خطيبي ضربني ياعالم وأنا جالسة معاه في بيت أهلي..!!

مصباح عيوني ارسلت لك رساله على الخاص ارجو انك تتفهمين المسج

حبيبتي صراحة اللي سواه مو شوية وأكبر غلط تسويه إنك تسكي وما تقولي لأحد لازم والدك يدري ويتصرف معاه مو معقول تسكتي عن حقك بدي البساطة وأعرفي أنه اذا مد يده مرة راح يمدها بعد كتير لإنك إنت سكتي وما دافعتي عن نفسك لازم أهلك وخصوصا والدك ويوقف عند حده ولا ترى بعد كده ما تقدروا تحطه حد للموضوع

وهادا رأيي واعملي اللي تشوفيه مناسب

وأتممنى أنه الله يوفقك

حبيبتي انا من رايي تقعدين مع ابوج و تخبرينه
هاي اذا انتوا خاطبين و مد يده عليج باجر لين تزوجتوا شبسوي
خلي عواطفج على جهه و فكري بعقلج ترى الزواج عشرة عمر و بتعيشين مع طول حياتج
و دام ان ابوج عنده خبره في الحياه اكثر منج اخذي بنصيحته و خلي يتصرف

أنا من رأي ود الإمارات لاتستعجلين في الزواج وأختبريه وإسألي أخواته هل هذي عادته يعني متعود يمد يده
ولا لأ وبعدها إنت لك القرار الأخير وربنا يختار لك مافيه الخير

خطيبك ويصضربك
اجل وش راح يسوي لما تتزوجون
كف نبلعها لكن خنق
حبيبتي ماابي ازود عليك الموضوع بس السالفه ماتسكتين عليها
اي انسان سوي مايسوي الي سواه خطيبك
اخاف انه يعاني من مرض نفسي وربي اراد انك تعرفينه قبل مايكون شئ بينكم
يعني الموضوع مايمشي بالساهل لو اقلها تكلمين اي رجل من اهلك يتفهم الموضوع وتشوفين رايه
وانا ماكتبت هالكلام الا اني اعتبرك زي اختي
وماارضى لك الا الخير
ولا كان قلت سامحيه ومشي الموضوع
الله يسهل امرك

بصراحه لو انا مكاااااانج


على حسب الموضوع يمكن انتي استفزيتيه او جرحتيه عشان جذي عصب...بس لو كانت ماتستحق كل هذا شهر كامل ماكلمه واكثر بعد هذا اذا كنت متاكده انه شاريني ويحبني مووت اما اذا كان الامر عادي يعني توه على الحب على طول افسخ الخطوبه اللي هذا اوله ينعاااف تاليه


وتبين شعوري اول ماقريت الموضوووع قلت بالله تستشيرنا مثل هالموضوع لوانا مالي قعده عنده بي تعوذت من الشيطان

بصراحه انا احتقر الرجال اللي يضرب زوجته بالطالعه والنازله


الله يسهل الامر وييسره

[QUOTE=ريم81]و الله يا أختي انه لو مد ايده علية وقت الخطبة

الله يستر شو بيسوي بعدين !!!!!!!!


شوفي أحسن شي انج تكلمين ابوج و خلية هو يتصرف قوليله كل شي و هو طبعا بيحل المشكلة بيعرف يتصرف

إذا هو يستاهل بيخليع وياه أوذا لا الانفصال أهون

اختي ما بخبي عليج صعقتيني يوم قلتي انه بيخنقج

شو دراج ما عنده مرض نفسي ؟؟؟؟ يمكن بعدن يقتلج لسبب بسيط

فشو أحسن الموت و لا الانفصال

انا ما قاعدة اقوا انفصلي عنه و لا أحب افسد بين الناس


بس الموضوع يحتاج الأهل يعرفون عنه و يتدخلون[/QUOTE

انا من راي الاخت ريييييم

الله يوفقك يارب

تنفصلين عنه بعد الخطوبه اهون لما تنفصلين عنه بعد الزواج وتردين بلقب مطلقه

اللي يمد ايده الحين بالفتره هذي اتوقع بيشرشحك بعد الزواج...

