افكــــــــار وهـــــــــواجس ومحــــــــاتاة ماقبل الزواج !!!!(للمتزوجات فقط)

هلا كويتية ..

مشكورة يا قلبي على هالتفاعل الحلووو .. و الله يبارك بعمرج والفال لج إن شاء الله


و صدقتي سواء هنا أو هناك الوحدة لما تعرس اسمها طالعة من بيت أهلها ( رايحة لبيت الجيران:D)

و المجتمع السعودي أحبه و مثله مثل أي مجتمع له سلبيات و إيجابيات و بإذن الله اتكيف معه

أما العشرة كيلو أجاااااااااااهد عشان تنزل و أقدر ألبس أشياء حلوة
بدون ما أظل كل الوقت على اعصابي .. لكن الخوف رمضان يعفس الريجيم :s

يبقى موضوع الرومانسية و الخصوصية رغم وجودج في بيت أهل ريلج .. هذي يبالها أكيد تعود و تنظيم وقت و مراعاة لأوقات العايلة يعني نومهم مواعيد أكلهم طلعاتهم ... خصوصا إذا كانت العايلة كبيرة مثل حالاتي :)
و لكن هو يقول لي إن في حدود سنة سنتين كذا و ناخذ بيت نأثثه سوا على ذوقنا و هوانا ، ومنها تتقوى علاقتي بأهله و أحس إني بنتهم ...

وفيه نقطة بعد ( عيبتني السوالف هاه :)) و هي إن خطيبي روماااانسي جداً جداً ويحب الحركات الرومانسية والمفاجأت .. وهذا مسبب لي ضغط - بيني وبين نفسي- لأني أحس إني في بحث و تفكير مستمر عن شيء جديد يعجبه و يحسسه بمشاعري ..

و سلامتكم ... معليش طولت عليكم .. بس الثرثرة تحلى بالفجر..

تحياتي للجميع

ايــما

ema_uae

مضبطين حالكم ماشالله عليكم....الله يسعدكم دنيا واخره انشالله....

صدقيني اذا انتي تحبين زوجج...ماراح تتعبين في البحث عن سوالف الرومانسيه ...غلاته راح تخليج تبدعين :)

ههههههه عادي اخذي راحتج بالعكس....

شكرا على مرورج الحلو

احم احم

كويتيه ميخالف تحمليني

شنو اثمد؟

والخروع اشتري من الحواي عادي واسويه انا؟؟

زين الاثمد هذا ينطحن والا بودره جاهزه ..يعني اللي تعرف الطريقه لا تبخل علينا بليزز

بانتظاركن

اهلين...هلا وغلا...

لا اشدعوه...عزيزه وغاليه بس وهقتيني...لول..

انا اعرف الاثمد بس انشالله وصفي يساعدج..

الاثمد كحل كانو يستخدمونه الناس قبل وعلى حسب خبري انه فيه فوائد للعين...المهم اهو صاير بودره سوده مطحونه..محطوطه بعلبه صغيره..والغطوه مالته فيها نفس العود اللي تحطينه بالبودره ويصير عليه كحل وتردين تحطينه على العين...

هذا على حسب خبري...يمكن في انواع ثانيه والله اعلم..

تلاقينه عند الحواي طبعا...وزيت الخروع ...عادي زيت الخروع :)

تييبين علبة ماسكارا مخلصه وتغسلينها عدل وتعقمينها وتحطين فيها الاثمد +زيت الخروع ويصير بجذي عندج ماسكارا طبيعيه وبنفس الوقت تغذي...لان زيت الخروع واااااااااااايد زين للرموش..

يعطيج الف عافيه

اي عرفتها الغلا

تسلمين قلبي ما قصرتي..


زين اكتفي بالماسكارا اللي هي خروع واثمد مخلوطين!..والا احط اثمد بعد؟

وتسلمين قلبي

هلا فيج....

الماسكارا (اثمد+زيت خروع) للرموش

والاثمد بروحه ترسمين فيه اطراف عينج بخفه...ولاتبالغين لانه راح يتمدد وتزيد مساحته...عقب ماتنامين

بنأأأأأأأأأأأأأأأأأت اللي ضايعين بالطوشه وماتدرون شالسالفه هذي كانت طريقه لعلاج وحده من اكبر الهواجس اللي يعانون منها البنات...
الا وهي الشكل المصون للعروس عندما ( تستيقظ) من النوم.... :)

والفكره السابقه مو لي ترى...لوحده من الاخوات اللي بالمنتدى عروس يديده ومجربتها وتمدحها...

تقول ان شكلها يصير حلو وطبيعي...

