خطيبي ضربني ياعالم وأنا جالسة معاه في بيت أهلي..!!

أخت روز هو اصلن مش عصبي بس أنا استغربت لما شفته ذاك اليوم معصب صالر لي معاه ثمانية شهور وشوي ولا مرة شفته رفع صوته أو هاوشني

وأنا مو من النوع الا يستفز فيني عصبية بس قليلة يعني اسكت واطنش ساعات

ومشكورة على النصيحة

ما من حقه ابد..انصحك ضروري تكتشفيه اكثر في الفترة الباقية...واختلقي موضوع ممكن تختلف اراءكم فيه ...اذا ماحترم وجهة نظرك وعصب احس انه من الصعب انك تعيشي معاه ..وصلي استخارة

الله يوفقج ويسعدج مصباح كفيف

ومايحتاج انج تختبرينه ولا خرابيط

ويمكن يكون الرجال في ذاك الوقت كان عنده ضغط او مشكلة (لان طبع الرجال غالبا مايقولون مشكلتهم )

وان شاء الله من هذي المشكلة تقوى علاقتكم اكثر واكثر

وانسي اللي صار وستمتعوا بحياتكم

ربنا ينور بصيرتك ريهدي سركم ان شاء الله
متقطعيش صلاة الاستخارة ابدا

ليش بعض العضوات ما ينتبهن للردود الاخيرة ويجابوون على اساس الموضوع الاصلي؟؟؟ بصراحة يطفشوووون!

الله يوفق بينج وبينه اختي المصباح الكفيف..

انا من رأي انك مو تبعينه برخيص بيعيه بتراب بعد سوري على الكلام اذا يضايق او تعدى حدود الادب بس هذا سفاح مو زوج هذا بالخطبه طقك و خنقك بعد الزواج وش بيسوي بيكمل عليك بدل ماتجهزين الفستان يبيلك تجهزين الكفن

انا انصحك انك تتركينه واتوقع اهلك لما يعرفون هذا رأيهم بكره تتورطين بعيال وساعتها حرام بيضيعون واللي جابه يجيب غيره ادعي ربك واستخيري هاذي مايبي لها كلام

واسفه من جد على الحكي بس انقهرت اذا في هالمرحله اللي معروف فيها الرومنسيه بين الازواج سوى كذا اجل الله يستر من بعدين

عمومآ الله يوفقك ويستر عليك

بالتوفيق دوما مصباح كفيف..

والله يهنيكم ويسعدكم...

وانشالله تعيشون في ثبات ونبات وتجيبون صبيان وبنات....

منـــــــــــــــــــــــار

اختي سالفتج عورتلي قلبي ...
صار الضرب عاده عند معظم الرجال...
اختي انصحج .... مثل ما قالو البنات ... تخبرين اهلج ( امج و ابوج )... ادرى ابمصلحتج...
وحطي هالمعلومه دايمن في بالج اللي قدر يمد ايده على جنس ضعيف ناعم و يخنقه صدقيني بيسويها مره ثانيه و ثالثه فأنصحج اتقولين لاهلج وانشالله يحطون لمشكلتج حد...
الله وياج ... و الله يصبرج يالغاليه

انا اقول اللي يمد ايده مرة بيمدها الف مرة

واللي فيه هالطبع مستحيل يبطله

شوفي اختي انا من رايي انك ماتسكتين على الموضوع ليه انا اقولك ليه لانك اذا سكتي بيستهين في الامر ويصير عنده عادي خصوصا اذا ماقلتي لاهلك ترى والله بيلعب فيك لعب اذا من بدايتها كذا اجل لمن تصيرين معه ببيت بلحالكم وش بيسوي فيك لمن تتهاوشون ايش بيسوي فيك انتي فكري لبعيد لاتفكرين تفكير قريب ووقتي نصيحه مني لازم تقولين لابوك لازم لازم وتكبرين الموضوع مره مره مره عشان يعرف انوا اذا عادها انوا بيتادب ولا يستهين فيك
واستخيري كثير اذا تكملين حياتك معه ولالا استخيري مو مره لا عشر مرات الله يخليك نصيحه مني ترى انتي بتقضين كل حياتك معه وانتبهي يمكن يكون مريض نفسي ولا شي لانوا مافي انسان عاقل يسوي بخطيبته كذا لا وفي بيت اهلك بعد
ادري طولتها بس والله خايفه عليك وطمنينا وش يصير

انا من رأي انج ماتكلمينه وتخلينه يحس بغلطه عشان يتأدب ويفكر مرة ثانيه قبل لايمد يده عليج وحاولي تخبرين وحده من خوااتج او ربعج القريبات منج ولاتقولين حق امج او اوج لان بيكبر الموضوع وحاولي اتحلين الموضوع معاه بدون علمهم ولاتخربين بيتج بيدج
وانا هاي من رأي وانتي كيفج

بالتوفيييييييييييييييييق الله يهدي سركم و يكتب لك اللي فيه الصلاح

الحمد لله على هدايته وسلامتج

اختي الغالية في رجاجيل جذي وايد يعصبون بشكل غير طبيعي وعلشان يهدؤون أعصابهم يلجأون الى الضرب وكسر الاغراض والاغراض والظاهر ان خطيبك منهم