[grade="00008B FF6347 008000 4B0082"]
حسبنا الله ونعم الوكيل

والله ما دري بنات الناس لعبة الله يهديهم يارب

عزيزتي مصباح كفيف .... شلونك الحين طيبة إنشاء الله

لازم يا لغالية حد كبير يعرف لأن صدقيني إلي يضرب مرة رح يعيدها مرات

وفي رجاجيل وااااااايد في الخطوبة ما شاء الله عليهم وبعد الزواج الحقيقة تنكشف والعكس

استخيري ربك 7 مرات في موضوعك وشاوري الوالد والوالدة

لو تحبين قوليلهم القصة على صديقة لك إن صار معها إلي صار معك وشوفي ردة فعلهم وبعدين خبريهم

والله يوفقك دنيا وآخرة وإنشاء الله إذا فيه خير أمورك تتيسر وإذا في شر ربي يصرفه عنك ويعوضك الزوج الصالح [/grade]

السلام عليكم

والله حسيت من ردودكم إنه في أحد واقف معاي ومشكورين يا بنات عروس أنا قريت ردودكم من أمس بس ماقدرت أرد عليكم لأنه حالتي النفسية كانت تعبانة كثير

بس البارحة أتصل لأمي وكان منهار وقام يبكي واتأسف واعتذر من أمي وحاول فيها عشان أرجع له لأنه كان خايف اتركه وهو ما يقدر يستغني عني وأمي حاولت تقنعني إنه أكلمه ومارضيت أنا الا بالغصب

وبعدين كلمته وجا لي واعتذر مني وعاهدني إنه ما يعيدها وقلت له أنا بصرحة انصعقت من يوم اتمد ايدك وتضربني لأنه ولا مرة شفتك رافع صوتك علي بالعكس كنت حنون واتخاف علي من كل شي حتى من الزعل كنت اتخاف علي , حتى خواته يمدحون فيه ايقولون عنه طيب وأمه اتحبه كثير بس انصعقت لما مد ايده وضربني

بس أنا باعطيه فرصة تانية وباشوف باقي على زواجنا سنة بالتحديد أو أقل وفي هالفترة راح اشوف

وادعو لي إنه ربي ايوفقنا

ومشكورين مرة تانية على وقوفكم معاي والله ايسر لكم ويوفقكم يارب

بصراحة لازم اتكلمين ابوكي وامك

مصباح كفيف..الانسان معرض للخطأ بس الاهم انه ما يعيد غلطته
انتي اللي سويتيه عين العقل انك تثاقلتي عليه
وعندج فرصه انج تشوفي اذا كان الضرب اسلوبه او لا والحمدلله انه فترة الخطوبه كافيه انج تعرفي اسالييبه
والله يوفقج ويباركلج عزيزتي

الله يطمن بالك

اذا تقولين انه اتصل واعتذر للوالده ولك

ان شاء الله خير

والله يجمع مابينكم على خير ياااارب

أخت بنت الليالي بصراحة كلمت أبوي وأمي والحمد لله انحلت المشكلة

بنوتة مسقط

مشكورة يا عيوني على دعائك لي وربي يوفقك يارب

أخت شذى الوريف

الله يطمنك دنيا وآخرة يارب
ومشكوريين كلكم على وقوفكم معاي

انا بصراحه زعلت لما قريت الموضوع بس لما قريت ردك الاخير وانه كلم امك وبكى حسيت انه شاريك الله يوفقك وماتشوفين شر وياه والله يجمعكم على خيررررررررررررررررر

مع دعواتي لك بالسعــــــــــــــــــــــــــــــــاده

[size=9]الصراحة اخالف من تقول خلي هالشي خاص بينكم[/size
احب اقولك الرجال يخاف مايختشي الا من اهلك يخاف ويستحي عشان كذا قوليلي لااهلك واذا انتي مقتنعة فيه بينيلهم انك تبغينه وخلي الوالد او احد اخوانك يكلمه ويتفق معاه على انه مايعيدها وانها تكون كلمة رجال وحاولي تجربينه قبل العرس ولامانع تعصبينه شوي واذا عادها افسخي
والله الموفق

خبري اهلج من الاحسن عشان يعرف انه في حد يدافع عنج وفي حد وراج ومايطاول عليج في المستقبل وتفرضين احترامج عليه

بس لاتسكتين عنه اليوم بيضربج وبيراضييج باجر بيضربج وبيخليج ولا حتى بيعطيج سالفه


الافضل تقولين حق الاهل

مع التحيه

وتعلمي انج ماتعطينه فرصه يمد ايده عليج مره ثانيه باسلوبج يعني اي شي يعصب فيه ابتعدي عنه

مصباح حاول يماتستفزينه

لان بعض الرجااااال عصبيين بزيادة عن الأزم

أخت مفهيه

الحمد لله حتى أنا احس إنه شاريني وإنه يحبني بس حزة غضب وسامحته عليها والحمد لله على كل حال
ومشكورة على دعواتك لي والله يوفقك دنيا وآخرة

أخت احلى عروس

خبرت أهلي لما صار الشي لأني ما اتحملت اسكت وهو اعتذر مني ومن أهلي وعاهدني إنه ما يعيدها والله لا يجيب الشر

وردة عشق

وأنا مفوضة أمري لله وإن شاء الله ما بيكتب لي إلا فيه كل الخير


أخت فطيم أنا هذا الا فكرت فيه عشان كذا قلت لأهلي عشان يعرف إنه في احد يدافع عني ومشكورة على النصيحة

وموفقة يارب