العلاج بالميزو ثيرابي للشعر الخفيف

انا عندي نفس المشكله وكنت معزمه اني استخدمه لكن دكتوره في مستشفى ادمه ماشجعتني لانه مافي دراسه علميه تثبت فائدته لشعر ومن ذلك اليوم وانا محتاره:sad:

الله يعطيكم العافيه على هالمعلومات وجزاكم الله خير وأنا بصراحه أول مره أسمع في هذي الحقن و أتمنى أنها تكون حل واللي تعرف دكتوره في الرياض تعطي هالحقن تقول لأني محتاجتها
ومشكورين

بنات أنا أعاني من الشعر الخفيف في مقدمة رأسي ورحت لدكتورة وقالتلي راح تحقن راسي بهذه الأبر بس تتخيلو انها راح تجيب نتيجة ويطلع الشعر
يعني فيه أمل

يوووووووووووه مافي في جدة اللي تعرف تقووووووول
ااخ على حظنا
البنت بعمر العشرين هرموون الشعر يكون بأقوى افرازة
لو دخلنا الثلاثين والأربعين ايش بيصير فينا

ولا يهمكم يا بنات ........ صلعان "قرعان" بالدنيا و جميلات بالجنة....قولوا اَمين

ترى أمزح

بس صج ترى مو كل الدكاترة يعرفون للميزو ثيرابي و بعضهم يسئلون شنو ذي؟؟
و بعضهم يقول إن ممكن يحطون معاه كورتيزون و هذا جدددددددددددددددا خطر..........

شخصيا هونت مابي أجرب هلعلاج و الوراثة مالها حل ...... الله يعوضنا في الجنة

أختي عدنا في الإمارات الدكتورة سعاد اتعالج ابها

انا سمعت عنها


عندنا بالخبر بمركز اوباجي عند دكتوره نورهان مصريه


وببدأ فيها بعد شهر لانو عليها زحمه

بعد العيد ان شاء الله ببدأ فيها والحين ابحث عنها اذا فيها ضرر ماراح اسويها ؟؟؟


اخاف تسبب صداع او اورام لا سمح الله <<< اللى تعرف عن اضرارها تعلمنا

انا الدكتوره نصحتني فيها وقالت مالها اضرار لانها تحت الجلد مالها دخل بالعروق يعني خارجيه


عاد بليززز بنات اللى عندها نصيحه او تعرف اضرارها تعلمني حتى مااسويها


شكرا علىالموضوع :)

انا سمعت عن الإبر هذي بس اول مرة اعرف انه اسمها الميزوثيرابي انا اعرف انه علاج الميزوتيرابي للبشرة
وبنسبة للأبر كثيييير يمدحونها ويقولون انها ممتازة انا وحدة من صديقاتي اخوها كان معاه ثعلبة واستخدمها وما شاء الله طلع شعره
انا بإذن الله ناوية استخدمها وبروح لدكتورة يمدحونها في جدة و اذا ما تستخدمها بروح عيد كلينك

نجلاء1:
انا سمعت عنها


عندنا بالخبر بمركز اوباجي عند دكتوره نورهان مصريه


وببدأ فيها بعد شهر لانو عليها زحمه

بعد العيد ان شاء الله ببدأ فيها والحين ابحث عنها اذا فيها ضرر ماراح اسويها ؟؟؟


اخاف تسبب صداع او اورام لا سمح الله <<< اللى تعرف عن اضرارها تعلمنا

انا الدكتوره نصحتني فيها وقالت مالها اضرار لانها تحت الجلد مالها دخل بالعروق يعني خارجيه


عاد بليززز بنات اللى عندها نصيحه او تعرف اضرارها تعلمني حتى مااسويها


شكرا علىالموضوع :)

انا اعرف وحده استخدمتها هي تسبب صداع بس اختي عادي اهم شي النتائج

اختي أخر العنقود..
اشكرج فعلا على الموضوع..
لاني من كم شهر كنت احوم وادور على السالفة...
بس خايفة ... ميزانيتي ضااااربة وما ابي ارو ح وما تتطلع نتيجة..
كنت افكر اروح لعيادة د. طارق ..
اش اريج.. وانتي وين ببتعالجين
يار ريت تخبريني لاني خلاااااص متعقدة حدددددي
ويا رب كللللنا نهفنف بشعرنا ... لا تقولون زينب العسكري ولا يحزنون...
يااااااااااو

Hypercool:

عيادة الدكتور طارق وين بالبحرين ؟؟ هل هو يسوي أو تحت ايده دكتورات (نساء) شعري واااااااااااااااااااااااايد خفيف خاصة المنطقة الأمامية ساعديني الله يخليكي.

عزيزتي دموع حالمة.. الله يبعد عنج الدموع و يسعدج...