يعطيـــــــــــــــــكم العافيه كلكـــــــــم

بصراحة موضوع حلو و جيد للنقاش .............


انا بالنسبة لا اني مخطوبة او مالجة او معرسة ....................................... مريحة نفسي :D2:D2


بس اختي معرسة ..........و هي كانت وااااااااااايد خايفة من اول ليلة .......( تدرون عاد شصير في اول ليلة )

بس الحمدلله الحين هي مرتاحة وااااااااااااااااايد

على فكرة هي ساكنة مع اهل زوجها ...............



الله يسعدها و يسعد كل المعرسات و المخطوبات

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآمييييييييييييييييييييييييييييييييين

:


امين يا شمعة العين لووول :>

ويالله مبروك عليها وان شاءالله دوم مرتاحه اختج : )

وانا بعد ترا بسكن ويا اهل ريلي ..


هلا اختي الكويتيه :)

مشكورة على الفكره الطيبه

وانا عن نفسي " مالجة " .. حاليا وزواجي قريب في شهر 12 بأذن الله تعالى

والحمدلله حاليا ماشفت شي غلط او مب مستحب وكل شي الحمدلله تمام ومرتاحه ^_^

عادي اكلم زوجي و اطلع معاه نشتري اغراض لنا واثاث للغرفه ومن هذا القبيل..

بس ماعرف شو اسوي في الصباحية ثاني يوم !! :confused:

يعني انا ماعرف هالسوالف :(

يعني اول شي الساعه كم انش؟؟ ووين نروح اول مكان ووو.. الخ ..

احس الموضوع شوي تعب فيه صح ولا لا..؟

لان اول يوم بزواجنا بيكون تعب وسهر

وثاني يوم اللي اعرفه اظن نزور الاهل ونقوم من النوم من وقت

اظن مافيها راحه :s:confused:

اللي عندها خبره تفيدنا (a)

وشكرا ^_^

:

"+:. روحــ uae .:+"

ألف مبروك حبيبتي والله يوفقج يارب وأنا بعد مملجه وعرسي إنشالله تقريبا معاج ب30-11 :smile:
أنا صباحيتي إنشالله بنسافر لأم الدنيا شهر عسل إنشالله سبوعين وبعدها إنشالله لندن سبوعين ونرد :cool2:
وإنتي يعني مراح تسافرين؟ وقوموو على راحتكم ووقت ماتقومون تريقوو ومري أهلج وبعدين أهله وبعدين طلعي لوووول لاتقعدين بالبيت والله يوفقج يالغاليه

مشكووره يالكويتيه عالموضووع ماننحرم منج يالغاليه أنا بالصراحه أكلم زوجي وعرسي بقاله شهر ونص تقريبا أدري مابقالي شي وحدي أحاتي لأني ماسويت شي بالتجهيز :down:

الأهل شوي منشغلين بالظروف أختي تعبانه عني بس كل يوم :confused: من كثر المحتاه لدرجه إن نفسيتي صارت إكس مع مرتبة الشرف حتى الريال قمت أطلع حرتي فيه لووول المسكين لا بس جد المحاتاه خلتني بس 24 ساعه هواش الله يستر والله جد قمت أخاف من العرس ومن الناس وعيونهم الله يكفينا شرهم لأن جم وحده من خالاته وعماته حاطه كانو عينهم عليه بس الله يستر وأهله وأمه وخواته والبيت عموما ماشالله عليهم خووش نااس وطيبين وعسل

بس هم متخوفه من العيشه معاهم خصوصا إنه بقعد ببيت أهله بشقه بس هم ماراح أقدر آخذ راحتي تعرفين بيت الحموله ولازم تكشخين كل يوم وترسين ويهج بالمكياج يالله والله تعب :(

وأكثر خوف من أول ليله لوول أخاف بيغمى علي خخخخخخخخخ

وبعد متخوفه من الكارثه العظمى أول مااقوم من النوم خخخخخخخخ شبيصير بوجهي من الحياا وإنتو عارفين

بس أسأل الله العلي العظيم إن يوفقني ويوفق كل وحده مقبله عالزواج وإن الله يتمم علينا بالفرح والسرور لي ولأخواتي بالمنتدى واللله ماتزوجت إنشالله من باجر طاق على باب بيتهم المعاريس والسامـــــــــــــــــــــــــــع يقـــــــــــول آمييييييييييييييييين

وكلولولولييييييييييييييييييييش

يارب تسخرلي زوجي :)
وماطول عليكم وشكرا :)

سووووووووووري بنات الكمبيوتر مسجلني بنك أختي خخخخخ واختي بعد مو متزوجه صغيره بعد لا تخترب خخخخخخ سوري أنا إللي كاتبه معاناتي فطوطه :pain::up:


