العلاج بالميزو ثيرابي للشعر الخفيف

اختي الفاضله

انا جربت هذي الابر عند الدكتوره سعاد لطفي في دبي

والابره الوحده سعرها 400 درهم

الحمدلله شعرت بتحسن ملحوظ ..

ومع الابر لازم اضع البخاخ على شعري واسمه (nexidil

هذا البخاخ قالتلي لازم استعمله مرتين في اليوم صبح وليل ومع التدليك طبعا

بس انا بروحي اشتريت لي حبوب فيتامينات للشعر استعملها بروحي

وبعد لاني ضعيفه وتغذيتي بصراحه مب سلميه وعندي ضعف في الهيموجلوبين عشان جذي يتساقط شعري

فاستعمل دواء اسمه هيموجلوبين هذا بس لنقص الحديد في الدوم

واستعمل حبوب ايضا فيتامينات الفوليك هذي يقولون تهم الشعر

فانا استعمل كل شي ..شو اسوي عقب ماكان شعري يضايجني وكشه

الحين اصبحت اتمنى يكون كشه ولا جذي تعبان ..
بس مااقول الا الحمدلله

عزيزتي ..

جربي هذه الحقن وتوكلي على الله ..

نسيت اقولج انا باقتلي جلستين او 3 ..

وبخلص بس فيه تحسن ملحوظ ولله الحمد

أختي الغالية الترف
أشكرج على ردج و على نصيحتج ز سامحيني لو طولت و تأخرت في الرد .....
ممكن سؤال أختي؟
يا ريت لو تجاوبيني بسرعه

شلون كان شعرج خفته أقصد يعني لأي درجه صار خفيف؟؟ بانت فروة راسج أو بس قلت كثافة الشعر؟؟
و ألحين الشعر اللي ضاهر لج قوي أو خفيف؟؟

و السموحة منج يلغالية و الله يهنيج بشعرج يا رب و يرده لج أحسن من قبل .... قولوا اَمييييييييين :)

ترى الكل يعاااااني من خفة هالشعر؟؟؟!!!!!!

اختي الفاضله

اخر العنقود

عزيزتي ابصراحه كان شعري غليظ سابقا وفجأه خف ..وتم يتساقط وانا هملت الموضوع

وبعدين حسيت بفراغات بشعري وان الفروه تبين وواضحه

وسرت اتعالج واحس ان حاليا شعري افضل من قبل وفي شعيرات صغيره ظاهره

مادري عن قوتها او ضعفها لانها صغيرونه

بس نصيحتي توكلي على الله

وابتعدي عن السشوار

واذا ماقدرتي ..

اختي اختاري سشوار حراراته مب عاليه

لان انا اللي عق شعري بعد اكتشفت مؤخرا السشوار

لان حرارته كانت عاليه جدا ..

وعندي لج معلومات سويت بحث في القوقل وقريت مقال

عن هذي الابر

انها مستخلصه من مواد طبيعه من الاسماك والنباتات

وانها لازم تحقن كل اسبوع مره خلال اربع جلسات
وكل اسبوعين مره خلال اربع جلسات ايضا
وجلسه كل شهر مرتين

بس انا الدكتوره قالت لي كل اسبوعين او 3 اسابيع مره

لكني بكلمها اذا اتبعنا هذا النظام المكتوب في الانترنت يمكن النتيجه تكون اسرع وافضل باذن الله

امين ياعزيزتي الله يرزق الجميع ..
وعلى نياتكم ترزقون ..

اتمنى لك الشفاء العاجل يارب

هنومه

حبيبتى ممكن اسم الفيتامينات بالضبط اللى اخذيتها من مصر للشعر وهل مفعولها قوى

اختي سمراء لوادي اسم الفيتامينات vitamin for hair هذا اسمها ما لها اسم ثاني

حبيبتي الترف أشكرج على ردج و تواجبج يلغالية و أنا بعد قريت عنها فلنت و فعلا لازم إسبوعيا في بداية العلاج بس مادري ليش الدكاتره هني غير!!! ... على فكرة أنا مو من النوع اللي استخدم الاستشوار الا للتجفيف لأن شعري و لله الحمد ناعم فما يحتاج شد ...
عموما أشكرج من قلبي و الله ييسر لج امورج يا رب...


