اختكم في ورطه....رجاء ساعدووووووووها

الاخ اياد :ليش ما تجاوب على اسئلتي؟

زوجي ضحك علي ويقول انه قطع علاقته فيها واتفاجت اليوم انه مرسل لها
ايميلات ...الحقوني تعبت تعبت تعبت ما ادري وش اسوي؟؟؟؟؟؟؟؟؟؟؟؟؟؟؟؟؟

الله يصبر قلبج و الله و يعينج على ما ابتلاج

حبيبتي.. بحاول اعطيج حلول .. بس انتي اهدي شوي.. و تحكمي باعصابج

قعدي مع زوجج.. بعد ما تهيأي له جو رومانسي و تغير شوي في طريقة ترتيبك للبيت..

قوليله.. اليوم ناوية اقضي معاك يوم غريب .. و مريح .. و صريح..

ابدأي بنفسك.. تكلمي عن أخطاء انتي سويتيها ( أي شيء و كل شيء) و قوليله كيف أقدر أتغلب عليها

مثلا دوري لك ورقة ( مو مهمة من اوراق دراسته) و اسكبي عليها ماي.. و بينيله انك خايفة انك سكبتي عليها ماي.. و استسمحي منه

و قوليله.. بعبارات الحب طبعا.. انا طبعا واثقة فيك..و بنيت حياتي معاك على هذا الأساس..

و دليل الثقة هذا النتاج الطيب و اللي هم ( عيالك).. و عشان جذي أنا ابغي احافظ على هذا الأساس عدل

و انت بعد لازم تحافظ عليه.. عشان نامن لعيالنا حياة سعيدة مستقرة..

ما أبيك تخبي عني أي شي.. لاننا نحن متفقين من البداية على الصراحة.. و على هالأساس

اباك تصارحني بكل أخطائك.. و انا ان شاء الله بسامحك عليها.. بس بشرط انك ما تخبي عني..

قبل ما تزعل أو تجاوبني.. ابيك تخلي ايمانك و احتسابك من الله ..نصب عينك.. و لا تخلي ابليس يلعب عليك

لأنك قبل ما تكون قدوة لعيالك.. فأنت قدوة لي انا بعد..

((((( اذا انكر او ما اعترف ... قوليله ))))) صدقني ما عندي مانع انك تدرس معاها.. لان دراستك مهمة بالنسبة لي ..

و عشانها متخملين الغربة

بس لازم تبين لها حدودها.. وقت اللي بتدرس معاك .. افرض عليها تلبس لباس محتشم..و اجتماعاتكم داخل الجامعة و بس..

و خلي يبين لها انه يحبك و حياته الزوجية سعيدة معاك..و مو مستعد يضحي فيك مقابل اي شخص آخر..

و اذا يستحي يقول هذا الكلام.. خليه يبعثه لها بأيميل و قدام عينج..

((((( طول الوقت قعدي قوليله.. لا تفسر هذا عدم ثقة.. و الله لو ما احبك ما قلت هذا الكلام و خليت ابليس يلعب عليك..و انا تميت ساكته

ما ابيك تخبي علي شي.. ارحم غربتي وياك.. اذا انا و انت ما نصارح بعض و نشتكي لبعض.. بنشتكي لمين؟؟ )))))

و ان شاء الله تفيد معاه هذي الأساليب.. و طمنيني عليج.. لاني بجد أحاتيج وايد

امنياتي لج بالراحة و الطمانينة على ريلج

الغاليه جنه العشاق ...نفسيتي جدا تعبانه والله العظيم اني اكتب لك وانا ابكي
رد جدا رائع ...الله ينور بصيرتك ويسخر لك زوجك ...الحين ما اقدر اكمل...
ذبحني البكاء....لي عوده ان شاء الله....

عزيزتي .. اذا زووجش موو عاجبه اللي تسويه المره الثاانيه .. ليش سااكت ..

خايف على شعوورها مثلاا والا شلووووون .. ها النووعيه من النسووان عقاارب اختي .

انتي انصحي زووجش وتكلمي عليه .. تقوولي انتي كفاايه لبسها وحركااتها ..
خافي على زوجششش منهاا .. هذا رجاال .. وتعرف يالرجاال شلوون

والله يبعد حيااتكم عن الشر ..

سووي الشيئ اللي يرريجشش اختي ..