هو صحيح يمكن كان عنده ظرف خلاه يعصب ويثور لكن عصبيته خارجة عن الحدود يعني كف تعودنا عليها لكن خنق هذي غريبة

فلذا حاولي انك تكتشفينه في فترة الخطوبة أكثر يعني ناقشيه في مواضيع من الممكن تختلف آرائكم فيها علشان تعرفين اذا هذا هو اسلوبه او لا ((أقصد االضرب ومد اليد))
هو شي طيب اذا كان يحبج ويخاف عليج من النسمة لكن مشكلة كبيرة اذا من يعصب مد يه عليج وخصوصا ان في الزواج تواجه الازواج مشاكل كثيرة وعقبات عليهم يتفادونها بالهدوء مو بالعصبية الزايدة فاذا انتوا على البر جذي شلون باجر اذا تزوجتوا وصار عندكم هموم وأعيال ...اجل من يعصب في العمل ويضيق خلقه راح يبرد ناره فيج!!!!!!!!!!
ومن غير المعقول لما تتزوجوا ومن يعصب تبتعدين عنه وتتركينه لان هذا اسلوب العصبية راح يتفاقم عنده وتوصل ان حتى لو سكتي عنه بعد يضربج ويصارخ في وجهك وحتى لو ما مد يده عليج مجرد صراخ راح تتعب نفسيتك كثير لانك ما تقدري تواجيه وفي نفس الوقت ما تقدري تسكتي عنه لان راح تتعب نفسيتك
وربما يتخذ من الصراخ اسلوب دائم عنده لطفئ النار الشاعلة في صدره او اللي نسميه احنا الحرة اللي فيه لان الشخص لما يصارخ ويضرب اي شي او يكسر تبدا شحنات الغضب والنار اللي في قلبه تخف وتنطفي فخطيبك لما يعصب راح يلجأ لضربك والصراخ في وجهك علشان تبرد اعصابه وتهدئ وخصوصا انه متأكد ان لما يصرخ فيج راح تسكتين له لانج ما تحبين تكبرين المسألة او على حسب ما فهمت انك من النوع اللي احيانا يطنش ويبتعد عن مصدر المشكلة

الغالية والله احنا خايفيين عليج وما نبي نزيد النار حطب لكن بما انج تعبانة وصايرة في دوامة لازم نوضح لج الامور ونكشف عنها الستار علشان تاخذين القرار بكل شفافية

والله يوفقج معاه ان شاء الله

الله يوفقج اختي
ادري انج خبرتي اهلج و حليتي المشكله الحينه
بس نصيحه مني لا تردينها صلي صلاة استخارة اكثر عن مرة
انا اعرف وحدة ريلها ما كان في حد احسن عنه و امه تحبه و خواته (لانه ولدهم )
شو صار فيها قام يضربها حتى جدام اهله اذا قالوا له انها غلطانه بدون ما يسألها
في البدايه الريال يخاف يزعل الحرمه و يحاول يرضيها بس بعدين لما تصير زوجته ما يخاف حتى على زعلها كيفها تصير هيه تخاف تطلق

انا ما ابا اخوفج و يمكن تكون غلطه مثل ما قال بس لا تأمنين و اللي يسويها مرة صدقيني يقدر يسويها مرة ثانيه

الله يوفقج و يسعدج

حبيبتى انا شايفه انك تسبيه بسرعه جدا لانكم لو اتجوزتم صدقينى هيبهدلك

ضرب و خناق .. ربي يعينج

صح هو كلم أمج .. و اتصالحتوا .. بس الريال يعرف بطبعه انه الحريم قلوبهم ناعمة على الدمعة و الصيحة تأثروا وياهم

صح المشكلة الحالية انحلت اللحين بس أنا أقول خلي الوالد يشرط عليه ما يتعدى حدوده مرة ثانية و يحترم نفسه .. بنت الناس مب لعبة ابيديه يضربهت و يوم ثاني يراضيها و يرجع كل شي بلا حساب

و لازم يعرف انه وراج ظهر .. أنا لو مكانج بخلي يسون له جلسة من الوالد و الأعمام و الأخوان .. يشرطون عليه و يثجلون عليه بالكلام .. عشان يعرف انه مهما مر من الزمن تراج محفوظة عندهم و انتي بنتهم الغالية .. مب عاقينج و لا فارينج عليه

و ربي يعينج

انا من رايى انة مريض نفسيا ازاى يضربك ويحاول كمان يخنقك وانى لسة خطيبتة وامال بعد الزواج هيعمل اية معاكى انا مش بقولك كدة عشان تكرهية بل العكس حاولى تقولى لاهلك وهما هيتصرفوا ولو قالولك تسبية اوى تزعلى لانة مش يستاهلك

بصراحه الله يعينك بس لازم تعلميه درس ماينساه بعمره
يعني هي وانت مخطوبه عنل هيك اذا كنت متزوجين شو لح يعمل
اكيد لح يكون الشئ افضع
عليك بأعلام اهلك وهم لح يتصلرفوا عشان ما يستهين بالموضوع

مشكورررين كلكم على وقوفكم معاي

اقول انفصلي عنه بلاااا هبل .....هذا شروع في قتل مجنون الرجال...مو صاحي الي يسوي كذا بلا حب بلا تخلف.....