انا يوم عاتبت اخته على التطنيش قالت نحن عطيناج فرصه عشان تفكرى زين

" شو افكر زين خلاص طاح الفاس على الراس"

مشكووورة حبيبتي خاص على النصيحة,,
والله يرزقج بالزوج الصالح ,,والله يسعدج دنيا واخرة يااارب,,

تحيااااااتي,,

دوحانية اشكرج حبيبتي

اهم عندهم عيب اتصل انا واسلم بعدين يقولون هذا جرئية وما تستحي :(

فردوس الأحلام تسلمين حبوبه
عزيزتي انتي على الأقل تعرفين اخته أنا ما اعرف حد منهم ؟؟؟؟؟

وصراحه مو حلو بحقي أنا ابادر بالأتصال :(!!!


اشكركم حبيباتي

هلا حبيبتى جوكندا

انا ما كنت اعرف اخته بس شكلا ام خواته الباقيات شفتهم يوم الملجه بس وما تكلمت وايد معاهم

اما عن المستحى فهذا شئ طبيعى

فأفضل شئ انه امج تتصل صدقينى ما فيها شئ تتصل تبارك بشهر أو تعزمهم

عن نفسي كنت مشجعه انى اتصل بدايه الشهر واباركلها بس استحيت اخر شئ خليت امى تكلمها وتباركلها

بسم الله الرحمن الرحيم شكراً لك اختى الكريمة على هذا المقال كيف الحال إن شاء الله دوم بخير ؟ ا الحمدلله والصلاة والسلام على رسول الله وعلى آله وصحبه أجمعين انا اختك سوف اكون عروسة جد يدة فى القريب وعندى نفس المخاوف

شمعة العين


"+:. روحــ uae .:+"

مجنونة الكويت

فطوطه

new 3roos

دمعة بحر

خاص

صمت الامل

Jokanda

فردوس الاحلام

دوحانية

Azzaghada



شكرا لكم جميعا على المشاركه..والتفاعل...الله يخفف مخاوفكم ويريح بالكم...ويزيل همومكم..ويرزق كل من لم تتزوج..اللهم امين


يعطيم العافيه...احبــــــــكم 

:)

:)

ملجتي بعد اسابيع

وانا خايفه من اشياء وايد

1 انه ما يتقبل شكلي
2 طبعي خجول لأبعد حد ما اعرف كيف بتعامل معاه ومع اهله
3 خايفه من الليله الاولى
4 خايفه من الحمل
5 خايفه من انه يخاف من شكلي اول ما انش الصبح ههههههههه

السلام عليكم ورحمة الله وبركاته
موضوع حلووووووو ومفيد تشكر صاحبته عليه الف شكر
:::::::::::
اختي خاص الزواج قسمه ونصيب وباذن الله نصيبج بيجيج وتتوفقين مع واحد خلوق ودين ووسيم بعد والله يوفقج انتي وباقي البنات ويستر علينا وعليكم اجمعين
::::::::
بنات انا من رايي ان البنت لازم تتصل تسال عن ام زوجها وتبارك لها بالمناسبات ولخواته وبالاخص لو كانوا اكبر منه ولو تستحي من ابوه توصله سلام مه زوجها او امه
وحلو ان الوحده تكون اجتماعيه وفرحه وتحب الخير لزوجها واهله
وصدقوني مجرد اتصال لو دقيقتين تسلمين فيهم على امه وتباركين لها بعيد او غيره بتكبرين بعين زوجج وانتي شوي شوي بينكسر عندج الحاجز اللي هو الحيا والصمت وبيصيرون مثل اهلج
ولو مستحيه خلي امج تتصل وتكلمهم وبعدين تعطيج السماعه مافيها شي
والله يوفق الجميع ان شاء الله

انا عضوة جديدة وهذي اول مرة ارد علي موضوع :o لأنه علي الوتر الحساس

مخاوفي مثل مخاوفكم ويمكن اكثر بس لما افكر مرات اقول اشلون امهاتنا قبل توزجوا وهم جهال ولاشقه بروحها ولا شي يلا دار و واجد عليها واول زواجها حمل وعيال وتربية وتخدم علي اهل الزوج ويا يكون طيبين ولا يطلعون عينها ,,
بس همن خوفج الحين اكبر ياتري بعجبه تفكيري مثل تفكيره متفهم وغيرها واجد بترس عينه ولا لأ اهله طيبين ولا . واذا علي البيت والتنظيف كلها شقتج وان حملتي جابلج خدامة ( يعني مسكته لا اعرف انظف ولا اطبخ ولا اكوي والي يطيح بيدي يا يحترق ولا ينكسر يعني سنعه عدل )


انا مابي احبطكم كافي الاحباط إلي فيني ومادري اشنبي بالزواج غير انه سنة الحياة وعلي قولة المثل (بيتي يابعد كل البويتاتي ) .

بس همن هونيها وتهووون ومافي شي صعب باجر نتأقلم ونتعود ونضحك علي نفوسنا..

وسلااااااااااااااااامتكم

مرحبا لكم جميع ..
انه ماعندي خبرة بالموضوع ولأني راح أدخل القفص الذهبي قريب حبيت أشارك بشي بسيط وصاني به الغالي وإني لازم أفهمه عدل,فأتمنى من إللي مقبلين على الزواج الإستفادة منه.إن شالله.
وصــية أم لابنتها
قالت:إنك خرجت من العش الذي فيه درجت وصرتي إلى فراش لم تعرفيه,وقرين لم تألفيه فكوني له أرضاً يكن لك سماءً وكوني مهاداً يكن لك عماداً وكوني له أمه يكن لك عبداً ولا تلح عليه فيكرهك ولا تباعدي عنه فينساك.
إن دنا منك فإقربي منه وإن نأى عنك فابعدي عنه واحفظي أنفه وسمعه وعينه فلا يشم منك إلا طيباً ولا يسمع إلا حسناً ولا ينظر إلا جميلاً ...
مناي إني أفيدكم
وتسلمون لحسن القراءة

موضوع رائع اتمني كل البنات تستفيد والله أنا مش مخطوبة لسه طالبة في الجامعة ولا اعتقد انت حتزوج قبل ما اخلص دراسة بس الله أعلم كل شئ نصيب

ان شالله ملجتي بعد اسبوعين
والحمدلله انه واهوه متفاهمين ونموت في بعض
بس ماقولكم بعد عندي هالمخاوف
ومشكوره اختي ع الموضوع العجوبي يالعجوبيه
ويعطيج ربي الف عافيه

افكر من اللحين و لسى العريس ما جاء و غذا جاء مات ادري وش بسوي

رفع للنفع

السلام عليكم ورحمة الله وبركاته
الله يعطيج العافيه اختي على هالموضوع ،،
تسلم ايدج ،،
تقبلي تحياتي ..