الله يعينج اختي بس انا اشوف ان زوجك هم سلبي المفروض من نفسه يرفض التحدث معها

السلام عليكم ورحمة الله وبركاته

الصبر .. ثم الصبر .. ثم الصبر يااختاه العزيزه ... عليك بالدعاء .و الصبر ,,, وعليك بمصراحته انك

متضايقة من هذه المرأه .. وانك زوجي الذي لاغني عنه ولاعن اولاده ... وانك تحبينه وتحبين

سعادته وتحبين ان يكون ذو شان كبير ... لكن اخبريه هذا كل شئ لكن هناك مشكله تعوق هذا

الشئ ... اخبريه بوجود هذه المرأه ... تسبب لك المشاكل والغيره ... صحيح انه لكل شئ حدود

اتمني ان تضع لهذا الشئ حد ايضا ... وذكريه ان الله يري .. ويعلم ماتعمل الانفس ... المهم ذكريه

بالله .. قبل ذهابه للجامعه اخبريه بكلام جميل يعني انك مدعو على عشاء مع العيال .. يعني جلسة

عائلية فقط ,, او يكون عشاء رومانسي انت وزوجك فقط .. في الصباح اطبعي على خده قبله ... او

في شنطته ضعي صور الاطفال .. او بطاقه رومانسيه منك :: مكتوب فيها كلمة احبك والله

لايحرمني منك ابدا .. او في اللابتوب على سطح الشاشه كلمة احبك زوجي العزيز ... او في السياره

علقي حرفك وحرفه .. (عند منظره السياره) او صورته مع اطفاله .. وإن شاء الله تتيسر اموركم

ويبعد عنكم شر الحاسدين .. وترجعون للملكة بالسلامه

أختي

لاتسكتين عليها كلميها هزئيها وحلو ان زوجك يجي يصارحك يعني هو مايبيها تحتك كثير فيه

وققفيها عند حدهاا وحاولي تقولين له انك تحبينه ووتغارين عليه وحتى هو قولي له يكلمها يوقفها عند حدها

والله يوفقك

مشكورات اخواتي على ردودكم والله يعين ويساعد ويعدي هذا
الدراسه غلى خير....هو انكر الايميلات وبدا ينكر كل شي...لكن الله موجود.

السلام عليكم ..شوفي حبيبتي أقولك بصراحة أنا عرضت مشكلتك على زوجي بحكم أن رجل قال بداية المشكلة وحلها كلها بيد زوجك يعني معليش يمكن هو راضي بهالشئ معها بس عندك مسوي نفسة متضايق من تصرفاتها .. ولا لو انه متضايق صح كان ماركبها سيارتة ولا راحوا للمطعم ..آسفة حبيبتي بس الله يكون بعونك وياليت تجلسين معه وجهاً لوجه وتحلون المسألة بهدوء تام ومنها تقنعينه هو اللي يحل المشكلة مو أنتي وياليت ماتكلمين عليها علشان ما توضحين لها أنك غيرانه منها ومتضايقه ............
(بعدين سكوت زوجك دليل على رضاه )
الله يفرج همك يارب والله حاسة فيك وبصراحة مريت بتجربه قاسية جداَجدا بس الحمد لله على الصحة والعافية ويالله حسن الخاتمة ياليت تهتمين باولادك وتغيرين جو البيت إذا جاء يعني تنسينه اللي برا وكلها كم سنة وترجعون لديرة ويتغير الحال ..
وبالتوفبق ....ز

صدقت يااخت عروس 2002 احساسي نفس كلامك ...لما انكر واجهته وقلت له خائن
واخذت ادعي عايه وهو يسمعني ..واحنا اللحين متزاعلين اسبوع ما ادري ايش اسوي
لا يكلمني ولا اكلمه....لا تقولون راضيه ما اقدر لان قلبي محروق....

الله يعينج اختي لكن زعلج ماراح يحل المشكله خصوصا انكم ماتكلمون بعض فصدقيني اذا كان شي بينهم بيزيد اقترابه الها
فلاتخلين مجال لهذا الشي يصير هوه بغربه ومحتاج لحد فلاتتركين مجال الها وخلج واثقه من نفسج وبيحس فالنهايه يعني حسسيه انج ضايجه من هالشي بس موبالقول صدقيني بيستحي عويهه وبعدين اتصرفي مع هذيك واذا ماقادره عطيني رقمها وانا اادبها لج كلميها هزأيها وقفيها عند حدها صراحه خاطري ازنطهااااااااااااااااااااااا

الله يعينج اختي ويصبرج ويجعلج قرة عين زوجج يارب ومايشوف الزين الا فيج امــــــــــــــــــــــــــــــين يارب
نصيحه قومي صلي الليل وخليه يسمع صوت دعواتج وبيحس وربي يعينج