"+:. روحــ uae .:+"

ألف مبروك حبيبتي والله يوفقج يارب وأنا بعد مملجه وعرسي إنشالله تقريبا معاج ب30-11 mile:" class="inlineimg" />
أنا صباحيتي إنشالله بنسافر لأم الدنيا شهر عسل إنشالله سبوعين وبعدها إنشالله لندن سبوعين ونرد
وإنتي يعني مراح تسافرين؟ وقوموو على راحتكم ووقت ماتقومون تريقوو ومري أهلج وبعدين أهله وبعدين طلعي لوووول لاتقعدين بالبيت والله يوفقج يالغاليه

مشكووره يالكويتيه عالموضووع ماننحرم منج يالغاليه أنا بالصراحه أكلم زوجي وعرسي بقاله شهر ونص تقريبا أدري مابقالي شي وحدي أحاتي لأني ماسويت شي بالتجهيز

الأهل شوي منشغلين بالظروف أختي تعبانه عني بس كل يوم من كثر المحتاه لدرجه إن نفسيتي صارت إكس مع مرتبة الشرف حتى الريال قمت أطلع حرتي فيه لووول المسكين لا بس جد المحاتاه خلتني بس 24 ساعه هواش الله يستر والله جد قمت أخاف من العرس ومن الناس وعيونهم الله يكفينا شرهم لأن جم وحده من خالاته وعماته حاطه كانو عينهم عليه بس الله يستر وأهله وأمه وخواته والبيت عموما ماشالله عليهم خووش نااس وطيبين وعسل

بس هم متخوفه من العيشه معاهم خصوصا إنه بقعد ببيت أهله بشقه بس هم ماراح أقدر آخذ راحتي تعرفين بيت الحموله ولازم تكشخين كل يوم وترسين ويهج بالمكياج يالله والله تعب

وأكثر خوف من أول ليله لوول أخاف بيغمى علي خخخخخخخخخ

وبعد متخوفه من الكارثه العظمى أول مااقوم من النوم خخخخخخخخ شبيصير بوجهي من الحياا وإنتو عارفين

بس أسأل الله العلي العظيم إن يوفقني ويوفق كل وحده مقبله عالزواج وإن الله يتمم علينا بالفرح والسرور لي ولأخواتي بالمنتدى واللله ماتزوجت إنشالله من باجر طاق على باب بيتهم المعاريس والسامـــــــــــــــــــــــــــع يقـــــــــــول آمييييييييييييييييين

وكلولولولييييييييييييييييييييش

يارب تسخرلي زوجي
وماطول عليكم وشكرا

:

مشكورة غناتي مجنونة الكويت ^_^

ان شاءالله بنسافر بس بعد فتره يمكن عقب اسبوع ^_^ بأذن الله تعالى

ومبروك لج بعد حبوبه :) وربي يوفقج وتستانسين يارب : )

وان شاءالله اسوي اللي قلتيلي عليه ^_^

سلامي لج

..

السلام عليكم

عن نفسي فانا ما زلت مخطوبة.. من الحين احاتي العلاقة مع اهله.. مع انه زواج اقارب.. يعني اعرف اهله عدل.. بس سالفة الزواج غير!! الله يستر.. مادري شلون بيكون فيه قبول ولا لا.. الشي صعب صعب وايد


احاتي بعد.. اني ما اطلع عند حسن الظن بالنسبة له

احاتي بعد.. انه يشوف وحدة ثانية غيري:s

احاتي بعد.. الشعر وشلون اشيله:cry: تراني اتوهق!!! مالي بارض اشيله كل يومين.. انا اشيل الشعر اليوم عقب يومين يطلع (سووووبر)

وكللش مالي بارض!! وفي نفس الوقت مابي اسوي له فلم رعب!!!!!!

:

ههههههههه هلا فيج حبيبتي : نيو عروس.. ^_^

لاتحاتين ها كله افا عليج الموضوع عادي وانتي لاتكبرينه اكثر عن اللزوم :)

اولا قولي الحمدلله انه من الاقارب ومب واحد غريب .. واكيد تعرفين اهله فحاولي تتأقلمين معاهم واذا هم زينين قولي الحمدلله اكيد بترتاحين ..