هو عيادته تقريبا ورا برادات الجزيرة اللي صوب النادي الاهلي..
تشوفينها عمارة كبييرة مكتوب عليها عيادة د. طارق ...
انا ما عرف تفاصيل بس زرتهم هناك و سألت الاستقبال عن العلاج والاسعار والجلسات...
بس اتصور انه عنده ممرضات لان الليزر يسوونه لج ممرضات مع ان الدكتور ريال...
وانا عزيزتي نفسج شعري كله خفيف بس اللي جدام وااايد اخف وقرعتي تبين (فشله)

أختي أنا استخدمته أخذت أول جلسه وكانت النتائج خياليه توقف التساقط ولمعه بعد ماكان باهت نعومه لكن الجلسه كانت مؤلمه وبعد فتره أخذت العلاج في مركز ثاني وماحصلت على أي نتيجه واذا تبغي أبعث لك بتفصيل أكثر

مشكورة عزيزتي Hypercool ممكن تقولين لي كم أسعار الجلسة وهل يؤلم ام لا ؟
وإذا عندك الرقم ممكن ترسلينه لي عالخاص؟ اكون شاكرة لك .

mymy777 :
ياريت والله اختي تعطينا المعلومات بالتفصيل وهل يكون مؤلم لدرجة انك ما تقدرين تستحملين ؟ لأني بصراحة خوافة .

:shy:

دموع حالمة:
مشكورة عزيزتي Hypercool ممكن تقولين لي كم أسعار الجلسة وهل يؤلم ام لا ؟
وإذا عندك الرقم ممكن ترسلينه لي عالخاص؟ اكون شاكرة لك .

.

شيكي الخاص حبوبة...

أختي دموع حالمه الحكايه بالتفصيل اني سويت الفرد المائي لشعري نعم شعري لكنه بعد فتره صار يتساقط لدرجة اني صرت ماأمشطه وسافرت خارج البلاد للعلاج وخف التساقط قليلا لكنه أصبح يتكسر وباهت والشعر الجديد الطالع خشن جدا وذهبت لمركز بمدينة جده وقال الدكتور ان العلاج بالطرق العاديه يأخذ وقت أكثر من ستة أشهر وألأفضل عمل حقن للمواد الغذائيه مباشره في فروة الرأس على (16) جلسه وبيني وبينك أعتقد اني لو انتظرت سته أشهر ماراح تبقى ولاشعره الله يحميني والسامعين أما العلاج بالحقن فانه يوصل المواد الغذائيه مباشره لبصيلة الشعره وخصوصا أني سبق جربت الفيتامينات الخاصه لتقوية الشعر والبشره وزادت وزني بشكل ملحوظ لذلك توكلت على الله وعملت أول جلسه ولله الحمد والفضل توقف التساقط وأصبحت الشعره أكثر ليونه ولمعه أما بالنسبه للألم فيكون مكان الابرفقط وهولايقارن بالنتيجه التي حصلت عليها هذا الكلام من سنه تقريبا وباذن الله سوف أعود لنفس المركز قريبا لأكمل العلاج بعد ماجربته بمركز آخر بالمدينه وماأعطى أي نتيجه

أختي دموع حالمه الحكايه بالتفصيل اني سويت الفرد المائي لشعري نعم شعري لكنه بعد فتره صار يتساقط لدرجة اني صرت ماأمشطه وسافرت خارج البلاد للعلاج وخف التساقط قليلا لكنه أصبح يتكسر وباهت والشعر الجديد الطالع خشن جدا وذهبت لمركز بمدينة جده وقال الدكتور ان العلاج بالطرق العاديه يأخذ وقت أكثر من ستة أشهر وألأفضل عمل حقن للمواد الغذائيه مباشره في فروة الرأس على (16) جلسه وبيني وبينك أعتقد اني لو انتظرت سته أشهر ماراح تبقى ولاشعره الله يحميني والسامعين أما العلاج بالحقن فانه يوصل المواد الغذائيه مباشره لبصيلة الشعره وخصوصا أني سبق جربت الفيتامينات الخاصه لتقوية الشعر والبشره وزادت وزني بشكل ملحوظ لذلك توكلت على الله وعملت أول جلسه ولله الحمد والفضل توقف التساقط وأصبحت الشعره أكثر ليونه ولمعه أما بالنسبه للألم فيكون مكان الابرفقط وهولايقارن بالنتيجه التي حصلت عليها هذا الكلام من سنه تقريبا وباذن الله سوف أعود لنفس المركز قريبا لأكمل العلاج بعد ماجربته بمركز آخر بالمدينه وماأعطى أي نتيجه

السلام عليكم ورحمة الله وبركاته

هلا اختي آخر العنقود..
اختي انا مااظن في اكثر مني معاناة في مشكلة الشعر:sad: تقدرين تقولين شبه بصلع:sad:
حالتي زي الصورة هذي تقريبا



المهم حبيبتي، كل شي بالدنيا جربته، وعالجت بأكثر من دولة في السعودية ، مصر عالجت فيها عند بروفيسيرين جلدية وبالاشعة فوق البنفسجية، وفي البحرين كذلك، بس كلهم النتيجة=صفر:sad:

المهم انا سمعت عن الميزوثارابي، وهذا النوع من العلاج نوع كويس، بس مو اللي راح ينبت الشعر او يكثفه بصورة فضيعه، هو ممكن يحسن من حالته ويزيد نموه شوي...
شوفي يالغاليه خلينا نكون واقعين، واخذي بنصيحتي، لاني 10 سنين اعالج واجرب كل الطرق وآخر طريقة جربتها من شهرين هي زراعة الشعر في فرنسا، سافرت فرنسا وزرعت، لكن لان نسسبة شعري جدا قليلة من الخلف فعدد البصيلات اللي استأصلوها من شعري من الخلف كانت قليلة تقريبا 1000 بصيلة شعر بس، وطبعا هذي العملية مكلفة، ومو الكل قادر عليها، واذا شعرك من الخلف اكثر ممكن تستفيدين اكثر وطبعاً بتكون العملية اغلى يعني توصل احيانا الى 8000 دينار بحريني..