اسمعي حبيبتي لية ماتراضينة باسلوب تخلينه وانتي تراضينه يحس بخطئه.. وانتي ادرى بنفسيه زوجك تكفين اكسبية قبل مايضيع ويروح منك وصدقيني لو راح من ايدك انتي الخسرانه بما ان بينكم اطفال وبعدين .............. خلاص عيشي لاولادك وخلي تفكيرك فيهم اكثر ولا تنسينه حاولي مرة ومرتين ومليون هذا زوجك صدقيني فكري شوي وانسي هالبنت اللي حسبي الله عليها ...عفستكم .
شوفي قلبي والله اني افكر فيك دايم لدرجة اني اذا ذكرتك وانا نايمة طار النوم مني لاني مجرب الغيرة والله ..
وتكفين لا عاد تقرين المسجات والبريد حقة واذا ذكرتي تعوذي من ابليس وصلي ركعتين والله تريحك وارفعي يديك لربك انا الله يفرج همك والمسلمين (امن يجيب المضطر اذا دعاه ......... حبيبتي حبيبتي حبيبتي فكري ؟؟؟؟ قبل مايلعبك ابليس والله صدقيني ابليس يزين للواحد !!!!!!!!!!!!!!!!!!!!! معليش انتم في غربة وهو لك وانتي له وهذا هو يجي يريح في البيت وتكفين ريحيه في السرير ((افهمي قصدي قبل لا يروح من ايدك )) وانتي المذنبه .. لا يذوق غيرك .. آسفة على الكلام هذا ؟؟ وانتي المسؤله قدام الله انتي فتحتي لشيطان باب لك وله ( وانتي بعيدة عنة معنويا وجسدياَ بسوي اي شئ اي شئ حتى لو كان حرررام ؟؟؟؟ عناد

تعوذي من الشيطان الرجيم ولا تنسين الشيطان لخراب البيوت !!!!!!!!!وصراحة اهلك انسيهم لاتفهميني غلط لو صارلك شئ يعني زعلتي وزعلتي الى متى صدقيني يوصل الامر لطلاق اعوذ بالله اهلك بيستقبلونك ادري كل اهلنا بس الى متى بما ان معك اطفال سنه وسنتين يتعيشين طول عمرك معهم ومشاكل انك مطلقة ومشاكل عيالك مع العيال الباقين والله انك بتتمنين هالعيشة اللى عيشته على عيشة الذل ذل طق عيالك ونقصهم في الاب ((والله اهلنا ماراح يقصرون معنا بس مو لوحدك معك الاطفال وبكرة راح يكبرون ..............وانتي ادرى ..........................
ممكن تخلين هالمشكله كان زوجك متزوج عليك فهمتي ؟؟ بس النوم عندك وش راح؟ تسوين يترفعينة فوق راسك حتى يشوفك احلى وافضل من زوجته الثانية يعني بسوي مقارنة !!!!!!!!!!!
وبعديت جلس مع وحدة... راح... جاء... ما عليك من دخل للبيت راحبي فية وخلي له شأن صدقيني السالفه هذا انا سويتها والحمد لله اصلحت اللي اقدر عليه ويالله الدنيا ماشية الحمد لله لا تنسين الزوج اهم شئ عنده الراحة في السرير .. وترى يمكن عطاه وجه شاف شئ معها .. انتي هذا دورك ابدعي ابدعي ابدعي دوسي هالمرة وانشاء الله بتنفع انا مجربه ........... واذا تبين بالتفصيل ارسلي على الخاص

وووووووووينج اختي عسى خير طمنينا

الله يعينك اختي والله العظيم الله يعينك .. انا مادري ليش الريايل ما يحسون يبون الاخلاص والوفاء بس من البنت ..والله يا اختي الكريمه لو فيدي اقتل لك وامحي لك البنت هذه من الوجود كنت سويتها لك ,, بس الله لا يوفقها دنياواخره اذا غرضها تخرب بيتك .... وهي قاعده اصلا تخرب بيتك....... اسمعي ... انا بحط نفسي مكانك . وبقول شنو بسوي ... انتي صبرتي بما فيه الكفايه والزوج اذا وصل مرحله الانكار معناه دخل في علاقه عميقه معاها . وماقول جذي عشان اخليك تتقطعي لا حبيبتي اانا بس ابي اشرح الوضع ..اطلبي منه هذا الطلب حتى لو انك مو جاده فيه .. قولي له انك تبين ترجعين ديرتك .. وتعللي بإي بعله اهلك وحشوك اي شي .. وانك تبين ترتاحين ,, قولي له انك تبين ترجعين باي طريقه .. يمكن يحس .... جهزي شنطتك وقولي اانا ابنتظر منك التذكره .. ..

واذا ما نفع الحل .. ولو اني ماحب اقول الكلمه هذي خيريه بينك وبينها ...... واتمنى اني افدتك .. وادري كلامي مو احسن من الي قبلي بس انا مكانك بسوي كذا .. حتى لو كان على حساب اني ارجع لاهلي

تحياتي

السلام عليكم و رحمة الله
أختي الله يعينك و يبعد عنك إنت و زوجك كل شر و يديم السعادة عليكم

ودي اقول كلام بس خايفه تزعلين من كلامي بس ان شاء الله ماتزعلين
اول شي
انتي وزوجج على حسب ماقلتي انه يحبج وانكم مرتاحين من بعض
هذا شي بعدين الانسانه الي تتكلمين عنها وحارقه اعصابج بسبتها الي اشوفا ان ريلج متظايق منهاا يعني الحمدالله مافي اي شي يخوف او انه زوجج منجذب لهاا او ان يعطيج مبررات لافعالها
يختي لاتشدين اعصابج وتلفينها لان بتالي راح تاثرين على نفسج وعى الي حواليج

وان شاء الله مافي الى العافيه