ولاتقولين بيشوف غيرج .. اذا بيشوف غيرج حبوبه جان ماخطبج وفضلج انتي على الكل ^_^

ولازم تكون عندج ثقه بنفسج :> كيف تخافين ماتكونين عند حسن ظنه..؟ كوني واثقه من عمرج ودوم اكشخي له وتكونين بأحلى صوره جدامه ^_^

اما عن ازالة الشعر حبوبه شيلي شعر جسمج بالحلاوه.. مو بالموس او المكينه لان الحلاوه اول شي انظف وماتطلع الشعر بسرعه يعني الشعر يباله اسبوع واكثر لين مايطلع في جسمج ويوم يطلع بيكون خفيف مو ثجيل لانه بيكون مشلول بالحلاوه.. والحلاوه تبيض اي مكان في الجسم بعد استخدامج لها اما اذا موس او مكينه فتسود.. :) بي كيرفول ..

ولاتخافين وان شاءالله ترتاحين وتستانسين مع ريلج يارب ^_^

سلامي لج

..

وعليكم السلام ورحمة الله وبركاته

يااحليلكم بنات ....الله يوفقكم اجمعين

اول هم وأكبر هم عند كل بنت مشكله أول ليله شي طبيعي بس صدقوووني عاد هذا أتفه شي البنت تحاتيه بالعكس كل شي يمرر طبيعي بس احنا نكبر المسأله نقعد نفكر شلون وشلون والحمد لله كل شي بتوفيق ربي يمر سهل ولله الحمد

انا بعد مخاوفي من اول ليله وبعد التجربه والله العظيم الحين اتمنى اول ليله تررجع ههههه والله حلووه لها طعم من غير خووف لانها اول ليله تكونين ملك زوجك الخاصه لا أهلك بيدقون عليك ولابيدخلون عليك ولاتلفون يزعجكم ولاشي وكأنكم بهالليله ملوك ...

والله يبدل مخاوفكم طمئنينه ويوفق الجميع

اختكم دمعة بحر

:

الله يريح قلبج اختي :) دمعة بحر

تسلمين والله

..

موضووووووووع حلو وعقبال زواجي يارب وزواج كل البنات اللي ماتزوجوا وان شاء يرزقني بواحد يسعدني ويريحني قولووووو آميييييييييين لاني بصراحه من خبالي كنت ارفض الزواج لما كنت بالجامعه والحين صار عمري 27 سنه وندمت كثير على الفرص اللي طوفتها بسبب خوفي من الزواج بس الحين لا عن جد انا مستعده بس ان شاء الله ادعوا لي بالزوج الصالح المتكافيء محتاجه دعائكم يارب يرزق الجميع بالازواج الصالحين..اللهم آمين

اللهم امين :)

ان شاءالله حبيبتي اييج نصيبج وتلقين ولد الحلال اللي ترتاحين معاه ويصونج ويخاف ربه ويخاف عليج

..

موضوع حلووو,,شكرا حبيبتي على طرحه,,
انا مخطوبة(ممتلكة) وما باقي شي عن زوااجي والاشياء اللي خايفة منها تتلخص في نقطتين:
* اني بسكن مع اهل زوجي,,وانا بطبعي خجولة واستحيييي وااايد وخطيبي متعلق بأهله واااااايد ويحب يقعد معاهم ويطلع معاهم عااااد اني مادري شسوووووي؟؟ياااربي ماني متصورة اني بعيش بهالاجواااء..يربي شسوووي يبنااات؟؟

*خايفة اني احمل بسرعة والنونو اللي بيجي يخرب علينا انا وزوجي..انا اموووووووت في خطيبي وهو يموووووت فيني ومابغي هالحب يتغير,,ابغيه يزيد ويزيد ويزيد,,

بس النقطة الاولى هي اللي مأرقتني بجد,,احتمال اقول له اني مابغي اعيش مع اهلك,,والا شراااااايكم؟؟وسلااااااامتكم
اكرر شكري لج حبيبتي,,
تحياااااااااتي

لالالالالالا لا تصيرين هبله صمت الامل القعده مع اهله احسن لك بس ياريت يكون حاطين لك شقه بمنافعها يعني مو تروحين حق الحمام المشترك او تنزلين المطبخ علشان تسوين لك وله غدا او عشا وإذا ما حصل لك هالشي تكلمي بس ديري بالك وراعي انه هو متعلق بأهله و الواحد الطيب اللي يكون فيه خير حق اهله والوحده إذا لقيت شاب صالح وتموت فيه ويموت فيها تتمسك فيه عددددددددددددددل لا يطير ترى اشكثر البنات اللي ماتزوجوا قاعدين عند اهلهم نفس حالتي ادعي لى حبيبتي عسى الله يرزقنا ويفرج همنا ويتزوجون كل البنات بالازاج الصالحين اللهم آمين

أنا عندي مشكلة بصراحة

صارلي شهرين من تملكت بس زوجي مو معبرني لا اهو ولا اهله

محد اتصل فينا ولا عبرونا


ما ادري ليش

محتارة وخايفه واحتاي


:(