على العموم انا مابي ادوش راسك...بس ابي اخليك تتبعين الطريقة الافضل لعلاج شعرك وهو كالتالي، واللي انا اتبعته مع زراعة الشعر:

1-تروحين لدكتور او دكتورة جلدية شاطرين مررة(في البحرين انا اتعالج عند دكتورة اسمها نضال خليفة في مجمع الرعاية الطبي جنب السلمانية، وقبل كنت اروح لمستشفى سعد التخصصي، كان في دكتورة اسمها نورهان او نورمان نسيت بالضبط،/وفي دكتور اللي هو السوبرفيزر من الدبيكل هذا شاطر جدا) المهم تروحين لاحد منهم، وتقولين لهم المشكله عشان يحددون هل المشكلة وراثية او مؤقته، او من الهرمونات...وراح يكتبون لك على التحاليل اللازمة للهرمونات عشان يشيكون..

2- بعد التحليل اذا شفتي ان هرموناتك ملخبطه(مثلا انا هرموناتي الانثوية والرجولة ملخبطه حيل)، يحولك الطبيب الجلدي لدكتور هرمونات او يسمونهم دكتور غدد صماء(في البحرين الدكتورة منى عريقات في مركز جوسلين، او الدكتورة فريال في المستشفى العسكري) عشان ينظمون الهرمونات، لان اي علاج في الدنيا بتستخدمينه وهرموناتك ملخبطه، مستحيـــــل مستحيـــل يستجيب العلاج.


-3- نصحتني دكتورة الزراعة الفرنسية هناك بإستخدام حبوب الحديد، لان بصيلات الشعر تحتاجه كثير كثير، واحنا طعامنا فقير بالحديد والنسبة اللي توصله للرأس جدا قليلة لان اغلبها يروح للدم..(تستخدمينه مرتين باليوم بعد الأكل) ماله آثار جانبية ولايسمن ولا شي، بس افضل بعد تستشيرين الطبيب عشان يحدد لك المدة، انا عن نفسي وعدت نفسي اني استخدمه على طول، لان ماله اضرار جانبية، واسمه(fumafer..66mg)

4-انا استخدم بالاضافة للحديد ، استخدم فيتمينات، تحتوي على بروتين البيوتين كويس كويس حييييييييييييل، استخدمه 3 مرات باليوم، بالاضافة الى شامبو ولوشن هم ايضا عبارة عن فيتامين، وشغلهم يكمل شغل الحبوب الفيتامين اللي استخدمه، وهم يبيعونهم في صيدلية ناصر(هم شوي غلايا:angry: )بس كله يهون عشان الشعر:shy:

5- الغذاء الغذا...واهم شي الغذا اللي يحتوي على الحديد، مثل الجرجير او النباتات الخضراء، او الفلفل الاخضر البارد، هذولا كلهم مفيدين للشعر....تراني طالبة بيولوجي واعرف كل تركيبة بالجسم وايش تحتاجله..يعني مالازم نقصر بتغذية شعرنا ونقوله انه يطيح، صحيح في عوامل مؤثرة كثيرة ماهي بيدنا زي الوراثة او التقدم في العمر او الولادة، ولكن نقدر على الاقل نحسن من الوضع الخارجي له...

ادري حبيبتي ابتعدت عن المحور الاساسي للموضوع واللي هو الميزوثربي،، وانا قلت لك يالغالية تراه كويس بس مش اللي راح يكثفه بالصورة الكثيفه مرة، هو راح يحسن على الاقل من وضعه،،،وهذا الكلام بنفسه قالته لي دكتورة الجلد الدكتورة نضال وهي تحقن هذي الحقن، والدكتور الدبيكل في مستشفى سعد بالخبر...
والميزوثربي يستخدم ايضا في علاجات اخرى غير الشعر...

اتمنى يالغالية اني افدتج ،،وانشا الله كلنا نرتاح من هذي المشكلة قريب...

والسموحه على الاطاله...

يؤؤ نسيت اقلكم بعد..
ترى السمك من الاغذية الغنية باليود...وبعد له تأثير كبير على الشعر...:clap:

السلام عليكم ورحمة الله وبركاته
كيف حالكم إن شاء الله بخير
أنا حابه أسأل الأخت آخر العنقود عن الحقن ونتائجها كيف معاها؟
وكمان كم تكلف الجلسة الواحده في السعودية؟