أشكركم خواتي على ردودكم و إهتمامك في الرد و على مساهماتكم في ذكر تجاربكم الخاصة اله يعطيكم العافية و يبعد عنك الشر

حبيباتي انا اعرف انه في علاج في الصالونات بالابر بس الجلسة ارخص بنص من سعر العيادة...وبعد مع شامبو ..وحدة تشتغل بصالون قلتلي تقدري تشترينها من الصيدلية وتحطيه انت بالبيت...هل هو نفس الميسوثيرابي اللي تتكلمن عنه؟

إختي عروس المحيط... لا الابر اللي في الصالونات غير و العلاج بالميزو ثيرابي عبارة عن حقن الدكتور يحقنها لج تحت الجلد و يبي لها واحد متخصص و ثقة و دواه لازم يكون مرخص من الFDA لأن بعضهم يغشون في الادوية و بالتالي ممكن تكون مواد سامه و مضرة ... فاللي فلصالونات تكون عبارة عن أمبولات مو حققن .... أتمنى إني أفدتج يلغاليه :)

مشكورة حبيبتي اخر العنقود

لا شكر على واجب إختي عروس المحيط و حاظرين لج بأي وقت :)

أنا شعري كان يتساقط و رحت عند الدكتوره وقالت بسويلج ميزوثيرابي بس قالت انه الميزوثيرابي فقط يوقف تساقط الشعر و في بعض الحالات يطلع شعر يديد

وانا مسويه جلستين و الحن اتشاور اكمل او لا الصراحه غالي و اخاف ما استفيد

شو رايكم؟؟؟؟؟؟؟؟؟؟؟؟؟؟؟

حبيبتي اخر العنقود انا نفسي كمان احصل على معلومات مثلك ولنفس السبب

والله ما أعرف كيف أشكرك يا أختي على الموضوع المهم
انا كمان عندي وراثة من غير تساقط الفروة كل شي واضحة وعندي فراغات بقمة الرأس
ما اعرف ايش اعمل نفسيتي تعبت كتير وساعات ابكي لما بشوف نفسي لأنه كان كتيييير جدا ما شالله وفجأة صار في خلال اقل منة سنة فرقة ومن قدام الفرقة واسعة شكلها مرعب
لكن قولي فيه منو بجدة مستشفيات؟؟
لأني بجد بحتاج شي زي كدا
التساقط عالجته بس مشكلة خفة الشعر من قدام
اللي يقول عين واللي يقول حسد فجعووني كل اخواتي نفس حالتي يعني معقول كلهم عين؟
هذا وراثة اخواتي
زهرة الموت

مرحبااااااااااا
ابر الميزوا ثيربي عباره عن كذا نوووع
في منها للتنحيف
وفي للبشره
وفي للشعر

ولازم الى يعطيك هذي الابريكون دارس الميزوثيربي تخصص

مو اى دكتور يعطيج ايااهم

انا بصرااحه قالي الدكتوور عنا وانها آآخر حل نلجا له اذا الشعر ماتحسن

وعطاني فيتمينات ماافادتني وايد الصرااحه
وقالي انها الى بالراس تعور وهذا الى خووفني

امممممممممممم
انا شفت وحده خذتها في ويها
وماشاء الله وايد صارت بشترها حلوه ونضره

ودي اجرب مالت التنحيف وحاطتها عندي بالخطه الخمسيه

اما مالت الشعر
فعندنا دكتور واايد يمدحوونه واهو مايعطي ابر يعطي فيتمينات واايد بنات جربوها ومدحوها لي

عاد اذا رحتله ان الله سهل برسلج على طول علاجه

اتمني اكون فدتج

وربي يكثف شعورنا بالعاافيه ياااارب

تحيـــــــــاتي
:)

للرفع

اخت زورق من أي دولة ؟؟

ماعرفه

انا من الكوييييييييييييييت

:)

كل اللي اقدر اقوله الف شكر لك على الموضوع وودي افيدك بس ماعندي معلومات عن الميزو ثيرابي الا انها تقنيه تستخدم لعلاج عدة مشاكل : السمنه ، الشعر ، البشره وحتى العضلات ويبي لها دكتور متخصص مو اي اخصائي او اخصائيه وبالنسبه لمشكله خفة الشعر كثير يعانون منها وانا وحده منهم وجربت اشياء كثيره ولاحظت ان افضل شي التغذيه السليمه بالاضافه الى حبوب مخصصه للشعر تحتوى على الزنك بكميه مناسبه والعنايه بالشعر بالزيوت المعروفه بتكثير الشعر وفيه منها انواع كثيره بس يبغى لها استمرار لشهور وممكن تمتد لسنه صدقيني اصعب شي هو علاج الشعر يعني يبي له صبر وبال طويل